طمعان في كرم شباب المنتدى الجميل ده

[عمار شعيب]

بسم الله الرحمن الرحيم
السلام عليكم ورحمة الله وبركاته
إخواني الكلام
أحب أشكر كل القائمين على الموقع الرائع ده
ثانيا انا من عشاق سيلك رود وبلعب اللعبة دي من أول ما بدأت لحد هذه اللحظة بحاول دخول اللعبة ولكن للأسف
كنت بلعب واللاعب وصل لفل 47 وللأسف حاسس إنه ضعيف جدا بجوار ناس بحس إنهم عمالقة في اللعبة بجواري مع إنهم أقل مني في الليفل فقررت إني اعمل لاعب جديد .. ووصل معايا ليفل 34
لحد ما بحثت على جوجل عن وسائل لتعليم سيلك رود وهداني الله لهذا الموقع الجميل
ولكن للأسف مع كثرة ما قرأت لم أفهم شيء لكثرة الألفاظ والكلمات الإنجليزية المختصرة لم أفهم شيء على الإطلاق
ياريت حد يفهمنى ما هي طريقة اللعب الصحيحة بمعنى مثلا كيف أجعل من سلاحي سلاح قوي كيف استخدم المهارات أين اضيف وماذا استخدم ..
انا بشوف ناس بتضرب الوحش بضربة واحدة وانا افضل اضرب لحد ما روحي تطلع ايه الفرق
انا لما عملت اللاعب اخترت شكله وطوله وسلاحه وبعد كده لعبت وخلاص وعمال بعدي لفل ورا ليفل وخلاص ومش فاهم كلمة زي مثلا str و اختصار تاني اسمه int وحاجات كتير ازاي اعرف الحاجات دي وازاي اتحكم فيها وفين اماكنها أصلا في اللعبة مع اني قرأت الموضوع اللى بيشرح اللعبة وازاي اتحكم في قوة سلاحي ازاي اختار شخصيتي إما تكون Armor أو Garment إنت ازاي بتحدد لنفسك تختار شخصيتك دي انا مش فاهم حاجه خالص ياريت حد يساعدني واكون عاجز عن الشكر
وتقبلو من فائق احترامي وتقديري

[mazensaber]

str ده الهوا بيزود في الدم اما ال int بيزود في قوة الضربه و دول بيتجابو لما تدوس على ال c

[عمار شعيب]

أوك كلامك جميل وبشكرك على اهتمامك بجد
طيب ايه الفرق في إن أزود هنا أو هنا وهل انا لما أزود في hp بيأثر في اللاعب عن تزوديدي في MP وهل لما أزود في حاجه منهم هي دي اللى بتخلي اللاعب بتاعي Armor أو Garment ولا انا عايز اعرف

[elblankoo07]

اخيرا ال sro king كامل كراك رائع
ال sro king اصبح مثل Sbot
بوت رلئعع جدااااا
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
^_^

[ali mourad]

اولا بنرحب بيك في المنتدي
ثانيا الاخ الفاضل شرحلك يعني ايه int و str
تمام سيلك روود فيه شخصيات لازم تكون full str
هاتقولي يعني ايه معناها انك كل ما تعل في الللفل هاتدوس c
وبعد كده هاتزود في الون الاحمر بس او في اللون الازرق بس
بس انت مش وضحت نو الشخصيو يعني انت لو كنت warrior لازم تكون full str
ولو wizard لازم تكون full int
انت بس يا ريت توضح نوع االشخصية بتاعتك الاول وحنا هانكون معاك وهانرشدك للطريقة الصح الي تلعب بيها وهاتكون قوي ان شاء الله

[عمار شعيب]

بشكرك جدا يا أخي على ردك واهتمام وبإذن الله لما اللعبة تفتح معايا برفع صور اللاعب بتاعي وانت وضحولي اعمل ايه بالضبط فكره جميلة فعلا شكرا يا أجمل منتدى

[fadyfoone]

اولا برحب بيك فى المنتدى الجميل دة ثانيا شخصيتك الاولة كان سلاحها ايه؟ و كمان انت بتقول انا ضعييف جدا بالنسبة للى فى لفل اقل منى هاقلك ليه انت مش تعرف يعنى ايه srt or int فا مش عليت فيهم فاكدة لو انت لفل 46 كأنك لفل 10 فا لازم تعلى فيهم و استمر فى الشخصية القديمة بتعتك و قولنا هى سلاحها ايه و انا هاقولك تعليلها ايه و هاتبقى قوى انشاء الله و تقبل مرورى

[loko]

بسم الله الرحمن الرحيم

اولا : واضح من نوعية اسئلتك انك لسه باديء تلعب ...واسئلتك بجد مهمة ...وانا كمان مبتدا في اللعبة بس اقدم منك شوية هههههههههه...انا اول لما لعبت ماكنتش اعرف اي حاجة ولا حد قالي حاجة و ده ضيع عليا وقت كبير ...بس افادني ان انا اتعلمت اللعبة بنفسي ....وفهمتها الحمد لله ..ومن الامثلة على تجاربي الاولى : ان انا اول لما لعبت عملت شخصية تجمع بين سلاح Glaive و ال Blade و الBow وكمان كانت مهيبرة يعني كنت مزود في ال STR و الINT هههههههه وكمان مرة تانيه كنت عملت شخصية Wizard وزودت كله في الSTR هههههههههههههههههه.
ودلوقتي ان شاء الله افهمك على كل حاجة

