ما بلاش نضحك على نفسينا بقا

[Manshe]

اولا : بسم الله الرحمن الرحيم
ثانيا : انا شفت هنا حوالى 32 موضوع (عايزين نبعت رساله لجوى ماكس)
والكل بيقولك دول عايزنا نشحن طيب مش هاشحن
طيب وفيها ايه لو شحنت كل شهر بى 90 جنيه وجبتلك برميم

ايه يا عم كل شهر 90 جنيه
طيب ماتحسبها اكنك قاعدت ساعتين فى سيبر كل يوم

امممممممم
ياعم بس هاتخش من اول مره وهاتزيد اسرع

والله فكره :D
طيب مانا بقولك كده من الصبح

بس فى ناس مش هاتقدر تشحن
خلاص ياعم يبقى مايلعبش:p

ايه يا عم هى مش اللعبه دى ببلاش
اه ببلاش والدليل انك مش لازم تشحن ( بس استحمل بقا )
او روح العب (جى تى ايه) مهى فرى برضو

وفى اخر الحوار ده احب اقول
ان 3 جنيه فى اليوم مش كتير على انك هاتخش من اول مره وتلعب براحتك ومشترى دماغك ومتقعدش مستنى 7 ساعات علشان تخش

ولا انتوا شايفين ايه ; انا مستنى ردودكو الحلوه

وكمان عايز اقلكو سيبكو من الرسائل اللى هاتبعتهوا دى ولاهاتعمل حاجه
بالعكس دى هاتشوه سمعتنا علشان انا شايف ان المصريين بس هما اللى بيبعتو الرسائل دى

[kalmero007]

انا اول واحد ارد عليك و انت بتتلكم صح الواحد بيقعد في السيبر 6 ساعات عشان يدخل و اول لما يدخل ياخد dc و في الاخر يدفع فلوس طيب ليه 3جنيه في اليوم مش كتير فعلا

[ung]

انت وجهة نظرك خاظئة والموضوع تافه اساسا لو ما عندكش نيت في بيتك يبقي ما تضيعش فلوسك علي لعبة تافهة ولا بريمي ولا بتاع وشيلها من دماغك انا لفل 50 وما بلعبش الا لما تبق يال سيرفر فاضي لو مش فاضية انسي ولا هعبرها عندك فيفا يا اخي عندك حرب امبابة
:))

[ARABIAN_HERO]

كل واحد على قده يا عم الحاج مش كل الناس تقدر توفر 90 جنيه فى الشهر.
تقبل مرورى

[scar face]

طيب معلش يعنى يا اساتذه هو احنا هنمشى بمبدأ (اللى معهوش ميلزموش) ولا ايه يعنى انت قادر تدفع بس غيرك مش قادر يبقى ميلعبش؟
و بعدين المفروض ان اللعبه free to play مش pay to play و دا اللى بيخلى ناس كتير تبعت الرسايل دى
و انا من رأيى ان اى فلوس تدفع فى اللعبه دى اصلا حرام
معلش يا باشا لو كان رأيى مخالف لرأيك بس (اختلاف الراى لا يفسد للود قضيه):)
تقبل مرورى

[ung]

شايف كل الناس ضدك دا حاجة سخيفة اتصدق لالفلوس احسن هتقول ايه لربنا يوم القيامة لما يقولك فين الفلوس وعملت بيها ايه هتقوله كنت بلعب بيها سيلك خود صحيح الغرب بوظونا العب ببلاش انا لفل 50 وبستخدم بوت وعمر ما بلكت ولا شحنت جولد ولا سيلك ولو جالي بلوك ما فيش مشكلة هسيبها او اعمل اكونت جديد

[Manshe]

ههههههههههههههههههههه

والله كنت متوقع الردود دى كلها وكل واحد هايخش يقولك ياعم هو انا هادفع فلوس فى للعبه

طيب مافيش ولا واحد فيكو بيلعب بلاى استشن مثلا ولا بلياردو ولا اى للعبه وبيدفع فيها فلوس
وكمان الاخ اللى بيقول مش هانعرف نوفر 90 جنيه فى الشهر ده ( هما 3 جنيه فى اليوم ده مبلغ خيالى ولا ايه )

