|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
19-09-2011, 09:16 PM
|
#1 | ||||||||||
  
|
سالخير عليكم ازيكم عاملين ايه ؟؟ كويسين الحمد لله طبعا في البداية احب اقول ليكوا ان ولا واحد فهم رأس الموضوع وده المطلوب من الواضح ان الشعب بقي طهقان ... ومحدش لاقي حاجة يعملها ::: وكل واحد فيكم بيقول كلمة انا مبض.........(مقدرش اكمل الكلمة) ميت مرة في اليوم ^^ انا عارف انا عارف وغير كل ده انا بقالي كتير مش بدخل المنتدي .. وحبيت لما ارجع يكون اول موضوع ليا كويس واتمني انه يخفف شوية عليكم يا شباب من الزهق وخدودكم المدلدلة المهم:: ادخل في الموضوع وبلاش اطول عليكم :: الموضوع هيكون علي عدة مراحل عشان يناسب كل واحد فيكم -----... المرحلة الاولي ... مخصصة للشباب الصغير قبل الجامعة .... كيف تتحول من انسان طبيعي يعيش ويتعايش الي انسان رخم لو دخلت مطعم هتعمل ايه يا معلم ؟؟؟ فى مطعم بص للناس اللى على التربيزة اللى جنبك وهى بتاكل ودقق أوى طبعا دخلت انت وصاحبك المطعم وقعدتوا علي التربيزة ومزاجكوا تمام هيجى الجارسون سيب صحبك يطلب الأول وبعدين استلم الجارسون بقى واديله نصيبه قوله عندك برجر ؟ هيقولك اه قوله حلو ؟ هيقولك تمام قوله اوك يبقى اكتب واحد شاورمة طب عندك كبده ؟ هيقولك ايوة قوله معمولة ازاى ؟ سيبه يرغى شوية وقوله انا اصلا مبحبش الكبدة فكك حاول تطلب حاجات غريبة زى سندوتشات حلاوة طحينية على اساس انك فى سجن أبو زعبل أو سندوتشات بيض أو بتنجان أو لبن العصفور أمسك فى الحاجات اللى مش موجودة كلها المهم حاول تجيبله جفاف عقبال ماتطلب اللى انت عايزه وأنت بتاكل بقى أتسلى على المخلل اللى مش عاجبك أرمى شوية على التربيزة وشوية على الأرض أنت وذوقك بقى مش هوصيك.. لو معاك كاتشب مفيش مانع تكتب أول حرف من اسمك على التربيزة ترسم قلب عادى يعنى المهم تخليله التربيزة شبه التورتة ومتنساش تعيب على الأكل وأنت بتحاسب وكمان تقول الحساب غالى طبعا خرجتوا من المطعم بعد لما جبت للجرسون شلل ورحت انت وصاحبك النادي او اي مكان تقعدوا قعدة حلوة في وسط الناس هتعمل ايه يا باشا ؟؟ - طول مانتا قاعد قلد صوت الفاكس!! هتقولي ازاي معرفش قلده وخلاص - لو انتا ف مكروباص و اللي جنبك غفل و نام..قلد صوت كلكس العربية..و قول :تييييييييييت.. - لو رخم اوي و مصحيش..صحية..و لو نام تاني صحية تاني..خليك وراة يا نجم!! هنا بقي في مواقف عامة ..... - لو انتا قاعد مع اصحابك بتتفرجوا ع التلفزيون و فصل الارسال و عمل التلفزيون صوت:وش ش ش ش ش ..علي الصوت اوي - و انتا قاعد مع اصحابك صفر نشيد بلادي بلادي كرر الحركة بعد 10 دقايق كررها كمان مرة ماشي في الشارع ولقيت اتنين حبيبة قاعدين تحت شجرة روح هز الشجرة .... هزتها ؟؟ هز كمان ولا يهمك يا باشا -يا سلام لو انت معاك ايس كريم وانت ماشي في الشارع *** بيه هدوم كل واحد يعدي من جنبك طبعا هيبصلك ويبقي عايز يولع فيك بص ليه اوي واضحك بصوت عالي وامشي - كل ما حد يقول حاجة قولة:هاها..