مش قادرين على الحمار بنتشطر على البردعه ( موضوع للنقاش )

[khorshed]

السلام عليكم ورحمه الله وبركاته

اسعد الله يومكم اعضاء المنتدى الكرام .....:)

اولا ماتستغربوش من عنوان الموضوع لان فعلا احنا كده (للاسف)

يا جماعه الموضوع باختصار شديد ان احنا بمجرد ماجوى ماكس عملت ابديت تحمى فيه نفسها من برنامج Trque الكل فرح عشان لاقى يوم كامل يدخل ويخرج فيه براحته والكل افتكر ان جوى ماكس عملت معانا شىء ايجابى لاول مره فى حياتها بس ماحدش فكر بدقه ( للاسف )
نسينا حاجات كتير اوووووووووى بمجرد ماحصل حاجه زى دى اقولكم نسينا ايه ؟؟
1- نسينا الشخصيات اللى كانت بتتفتح على الفاضى فى القسطنطينيه وسمر قند عشان اللعبه تفضل زحمه والشركه ترغمنا على اننا نشحن بريميم

2- نسينا ان لو حد فينا عمل بوت بشخصيه ماشحنش فيها سيلك قبل كده فى نفس الاسبوع بياكل بلوك والشركه سايبه شخصيات شركات الجولد ( مبرطعه ) فى السيرفر براحتها ومابتشحنش سيلك برده ولما تيجى تدى بلوكات يا حسرتى 100 شخصيه بالكتير من كل سيرفر يا فرحتى وده طبعا ليه ؟ عشان برده السيرفرات تفضل مزدحمه

3- نسينا ان الشركه عمرها هاتهتم بينا فى يوم من الايام وهمها الاول والاخر انها تحصل اكبر مكسب ممكن وطبعا ده مش هايحصل الا عن طريق الزحمه المستمره

نسينا احنا كل ده وبدانا نقول جوى ماكس احسن ناس :D
جوى ماكس مظلومه واحنا الظالمين لاننا بنستخدم لودر :D
ماطول عمرنا بنستخدم اللودر والا عشان ابديت واحد الموازين اتقلبت ؟؟

حاجه غريبه نسيب الحمار ( جوى ماكس ) ونتشطر على البردعه ( اللودر ) :D

الكل قال ان الابديت ده فى صالحنا ازاى طيب ؟؟ انتوا نسيتوا اننا بنتعامل مع خبراء الناس دى مابتخطيش خطوه الا ماتحسبها صح مليون فى الميه وتحسب المكسب وكمان تعمله دراسة جدوى وتشوف ان كانت الخطوه دى هاتحققلها الربح المطلوب واكتر او لا

لاول مره فى تاريخ اللعبه يقابلنا برنامج فظيع زى الـ Trque اللى يقدر يخلينا ندخل فى اقل وقت ممكن وكمان لو خرجت مكانك محفوظ فى السيرفر عمرها ماحصلت وقابلنا برنامج زى ده كانت ضاربه قاسيه على جوى ماكس كان لازم تلاقيلها حل والا ماكانتش تبقى جوى ماكس الشركة الناجحه اللى بتحقق ارباح سنويه لا حصر لها

طيب انا هاسأل سؤال لكل اللى قال ان جوى ماكس مظلومه وانها بتعمل لصالحنا واحنا اللى بنظلمها ..... الخ

لو جوى ماكس فعلا بتدور على حل لمشكله الزحمه وعملت الابديت ده عشان يريحنا ليه برنامج الـ Trque اصبح مش نافع مع اللعبه ؟؟ ليه قفلت الثغره بتاعته ؟؟ ماكانت ممكن تعمل الابديت ده وفى نفس الوقت تتجاهل البرنامج ده برده صح والا غلط ؟؟؟ ياريت حد يجاوبنى على السؤال ده


يا جماعه جوى ماكس لو عايزه تنضف السيرفرات وتمنع منها الزحمه هاتقدر والله صدقونى وبكل سهوله اقل حاجه انها تقضى نهائى على شركات الجولد بوت ودى مش صاعبه بالنسبه ليها لا دى سهله جدا وكمان قانونى على الاقل مابيشحنوش سيلك فى الاكونتات اللى بيلعبوا بيها

