| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
|
|
أدوات الموضوع | انواع عرض الموضوع |
03-10-2008, 04:29 PM
|
#1 | ||||||||||
  
|
بسم الله الرحمن الرحيم نبذه عن الفيلم : الفيلم هو محاكاه ساخره لفيلم معبوده الجماهير بطوله شاديه و عبد الحليم المشهد الاول: ابراهيم : ((باحبك باحبك ...كلمه بقالى كتير عايز اقولهالك بس مكنش عندى شجاعه اقؤلهالك جايز علشان اسعار دقايق التيليفونات الارضى غليت و جايز علشان شبكات المحمول اللى ميعلم بيها اللا ربنا شاطرين بس يرخصوا الدقايق و الناس مش عارفه تتكلم اساسا و جايز علشان الحكومه عاوزه تلغى التكاتك فمش هعرف اجيلك عشان أقولك علشان التكسه غاليه و و الاوتوبيسات بقت مش فاضيه ........بس المهم انى بحبك يعنى . المغنيه المشهوره (سهير ) : (من زمان و انا مستنيه اللحظه ديه اللى تنطق و تقولها ..والحب عمره ما تفرق معاه الفلوس ..يعنى الحب مش هتفرق معاه ان واحد معفن زيك يحب و حده مشهوره زيى ..دى بتحصل فى احسن العائلات و بعدين موضوع الجواز ده اتلغى من قاموس الشباب بقى زى الغول و العنقاء و الصديق الوفى.. يعنى انت تحمد ربنا انى عبرتك اصلا بس بحبك يا حبيبى !!! و ينطلقا معا يغنيان : حاجه غريبه حاجه غريبه العيش بقى ليه طعمه شنيع حاجه غريبه حاجه غريبه فصلوا الانتاج عن التوزيع انتى عارفه ليه ؟؟؟؟ عشان احنا مع بعضينا جبنا بجنيه عيش و حدينا كل الناس بتبص علينا عشان كله بيحسد فينا حاجه غريبه حاجه غريبه ........... نهايه المشهد الاول المشهد الثانى : (حفل الزفاف فى منزل سهير) ((تخدع سهير بخدعه جواز ابراهيم فتقرر طرده )) سهير : لازم تعرف يا ابراهيم ان الفرق بينى و بينك كبير قوى ... انت بتاكل رغيف من اللى بشلن و انا باكل عيش توست انت بتشرب من الحنفيه بكل البلاوى اللى فيها و انا بشرب ميه معدنيه انت بتركب توك توك و انا بركب تاكسى العاصمه اللى محدش بييجى جنبه (لما تكون عربيتى عطلانه ) بس... انت... ابراهيم : انجزى يا حاجه عاوزه ايه يعنى ؟؟؟؟ سهير : احنا مش لبعض يا منعم . ابراهيم : منعم ايه يا ستى .....ده فيلم تانى ..بعد ما امنت لك ..طب وحياه كل اللى عملتهولك يا سهير وحياه كل رغيف عيش وقفت فى الفرت بسببه يومين عشان تدوقيه و حيات كل لتر بنزين دورت عليه فى كل البنزينات و مالقيتهوش عشانك .. وحياه امتحانات الثانويه العامه اللى دخلتها تانى عشان احسن تعليمى و جالى بله منغولى على كبر .. وحياه كل مره حلفتينى انى اتفرج على برامج المنوعات فى التليفيزيون وانت عارفه انى مش ناقص هطل .. وحياه كل ده هتندمى يا سهير هتندمـــــــــــــــــــــــــــى........ نهايه المشهد الثانى المشهد الثالث : ((يبدأ ابراهيم الغناء على المسرح بعد ان عرف انهم عايزين يتفرجوا على القرد ابو صديرى (كرامه كرامه يعنى ) ابراهيم مغنيا :: جبااااااااار فى قسوته جبار جبااااااااار فى خنقته جبار خدعتنى ضحكته صدقته فى نيته و مكنتش اعرف ان الثانويه هتبقى نار بالشكل ده و مكنتش اعرف انى هطلع منها حمار بالشكل ده جبااااااار جباااار يا معلمنى كتاب الفيزيا يا ريتنى ما اتعلمته معاك بالمره ليه تخدعنى و فوسط اللجنه تجيبلى الف سؤال و سؤال من بره بابا قول للعلم يبعد عن طريقى اى كتاب جديد يا ويله من حريقى لو هقابل علم تانى مش هعبر اهله خالص و ان قالولى العلم ده رز .. ليه تملى الملح ناقص ده مكنش فيه ناس زينا كنا بننجح كده كلنا جباااار جبااااااار (ابراهيم اصبح شهيرا يدخل عليه فى حجرته صديقه ) صديقه : سهير عندها حفله انهارده ابراهيم بجد ؟؟ بكـــام ؟؟؟؟ صديقه : يا عم بكام ايه المفروض انك غنى و مش فارقه معاك فلوس و كمان لازم تخلينى اجرى و اجيب ناس يحضروا الحفله عشان يساعدوا سهير . ابراهيم : اه صحيح . اصلى امبارح اتفرجت على فيلم مصرى و من ساعتها و انا حاسس انى جاى من كوكب تانى و جسمى كله همدان ومش فاكر اى حاجه المهم روح هات زباين لحفله سهير و اتصرف .. صديقه : اجيب منين؟؟ ابراهيم : هتلائى الف واحد قاعدين على القهوه اللى على الناصيه عشان مستنيين القطر بتاع الحكومه هما مستنيين من زمان بصراحه و فيه منهم اللى لحق القطر فعلا بس اكتشف ان القعده على القهوه احسن فرجع تانى عشان يلحق مكان .. و بعدين هتلاقى دكاتره بقى من اللى مستنيين الكادر الخاص على شويه مهندسيين على شويه مدرسين و بتوع الضرايب العقاريه... يعنى لف شويه فى البلد و انت هترزق انشاء الله .. بعد ساعه يعود صديقه و هو فرحان صديقه : يا عم ده انا متعبتش خالص ده انا فى ساعه و احده جبتلى 30 مليون واحد عاوزين يحضروا حفله سهير بدل القعده على القهوه و ينتهى الفيلم و تتجوز سهير ابراهيم و يعيشو فى تبات و نبات انتظرا الفيلم القادم بعنوان فيلم هندى |
||||||||||
|
التعديل الأخير تم بواسطة memomostafa2010 ; 03-10-2008 الساعة 05:40 PM
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| هتموت من الضحك | aaaaa200123 | بـعـيـدآ عـن سـيـلـك رود | 2 | 24-10-2012 01:35 PM |
| هتموت على نفسك من الضحك يعنى هتموت على نفسك من الضحك | !_ToGoO_MorY_! | بـعـيـدآ عـن سـيـلـك رود | 30 | 07-04-2011 04:19 PM |
| ®[سلسلة الضحك هتموت من الضحك]™ | Wally | بـعـيـدآ عـن سـيـلـك رود | 46 | 10-04-2010 02:30 AM |
| فيلم الانيمى الاكثر من رائع جمد طحن هتموت يعني هتموت من الضحك | King_Cribo | بـعـيـدآ عـن سـيـلـك رود | 17 | 07-07-2009 02:54 AM |
العرض الشجري