****█▒░ الجزء الثاني من :: حد عاوز يجرب السفر عبر الزمن ؟؟؟ █▒░*****

[ღ♥_ akeml _♥ღ]

دة الجزء التاني من السفر عبر الزمن

.2.

لما لقيت نسختي بتاعه المستقبل واقف قدامي اعصابي

سابت وقعدت في الارض

لقيته بيقولي:

احنا حنتكلموا كتير اوي وحعرفك حاجات كتير اوي

بس الوقت ضيق جدا وأله الزمن بتديني ساعه واحده بس كل يوم

يالا قوم وتعالا نقعد في الصالون نتكلموا

حاولت اقوم من مكاني معرفتش

قولتله : انت بجد فعلا ..؟؟ انت انا فعلا ؟؟

ولا انت جني بيستهزئ بيا ؟؟

ولا انا شكلي خرفت وعقلي اختل

قالي : لا مختلش ولا حاجه .. استني حجيب كرسي واجي اقعد قدامك

مدام انت مصمم تقعد علي الارض كده

راح جاب كرسي ورجع وقعد وقال :

بص وركز معايا كويس

انا زمان كتبت فوق اللوحه اللي في الصاله تاريخ معين وساعه معينه

اللوحه دي قعدت بالظبط 25 سنه ولسه موجوده لحد الان

ولما جت فرصه اني ارجعلك بـأله الزمن اخترت التاريخ ده

قولتله : طيب ممكن تقولي اخترعوا اله الزمن دي امتي ؟

قال : اله الزمن دي في زمننا عباره عن جهاز تجريبي لسه مخترعينه سنه

2034 اخترعه عالم بريطاني كبير ..

وعمل اعلان عن التقدم للتجارب من كل دوله

المشكله ان النتايج غير معروفه ..

هو بعت حيوانات كتير بس الحيوانات بتختفي وترجع

ومش بتحكي شافت ايه

جرب يبعت معاهم جهاز تصوير كانت طاقته بتخلص في لحظه الانتقال

فمكانش فيه طريقه للتاكد غير انه يبعت بشر

وانا اتقدمت واتوافق عليا في فرع مركز البحوث

عندنا في مكتبه الاسكندرية

قولتله : طيب عشان وقتك الضيق بقي قولي شويه معلومات عن المستقبل

نظر ليا نظره طويله وقال :

اهم حاجه انك متحاولش تعدل الزمن

لان اي تعديل منك للزمن حيغير حاجات كتير مش مضمونه العواقب

قولتله في لهفه : متقلقش .. انا بئر اسرار

احكيلي مصر بقت عامله ازاي

قالي :

بص يا سيدي .. احنا دلوقتي في عام 2010

حبدأ احكيلك من عام 2012 لانه الاهم من وجهه نظري

في 2012 شهر 4 تحديدا حصلت سلسله مظاهرات شديده في مصر

لتردي الاوضاع وزياده الفقر بمعدلات رهيبه .. لم يسبق لها مثيل

كانت النتيجه هي مواجهه بين الامن والشعب ..

والشعب نظرا لكثرته كانت له اليد الغالبه ..

وكثرت عمليات التخريب في كل مكان

بعد فتره بسيطه وتحديدا في شهر 5 اتخذ الامن جانب الشعب

وحدثت معارك شديده تدخل فيها الجيش نفسه

وسقط قتلي من الشعب بالمئات

انتهت بهروب بعض المسؤليين الكبار للخارج والقبض علي اسرهم

انتقل الحكم مؤقتا لرئيس مجلس الشعب الجديد المنتخب

وحدثت في شهر 10 سلسله محاكمات كبيره

سميت بمحاكمات الفساد

وتم نشر عده وثائق اذهلت الشعب المصري والعالم اجمع

بها انتهاكات وتزويرات وفساد سرطاني ووصل الامر للخيانه العظمي

لبعض الكيانات المسيطره علي الدوله

وتم اعدام العشرات وسجن المئات والمئات

وتم صياغه دستور جديد

وتحديد فتره الرئاسه لمده 4 سنوات فقط

قابله للتجديد لفتره واحده اخري فقط

وتم ترشيح الرئيس مصطفي الزعفراني كرئيس

وتم تعين جهاز خاص مستقل

لمراقبه الفساد له سلطه قضائيه

وقسم خاص به لمراقبه الرئيس نفسه

وتقييم ادائه واظهار ايجابياته وسلبياته طوال مشواره

وعند الانتخابات الرئاسيه 2018

ووسط سخونه مباريات كأس العالم

لم يتم ترشيح مصطفي الزعفراني

مره اخري وتم ترشيح رئيس جديد

من وسط ال 10 المتقدمين

كان الرئيس اسمه

جلال محيي الدين

الذي فاجئ مصر والعالم بقرارات خطيرة بدايه

توليه منصبه

الغي معاهده كامب ديفيد تماما

واعلن عدم اعتراف مصر بأسرائيل

واعلن عن تعديل اتفاقيات قناه السويس

وجعل التسعيره العالميه للمرور بها بالجنيه المصري

قولتله .: يانهار ابيض .. انت عارف ده معناه ايه

قالي : طبعا عارف .. انا شوفت بعيني ايه اللي حصل وقتها

سنه 2018 دي من اخطر السنين في تاريخ مصر كلها

حتعرف اللي حصل لما ارجعلك بكره ان شاء الله

لان الساعه قربت تنتهي ولازم ادخل حجره مقفوله عليا

عشان الانتقال يتم بدون اي خطوره

سابني قاعد في الارض بفكر في انبهار وذهول

معقول كل ده يحصل ... ؟؟

ياتري الدول الاجنبيه واسرائيل حيكون رد فعلهم ايه ؟؟

ياتري ايه حيحصل في 2018 ؟؟

ياه نسيت اسئله هو ايه حصل في 2012

كانوا بيقولولنا حتبقي نهايه العالم

في 2012

ابقوا فكروني اسئله بكره العالم عمل ايه لما جه

ميعاد نهايه العالم المزعوم

ودلوقتي اخش الحمام لاني حاسس اني مبلول

من المواجهه الخطيره اللي حصلت دي !!

انتهي الجزء التاني

الجزء الثالث قريبا ..

__________________

ــــــــــــــــــــــــــ