انا شايف انه مش عيب انك تدفع فلوس فى لعبه ده عادى جدا

انا عارف ان كل الناس مش هاتعجبها وجهه نظرى بس انا شايف انها هى الصح

واكيد كل واحد صرف فلوسه على حاجه هايفه
ماتحسسونيش ان كل واحد بيروح يتبرع بى الفلوس اللى معاه

برضو بتضحكو على نفسكو

[Manshe]

المشاركة الأصلية كتبت بواسطة ung

انت وجهة نظرك خاظئة والموضوع تافه اساسا لو ما عندكش نيت في بيتك يبقي ما تضيعش فلوسك علي لعبة تافهة ولا بريمي ولا بتاع وشيلها من دماغك انا لفل 50 وما بلعبش الا لما تبق يال سيرفر فاضي لو مش فاضية انسي ولا هعبرها عندك فيفا يا اخي عندك حرب امبابة
:))

وعندك جى تى ايه برضو لعبه ممتازه

طيب لما انت مش مهتم بى سيلك رود اوى
داخل على منتدى زى ده ليه ؟!

[Manshe]

المشاركة الأصلية كتبت بواسطة ung

شايف كل الناس ضدك دا حاجة سخيفة اتصدق لالفلوس احسن هتقول ايه لربنا يوم القيامة لما يقولك فين الفلوس وعملت بيها ايه هتقوله كنت بلعب بيها سيلك خود صحيح الغرب بوظونا العب ببلاش انا لفل 50 وبستخدم بوت وعمر ما بلكت ولا شحنت جولد ولا سيلك ولو جالي بلوك ما فيش مشكلة هسيبها او اعمل اكونت جديد

ربنا يعينك وتعمل ال 64 اكونت

معلش يا عم حقك عليا

بس ممكن تقولى انت بتعمل ايه بالفلوس اللى معاك
مش تطفل ولا حاجه

بس اكيد برضو مش بتتبرع بيها
ولا بطلع زكاه
لو بتعمل كده يبقى انت راجل 10/10
لو بتعمل غير كده يبقى ماتتكلمش فى الفلوس خالص

[MAX 3]

ها هاهاه اه اه المشكله انك فاهم الموضوع غلط...مش كل الناس بتفكر زيك...ال 90 ج دول بدل لما اجيب برميم تب ماجيب لبس لنفسى..ده فى ناس بتكون الشخصيه احسن من البيلعب بيها:D:D بعود يجباها افتر و صن و يظبت ابوها ..و هو مش من كتر ملعب مبيستحماش و مش بيلبس..و الله انا بجيب برميم و معا تكيت sp كمان بس امتى لما اكون ظبت نفسى

انا بلعب فى البيت اسيب الاوكوبنت و انزل اتمشى على البحر..اخرج مع GF او مع زميلى اسمع اغانى..مسلسل عبال لما يدخل.
انا بلعب على titan كونت من اول الناس الى دخلو السيرفير و انا الحمد لله من اجمد الناس فيه ..المهم لما دخلت مكنش فى حاجه اسمها تكسى كن كل اعتمدى على الemuim و ticket sp..يعنى هيا مش بتفرء جبت مجبتش المهم افكر فى نفسى الاول و ااااااخر حاجه اللعبه

[Manshe]

وكمان اللعبه مش معموله فرى ولا شفقه
دى شركه كامله عامله اللعبه

عايز تقنعنى انهم مش محتاجين من وراها فلوس
على الاقل اجور العمال :)

يا جدعان ..... اصحوا بقا

[ال king]

يا جماعه انا مع الراجل كلنا ما ننكرش ان اللعبة بتستخدم مبدأ ادفع والعب (pay 2 play)

وبعدين مش الجولد بوت لوحدهم اللي زحمين السيرفر في ناس تانيه اطفال يلعبو لحد لفل 10 ويقفوا ويعملو شخصيه جديدة وهكزا

زي لعبة WOW عمرك شفن حد اشتكى لأ لانهم بيدفعو ويلعبو فا اللي بيدفع هيلعب من غير قلق واللي مش قد الدفع مايلعبش

ياما تحرق دمك على ما تدخل ياما تستنى كل يوم تلات وانت وحظك بأه

وانا شايف ان 90 جنيه مش كتيرة على انك تحرق دمك وتتعصب وتكسر اللي حواليك علشان لعبه

وبعدين مين قال ان الدفع في اللعبه حرام ياريت ماحدش يفتي من غير دليل من القران او السنه بس!