كل الناس فاكرة زيك كدا!! ف المترو امضغ اللبانة بصوت عالي و ادوش اللي جانبك - لو كان بيقرا جرنال اقرا معاه..و علي صوت اللبانة يا نجم - لو واقف واحد متعرفوش جنبك بيعد فلوس..ف نص الفلوس قولة رقم عشوائي المرحلة الثانية .. المرحلة دي مخصصة لشباب الجامعة فى المدرج أرشق نفسك بين أتنين متعرفهمش وابتدى الشغل بقى أتعامل على إنك صاحبهم من قرن يضحكوا على حاجة اضحك معاهم كده يعنى المهم تركز معاهم كأنك من بقيت أهلهم ولا خلفوك ونسوك أو طريقة تانية أتلكك لكل اللى جنبك كل ماحد ينطق كلمة قوله لو سمحت أسكت عشان أفهم لو مسكتش أنا هقول للدكتور والحركة دى رذلة ومستفزة جدا بس اشطه يعنى وياسلام لو واحد وواحدة يبقى أنت كده واد معدي لو جنبك واحد بيكتب يبقى اتفتحتلك طاقة القدر اقعد اسأله وعطله ومتخليهوش يكتب سطرين على بعض استلم أى حد واسأله المحاضرة هتخلص امتى ؟ وكل فيمتو ثانية كده اسأله الساعة كام اصل أنا زهقت طبعا هو اللى زهق وطهق من الكلية وبيقول ياريتنى ماكملت تعليم وكره حياته كلها زى باقى الضحايا ----- عايز تعمل دماغ حلوة روح على شباك شئون الطلبة المهم حاول تعمل أهبل وأنت داخل وعايز تقف أول واحد هيرجعوك ورا تحاول تقف مكان أى حد وترذل على كله هما أصلا بيبقوا واقفين مش طايقين نفسهم لو واقف تانى واحد كده مفيش مانع تزق اللى قدامك تلبسه فى الشباك الحديد وتقول الله ياجماعة ياللى ورا متزقوش ومن قبل ماينطق ولا كلمة تقعد تقوله خلص يالا عشان غيرك ومتخليهوش يركز مع بتاع شئون الطلبة خالص لما يجى دورك بقى بيبقوا عايزين يخلصوك ويكروتوك واللى واقفين وراك فى الطابور مستنينك تغور فى داهية بفارغ الصبر خد وقتك كأنك بتحجز فى سينما و اسأل أسئلة كتير وكل مايقولك حاجة قوله مش فاهم معلش قول تانى فهمنى أعمل أيه بالظبط لحد ماتشل أكبر عدد ممكن من الواقفين المرحلة الثالثة ... ترخم علي الحريم يا معلم قلنا نساعد الغلابه من الشباب الموضوع فى منتهى السهولة،البنات بيتنرفزوا بسهولة والعملية مش هتحتاج منك كتير،بس خد بالك برضه فى الاول والآخر ان كيدهن عظييييييييييييييييييييييييييييم - اذا كنت ماشفتهاش من زمان و قابلتها صدفة و بتسالك انت عامل ايه ازى احوالك ترد بمنتهى السماجة ...انتى مش شايفانى فرحان و سعيد انى قابلتك ااقوم ارقصلك يعنى - ولما ترد و تقول خلاص انا اسفة ترد و تقول شىء طبيعى لو كنت ماشى فى الشارع و عدت قدامك واحدة حلوة طبعا من الزوق و الادب انك تعاكسها بمنتهى الغتاتة او على الاقل ترش عليها ميه لو اتصلت بواحد و النمرة غلط و ردت عليك واحدة و قالتلك النمرة غلط من الطبيعى جدا انك ترد عليها و تقولها ماعليش اصل صوتك شبه صوت حسنى بالظبط. لو عايز تغتت اكتر و اكتر على اى بنت فى الشارع و قف اى واحدة واسالها الساعة كام هتقولك مثلا : الساعة 4.30 بص فى ساعتك و قوللها تمام الساعة بتاعتك مظبوطة انت مع بنت و هتركبوا تاكسى و غيران عليها و خايف للسواق يقعد يبصلها فى المراية طبعا اتصرف على الفور و قعدها جنبه و اقعد انت ورا لو خطيبتك كانت فى رحلة وورتك صورة متصوراها جنب قفص القرود و بتسالك عن رايك فى الصورة الجنان دى قولها: هو انتى مين فيهم!!!!!!!! المرحلة الرابعة ..