ll شرابـ مقلوبـ • الحلقة الثانيه • ~

[a7lashabab]

شــرابـــ مقلوبـــ

الحلقة الثانية

نبذه عن شخصيـــات الحلقه:

(هذه القصه والشخصيات م وحى الخيــال )

╝» سميـــر ╝» دكــتــور نفســى .

╝» سلمى ╝» مـــريــضه عند الدكتور سمير .

╝» زكريا ╝» مريــض عند الدكتور سمير .

╝» فتحيه ╝» والده الدكتور سمير وتعانى م مشكله ف السمــع .
╝» عبد الستار╝» مريض اخر ولكن محبط عند دكتور سمير .


3

2

1

GOoOoOoOoOo

عبد الستار ( بيكلم د.سمير فى التليفون ) : السلام عليكم ازيك يا د.سمير؟

سميــر : اهلا اهلا وسهلا .... مين حضرتك ؟

عبد الستار : انا عبد الستار يا دوك ...
و كنت عايز اقبلك عشان حالتى النفسوية وحشة جدا و مش تحت السيطرة.

سميــر : ليه بس كدا ؟
ايه حكايتك ؟

عبد الستار :

سميــر : ايه بس مالك ؟

عبد الستار : انا بمر بحالة عاطفية ومدمر خالص يا دوك ومش عارف اعمل حاجة

سميــر : خلاص مش تكمل يا عوبد ومش تضايق
ان شاء الله نشوف المشكلة دى
تعالى النهاردة فى العيادة الساعة 4 العصر

( معادنا المعتاد )

عبد الستار :ان شاء الله يا دوك .. سلام فى حفظ الله



( اتصل بعدها ع طول سلمي كول )

سلمى : دوك يا دوك ازيك يا دوك

سميــر : تويس الحمد لله
نفسوياتك عاملة ايه ؟

سلمى : الحمد لله بخير وبتسلم عليك
ها توداى 4 العصر ؟ اصل عايزة اكملك فى حاجة مهمة ؟!

سميــر : لا مش عايز منها حاجة وخليها تسيب نفسوياتى فى حالها
لا معادنا هيتغير عشان معايا حالة نفسوية جديدة

سلمى : مس معقول دى حاجة مش كول خالص !!
طب هنخلى المعاد كام

سميــر : هنخلى 6:30 كدا
تومام معاكى ولا مش هينفع ؟

سلمى : اه تومام

سميــر : طيب سلام بقي عشان عايز اروح اتغدى

سلمى : طيب متزوقش كدا
سلام
اه دوك بليز اوعى تنسي

سميــر : عايزة ايه تانى ؟

سلمى : سلملى كتير اوى ع تنط فتحية

سميــر :
طيب طيب سلام



( بعد ما اتغدى دوكنا سمير )


سميــر ( بيكلم زكريا ف التليفون ) : زيكو ازيك ؟؟

زكــريــا : كويس
ايوه عايز ايه ؟

سميــر : انت يلا مش هتبطل الدبش ده اتكلم عدل مع دوكك ياض

زكــريــا : معلش يا دوك ما انت عارف بقي
بس انت عايز ايه يعنى ؟

سميــر :
عموما معادنا النهاردة هيتغير وبقي الساعة 6:30 جاى ولا لا ؟

زكــريــا : اكيد جاى
بس سؤال كدا ؟

سميــر : عايز ايه خلص

زكــريــا : هى سلمى جاية ؟

سميــر : وانت مالك يا يا يا .......

تيت تيت تيت تيت

( سمير قفل التليفون ع ودان زكريا )



فتحيه ( داخلة ع سمير وبتخبط ) : سمور الامووور حبيب ماما
احضرلك العشا ؟

سميــر : عشا
الساعة 3:40 وتقوليلي عشا ؟
ما علينا عايزة ايه يا مامتى بعد دا كلوا يعنى ؟

فتحيه: عايزة سلامتك دايما يا حبيبي

سميــر : مامااااا

فتحيه: عايزة اجى النهاردة معاك تانى يا حبيبي

سميــر : لا مش هينفع النهاردة

فتحيه: بتقول الساعة كام يا سمورة ؟

سميــر : يا رب ارحمنى
خلاص تعالى الساعة 6:30

فتحيه: طيب الحق انا ادخل اجهز نفسي

سميــر : يا ماما الساعة لسه3:45 تجهزى ايه ؟

فتحيه: ماشي يا حبيبي مش هتأخر

سميــر :






راح دوكنا سمير العيادة الساعة 4 بالظبط و عبد الستار مش جه لسه
وفضل يستناه
وفجأة جت سلمى الساعة 5:30 كدا وبتقول




سلمى : دوك الحق شوفت اللى حصل ؟

سميــر : لا مش شوفت هو ايه اللى حصل ؟

سلمى : فى واحد اسمه عبد الستار رمي نفسه من الدور الـ 8 من شوية
والدونيا مش كول ومقلوبة خالث مالث

سميــر : هو فين الكلام ده ؟

وصفت سلمى لسمير المكان و...

