ازاي ربنا بيرحمك من شر نفسك ؟؟

[Mysterious]

أد ايـــــه أنا كنت جاهل..!!

توووبة يارب

أنا عايز أرجع تاااااااااني للي كنت فيه




دايما الإنسان كده بيتطلع للمفقود

تشتاق نفسه أوي للحاجة اللي مش طايلها ومش شايفها ..

حتى لو حرااام !!

حتى لو كانت هتؤذيه !!

حتى لو مايعرفش آخرة السكة دي ايه !!

ومايعرفش أن الله حق

إلا أما يتقرص !

وده من جهل الإنسان وعجلته..

لأن الله عز وجل أرحم به من نفسه و أعلم به من نفسه

لا يقدّر عليه إلا ما هو خير

ولا يصرف عنه إلا ما هو شر

الخير كله بيديه والشر ليس إليه

يعامل عباده باللطف الخفي ..
ولو كشف ستر معاملته لذابوا حبًا و شوقًا له

يعني تصاريف أقدار ربنا عز وجل معانا تعتبر من الغيبيات

لو ربنا كشف لنا جزء واحد من هذا الغيب لذبنا في حبه

لأننا مكناش هنتصور..

أد ايه كان رحيم بينا !

أد ايه لطف بينا وستر علينا !

وهو الأعلم وهو الأحكم !


المقولة الجاية من مقولات الإمام ابن القيم رحمه الله

بيتكلم عن ازاي ربنا بيرحم عبيده من شر أنفسهم وبيعافيهم من مغبة جهلهم
وبيعلم الانسان ازاي يكون متأدب مع الله في طلبه وحسن الظن في الله

قال ابن القيم رحمه الله :

" من الآفات الخفية العامة :

أن يكون العبد في نعمة أنعم الله بها عليه واختارها له

فيملّها العبد ويطلب الانتقال منها إلى ما يزعم -لجهله- أنه خير له منها

وربه برحمته لا يخرجه من تلك النعمة

ويعذره بجهله وسوء اختياره لنفسه

حتى إذا ضاق ذرعا بتلك النعمة ***طها

وتبرّم بها واستحكم ملكه لها

سلبه الله إياها

فإذا انتقل إلى ما طلبه ورأى التفاوت بين ما كان فيه وصار إليه,

اشتد قلقه وندمه وطلب العودة إلى ما كان فيه

فإذا أراد الله بعبده خيرا ورشدا

أشهده أن ما هو فيه نعمة من نعمه عليه

ورضّاه به وأوزعه شكره عليه

فإذا حدثته نفسه بالانتقال عنه

استخار ربه استخارة جاهل بمصلحته

عاجز عنها مفوض إلى الله طالب منه حسن اختياره له "

كتاب الفوائد

شفت ازاي ربنا بيربيك ؟؟

شفت ازاي بيحميك ويرحمك من شر نفسك ؟

نسأل الله ألا يؤاخذنا بضعفنا وجهلنا ولا يكلنا لأنفسنا طرفة عين