(للمتزوجين).... للرجاله الطهقانه من مراتتهم والشباب اللي ناوي علي جواز حاول تستخدم احدى الطرق دى علشان تعكنن عليها وتعالي شوف هنعمل ايه .... الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان .. اشمعنى انت ؟ ولو حاولت ترجع تنام تانى قول لها مادام صحيتى حضري الفطار بقى اذا كنت بتتفرج على التلفزيون وهى عايزة تغير القناة .. و انت كنت بتتفرج على ماتش كورة كل ما حد من اللاعبين من اى فريق يمسك الكورة قول بحماس شديد .. معلش ثوانى بقى انا حاسس ان الكورة دى جون حتى لو كان حارس المرمى ماسك الكورة وحتي لو الماتش واقف عشان فى واحد مصاب ( ملاحظة : اغلب النساء ذوات ثقافة كروية ضعيفة ) إصح يوم الجمعة بهمة ونشاط وجهز الافطار لزوجتك بس متنساش انك تستخدم 15 طبق واكبر كمية من الملاعق والشوك و 5 حلل من اللى عندكم فى المطبخ و 10 كوبايات لاعداد طبق بيض وسندوتش جبنة طبعا يراعى ترك اثار سمنة على الارض مع ترك الثلاجة مفتوحة وقشر البيض فى الحوض .. لو طلبت منك تنشر الهدوم قول لها حاضر مع ابتسامة حانية وبعد ما تخلص نشر الهدوم ادخل عليها وقول لها أنا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك ! (خليك خبرة) لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شويه لو كانت مشغولة فى نظافة البيت او مع الاولاد وطلبت منك تغسل كوبايتين الشاى بتوع الصبح الموجودين فى الحوض إرجعلها كمان دقيقة من دخولك المطبخ وانت ماسك كوباية من الاتنين وهى مكسورة واسألها فى براءة ارمى دى فين ؟؟ كده عمرها ما هتخليك تغسل تاني وانت قاعد تتفرج على التلفزيون وهى طالع عينها من الصبح فى تنظيف البيت وبعد ما تخلص وتيجى يدوبكك تقعد تستريح جنبك بصلها وقول لها حبيبتى معلش ممكن كوباية مية علشان ضهرى بيوجعنى وحاول بقي تألف اي مواضيع علي نفس الوتر ده يلا ورينا بقي جدعنتك وفي النهاية اتمني لكم يوم رخم جدا وشلل اكتر للناس وعلقة ممتعة وخليك رخم زي واعمل راس الموضوع مش مفهوم وملوش علاقة بالموضوع |
||||||||||
|
| إعلانات google |
|
|
|
19-09-2011, 10:01 PM
|
#2 | ||||||||||
|
ههههههههههههههه رخامة بلا حدود  ده انا لو عملت كده هاكل ضرب مكلوش حمار في مطلع :)) |
||||||||||
|
|
|
19-09-2011, 10:23 PM
|
#3 | ||||||||||
  
|
ههههههههههههه جامدة أوييي |
||||||||||
|
|
|
20-09-2011, 01:34 AM
|
#4 | ||||||||||
|