سميــر : ايه ده ينهار ابيض ؟؟!!!

سلمى : فى ايه يا دوك انت تعرفه ؟

سميــر : ايوه كل المعلومات بتقول ان هو عبد الستار اللى كان كلمنى
وكان هيقابلنى عشان عنده مشاكل وكنت هحلهاله وكنت مأجل معادنا النهاردة عشانه

سلمى : تؤ تؤ مش معقول

سميــر : اكيد هو انتحر بسبب المشكلة اللى كانت عنده

سلمى : مشكلة ايه يا دوك ؟

سميــر : كان بيمر بحالة عاطفية صعبة ومش كان عارف يعمل حاجة

سلمى :

سميــر : طيب يلا نروح العيادة دلوقتى عشان ماما وزكريا زمنهم جايين


ولما راحوا العيادة كانت فتحية و وزكريا وصلوا ومستنينهم

زكريــا : ايه كنت فين يا دوك ؟
اتأخرت ليه كدا ؟

فتحيه : حبيبي يا سمورة طول عمرك مواعيدك مظبوطة

سميــر : مفيش المريض اللى كان هيجيلى النهاردة واجلت معادنا بسببه انتحر من شوية

زكريــا : يا نهار ابيض !!

فتحيه : يا ساتر يا رب

سميــر : مش معقول يا ماما اخيرا سمعتيها صح المرة دى ؟

فتحيه : اكلتها
اكلت ايه يا بنى بس ؟


سميــر :
بس انتوا ايه رأيكوا فى اللى حصل دا ؟

سلمى : اكيد دا مش عندو مايند ازاى يسيب الدنيا النيس تى ويموت نفسه بسبب حاجة تافهة

سميــر : سعات الظروف والتفكير بتبقي اقوى من ارادة الانسان بردو يا سلمى

سلمى : بس بردو ؟!

زكريــا : دى قلة ايمان طبعا
اى كان السبب فقر جوع او غيره مش يعمل حاجة تغضب ربنا
ويخسر بيها دنيتو واخرتو

سميــر : طبعا طبعا يا زيكو كلام مظبوط
وانت يا مامتى ايه رأيك ؟!

فتحيه : يا بنى العمر قصير وهو خادها من قاصرها

سميــر : انا هحتاج اروح لدكتور نفسي عشان اتعالج عنده بسببك



نركز شوية كدا فى الكلام

1- زكــريــا ( بعصبيته دى ) بيمثل الناس المتدينه و اللى فاهمة الدنيا صح

2- سلمى ( بتاعت كول ) بتمثل شباب بلدنــا و اللى متمسكين بالدنيا

3- فتحيه ( اللى عندها ودن م طين وودن م عجين ) بتمثل الناس اللى زاهده الدنيا واللى مش عاملة للحياة قيمة وحكومتنا اللى ملهاش دعوة بحاجة

4- سميـــر( حلال المشــاكل العاقل ) بيمثل الاعلام والطبقه الحكيمه ف مصر



دى كــانت اراء نــاس بتمثــل شرائح م شعبنـا
ما هو رأيك بهم ؟
وما نظرتك لفكرة الانتحار ودوافعه ؟
وتذكــر

اذا اردت التغيير فابدأ بنفسك
+

[TheEgyptian Duke]

شكــــــــــــرا لك

[| - CreSpO - |]

جميل

[☜ ĂиTaKą ☞]

انا رأيى من رأي زكريا

دا صح

اللى ينتحر دا او يموت نفسه كدا يبقى مات كافر

وشكرا ليك منتظر باقى الحلقات

[iBorn2OwnU]

موضوع جميل و انا رأى من رأى سلمى مفيش حاجة تستاهل

[Silent_Hawk]

زكريا صح

مشكور

[a7lashabab]

المشاركة الأصلية كتبت بواسطة medo2050 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكــــــــــــرا لك

المشاركة الأصلية كتبت بواسطة cresbo20010 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

جميل

المشاركة الأصلية كتبت بواسطة ®©_ Hany_Osten _©® عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا رأيى من رأي زكريا

دا صح

اللى ينتحر دا او يموت نفسه كدا يبقى مات كافر

وشكرا ليك منتظر باقى الحلقات

المشاركة الأصلية كتبت بواسطة Arrow_iN_My_HearT عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

موضوع جميل و انا رأى من رأى سلمى مفيش حاجة تستاهل

المشاركة الأصلية كتبت بواسطة Silent_Hawk عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

زكريا صح

مشكور

تسلمو شباب