أفــــــكــــــار في راســي [الــــســــــجــــايـــــر]

[poiu]

صلـــو على النبي

.
.
.

إنطـــق ياض إنت و هى

قولو عليه الصلاة و السلام

أنا النهاردة هتكلـــم عن السجاير

مشكلة كبيــــرة أوى اليومين دول



البدايات

الشباب فـ بداية دخولهــم لعالم السجاير

واحد صاحبه يديله سيجارة [ عايز يفسده ]

لا يا عم شكـــرا [ خايف لـ حد يقول لأبوه ]

يا عم خد جرب [ إبليس إشتغل ]

طب هات [ عايز يجرب ]

خد المعلم نفسه و قـعد يكـح

و عنيه إحمـــرت و الدنيا بأت كروهات فـ عنيه

إنشف ياض و خليك راجـــل

صاحبــــنا طِلع [ طبـق ] و سِخــن

شرب السيجارة الأولى

شويه خد السيجارة التانيه

يا عم الأولى تعبت صدرى

إنت طلعت عيل و مش قادر تشرب سيجارتين

أحمــــسإنت عبيط هات عشان أثبتلك إنى راجل

شرب التانية

خلاص بئا اتعلمـــت تشرب السجاير يا معلــم

هاتلك علبة

صاحبنا جاب علبة سجاير

و بيشرب بعبـــط

مفكـــر إنه كبــر و بئا راجل خلاص

و ييجى قبل ما يدخل بيتهم

يضربله واحدة "كلوريتس" و بجنيــة لب

عشــــان الريحة

و أول ما يدخل البيت

يفتح درج المكتب و يحط علبة السجاير فيه

و يفتح الكتاب كأنه بيذاكر

[ طب ما أنت بتخاف أهو يا حبيبي ]

لا ده إحترام يا معلم

شويه و يفتكر إن أمه ممكن تفتح درج المكتب

يقوم جرى يشيل العلبة و يحطهـــا فـ الدولاب [ تحت الهدوم ]

و أووووويس

يفتكر إن فى غسيـــل النهاردة و أمه هتيجى ترص الهدوم

و بعد فترة من الحيـــــرة يستقر إنه هيقوم ينام و يحط العلبة تحت المخدة

[ تحت المكان اللى بيحط دماغه عليها بالظبط ]

بعــد فــترة من :تزويغ: فلوس الدروس

يتفاجئ بالمراجعات النهائية اللى لازم يحضــرها




[ سبارس ]



مفيش فلوس يا صاحبي هات سيجارة

خد بس ما تقوليش تانى

طب أنا عايز سيجارة تانى أنا [خرمــــــــــــان]

و أنا مالى اللى بياكل [ طين ] يشترى لنفسه [ معلقة ]

طب هات نفســـين

خد نفسين أهو

و بعـــد فترة من التفكيــر الوحدانى

قرر صاحبنا يبطل السجاير [ عشان مضرة بالصحة ]

بصراحة الهدف الرئيسي عشــان مفيش فلوس

و مش هينفع ياخد فلوس من أهله

لأنه عارف إن مصاريف الدراسة و الدروس كتيــر

يكتشف إنه مش قادر

طب و العمـــل

أنا هستلف من أصحابى

بعــد فترة من السبارس و السلف

جت الأجــــــازة

أنا هشتغل عشان عايز سجاير

كده كده أبويا هيشتريلى طقمين جداد عشان الدراسة

و أسخـــن أمى شويه ممكن يبقو 3 أطقم و أحاول أحوش

عشان يبقى فى طقم بديل

هيــــــــــــــه [ مصلحة ]



مـــدخن


بقيت مدخن رسمى يا معلم

و كفاءه أجيب سيجارتى بدراعى

و برش على أصحابى كمــان و الدنيا فل


البيــــت


أخوه الصغيـــر [ رويتر ] عرف إنه بيشرب سجاير

الأب عرف

بتشـــرب سجاير ليه يا ابـن ..... و يا ابن ستين ...

فاصل من الشتيمة و الضرب و قلة الكرامة و التهزيئ

أنا خلاص بقيت راجل و أعمل اللى أنا عايزة و هسيبلكم البيت

المهم امه تقول لأبوه إنها هتقنعه إنه يبطلها بس يسيبه فـ البيت

[ قلب الأم ] بئا

بعد عناء من الأم مع الأب

وافق و دخلت كلمت الواد

الواد ياكل بعقلها > حلاوة < و يقنعها إنه بَطـّــل

بس هى تقنع أبوه

الواد يكون حريص أكتر إنه يشرب بس فـ السر

مش عايزين مشاكل فـ البيت

و تتوالى الأحــــدتث

سؤال رئيسي [ يطرح نفسه ]

ليه يا حبيبي بتشرب سجاير ؟

متقوليش بطلع خنقتى فيها ..!

و الكلام الفاكس ده

أصل أنا كنت بشرب سجاير أنا كمان (تخيل معايا بس -الحمدلله محططهاش في بقي)

و الكلام ده ما ياكلش معايا

يا عم و أنت مالك حرية شخصية [ مالكــش فيه ]

حرية شخصية تزعل أبوك و أمك و الناس منك

طب ليا فـيه بئا ما أنت قاعد معايا

و ريحة السجاير بتاعك خنقانا

قوم غـــور فـ اى حته بئا [ بعيــد عن هنا ]

بصراحة مش عارف أكمل كلام فـ الموضوع ده عشان دماغــى وقفت

بس كل اللى عايز أقوله

إن دى سلسلة أحداث بيمر بيها

أى واحد بيشرب سجاير فـ الجيل اللى إحنا فيه

"نصيحـــــة"

عشـــان تبطل السجاير

محتاااج عزيمة و قوة نفسية رهيبة

و قبل ده كله محتاج وقفة مع النفس

على فكـــرة

أنا قطعت علاقتى باللى كان عايز يعلمنى السجاير

و بنصح أى حد بيشربها

يبطلهـــــــــا

إمضـــاء " هارب من التدخين "







Poiu

╠ Mad Genius ╣