|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
14-11-2010, 10:33 AM
|
#1 | ||||||||||
  
|
شــرابـــ  مقلوبـــالحلقة الخامسة نبذه عن شخصيـــات الحلقه: (هذه القصه والشخصيات م وحى الخيــال ) ╝» محمد ╝» طالب فى اولى حقوق من عيلة هاى اوى وسيم جدا و بيستخل وسمته يوقع بيها البنات ويلفت الانظار وشاب روش اخر حاجة .  ╝» ريهام ╝» طالبة بردو فى اولى حقوق صاحبة محمد اوى من ايام المدرسة وروشة اخر حاجة بردو .  ╝» كريم ╝» طالب بردو اولى حقوق ضعيف الشخصية خجول بيمشي ع هوا محمد .  ╝» ميار╝» طالبة بردو اولى حقوق محترمة ومؤدبة جدا .  3 2 1 GOoOoOoOoOo تبدى الاحداث باول يوم فى الكلية ميار بنوتة محترمة من عيلة متوسطة شيك جدا فى لبسها بجانب قمة اخلقها محمد داخل الكلية بالعربية الـ Jaguar بتاعته فى منتهى الشياكة والاناقة ويدخل المحاضرة ويقعد ع البينش بكل تناكة وينزل النضارة الريبان ويشغل الاى بود و يستنى .... مين بقي كان متابع محمد و معجب بدخلته الجامدة دى و كان نفسه يتعرف عليه " كريم " يجي صاحبنا كريم ويقعد جنب محمد فى نفس البينش وبيحاول يفتح معاه كلام ويتصاحب عليه كريم : جامدة اوى العربية بتاعتك بجد جامدة اخر حاجة يرد عليه محمد بكل تناكة محمد : ميرسي يا كابتن .....  طبعا اتحرج كريم جامد بالرد البايخ ده وتراجع كدا ومسك موبايله وقعد يقلب فيه عشان ميبنش حاجة طبعا لاحظ عمنا التنك اللى حصل وحب يصلح الموقف عشان ميتخدش عنه انطباع وحش من اول يوم كدا محمد : بقولك ايه يا كابتن  بيبصله كريم بكل استغراب و تراجع كريم : نعم تقصدنى انا ؟؟  محمد : ايوه انت يا مان ممكن تكتب المحاضرة وابقي اصورها منك عشان نسيت اجيب البن بتاعى كريم : خلاص اوك يا مان محمد : طب بليز اسم الكابتن بس عشان لما اناديك ..  كريم : اها اكيد انا كريم محمد : نيس نيم وانا محمد  وهم قاعدين دخلت ميار عشان تقعد هى كمان و قعدت فى البينش اللى وراهم وجه شوية عيال رخمة وراحوا مرزلين عليها فقام محمد وراح مهزئهم جامد وطبعا استغرب كريم وميار من اللى حصل مين ده وهو يعرفها منين عشان يعمل كدا ؟ ده كان تساؤول الكل ...! ميار : مين اللى ادالك الاذن انك تعمل كدا ؟ انا مطلبتش منك التدخل اساسا !؟  وراحت متحركة من مكانها وسبته ومشيت وقعدت على بنش تانى بعيد طبعا اتحرج صاحبنا التنك جامد وملحقش حتى يتعتذر او يرد بكلمه وكان مقصود منها حركة جنتلة يدخل بيها ع الكل ويرسم نفسه بس عجبوا رد فعلها وكان كل اللى بيدور فى ذهنه هو لسه فى بنات محترمة اليومين دول !!!! ولا هى كدا عشان اول يوم بس ولسه مش متعودة ؟ بعد ما خلصت المحاضرة وكلوا كان مروح كان طبعا مراقبها فى كل تحركاتها وهو خارج ومعاه كريم محمد : بست بست يا آنسة بليز ثوانى ...! ميار : هو انت تانى ؟! افندم ؟  