|
||||||
| القـسـم الإسـلامـى الـعـام [ قسم يهتم ببناء القيم والفضيلة بمجتمعنا الاسلامي بين الشباب المسلم يهتم بثقافتنا الإسلامية فقط ] [ نرجوا عدم التطرق للأمور التي تضر الدين وعدم الافتاء بشي غير موثوق وعدم المساس بأى دين أخر ] |
 |
|
|
أدوات الموضوع | انواع عرض الموضوع |
03-09-2012, 08:08 PM
|
#1 | ||||||||||
  
|
 هو انا ممكن اتغير بين يوم وليله؟؟  نظريا..كل واحد فينا نفسه يتوب ويبقى احسن واحد فى الدنيا ايمانا وعملا.. اما لو جينا للتنفيذ على ارض الواقع فهل ده ممكن فعلا..؟؟ خصوصا لو انا كنت بعمل بلااااااااوى سودا ولسه تايب منها..؟؟ لو فعلا الواحد فينا عنده رغبه فى التغير هيقدر يغير اى حاجه فى حياته من غير خطوات او تدريج ده بعون الله طبعا وتوفيقه.. عندك مثلا .. مثال بسيط.. لو واحد عايز يشتغل شغلانه معينه متعارضه تماما مع نظام حياته وحتى مع مبادئه بس مرتبها تمام زى الفل ..فى ثانيه هيغير حياته كلها علشان الشغلانه..(طبعا ده مثال مش كويس ..بس الشاهد ان الواحد لو عايز يتغير هيتغير..) مثلا ..الواحد لو بيحب اكله معينه وبيموت فيها..بس لا قدر الله جاله مرض معين والدكتور منع الاكله دى عنه نهائيا..هيبطل ياكلها..ليه لانه مش عايز يضر نفسه.. اهو الواحد فينا لو حس فعلا انه فى اى معصيه.. بيبارز ربنا بمعصيته دى وعارف فعلا ان فيه حاجه اسمها جنه ..وموقن بيها وبنعيمها..وعارف ان فيه حاجه اسمها نار وموقن بيها وبعذابها..هيغير حياته فى ثانيه..فى ثانيه بمعنى الكلمه.. واليقين ده هو الحاجه اللى ناقصانا كلنا.. وهو الحاجه اللى خلت الصحابه والسلف بالمنظر الخيالي اللى بنسمع عنه..! واحد يقعد 40 سنه متفوتهوش صلاة جماعه صف اول..والتانى 40 سنه صايم قايم..والتالت يختم القران 18000 مره..ايوه 18 وجنبها 3 اصفار..صدقوا..علشان الناس دى بيقينها شافت الجنه راى عين فعرفت انها غاليه زى ما الرسول قال فكان لازم تتغير علشان تحصل عليها..!! وبعدين مفيش حد هيتغير غير فعلا لما يكون من جواه دافع ويبدا يسعى نحو التغير..( إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ) محدش يفضل قاعد فى مكانه ويقول ادعيلنا يا عم الشيخ ..ابقى خدنا على جناحاتك فى الجنه..ربنا يهدينا ان شاء الله..ما هو ربنا هيهدينا فعلا بس لو طلبنا الهدايه ..هل حد فينا مثلا لما اختلطت عليه الامور فى اى مسأله او زهق من نفسه ومن الدنيا والمعاصى والفتن راح اتوضا وصلى وطلب من ربنا انه يهديه ويرشده ويبيبنله فين الصح والغلط.. ربنا بيقول فى الحديث القدسى(يا عبادي كلكم ضال إلا من هديته فاستهدوني أهدكم) حد فينا عمل الموضوع ده..؟؟؟ ناس كتير تقولك امال مش فيه حاجه اسمها الطريق الى الله ..يعنى لازم امشى خطوه خطوه..فى الدين..والطريق الى الله لا يقطع بالاقدام بل بالقلوب.. يعنى انا فين وفين على بال ماوصل لربنا فييييييييييين..!!!محتاج سنيييييييييييين..اصلك ماتعرفش انا حياتى عامله ازاى..ولا المعاصى بتاعتى والبلاوى السودا..!! هرد عليك واقولك خلى بالك من المقوله اللى لسه متقاله فوق(والطريق الى الله لا يقطع بالاقدام بل بالقلوب) والقلوب دى لو دخل فيها ذرة ايمان صادق..ايقن ان حياتك هتتقلب 180 درجه فى زمن قياسى..ده ربنا اقرب لينا من حبل الوريد..والمعنى بقرب ربنا من الواحد اتذكر باكتر من شكل فى كتاب الله..يعنى انت اصلا بالفعل قريب من ربنا ..بس فيه حائل..فيه شهوه..فيه حاجه واقفه بينك وبينه ..لازم تشيل الحائل ده علشان توصل ..وده مش صعب ابدااااااااااا.. اضربلك مثال بسيط.. قلبك هيكون اسود من قلب سحرة قوم فرعون ...ولا معاصيك هتكون اكبر من معصيتهم اللى هى الكفر.. لا ..ده دول كمان سحره وبيتحدوا ربنا وسيدنا موسى.. بس اول ما الايمان لمس قلوبهم ..قالوا (آمَنَّا بِرَبِّ هَارُونَ وَمُوسَى) وبعدها بثوانى ..فرعون يقولهم هقتلكوا ..هقطعكوا حتت ..ولا يهمهم ..ليه ؟؟ خلاص الايمان دخل واليقين اكتمل ..والله لو قطعتنا طرنشات مش هنرجع.. (قَالُوا لَنْ نُؤْثِرَكَ عَلَى مَا جَاءَنَا مِنَ الْبَيِّنَاتِ وَالَّذِي فَطَرَنَا فَاقْضِ مَا أَنْتَ قَاضٍ إِنَّمَا تَقْضِي هَذِهِ الْحَيَاةَ الدُّنْيَا) شفت الكلام..شفت القران اللى عمرنا ما تدبرنا فيه ولا فكرنا فى اياته..خلاص..طالما عرفنا الحق فين ..عمرنا ماهنرجع عنه واعمل اللى تعمله..وشوف بقى قمة الايمان وهما بيقولوا (انما تقضى هذه الحياة الدنيا) التغيير ده كله ..من كفره لمؤمنين بهذه الدرجه العااااااااليه واليقين والثبات ده كله فى ثوانى ..اه فى ثوانى.. علشان كده بنقول للجميع كل شئ ممكن ..ممكن تبقى عبد ربانى وتسيب كل معاصيك وحياتك كلها تتغير جذريا فى يوم وليله..حتى لو قتلت او سرقت او زنيت ..بس انت اقبل على الله واطلب الهدايه واعزم التوبه وخلى عندك نيه صادقه فى التغييير.... وطبعا لازم تاخد بالاسباب المعينه فى نفس الوقت واهمها الاستعانه بالله والصحبه الصالحه.. ربنا يجمعنا انا والجميع مع حبيبنا النبى صلى الله عليه وسلم فى الفردوس الاعلى .. |
||||||||||
|
| إعلانات google |
|
|
|
04-09-2012, 01:45 AM
|
#2 | ||||||||||
  
