|
||||||
 |
|
|
أدوات الموضوع | انواع عرض الموضوع |
09-08-2009, 09:20 AM
|
#1 | ||||||||||
  
|
الموضوع دا كان حايعرض علي قناة سيلك رود فور عرب في قسم المواضيع المميزة لبعيدا عن سيلك رود بس للاسف الموضوع ماتمش وانا بهديهده ليكم يا شباب قراءته مش حتاخد 10 دقايق منك وان شاء الله حاتستفاد ........................... السلام عليكم ورحمه الله وبركاته *ازيكم يا شباب عاملين ايه واخبار الصحه ايه, يارب الكل يكون في تمام الصحه والعافيه انشاء الله حاكون معاكم في القناة بتقديم برنامج الصحه العامه وححاول افيد الاعضاء بخبرتي المتواضعه في مجال الادويه وعلاج الامراض بمختلف انواعها . - وفي خلال تقديمي للمواضيع اي عضو عندة سؤال بخصوص اي مرض معين او نصائح طبيه انا موجود يقدر في اي وقت سواء ان يقوم بكتابه استفسارة في موضوع القناة او يقوم بارسال رساله خاصه لي وانا لما حادخل حجاوب علي استفسارة فورا ان شاء الله . - بالنسبه للمواضيع التي ساقوم بطرحها ححاول ان اشرحها بطريقه مبسطه وسهله تجزب انتباة القاري (عشان ماتناموش مني ) ^^ , وان شاء الله غالبيتها حاتكون مجهود شخصي مني من خلال قرائتي للعديد من الكتب الطبيه .... الموضوع الاول (معلومات عامه عن اشكال الدواء المختلفه) * حد منكم سال نفسه مرة ليه لما اتكتبله في روشته مثلا اسم دواء معين جرعته 3 مرات يوميا مثلا وشخص تاني اتكتبله نفس الدواء من نفس الدكتور بس جرعته مرتين يوميا او اربع مرات مثلا ؟ في تعريف علمي لجرعه الدواء بيقول (جرعه الدواء هي اقل كميه من الدواء تعطي اقصي تاثير ممكن علي المرض واقل تاثير ضار بخلايا جسم الانسان ) ياعني انت بتاخد الكميه المعينه من جرعه الدواء الي تخلي جسمك يتغلب علي الميكروب او فطريات او سواء شي اخر بحيث انك ماتضرش حاجه تانيه , مش عشان تعالج حاجه تقوم مسبب مشاكل في حاجه تانيه عشان كدة يا شباب تختلف الجرعات من شخص لاخر ,مثلا واحد عندة برد وفي نفس الوقت بيعاني من السكر والضغط وواحد تاني عنه برد بس مابيشتكيش من امراض تانيه . الاول له اختيارين 1- انك تديله دوا فيه مادة امنه ماتسببش مشاكل مع الامراض التانيه الي عندة زي الباراسيتامول مثلا. 2- يتعامل مع الدواء بحرص بمعني انه ياخد جرعه قليله لو شعر انها بتسببله مشاكل او حاسس بعدم ارتياح في مناطق اخري بجسمه لما ياخدها يبقي يوقف العلاج فورا . والاخر ممكن ياخد الدواء عادي الا لو كان عندة حساسيه من المادة الفعاله للدواء فتقوم مغيرله الدواء باخر مادته الفعاله مختلفه . · حد منكم سال نفسه ايه الفرق بين الدواء نفسه اذا كان شراب او اقراص او حقن ........الخ الفارق اذا كان هناك اختلاف في التركيز ,مثلا دوا البرد المشهور كونجيستال (congestal) الاقراص منه موادها الفعاله كالاتي باراسيتامول 650 مجم وكلورفينيرامين ماليات 4 مجم ..... والشراب منه باراسيتامول 160 مجم و كلورفينيرامين ماليات 1 مجم ...... لاحظ الفرق في التركيزات تلاحظ ان الاقراص تركيزها اقوي من تركيز الشراب لذلك ممكن ياخدها شخص من 13 سنه ++ اما الشراب اقل , نخرج من ذلك ان لو واحد كبير اخد شراب من الدواء دا فيكون تاثيرة ضعيف بالنسبه له وممكن ميعالجلوش المرض . اما اذا كان قرص الدواء يحتوي علي نفس المواد الفعاله لكل 5 مللي شراب مثلا او حقنه ...