~¤¢§{(¯´°•. الالعاب السحرية .•°`¯)}§¢¤~ متجدد

[Mohamed Salah]

صحيح انا نسيت اقول علي لعبه تانيه بعرف اعملها بالكوتشينه

انك تدي صاحبك عدد من اوراق الكوتشينه بس يكون عدد فردي لازم علشان يكون ليه وسيط

مثلا 21 ( الوسيط 11 ) و بعد كده تقوله احفظ شكل و رقم ورقه من ال 21 ورقه دول . هيحفظها في مخه من غير ميقولك

عليها بعد كده خد منه ال 21 ورقه و اعمل منهم 3 اكوام بنظام و بعد لما تخلص قوله الورقه نزلت في انهو كوم من ال3

اكوام دول ؟ هيقولك مثلا الكوم الاول تروح واخد الورق اللي في ال3 اكوام من غير متغير مكان اي ورقه فيه و تروح

حاطط الكوم الاول ( اللي نزلت فيه الورقه اللي صاحبك مختارها ) و تروح حاططه بين الكومين و تعمل العمليه دي 3

مرات و في كله مره تحط الكوم اللي نزلت فيه الورقه بين الكومين من غير اي تغيير في اماكن الورق بعد كده تاخد

الورق و تعد فيه لغايه متوصل للورقه رقم 11 ( الوسيط لو كان عدد الورق كله 21 ورقه ) هتكون هي دي الورقه اللي

صاحبك اختارها و حفظها في دماغه ^^ و بكده تجننه و متقولوش علي سر اللعبه من غير مقابل ^^ ..

ملحوظه : اي تغيير في اماكن الورق في ال3 مرات هتبوظ اللعبه خالص و مش هتعرف الورقه اللي اختارها صاحبك

و كمان لو كذب عليك في اي مره هيكون النتيجه برضو مش هتعرف الورقه اللي اختارها صاحبك ..

و يا رب تكون اللعبه عجبتكم و تعرفوا تعملوها صح لو مكنتوش عارفينها ..

سلام