محمد : ممكن بس اصور المحاضرة منك اصل انا معرفتش اكتبها ومكنش معايا بن  كريم :  ميار : اتفضل .. بس بسرعة عشان المفروض اروح محمد : طيب طيب خلاص مش هتأخر بس ممكن اسمك عشان لما اجى اناديكي واديهولك ميار : لا حول ولا قوة الا بالله مش هنخلص هتحتاجه فى ايه اصلا انت هتتصاحب ! عموما هتلاقيه ع الكتاب  راح صاحبنا صور المحاضرة منها وراحلها فى المكان اللى كانت وقفه فيه محمد : يا ... اه ميار .! اتفضلى ميرسي اوى يا كميل ميار : العفو وراحت واخدة بعضها وماشية محمد : طب ثوانى بس انت مستعجلة ليه ميار : افندم بتناديني ليه تانى ؟! كنت عايز تصور المحاضرة وخلصنا وقلتلك مش فاضية نعم .. ؟ محمد : ممكن الموب بتاعك عشان انتى بتكتبي المحاضرة حلو اوى وخطك جميل و...  قطعته ميار بسرعة ميار : انت هتستهبل ولا ايه ؟؟ ايه البجاحة دى ؟! بأمارة ايه تاخده انت مين اساسا عشان اديهولك ؟! محاضرة وخلصنا ابقي خدها من صاحبك ما هو كمان كاتبها عن اذنك يا محترم ومشيت وسابته وبعد ما مشيت وبعدت راح مقطع الورق كريم : ايه يا عم للدرجة دى ضايقتك البت محمد : تضايق مين يا بنى انا اصلا مش عايز اصور محاضرات انا باخد كله كورسات فى البيت بس زى ما تقول كدا صياعة وبصراحة البت عجبتنى قلت اشتغل شوية  كريم : وبتصيع عليا انا كمان ؟! ماشي يا عم جت ريهام بقي فى الوقت ده ريهام : ايه يا مادو فى حاجة ولا ايه ؟ كريم : انا ماشي بقي عشان ابويا بيرن وعايزنى كدا سلام يا محمد  محمد : ابويا ؟؟! ماشي يا كيمو سلام يا مان دونت ورى يا ري ري دا بس عشان اول يوم زى ما انتى عارفة صحوبيات وكتا ريهام : وهو عشان اول يوم داخلها حامى كدا من اولها ؟  مين البت اللى اسمها ميار دى ع الكتاب انت لحقت يالاه  محمد : حامى ايه بس يا ري ري دا انا كنت باخد منها المحاضرة مش اكتر  ريهام : يا راااااااجل عليا انا الكلمتين دول  محمد : طول عمرك قفشانى كدا ريهام : عيب عليك يا واد دا احنا متربين سوا وفهمين بعض ايه بقي اللى حصل ؟ حكلها محمد اللى حصل وطلب منها انها تتصاحب عليها باي طريقة عشان يقدر يوصلها لانها دخلت دماغة وعايز يتصاحب ويتعرف عليها ريهام : امممممم بس واضح من اللى حكيته مش بتاعة الصحوبية والشلل  انت عارف مش بحب احرج نفسي محمد : يا ستى جست تراي عشان خاطر مادو ريهام : بس دى لو قفشتنى ولا رخمت هولع فنفسي وفيك وفالكشك ده محمد : هههههه اوووول ريت ريهام : بس عايزها عشان صحوبية وشلة بردو محمد : تعرفى عنى غير كدا بردو يا ري ري دايما فهمانى صح انتى ريهام : ممممم ماشي يا اخويا محمد : يلا انا همشي بقي عشان ورايا كورس ناو  ريهام : ماشي يا سيدى سلاموووو محمد : سلاموووو ومشيوا الاتنين وخلص اليوم الاول ع اتفاق ان ريهام تتصاحب ع ميار فى اليوم