سلام بقه

[Manshe]

المشاركة الأصلية كتبت بواسطة max 3

ها هاهاه اه اه المشكله انك فاهم الموضوع غلط...مش كل الناس بتفكر زيك...ال 90 ج دول بدل لما اجيب برميم تب ماجيب لبس لنفسى..ده فى ناس بتكون الشخصيه احسن من البيلعب بيها:d:d بعود يجباها افتر و صن و يظبت ابوها ..و هو مش من كتر ملعب مبيستحماش و مش بيلبس..و الله انا بجيب برميم و معا تكيت sp كمان بس امتى لما اكون ظبت نفسى

انا بلعب فى البيت اسيب الاوكوبنت و انزل اتمشى على البحر..اخرج مع gf او مع زميلى اسمع اغانى..مسلسل عبال لما يدخل.
انا بلعب على titan كونت من اول الناس الى دخلو السيرفير و انا الحمد لله من اجمد الناس فيه ..المهم لما دخلت مكنش فى حاجه اسمها تكسى كن كل اعتمدى على الemuim و ticket sp..يعنى هيا مش بتفرء جبت مجبتش المهم افكر فى نفسى الاول و ااااااخر حاجه اللعبه

ياعم هو انا بقول ايه
انا بقولك بلاش تاكل ولا تلبس ووفر الفلوس دى علشان اللعبه
انت اللى فهمت غلط
3 جنيه فى اليوم عادى جدا
ومش لازم تشحن كل شهر

وكمان ماتحسسنيش انك انت اللى بتصرف على نفسك
وتعيشنى فى ( فيلم ((الارض )) )

وكمان اديك قولت انا بسيب اللعبه وانزل واخرج واسافر اسبوع وارجع تكون دخلت
طيب ليه ده كله برضو انا عايز اخش خلاص يبقى ادوس واخش

[Anubis]

انا منكرش ان انا ممكن ادفع فلوس فى بلايستيشن عادى بس ادفع فلوس وبعدين اخد بلوك ده تسمية اه؟ ومتقوليش انك لما تشحن موش هتاخد بلوك لان فى ناس شحنة سيلك موش مضروب ولفل 95 وخدت بلوك وكمان كان مشغل برميم بلس ارجو الرد

[Manshe]

المشاركة الأصلية كتبت بواسطة kalmero007

انا اول واحد ارد عليك و انت بتتلكم صح الواحد بيقعد في السيبر 6 ساعات عشان يدخل و اول لما يدخل ياخد dc و في الاخر يدفع فلوس طيب ليه 3جنيه في اليوم مش كتير فعلا

صح كده يعنى بـ 3 جنيه فى اليوم ممكن تشترى دماغك

المشاركة الأصلية كتبت بواسطة ال king

يا جماعه انا مع الراجل كلنا ما ننكرش ان اللعبة بتستخدم مبدأ ادفع والعب (pay 2 play)

وبعدين مش الجولد بوت لوحدهم اللي زحمين السيرفر في ناس تانيه اطفال يلعبو لحد لفل 10 ويقفوا ويعملو شخصيه جديدة وهكزا

زي لعبة wow عمرك شفن حد اشتكى لأ لانهم بيدفعو ويلعبو فا اللي بيدفع هيلعب من غير قلق واللي مش قد الدفع مايلعبش

ياما تحرق دمك على ما تدخل ياما تستنى كل يوم تلات وانت وحظك بأه

وانا شايف ان 90 جنيه مش كتيرة على انك تحرق دمك وتتعصب وتكسر اللي حواليك علشان لعبه

وبعدين مين قال ان الدفع في اللعبه حرام ياريت ماحدش يفتي من غير دليل من القران او السنه بس!


سلام بقه

اخيرا حد فهمنى صح
بلاش تقول 90 جنيه علشان ده مبلغ كبير :)
خليها 3 جنيه فى اليوم :) كده احسن