شخصيات سيلك رود تنقسم الى 3 انواع :
Strength .......... STR
Intelligence .........INT
Hybrid
اولا : الشخصيات ال STR او ال Strength :
و الشخصيات دي هي المقاتلين او المجالدين او المحاربين يعني اللي هما بيعتمدوا في القتال على القوة الجسدية و القتال المتلاحم وجها لوجه . عشان كده كل ال State points بتتحط كلها في ال HP او الشريط الاحمر بعد كل Level Up . و الشخصيات دي نظرا لاعتمادها على القوة الجسدية Physical بيكون ال Damage بتاعها محدود و مش بيسبب دمار كبير ومداه محدود ولديهم قدرة تحمل كبيرة . وطبعا الشخصيات دي بتنقسم الى اوروبى و صيني .
-بالنسبة لل STR الصيني :
مثل ال Blader و ال Glavier و ال Bow و طبعا ال STR الصيني يتميز بال Potion Recovery السريع جدا كل 3 ثواني وده بيخليه يستهلك MP و HP بكميات كبيرة و دي طبعا ميزة جميلة جدا في الصيني بتديله فرصة اكبر للنجاة وكل الشخصيات ال STR الصينية بتستخدم ال Magic كمان اللي هو ال Imbue يعني الصيني غير متخصص في الPhisical بس . و كمان الصيني بيلاقي كل BUFF اللي ممكن يحتاجها في البيلد بتاعه و عشان كده بيبقى مناسب جدا في القتال الفردي او بيلفل نفسه لوحده مش محتاج اي Party و عشان كده هو بطيء نوعا ما في ال Level Up ودي احد عيوب ال STR الصيني .
-ال STR الاوروبي :
مثل ال Warrior: 2 handed sword- 1 handed sword - Dual axe و ال Rouge : X-Bow - Dagger و ال STR الاوروبي ال Potion Recovery كل 15 ثانيه و ده اكبر واهم عيب في الشخصيات الاوروبيه عامة و الشخصيات الاوروبيه بجميع انواعها هي شخصيات متخصصة . يعني ال STR الاوروبي بيضرب Physical بس وعمره ما يضرب Magic طول ما هو ماسك السلاح بتاعه الا لو غير السلاح بسلاح Magic وعشان التخصص ده ال Physical Damage بتاع ال STR الاوروبي اقوى من ال STR الصيني ودي ميزة في الاوروبي وكمان ال STR الاوروبي مش بيلاقى كل ال BUFF اللي هو محتاجه في البيلد بتاعه و عشان كده بيبقى سيء نوعا مل في القتال الفردي فدائما بيكونوا في Party اوروبي وكل بيلد اوروبي بيساعد التانبي في ال Buff اللي التاني محتاجها و بكده ال Level Up بيبقى سريع جدا و الفريق الاوروبي بيبقى فريق متكامل ودي احد مميزات ال STR الاوروبي .
ثانيا: الشخصيات ال INT او ال Intelligence :
ودي الشخصيات اللي بتعتمد في القتال على القوة الذهنية و الدهاء و علوم السحر و الشخصيات دي بتكون مناسبة للقتال من مدى بعيد و ضعيفة نوعا ما في القتال المتلاحم وكل ال State Points بتتحط في ال MP او الشريط الازرق بعد كل Level UP . و مقابل كده لديهم Damage عالي جدا و بيسبب دمار كبير وعلى مدى واسع . وقدرة تحملهم قليلة بالمقارنة بالشخصيات ال STR وطبعا بتنقسم الشخصيات ال INT الى اوروبي و صيني .
-بالنسبة للINT الصيني:
مثل Nuker : Sword / Shield - Spear - Bowطبعا زي باقي الشخصيات الصينية عامة ال Potion Recovery كل 3 ثواني ودي احد مميزاته و بتديله فرصه احسن للبقاء و النجاه و ال INT الصيني غير متخصص في ال Magic بس لا كمان بيضرب Physical اللي هو مهارات السلاح ودي احد مميزات ال INT الصيني و تتيح له فرصة خوض القتال المتلاحم وقدرة تحمل عالية نسبيا وكمان بيلاقي معظم ال Buff اللي هو محتاجه في البيلد بتاعه عشان كده بيبقى جيد في القتال الفردي و بيلفل نفسه لوحده مش في Party عشان كده ال Level Up بطيء نسبيا بس طبعا بيعوض ده بعض الشيء قوة ال Damage .
-ال INT الاوروبي :
مثل Staff - Warlock - Cleric - Bard وطبعا ال INT الاوروبي زي بقيه الشخصيات الاوروبية ال Potion Recovery كل 15 ثانية وده اهم عيب على الاطلاق بالنسبة للاوروبي عامة و بتقلل من فرصة نجاته و طبعا زي مانا قلت قبل كده كل الشخصيات الاوروبية متخصصة و عشان كده ال INT الاوروبي بيضرب Magic بس و عشان التخصص ده ال Magical Damage بتاع الاوروبي عالي جدا اعلى من ال INT الصيني بدرجة كبيرة ودى احد اهم مميزلت ال INT الاوروبي عن الصيني و كمان مش بيلاقي كل ال Buff اللي هو محتاجها في البيلد بتاعه فبيلجا طبعا لل Party الاوروبي و بكده ال Level up سريع و دي ميزة تانية بس من عيوبه انه ضعيف نسبيا في القتال المتلاحم او الفردي عشان طبعا هو متخصص Magic بس و طبعا بيحاول يعوض ده بال Sub mastery اللي بتديله بعض ال Buff اللي ممكن تساعده .
ثالتا : الشخصسات الهجين او ال Hybrid :
ودي نوعية خاصة من الشخصيات بيتم وضع بعض ال State Points بعد كل Level Up في ال HP و البعض الاخر في ال MP و العملية دي طبعا بتحتاج دقة كبيرة جدا والا هتنتج شخصية ضعيفة سيئة الهجوم و الدفاع و ميزة الشخصية دي انها لديها قدرة تحمل جيدة و في نفس الوقت قوة Damage جيدة نوعا ما و اشهر ال Hybrid هو الصيني اما ال Hybrid في الاوروبي فهو غير مطلوب على الاطلاق وده عشان ان ااوروبي متخصص ياما Physic او Magic وبكده اي Hybrid اوروبي هيكون فاشل .

