مشكلة عاطفية وعايز الحل فى أسرع وقت

[Mo7MeD]

ياجماعة انا كنت بحب بنت واحنا كنا بنحب بعض اوى لدرجة ان هى لو نازلة عند قريبتها اللى فى الشقة اللى تحتيها كانت تتصل بيا تقولى الاول وتشوفنى موافق ولا لاء ولو كنت قلتلها نص ساعة كانت قبل النص ساعة تبقى فى البيت وكانت تتصل بيا تقولى وانا بجد كنت بشبه البنت دى بالملاك وكنت بحبها أوى ولسة لغاية دلوقتى بحبها وجت فى يوم أتصلت بيها مارديتش عليا تانى يوم نفس الحكاية تالت يوم لاقيت قريبتها بتقولى مالكش دعوة بيها تانى وهى اللى بتقولى اقولك كدة قولتلها اية السبب قلتلى معرفش وقلت فى وشى وبعد كدة التليفون فضل مغلق يومين وبعد لما فتحتو قلتلها اية المشكلة قلتلى انا مش مصداقك قلتلها مش مصدقانى فى اية قلتلى مش مصدقة انك بتحبنى حاسة انك بتضحك عليا قلتلها طيب انتى شوفتى اية منى خلاكى قلتى كدة قلتلى انت معملتش معايا أى حاجة وحشة قلتلها طيب مين اللى سمم أفكارك من ناحيتى قلتلى مافيش حد قالى حاجة عليك قلتلها طيب انتى فى حد تانى دخل حياتك قلتلى لاء قلتلها طيب علشان درستك قلتلى برضو لاء طبعآ قلتلها أومال فى اية قلتلى انا مش عايزة أكلم فى الموضوع دة تانى قلتلها يعنى دة قرارك الاخير قلتلى اة قلتلها طيب بلاش نقطع علقتنا ببعض خالص خلينا اصحاب طيب لو مش هاضيقك قلتلى ماشى خلاص خلينا اصحاب وانا بصراحة قلتلها كدة لغاية ما أشوف حل للموضوع دة ونفسى أفهم هى عملت كدة لية ونفسى ترجع تحبينى تانى ولو فى حد فى المنتدى عندو حل للموضوع دة يقولى عليه بسرعة انا وهى دلوقتى اصحاب يعنى كلمنا محدود جدآ ممكن أكلمها مرة كل تلت اربع ايام وكمان اسلم عليها بس انتو مش متصورين وانا ببقى سامع صوتها ببقى نفسى أدمع بس بمسك نفسى بالعافية انا حاسس ان هى كرهتنى اوى وعايزكو كمان تقولولى ممكن ترجعلى ولا لاء ؟
[center]