الخ فحايكون مافيش فرق مابينهم الفرق الوحيد في سرعه التاثير الحقن مثلا معرف ان تاثيرها اسرع من انك تاخد قرص من دوا معين ودا في الحالات الحرجه . الفرق الاخير هو علي حسب حاله المريض الي قدامك ,مثلا طفل عنده قي فلا يمكن حاتديله دوا شرب لانه اكيد مش حاسيتفاد منه لانه في الغالب سيتقياة فلذلك يفضل انك تديله حقنه كورتجين (cortigen ) عشان تعالجه ودا في الجرعات الاولي وبعد كدة ممكن تديله شراب او كبسول . · سعات تلاحظ ان في كبسولات شفافه من دواء ما بداخلها حبيبات صغيرة ملونه , طب ليه ؟ دا يا شباب مفهوم الدواء طويل المفعول او ال SR كما يطلق عليه ,بمعني ان الشركه المنتجه عايزة الدوا دا يمتد مفعوله الي 12 ساعه او 24 ساعه فالحبيبات الي جوة الكبسول دي مش زي بعضها , فبعضها هش يتحلل بمجرد دخوله المعدة مباشرة والاخر اكثر قساوة بيتحلل بعد 3 او 4 ساعات وبعضها لا يتحلل الا بعد 7 ساعات عشان كدة تقدر تستفيد من الدواء لمدة 24 ساعه بدل ماتاخد كبسوله كل 6 ساعات وتصحي من النوم عشان تاخد الدوا والنوم سلطان ^^ · ليه الجسم بترتفع درجه حرارته بالاصابه بالبكتريا ؟ لو الميكروب تغلب علي الوسائل الدفاعيه الاوليه مثلا الشعر الكثيف داخل الانف بيمنع دخول الميكروبات عن طريق التنفس والثانويه مثل لافرازات اللزجه الموجودة داخل الانف والفم والبلعوم والاهداب داخل القصبه الهوائيه الي بتمنع دخول الميكروب , اذا استطاع الميكروب التغلب علي الوسائل الدفاعيه السابقه فهناك حائط دفاعي قوي داخل دم الانسان وهو الاجسام المناعيه التي تقاوم اي ميكروب غريب يدخل الجسم ويوجد ايضا كرات الدم البيضاء التي تلتهم اي ميكروب غريب يدخل الجسم ولكن اذا ضعفت مناعه الجسم يبدا الميكروب في نشاطه ويتكاثر داخل الجسم , وفي تلك الحاله تبدا المعارك الشرسه بين الميكروب وبين كرات الدم البيضاء , والعجيب ان الجسم يضاعف عدد كرات الدم البيضاء التي تهاجم الميكروب ويعلن احتجاجه ويعبر عن ذلك بارتفاع درجه حرارته وناتج الدمار الناتج عن تلك المعركه من جنود كرات دم بيضاء وبكتريا ميته وهذة الجنود التي ماتت تعتبر مواد سامه ترفع حرارة الجسم وتسبب ضعف عام وهو مايعبر عنه ارتفاع درجه الحرارة الله سبحانه وتعالي اراد ان يكون ارتفاع درجه الحرارة دليل علي لزوم عرض المريض علي الطبيب بسرعه لوصف المضاد الحيوي المناسب وخافض الحرارة علي حسب حاله المريض .
-من اين جائت فكرة المضادات الحيويه ؟ زي مابنلاحظ في الطبيعه لو شفنا نمله حمراء بتتشاجر مع نمله سوداء ستستمر المشاجرة الي ان يقتل احدهما الاخر , نفس الموضوع في جسم الانسان لاحظ العلماء انه عند وضع مجموعه من البكتيريا معا ان احدهما تفرز مواد سامه تقتل بها جيرانها من البكتيريا الاخري , فتم استخلاص تلك المواد السامه ووجد ان بعضها في تركيزات محددة غير مضرة بجسم الانسان ولكن مضرة بالبكتيريا الاخري فسميت بعد ذلك بالمضادات الحيويه , كان اول مضاد حيوي تم اكتشافه هو الساحر العجوز البنيسيللين المضاد الحيوي دا يا شباب تم اكتشافه منذ الحرب العالميه الاولي منذ اكثر من 60 عاما الا انه مازال يستخدم حتي الان في صورة حقن لعلاج الحمي الروماتيزميه باعطاء المريض حقنه طويله المفعول (راجع فكرة الدواء طويل المفعول SR ) كل 21 يوم , وبالرغم من انه مضاد حيوي ضعيف الا انه اكثر امانا والاقل في الاعراض الجانبيه . وبالرغم من ان البنسيلين هو ابو المضادات الحيويه وباكورة اكتشاف المضادات الحيويه الا انه اضعفها وقام العلماء بتطويرة واهدونا باقه المضادات الحيويه التي بين ايدينا اليوم ونستخدمها كل يوم ......