[عمار شعيب]

على فكره يا loko انت فهمت قصدي بالضبط بس على فكره انا بلعب اللعبة من سنة 2005 وبجد كنت بلعب وخلاص بس من ساعة ما دخلت على المنتدى ده وانا حسيت اني بلعب أتاري
ودي الصور بتاعت اللاعب اللى معايا ليفل 34 ياريت تعرفوني اعمل فيه ايه بالضبط مع العلم ان بعلي ي HP وعليت مرتين في MP
انا عايز اعرف شخصتي بالضبط وايه اللازم ليها وشكرا ليكم يا رجاله بجد على اهتمامك

ياريت توضحولي انا المفروض اعمل ايه وعلى فكره نقاط السكيل بوينت معايا مش بتكفي السيكلات اعمل ايه

[ahmed2ali]

انت المفروض علشان تبقى جامد زى الناس اللى ان بتشوفعم لازم الاول تكون FF
يعنى ايه FF ؟ FF يعنى اسكلاتك وضرباتك كلها لازم تكون max فى لفلك وده محتاج جاب صغير تعملوا وان لفل قليل
يعنى ايه جاب ؟ الجاب انك تكون لفل مثلا 19 وتكون معلى فى السلاح 10 لفلات وتفضل تجمع sp
ال sp ده الرقم اللى انت بتشوفه تحت غوق ال exp تجمع على الاقل 100 الف وبعدين تفتح بقى فى السلاح وتعالى ربنا معاك
ثالث حاجه ودى مهمه جدا ال str وى int دول لازم تكون عارف انت بتزود فيهم ازاى علشان فى شخصيات لو هيبرت بتبوظ منك
رابع حاجه تكون لابس اللبس والخواتم فى لفلك
خامس حاجه متنساش تدعيلى
(^_^)

[عمار شعيب]

يارب يحفظك يا غالي بس انت ما قولتش ليه على حاجه تتعمل
انت قولت المفروض طيب افهم من كده ان التعديل مش ها ينفع في الليفل الحالي اللى انا فيه ياعني لازم اعدل وأنا ليفل 17 ياعني وانا في ليفل 34 مش ها ينفع طيب لو فيه حل وانا ليفل 34 ايه هو وإزاي اعمل جاب علشان اجمع نقاط skill point .....
طيب بخصوص السكلات هل في سكلات معينة بس افتح فيها ولا افتح في كله .....
ياريت حد يوضحلي انا نوع شخصيتي ايه أرمر ولا جرامنت ولا دي نوعها ايه...

مش عارف ياعني اموت نفسي وارجع في الليفل ولا ازود ايه في السكلات اللى انا موضحها دي
ولا اضرب في ليفل اقل مني دا ها يجمع نقاط السكيل بوينت ولا ايه مش فاهم حاجه برده
يا جماعة الناس اللى تعرف تدلني ياريت ويكونوا مشكورين جدا

[عمار شعيب]

ياعني ما فيش حد يرد عليه ايه الكلام ده يا شباب ما فيش حد عايز يساعد

[ahmedienoo]

يا استاذنا ياريت تضيفني ميل وان شاء الله اي حاجه هعرف اساعدك بيها هساعدك
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[fadyfoone]

انت كدة لازم تكون عامل فارم يا مان