الموضوع يا جماعه مفتوح للنقاش واللى شايف بعد كل الكلام اللى قولته ده ان جوى ماكس مظلومه وان الحل هو ازالة اللودر من اللعبه يقول لو حد شايف ان جوى ماكس بتعمل لصالحنا يقول

واللى برده شايف ان اللودر مش سبب المشكله وبيه من غيره السيرفرات هاتفضل مزدحمه برده يقول واللى شايف ان جوى ماكس هدفها الاول والاخير المكسب فقط لا غير وابقاء السيرفرات مزدحمه يشاركنا بكلامه ده

وياريت ننظم ارائنا وانتقاداتنا ونضمها كلها فى موضوع واحد عشان نلاقى حل للمشكله دى
وقبل مانسى دى صورة تفكركم باللى كانت جوى ماكس بتعمله معانا من بعد ابديت ازالة Image Code



تحياتى للجميع :)

[romeodark]

مهو اللودر طول عمره موجود من ايام ماكنا بنكتب الكود وبندخل في ربع ساعه او نص ساعه بالكتير اشمعنى دلوقتي اللودر بقى كوخه ومن المغضوب عليه جوي ماكس لو عايزة تدخلنا حتدخلنا وبمزاجها ثم لودر ايه دلوقتي هو حد عارف يدخل بشخصية لما يفتح اللودر ويدخل بشخصية تانية انا من ساعة الابديت الأخير وانا دخلت مره واحده بس وحصلي دي سي ومن ساعتها مشوفتش وش الشخصية

[khorshed]

المشاركة الأصلية كتبت بواسطة romeodark

مهو اللودر طول عمره موجود من ايام ماكنا بنكتب الكود وبندخل في ربع ساعه او نص ساعه بالكتير اشمعنى دلوقتي اللودر بقى كوخه ومن المغضوب عليه جوي ماكس لو عايزة تدخلنا حتدخلنا وبمزاجها ثم لودر ايه دلوقتي هو حد عارف يدخل بشخصية لما يفتح اللودر ويدخل بشخصية تانية انا من ساعة الابديت الأخير وانا دخلت مره واحده بس وحصلي دي سي ومن ساعتها مشوفتش وش الشخصية

تفكير سليم ورد سليم وفعلا عندك حق فى كلامك
مشكور على مشاركتك فى النقاش ومنتظر اراء باقى الاعضاء

[khorshed]

ايه هو انا كلامى غلط ؟؟ شايف مشاهدات بس مافيش ردود حتى لو كلامى غلط انا باقبل النقد عادى يعنى صححولى انتوا

[sroman]

walahy ya gm3a ana ba2le yoman sayab al ghaz sa3*al 3ashn ad5ol al game we mad5althosh walahy 7ram

[sroman]

walahy anta 3andak 7a2 fe kol al klam dah ya handsa

[khorshed]

المشاركة الأصلية كتبت بواسطة sroman

walahy anta 3andak 7a2 fe kol al klam dah ya handsa

المشاركة الأصلية كتبت بواسطة sroman

walahy ya gm3a ana ba2le yoman sayab al ghaz sa3*al 3ashn ad5ol al game we mad5althosh walahy 7ram

صباح الفل يا اسطى :d

[rafat220]

والله انا من وجهة نظري ان الابديت الاخير دة لاجبار اللعيبة على شحن البريميوم
طول عمرنا من اول ما لعبنا اللعبة دي واحنا بندخل باللودر اية الى حصل
كل الى حصل انهم لقو مفيش فايدة قالو نفرحهوم يومين وفعلا الناس فرحت يومين ونسو كل الى حصل وادي النتيجة مفيش دخول ولا اى حاجة نافعة المشكلة مش في اللودر الادارة عايزة توصل اسرع مكسب في ااقل وطبعا مش واخد حقة في السيرفر غير الجولد بوت
دا احنا اتلى مظلومين مش هما