ازاي بيقتل المضاد الحيوي البكتيريا ,ناخد البنيسلين كمثال بيقوم بتحليل الجدار الخارجي للبكتيريا فتتبدد محتوياتها . -واحد هنا ممكن يسالني طب مافيه مضادات حيويه بتتكون من مادتين فعالتين طب دول لازمتهم ايه ؟ ناخد مثلا الفلوموكس (FLUMOX) كمثال , يعتبر الفلوموكس فخر صناعه شركه ايبيكو للادويه فهو بيعالج العديد من الامراض المختلفه وهو بيتكون من مادتين فعاليتين الاموكسيسيللين (AMOXCILLIN ) والفلوكلوساسيللين (FLUCLOXACILLIN ) طريفه عمل الفلوموكس احنا قولنا قبل كدة ان البكتيريا هيه الي بتسبب معظم الامراض داخل جسم الانسان , البكتيريا دي بتحتل الخلايا في جسم الانسان فانعمل ايه عشان نخرجها خصوصا اذا كانت ذات جدار قوي يصعب تفتيته وتبديد محتوياتها , بتقوم مادة من مواد المضاد الحيوي باسفزاز البكتيريا وبتتعارك معاها ^^ وفي نفس الوقت بتقوم المادة التانيه باللتفاف وتاخد مكان البكتيريا في الخليه ياعني بيدحك علي البكتيريا زي لعبه الكراسي الموسيقيه الي يعد الاول يكسب ^^ . وفي مجموعه من المضادات الحيويه القويه جدا و غاليه الثمن لندرة موادها وعدم تواجدها بكثرة مثل الهاي بايوتك 25 جنيه و الاوجمنتين 58 جنيه دا بينسف البكتيريا نسف وبيقضي علي قلب البكتيريا . - ممكن هنا واحد تاني يسال سؤال ياعني ايه مضاد حيوي قوي ومضاد حيوي ضعيف ؟ البكتيريا بتدافع عن نفسها بمادة تقاوم المضادات الحيويه والمضاد الحيوي الذي يستطيع ان يقاوم هذة المادة نسميه مضاد حيوي قوي او واسع المجال اما المضاد الذي لايستطيع الصمود امام هذة المادة نسميه مضاد حيوي ضعيف . والعجيب انه لايوجد مضاد حيوي واحد قاتل لجميع السلالات من البكتيريا بنسبه 100% والاكثر عجبا كما ان العلماء بيطوروا في المضادات الحيويه .. كذلك البكتيريا بتطور انزيماتها المقاومه لتستطيع ان تقاوم اكبر عدد من المضادات الحيويه , لدرجه ان الكثير من البكتيريا اصبحت مقاومه مقاومه للمضادات الحيويه خصوصا المضادات القديمه مثل الامبيسللين بقي زي مابنقول ملطش كل من هب ودب من البكتيريا بقي مقاوم ليه , لذلك ممكن نقول عليه مضاد حيوي ضعيف جدا ونصحت منظمه الغذاء والدواء المريكيه بايقاف انتاجه . * كفايه عليكم كدا يا شباب في الحلقه الاولي يارب ماتكونوش نمتم مني ^^ ويارب اكون افدتكم في معلومات جديدة , الموضوع مجهود شخصي مني وغير منقول من اي منتدي واي عضو عايزني اشرحله مرض معين (معلومات عنه - اعراضه – علاجه ) انا تحت امر الجميع . - دمتم في رعايه الله اخوكم وليد |
||||||||||
|
التعديل الأخير تم بواسطة DR\Walid AbaZa ; 09-08-2009 الساعة 09:23 AM
|
| إعلانات google |
|
|
|
09-08-2009, 11:10 AM
|
#2 | ||||||||||
|
اللخ عليك يا وليد باشا والله موضوع تحفة جدا و ننتضار المزيد منك |
||||||||||
|
|
|
09-08-2009, 01:16 PM
|
#3 | ||||||||||
 
