مناقشه مفتوحه. علشان الابديت الجديد

[_hammer_]

السلام عليكم

انا عاوز اقولكم بعض الحاجات منها اللي مأيدها لكم و منها اللي رافضها

1-بخصوص الجولد بوت لازم ميتلغيش يبقي مثلا فيه جولد بوترز 500 من 3500 في السيرفر كده ممكن نشحن جولد و كمان السيرفر يبقي فاضي و كمان انت لاما بتروح Hotan بتلاقي اكتر من 600 بوتيرز واقفين في المدينه مبيمشوش طيب ايه لازمتهم

2-بخصوص طرق كسب الجولد فيه حاجه كل الناس نسياها اولا اللعبه اسمها ايه silkroad يعني طريق الحرير و ده الطريق بتاع التجاره زمان يعني احسن طريقه هي التجاره انت ممكن تجيب في 45 دقيقه مليون او اكثر و كل ده في تجاره واحده يعني لو خصصت يوم او اثنين طول اليوم تجاره يبقي هتكمل باقي الاسبوع و انت ملك و الجولد معاك

3-و بخصوص البوت لازم ميتلغيش علشان كده اللعبه هتبقي ممله جدا مثلا انا عاوز اعمل تاكسي اونج من غير بوت يبقي هفضل مثلا 4 ساعات امام الجهاز و صوابعي و عيني تتدمر علشان في الاخر 2 او 3 مليون ده صعب و الكلام ده للناس اللي لفلات عليا و صغيره علي الاخص

4-و بخصوص اللودر برضه لازم ميتلغيش انا مثلا عاوز الفل اخويا او افتح اكونت اخويا اخد منه جولد او اي شئ اخر كده انا لازم اشتري 2 كمبيوتر علشان اقدر اعمل اي حاجه اللودر سلاح له حدين ممكن تستفاد منه و ممكن تضر الناس لو فتحت مثلا 10 اكونتات انتم مش عارفين حاجه علشان في مصر الكمبيوترات تعبانه بس بره مصر ممكن تفتح اكثر من 10 اكونتات من غير ميحس بحاجه بس لو الموقع بتاع اللودر او اللعبه عملت لكل واحد ممكن يفتح 2 او 3 اكونتات فقط مينفعش يزود يبقي كده تمام اللعبه هتفضي شويه و كمان مش هنضّر من غير لودر

في النهايه كل عام و الامه السلاميه بخير و سلام

منتظر ردكم لحد ما اللعبه تفتح و اسف علي الاطاله