جميع مايخص الكمبيوتر بأخر اسعارها بتاريخ 26 /10 + اى استفسار عن مشاكل الكمبيوتر

[seta.man]

المشاركة الأصلية كتبت بواسطة CUP

بص ياحج اولا منور الموضوع جدا

حضرتك قولت اشتريت رامتين اتنين جيجا وكارت شاشة msi 512

كل ماتركب الرامات مش بتقرا الا رام واحدة

حتى لو غيرت مكان الرامات مش بتقرا الا رامة واحدة

وشكيت فى كارت الشاشة مع ان كارت الشاشة عمرة

ماياخد او يسحب سرعة رام واحد جيجا ابدا

وبعدين جبت الرامة الــ 512 وركبتها مع الرام الجيجا بردة قرا جيجا بس

وقولت المشكلة مش فى السوكت

بص ياحج عمر المشكلة دى ماهتكون فى الرامات وجرب خد الرامتين ورح

عند واحد صاحبك واعمل تشيك عليهم ولو قراهم الجهاز الاتينن

يبقى المشكلة فى السوكت

وخد المازر لو لسة فى ضمانها وروح اقرب توكيل ليك خليهم يشيكو عليها

وبرضة خد الرامات معاك او يتسحسن خد الكيسة كلها

احب اطمنك عمرها ماهتكون فى الرامات

وبعدين انتا بتسأل عن باص الرام باص الرام مش هايفرق معاك لو المازر متوافقة وشغالة على راماتك

زى مقولتلك روح اقرب توكيل ليك

لآن برضة مهما قولتلك على حلول مش زى ماهكون الجهاز قدامى اكيد هاتتطلع حاجات غلط

لآن النظرى مش زى العملى

ارجو ان اكون افدت + منور الموضوع

شكرا لاهتمامك اولا.... ع فكره انا شغال في الصيانه
ودي مشكله اول مره تقابلني بصراحه
انا شفت حاجه امبارح بليل اتاكد انه مش من السوكت ابدا ومش من الرامات ابدا ومش من كرت الشاشه ابدا ابدا
دخلت امبارح ع الشاشه الزرقا شاشة الديل لقيته قرأ الرامات 2048 يعني اتنين جيجا مظبوط مع ان في الويندوز واحد جيجا بس شلتهم حطيتهم في جهاز تاني قرأ اتنين جيجا
تتوقع ان ده ممكن يكون من نسخه الويندوز؟
المشكله عندي اني مش بحب اغير النسخه خالص اولا نسخه اصلية وبعمل ابديت بصفه مستمره
تاني حاجه معدل فيها حاجات كتير ممكن اقعد اعملها في يوم او يومين لو نزلت نسخه جديده
فعشان كده مش عايز انزل نسخه الا لو متاكد ان العيب منها
تتوقع ان العيب ممكن يكون من النسخه؟

المشاركة الأصلية كتبت بواسطة king1

انا كان عندى وييندوز 7 حصل شوية مشاكل فى النت فا نزلت ويندوز 7 تانى و انا بفتح ال C اللى فيها الويندوز كاتبنلى windows old و windows بس فا جيت اتخل على اولد لئيت كل البرامج بتاعت الوييندوز القديم موجودة فيه و اول لما افتح windows بس لئيت الويندوز الجديد اللى انا نزلتو طب شو اعمل انا كيدا عندى 2 ويندوز و لا اى ارجو الحل

بعد اذن صاحب الموضوع
باشا انت الي عملته انك نزلت نسخه فوق نسخه من غير ما تفرمت
وده ممكن يكون سبب في تواصل ظهور نفس العيوب الي كان في النسخه القديمة خاصة لو كان الجهاز فيه فيروسات....
لو مسحت old windows عادي مش هيحصل مشاكل
بس الاحسن انك تنزل نسخه من اول وجديد مع تأكيد الفورمات في ناس ساعات مش بتاخد بالها من حتة الفورمات في الويندوز 7 عشان مش بتبقى ظاهره زي الاكس بي
ودي صوره توضيحيه