ا انتا مش بتعلمنا الرخامه دا انتا بتعلمنا البرود ما انا لو عملت كدا قبلنى لو حد حب يمشى معايا تانى بس خد دى مره كان فيه بت اعدا قدامى ى درس الرياضه وكانت سايبا شعرها المهم شعرها عجيب اوى شبه الاش مسرح من قدام ووره طالع طالعه فانا كنت قاعد كل شويه اقلس عليها وعلى شعرها بصوت عالى وفى نص الحصه بدات المس شعرها واقول بصوت عالى اى بيشوك حرجت البنت حرجه وفى الاخر قالت للاستاذ انى ال اى بكلم ومش عارفه تركز منى (انتقام وخلاص) الاستاذ ذعقلى وقعت وكملت لعب فى شعرها جننت اهلها من الاخر وفى الاخر امت مزعقالى ام الاستاذ ام قايلها فى اى امت قايلالوا لسه بيكلم ! ام قرشنى وقالى المره الجايه تعالى بولى الامر المهم رحت الحصه الى بعديها من غير ولى امر ولا حاجه ودخلت عادى ومن ساعتها والبت بتعود فى وسط تخط البنات (اصل فيه 4 تخط بنات وراهم 5 ولاد ) فهيا بقت بتعود فى وسط تخط البنات علشان ميعدش وراها ولد ههههههههههههههههههه |
||||||||||
|
|
|
20-09-2011, 01:50 AM
|
#5 | ||||||||||
 
|
تصدق انك رخم و لو شوفتك ........................  استمر يا معلم :P  |
||||||||||
|
|
|
20-09-2011, 01:57 AM
|
#6 | ||||||||||
|
ههههههههههههههههه بص و فى رخامه تانيه من نوع جديد انك ممكن تبقى ماشى رايح تجيب حاجه من محل او بتاع و تلاقى زحمه تقعد تبيض على الناس و صاحب المحل و تمشى اول ما تيجى ديه حاجه انا بعملها على طول و يا ريت تكرر كلمه انت يا عم و يا كابتن ديه كلمه مستفزه اوى |
||||||||||
|
|
|
20-09-2011, 03:41 AM
|
#7 | ||||||||||
|
انا لو فية قمة الرخامة دة انا هموت نفسى ولو شوفتك انا همو................. D: انتحر قبل ما اجيبك |
||||||||||
|
|
|
20-09-2011, 12:03 PM
|
#8 | ||||||||||
|
لأ يا عم ده انا اعرف واحد زميلى رخم رخم طبيعى بيبقى ماشى جنبنا يجيب لينا شلل تيجى تقول ليه حاجه يرد عليك ويغيظك اوى وكل ما يخش محل يزعق بصوت عالى ويقول مش كنا جبنا من كذا كذا والله احسن من ده ادى ماجيبك يا عم احمد ويطلع بره جرى ^^ وبيبقى شكل الراجل بتاع المحل عاوز يموته^^ وأقولك على حاجه روح اى محل مثلا زى بتاع اللب وقول ليه عندك لب ؟ ^^ |
||||||||||
|
|
|
20-09-2011, 02:24 PM
|
#9 | ||||||||||
|
هههههههههههههههههه ده احنا هناكل ضرب يا معلم |
||||||||||
|
|
|
| يتصفح الموضوع حالياً : 2 (0 عضو و 2 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| حملة " كتابت 1000 حديث عن الرسول صلى الله عليه وسلم المصدر: حملة " كتابت 1000 حديث عن الرسول صلى ال | K!Sh0 | القـسـم الإسـلامـى الـعـام | 2 | 18-06-2013 06:52 AM |
| اول موضوع بعد العوده [ماذا يحدث لك وانت نائم] | Delivery | القـسـم الإسـلامـى الـعـام | 8 | 22-04-2012 05:05 PM |
| كيف يحدث وانت موجود ؟ خلاص جديدة دي.. | se7s_bomb | بـعـيـدآ عـن سـيـلـك رود | 19 | 25-07-2010 01:55 PM |
| تحذير: حديث الحوار بين رسول الله وإبليس حديث باطل ومنكر ولايجوز نقله | handasa99 | بـعـيـدآ عـن سـيـلـك رود | 23 | 01-02-2009 04:37 PM |
.gif){kind=icon}
العرض العادي
