الان معى القنبلة كرسى الاعتراف مع اولا حلقاتة

[hermione]

توكلت على الله

مشرف القسم اللى شكله هيكون آخر يوم ليه فى الاشراف

ToxiCity

كام سؤال كدة خطرو على بالى جاوب علشان ميبقاش فى نفسى حاجة :d :d

مش عايزك تشيل فى نفسك :D

1- امتى حسيت انك انسان فاشل؟

لما اقول حاجة واحس ان محدش اهتم بيها ... زى مثلاً لما اقول هى 5 اسئلة بس ويجى واحد يحط اكتر

ساعتها هحس ان فشلت لو رديت على ازيد من 5 ^^

2- اية احساسك لما تحس انك بتحب حد وبتديلو كل حاجة اكتر منة

شيئ جميل طبعاً ... بس المهم ان الشخص التانى يكون مقدر حاجة زى دى

مش ناكر للى بعمله معاه

3- اية اكتر مشكلة حصلت فى المنتدى وفعلا سعتها حسيت انك اتخنقت من اطراف المشكلة

الحمد لله صعب ان حد يخنقنى

وانت اكتر واحد عارف حاجة زى دى ;) .. ولو كانت حاجة زى دى حصلت اكيد مكنش زمانى لسه مشرف .. كنت هسيب الاشراف من خنقتى ^^

4- تحب تتجوز واحدة من سنك ولا قدك ولا اكبر منك

واحدة من سنى ولا قدى متهيئلى الاتنين بنفس المعنى


يا تكون قدى نفس السن

او اكون انا اكبر منها ... لكن اتجوز واحدة اكبر منى دى صعبة شوية لو مكنتش مستحيلة

5- اية اللون الأنت شاييف ان 90% من الناس بتحبة وانت مبيعجبكش

ملوش رد ^^

لأن كل واحد بيحب حاجة معينة ... مستحيل ان 90% من الناس تجتمع على لون واحد



واظن ان احنا اتفقنا على 5 اسئلة بس ^^

==============================

&Bodi&

ليه حاطط اسم Reem فى الصوره بتاعتك؟ وهل ريم دى حبيبتك؟((((((استر يا رب))))))

لأ عادى انا بس بحب اسم ريم ولقيت الصورة حلوة قلت احطها


وكل فترة هتلاقينى بزاول فيكم ^_^

==============================

mostafa_gheadr2

الموضوع ده جميل جدا فوق الوصف وخلانا نعرف حاجات كتير عن hermione هو انسان عادىزينا بس ذكى ولبق و انسان محترم وعاطفى .
ده من كلامه فى الاقتباسات اللى بيرد فيها على المشاركين فى الموضوع علشان انا ما شوفتوش بس يشرفنى انى اشوفوا واتعلم من ذكائه ولبقاته فى الكلام..................!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!

كدا انت بتحرجنى بكلامك ده :o

ربنا يخليك وشكراً على ذوقك

واتمنى ان اتعرف عليك :)

==============================

_kato_

والله انا كنت متردد ارد فى الموضوع بس اشطه يعنى مش مشكله .

وليه يا عم كاتوا البيت بيتك

1 _ انت ايه اللى حمقك اوى فى موضوع ميسون ( ياريت متردش على السؤال ده غير لما تشوف باقى الاسأله )

تقريباً اسئلتك كلها نفس الرد يعتبر او كله قريب من بعضه .. علشان كدا اعتبر الكلام اللى جاى دا كله رد على الـ 5 اسئلة


كاتوا اللى فى دماغى وكاتوا اللى اعرفه وكاتوا اللى كان فى المنتدى معانا

عبارة عن شخص جميل يقدر يضحك طوب الارض فى المنتدى .. مرح بيحب الهزار

مش بتاع مشاكل وفى حاله دائماً

دا كان قبل الموضوع ودى كانت صورتك اللى فى دماغى

وكنت بحب ادخل مواضيعك مع العلم بكون عارف انها مقالب فى الآخر

بس كنت بحترمك وبقدرك


انا ممكن اكون مصاحب واحد بقالى 10 سنين وحبيبى وكل حاجة

بس دا مش معناه ان يوم لما يبقى غلطان فى واحد اروح اقف فى حق صاحبى وانا عارف ان صاحبى غلطان

دى مسمهاش رجولة لو انت مفكر ان حاجة زى دى اسمها رجولة

دا يبقى انت كدا متعرفش حاجة اساساً عن الرجولة والجدعنة لو وقفت فى حق واحد ظالم

مسألتش صاحبك كان بيبعتلها ايه فى الرسائل الخاصة كل يوم ؟

صاحبك اللى انت مفكره محترم ؟ علشان ضايفك تقريباً مرة .. فخلاص بقى دا ابو الجدعنة كلها ... ويوم ما يعمل اى حاجة لازم تقف معاها حتى لو كان غلطان

ما دى الجدعنة فى عينك

بس لما تكون يا عم كاتو فى بنت محترمة فى المنتدى ومشرفة معانا فى المنتدى وكلنا بنحترم بعض فى المنتدى وكل الناس فى المنتدى عارفه انها محترمة

وتكون كاتبه كلام وتروح انت يا مشرف قسم بعيداً سابقاً تغير فى كلامها وتكتب مكانه شتيمة

وانها بتشتم نفسها

فسورى فى اللفظ فانت كدا مش راجل نهائى ... وبتفكر بعقل اصغر من عقل عيل صغير كمان

والناس سألتك عملت كدا ليه يا كاتوا

قولتلهم كنت عامل دماغ


ما شاء الله عليك

هكلم انا واحد زيك لما يعمل حاجة زى دى ليه !!!

مهما قولت ومهما عدت .. انت غلطان مليون فى الميه لما تعمل حركة زى دى مع انسانة محترمة زى ميسون


وصحيح

انا مكنتش فى صف حد

اسأل كدا عن اسماعيل باقى المشرفين

اللى بشوفه غلطان بدخل فيه شمال ... مش شرط بعمل كدا علشان اكون فى صف الشخص التانى زى ما انت فاهم

وصحيح

متنساش تبقى تسأل كدا فى المنتدى التانى مين اللى كان داخل يشتمك من هناك

انا اللى عملته معاك فى الموضوع صفر على الشمال بالنسبة للى عملوه معاك الرجالة بتوع المنتدى التانى ^^


والانسان العادل فعلاً زى ما انت بتقول لازم يسمع من الطرفين

بس لما اكون شايف قدامى طرف محترم والتانى لأ ... هسمع منه على اساس ايه و اسمعله ليه اساساً

5 _ و اخيرا ..... انت حاسس بأيه و بصراحه و انت بتشوف الاسئله دى ؟!

حاسس انك غلطان على اللى انت عاملته وجاى تفتح الموضوع تانى علشان تبرأ نفسك مع العلم انك عارف انك غلطان ... وكاتبلى ملحوظة 2 علشان تسبتنى متخلنيش اقول كلام زى ده ... مع العلم انك مش هتقرا كلام وتنفض

ما انت اكيد هترد عليا .. يبقى كدا انت بتفتح فى الموضوع ^^

ردك سواء كان ايجابى أو سلبى اشطه يعنى

وعلى اساس ملحوظة 1 كتبت كل كلمة فوق ;)




hermione