[kid123]

اللى كان بيستخدم اللودر زمان كان عشان حاجة واحدة عشان يعرف يدخل لكن بعد كده الاستخدام الخطا للودر هو اللى عمل المشكلة ديه يعنى لم واحد يدخل ب4 اكونت واحد تانى يدخل ب5 وهكذا يبقى اللودر مالوش لازمة لان بقى استخدمها خطا ...تقبل مرورى

[shreefrap619]

احنا ولا عارفين نتشطر علي اللودرولا نسيب جوي ماكس

[faied2005]

متنسوش كمان ان اللودر هو اللي خرب الدنيا فعلااا بيدخل اكتر من اكونت وبوووت .... يعني من جميع الاتجاهات وبرضه لو جوي ماكس عايز يحل الذحمه هيحلهااااا

[Spiro]

شوف يا مان انا معاك بنسبة 95% فعلا جوى ماكملهاش غير مصلحتها
واحنا ولا لينا اى لازمه بالنسبالها
بس ده ميمنعش ان احنا بنساعدها بالودر والبوت
لو احناكمان وقفنا لودر و وقفنا بوت على الاقل نكون عملنا اللى علينا
لما انا خلصت لعب ليه ما اخرجش واسيب غيرى يلعب
بلاش طريقة ابو بلاش كتر منه
لان ده هو السبب فى اللى احنا فيه كلللللله
جوى ماكس بتتحدانا وبتقلنا احنا بنحبكم وعملنا اللى علينا بس اللودر هو السبب
سبقى احنا نوقف اللود والبوت
عشان نشوف لعبتهم الجايه ايه
وساعتها مش هيكون عندهم حجه
صدقونى اللى عايز يضرب جوى ماكس فى مقتل يوقف بوت ولودر

[khorshed]

المشاركة الأصلية كتبت بواسطة rafat220

والله انا من وجهة نظري ان الابديت الاخير دة لاجبار اللعيبة على شحن البريميوم
طول عمرنا من اول ما لعبنا اللعبة دي واحنا بندخل باللودر اية الى حصل
كل الى حصل انهم لقو مفيش فايدة قالو نفرحهوم يومين وفعلا الناس فرحت يومين ونسو كل الى حصل وادي النتيجة مفيش دخول ولا اى حاجة نافعة المشكلة مش في اللودر الادارة عايزة توصل اسرع مكسب في ااقل وطبعا مش واخد حقة في السيرفر غير الجولد بوت
دا احنا اتلى مظلومين مش هما

اه والله فعلا عندك حق
شكرا لمرورك ومشاركتك فى المناقشه

المشاركة الأصلية كتبت بواسطة kid123

اللى كان بيستخدم اللودر زمان كان عشان حاجة واحدة عشان يعرف يدخل لكن بعد كده الاستخدام الخطا للودر هو اللى عمل المشكلة ديه يعنى لم واحد يدخل ب4 اكونت واحد تانى يدخل ب5 وهكذا يبقى اللودر مالوش لازمة لان بقى استخدمها خطا ...تقبل مرورى

اللى كان بيستخدم اللودر زمان كان بيستخدمه لاسباب كتير مش عشان يعرف يدخل وبس لا عشان يقدر برده يفتح اكتر من اكونت وعشان الـ No dc والـ swear filter واكواد المساعده اللى جواه يعنى حاجات كتيره اوى انا عن نفسى كان بيكون معايا بريميم وكنت برده بادخل بلودر والناس كلها كانت بتعمل كده
استخدام خطا ايه للودر ؟؟ هو انت كنت متوقع ان بعد الابديت السيرفرات هاتفضل فاضيه ؟ ماهى معروفه انه هايجى الوقت اللى هاتبقى مليانه فيه 24 ساعه وبعدين انت فاكر ان كل واحد بيدخل باربع اكونتات او خمسه ده على كده نبقى احنا المصريين عندنا اجهزه ولعه مش الكل عنده كده فى ناس اجهزتها بتفتح اكونت واحد بالعافيه وبعدين اصلا الناس بطلت تستخدم اللودر من يوم مااصبح فيه فيروس يعنى سورى انت برده سيبت الحمار ومسكت فى البردعه