التانى ثانى يوم كلية ميار داخلة المدرجات وكانت زحمة اوى اليوم دا ومكانش فى مكان غير البنش التانى من قدام وكان كله صبيان ما عدا بنت واحدة بس قاعدة وجمبها مكان واحد بس وكانت البنت دى اختنا ريهام وكل ده متكتكلة بالحرف وطبعا كانت متبعاها من اول باب البيت فاول ما شفتها تايهة كدا وبدور ع مكان ريهام : بست بست تعالى يا جميل فى مكان فاضي جمبي طبعا ميار اضطرت توافق عشان مكنش فى مكان وكان كله صبيان والمحاضرة كانت هتبتدى ميار : ميرسي يا ...... ريهام : ريهام يا كميل وانتى اسمك ايه يا قمر ؟ ميار : انا ميار ساعتها الدوكتور دخل وابتدت المحاضرة طبعا ريهام كانت قاعدة مش طايقة نفسها وعايزة تولع فى مادو عشان ملهاش فى جو المحاضرات ده وميار نازلة دح فى الكشكول بتاعها واول ما خلصت المحاضرة ميار بقي ماشية مستعجلة عشان تروح " بنت ملتزمة بقي من الكلية للبيت " ريهام : استنيني يا ميار هروح معاكى ولا فى مانع ؟ ميار : لا لا خالص يا حبيبتى طبعا استغلت ريهام انها مروحة معاها وفالطريق استغلت الفرصة للصحوبية والتعرف عليها ريهام : شكلك بنوتة لذيذة وعسولة ميار : ميرسي يا ريهام ربنا يخليكي يا قمر  ريهام : خليها ري ري بقى وفكك من ريهام دي ميار : هههه ماشي يا ري ري حاضر يا سكر ريهام : وانا هقولك يا مايا بقي وفكك من الاسماء البدائية دى ميار : ههههه زى ما تحبي يا جميلة ريهام : قليلي بقي بتاخدى كورسات عند مين عشان اجى معاكى ميار : لا انا مش باخد بعتمد ع الكتاب و الكلية وبس ايه البت دى ازاى مش بتاخد ؟ هو فى لسه حد ملتزم كدا ؟! ريهام : يا نهار ابيض ازاى بس يا بنتى وهتقدري تعدى السنة كدا ؟! ميار : ان شاء الله يا ري ري ربنا يسهل ريهام : يا تري ليكي فالشلل والصحوبيات وكدا بقي و مين الجو بتاعك يا تري ميار : لا معرفش حد غيرك لسه فالكلية بس يعنى ايه جو ؟! ريهام : يعنى حد كدا شاغلك بوى فريند يعنى ميار : بوي فريند ايه يا بنتى وشاغل مين مليش انا فالحاجات دى خالص لو سمحتى يا ريهام متكلمنيش فالحاجات دى ايه التعقيد الازلى ده انا هتشل من البت دى !!! و اتخنقت ميار من كلمها المتطرف ده واسلوبها وقالتلها ... ميار : انا همشي من الطريق ده بقي عشان كدا اقرب ليا ريهام : طب خلاص اجى اوصلك الحتة دى ميار : لالالالا انا هروح وحدى البيت قريب ميرسي ريهام : طيب خلاص زى ما تحبي يا موزة سلام يا قمر ميار : سلام ميار بعد يوم النهاردة مرتحتش لريهام وحستها مش من تفكيرها واسلوبها فقررت تبعد عنها شوية وتتجنبها الكلية مخلصتش بنات يعنى وهى لسه تانى يوم بس اما ريهام متعقدة جامد وحاست انها انسانة تافهة ومستغربة ان لسه فى بنات بالتفكير دا محمد قاعد ماسك الموب ومستنى تليفون من ريهام تليفون محمد بيرن وريهام اللى بتكلمه محمد :هآآآآآآآآآآآى يا ري ري ريهام : هآآآآآآى يا سي محمد محمد : ها جبتيلي رقم الموب ولا عملتى ايه توداى ؟ ريهام : اتنيل ع عينك دى بت قفل و فظيعة متحاولش معاها محمد : هههههه ليه بس عملت ايه ؟ ريهام : مفيش باخد الكلمة من بوقها بالعافية دا انا بقولها ملكيش فالشلل والصحوبيات او ليكي جو وكدا هبت فيا وبهدلتنى ومكنتش تعرف يعنى ايه جو اصلا ايه دا يا بنى بص انا مليش دعوة بالموضوع دا وطلعنى بره بقي محمد : اممممممم طيب طيب خلاص اقفلي ناو وهبقي اكلمك بعدين ريهام : طيب ماشي سلام دى هعتبرها نهاية حلقتنا ... ليه مع ان لسه مخلصتش ! لان ..... محمد اكيد بعد ما قفل يا اما هيفكر بطريقة يتكتك بيها يوقع ميار او يستقصدها ويشتغلها رخامة او ينفض وينسي الموضوع وممكن لو فكر فى طرق تانية يا اما ميار هتنجرف مع الطيار او هتتثبت بموقفها و اخلاقها كلها نهايات كلنا عرفنها وكلها قصص معظمنا عرفنها يمكن تحصل مواقف غير مئلوفة بس كلوا معروف نهايته ومضمونة فى الاخر بس السؤال هنا .... يا تري شباب بلدنا معظمه بقي كدا ؟! طيب بتزيد النسبة دى ولا بتقل ؟! وليه ؟! ويا تري فى صحاب بيتصاحبوا عشان يضروا حد مقصود ؟! او عشان المصلحة ونادر تلاقي صداقات حقيقية ؟! ويا تري فى لسه بنات محترمة بنفس تفكير ميار كدا ؟! و لو فى يا تري هيتغيروا ؟! طب لو متغيروش ليه متغيروش ؟ و لو اتغيروا ليه اتغيروا ؟! حبيت نتناقش سوا فى كل حاجة تخص حال شباب وبنات بلدنا والحلقة القادمة ان شاء الله |
||||||||||
|
| إعلانات google |
|
|
|
14-11-2010, 10:38 AM
|
#2 | ||||||||||
  
|
 اشطا الحلقه دى جامده اوى والله تسلم يا حبى مستنى باقى الحلقات |
||||||||||
|
|
|
14-11-2010, 10:49 AM
|
#3 | ||||||||||
 
|
تسلملى مواضيعك |
||||||||||
|
|
|
14-11-2010, 10:55 AM
|
#4 | ||||||||||
  
|
تسلمى جامد اوى |
||||||||||
|
|
|
14-11-2010, 11:17 AM
|
#5 | ||||||||||
 
|
كالعادة مميز  |
||||||||||
|
|
|
14-11-2010, 12:00 PM
|
#6 | ||||||||||
  
|
شكرا |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ll شرابـ مقلوبـ • الحلقة الثامنة • ~ | a7lashabab | بـعـيـدآ عـن سـيـلـك رود | 2 | 17-11-2010 07:13 PM |
| ll شرابـ مقلوبـ • الحلقة السابعة • ~ | a7lashabab | بـعـيـدآ عـن سـيـلـك رود | 9 | 16-11-2010 05:57 PM |
| ll شرابـ مقلوبـ • الحلقة السادسة • ~ | a7lashabab | بـعـيـدآ عـن سـيـلـك رود | 8 | 15-11-2010 01:21 PM |
| ll شرابـ مقلوبـ • الحلقة الرابعه • ~ | a7lashabab | بـعـيـدآ عـن سـيـلـك رود | 7 | 13-11-2010 08:50 PM |
| ll شرابـ مقلوبـ • الحلقة الثانيه • ~ | a7lashabab | بـعـيـدآ عـن سـيـلـك رود | 6 | 11-11-2010 09:34 PM |
.gif){kind=icon}
العرض العادي