|
والله مش عارف اقول ايه انتا المفروض تبقي وزير الصحه علي المعلومات ديه ربنا يخليك لينا يا وليد باشا و في انتظار المزيد شكرا علي المعلومات ديه |
||||||||||
|
|
|
09-08-2009, 05:04 PM
|
#4 | ||||||||||
  
|
ايه يا جماعه الكلام المفيد جدا ده .... شكرا يا وليد باشا |
||||||||||
|
|
|
09-08-2009, 06:22 PM
|
#5 | ||||||||||
  
|
الله عليك يا دكتور وليد والله كلام مفيد وهو الواحد عرف بياخد الدوا ليه مش زى الاهبل بيبلبع اى حاجة :d ... ربنا يزيدك من علم يا دكتور وليد وتقدر تفيد الناس كمان وكمان :) والف شكر على الموضوع الجميل وعلى الافاده :) |
||||||||||
|
|
|
09-08-2009, 06:46 PM
|
#6 | ||||||||||
  
|
حقك تكون دكتور فى الجامعه :) بس انا الصراحه مقرتش الكلام كلة علشان انا مش بحب ريحة الدواء :p بس الموضوع مفيد جداً وليد متعمل حلقة عن ترامدول :) و فيد الاعضاء بية :d |
||||||||||
|
|
|
09-08-2009, 07:29 PM
|
#7 | ||||||||||
 
|
مشكوووووور يا باشا ................ |
||||||||||
|
|
|
09-08-2009, 07:57 PM
|
#8 | ||||||||||||||||
|
اقتباس:
اقتباس:
اقتباس:
اقتباس:
اقتباس:
هههههههههههههههه الله يخرب بيتك انت عرفت الحاجات دي منين اقتباس:
|
||||||||||||||||
|
|
|
09-08-2009, 09:24 PM
|
#9 | ||||||||||
|
شكرا ليك يا دكتور انا لو منك ارشح نفسى لمجلس الشعب:d |
||||||||||
|
|
|
09-08-2009, 09:47 PM
|
#10 | ||||||||||
 
|
يا سلام يا دكتر وليد كلامك كله تمام والله موضوع مفيد |
||||||||||
|
|
|
09-08-2009, 10:37 PM
|
#11 | ||||||||||
 
|
بسم الله ما شاء الله عليك شكراً يا وليد على المعلومات القيمة دى .. |
||||||||||
|
|
|
10-08-2009, 12:27 AM
|
#12 | ||||||||||
|
الله عليك يا Professor. |
||||||||||
|
|
|
10-08-2009, 12:41 PM
|
#13 | ||||||||||
|
مشكووور يا وليد باشا ........ معندكش بقى دوا للعين لان عينى باظط بعض ما قريت الموضوع و تقول عشر دقايق ^_^ |
||||||||||
|
|
|
11-08-2009, 12:51 AM
|
#14 | ||||||||||
  
|
دكتور وليد بجد الموضوع تمام جدا وعاجباني اوي المضادات الحييه والنمله الحمرا والسوداء بما بيتخانقوا ^^ طبعا المعظم مخدش باللوا عشان مقراش حاجه ربنا يكفينا ويكفيكم شر الدواء ^^ انا عايز منك ندوه خفيفه كده ازاي تحفظ الصيدله عشان انا طالع عيني :@ |
||||||||||
|
|
|
11-08-2009, 12:55 AM
|
#15 | |||||||||||
|
اقتباس:
يخرب بيتك انت وصلت لده قشطه ده انت زمل ^^ واد ماتكلش بيض ولا سمك يللا واشرب لبن كل يوم علي الريق ^^ بس لو عايز درجس عيوني ليك ان شاء الله لما افتح الصيدليه بعد 3 او 4 سنين هبقي اديلك حاضر وابلغ عنك بعدها ان شاء الله :d ده بقي دلوقتي اغلي من المخدرات الادويه الممنوعه او ادويه الجدول اغلي منها ^ انا بهظر معاك يا دوله الحاجات دي يا صاحبي بتلغي وجودك كا انسان وتخليك ..... ما علينا ابعد عن الشر وغنيله صدقني اللي بيستعمل الحاجات دي حاجه من 2 لاما عنده ازمه نفسيه ودي جاي نتيجه عدم ثقته بنفسه او ضعف مع اني مش بقتنع بموضوع الضعف ده لانه برده سببه سبب نفسي |
|||||||||||
|
التعديل الأخير تم بواسطة WadCool ; 11-08-2009 الساعة 01:01 AM
|
|
| يتصفح الموضوع حالياً : 1 (0 عضو و 1 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| طريقة الشحن المجانى[اهداء منى لاعضاء S4A الكرام] | GhaiBoba | قسم المواضيع المكررة و المخالفة | 11 | 01-07-2014 01:47 PM |
| حصريا ولاصحاب القلوب القوية (صراع البقاء) __ اهداء لاعضاء حزب مرعبي المنتدا__ | chicco | بـعـيـدآ عـن سـيـلـك رود | 6 | 20-07-2009 12:57 AM |
| ملتقى حرامية روما (romas' thifs forum ) ، اهداء ل ماندو و عادل و وليد | الدحلب | Minerva | 36 | 12-06-2009 09:45 PM |
| ملتقى هنترات روما (romas' hunters forum) ، اهداء ل ماندو و عادل و وليد | الدحلب | Minerva | 8 | 16-05-2009 10:41 AM |
| ملتقى ترادرات روما (romas' traders forum) ، اهداء ل ماندو و عادل و وليد | الدحلب | Minerva | 10 | 16-05-2009 10:32 AM |
.gif){kind=icon}
العرض العادي