مشكور لمشاركتك :)

المشاركة الأصلية كتبت بواسطة shreefrap619

احنا ولا عارفين نتشطر علي اللودرولا نسيب جوي ماكس

والحل ؟؟؟

المشاركة الأصلية كتبت بواسطة faied2005

متنسوش كمان ان اللودر هو اللي خرب الدنيا فعلااا بيدخل اكتر من اكونت وبوووت .... يعني من جميع الاتجاهات وبرضه لو جوي ماكس عايز يحل الذحمه هيحلهااااا

كلامك مظبوط

المشاركة الأصلية كتبت بواسطة Spiro

شوف يا مان انا معاك بنسبة 95% فعلا جوى ماكملهاش غير مصلحتها
واحنا ولا لينا اى لازمه بالنسبالها
بس ده ميمنعش ان احنا بنساعدها بالودر والبوت
لو احناكمان وقفنا لودر و وقفنا بوت على الاقل نكون عملنا اللى علينا
لما انا خلصت لعب ليه ما اخرجش واسيب غيرى يلعب
بلاش طريقة ابو بلاش كتر منه
لان ده هو السبب فى اللى احنا فيه كلللللله
جوى ماكس بتتحدانا وبتقلنا احنا بنحبكم وعملنا اللى علينا بس اللودر هو السبب
سبقى احنا نوقف اللود والبوت
عشان نشوف لعبتهم الجايه ايه
وساعتها مش هيكون عندهم حجه
صدقونى اللى عايز يضرب جوى ماكس فى مقتل يوقف بوت ولودر

جوى ماكس قالتلنا امتى بنحبكم انتوا ليه مش عايزين تفهموا ان الابديت الاخير كان سد ثغره مش مساعده جوى ماكس لا كانت بتحبنا ولا عمرها هاتحبنا احنا اكتر ناس جوى ماكس بتكرها لاننا اكتر ناس نصبنا عليها

بص يا برنس حتى لو لاغيت اللودر والبوت من اللعبه طالما هى عايزه تخلى السيرفرات مليانه هاتفضل مليانه حتى لو مافيش حد بيلعب من اصله

مشكور للمشاركه

يا جماعه مستننى مشاركات اكتر :)

[THE_LoRD101]

بــــص هى جوى ماكس عملت الحوارات بتاعت الزحمه دى عشان ع الاقل اللى مش بيفكروا يشحنوا سلك خالص يجربوا يشحنوا مره او مرتين ع الاقل ويجيبوا بريميم ويدخلوا من اول مره..

((وكمان يا جدعان متنسوش ان دى شركه ومؤسسه كبيره وفيها موظفين وبيتعبوا ويشتغلوا ليل نهار عشان يطوروا اللعبه فلازم برده يكونوا بيقبضوا فلوس ماهو اصلى مش هيعملوا كل ده لوجه الله يعنى)) يعنى برده جوى ماكس معذوره فى اللى هى بتعملوا

[khorshed]

المشاركة الأصلية كتبت بواسطة the_lord101

بــــص هى جوى ماكس عملت الحوارات بتاعت الزحمه دى عشان ع الاقل اللى مش بيفكروا يشحنوا سلك خالص يجربوا يشحنوا مره او مرتين ع الاقل ويجيبوا بريميم ويدخلوا من اول مره..

((وكمان يا جدعان متنسوش ان دى شركه ومؤسسه كبيره وفيها موظفين وبيتعبوا ويشتغلوا ليل نهار عشان يطوروا اللعبه فلازم برده يكونوا بيقبضوا فلوس ماهو اصلى مش هيعملوا كل ده لوجه الله يعنى)) يعنى برده جوى ماكس معذوره فى اللى هى بتعملوا

كلامك صح مليون فى الميه بس برده مانسيبش جوى ماكس ونمسك فى حاجه صغيره زى اللودر