|
بارك الله فيك |
||||||||||
|
|
|
05-09-2012, 07:40 AM
|
#3 | ||||||||||
  
|
قلوب العباد بين أصابع الله يقلبها كيف يشاء جزاك الله خيرا |
||||||||||
|
|
|
05-09-2012, 10:47 PM
|
#4 | ||||||||||
  
|
بارك الله فيك وجزاك الله خير |
||||||||||
|
|
|
10-09-2012, 06:39 PM
|
#5 | ||||||||||
|
جزاكم الله خيرا |
||||||||||
|
|
|
10-09-2012, 07:42 PM
|
#6 | ||||||||||
  
|
اللهم لا اله الا انت سبحانك انى كنت من الظالمين شكرا لمواضيعك الهادفة |
||||||||||
|
|
|
10-09-2012, 07:42 PM
|
#7 | ||||||||||
|
بارك الله فيك |
||||||||||
|
|
|
11-09-2012, 02:05 AM
|
#8 | ||||||||||
 
|
على فكره مواضيعك كلها جااامده استمر على كده والتنسيق حلو بس فى احلى استمر ... |
||||||||||
|
|
|
11-09-2012, 03:43 PM
|
#9 | ||||||||||
|
شكــرا ليــكم جميعا وان شاء الله فى المزيد :) |
||||||||||
|
|
|
13-09-2012, 11:06 PM
|
#10 | ||||||||||
|
بارك الله فيك وفى ميزان حسناتك إن شاء الله ^_^ اللهم تب علينا لنتوب |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| هو انا ممكن اتغير بين يوم وليلة ؟ انت اكيد بتهرج ! | The_Mask | القـسـم الإسـلامـى الـعـام | 1 | 04-05-2013 08:04 AM |
| ممكن حد يرفعلى البرنامج الصغير ده اكيد عند كله | face_ur_distny | قسم المواضيع المكررة و المخالفة | 2 | 24-05-2012 01:27 PM |
| ممكن العضو ha3lking يدخل هنا اكيد | Mr__gamal | قسم المواضيع المكررة و المخالفة | 5 | 20-08-2011 05:42 AM |
| ممكن مساعدة هو ال Sroking اتغير ولا ايه الكلام | sunhine | قـسـم الـ SroKing Bot | 4 | 13-09-2009 02:50 AM |
| لما تشوف الصور دى يبقى انت اكيد اكيد فى مصر.......والله الناس ليها حق تتريق علينا | zonda | بـعـيـدآ عـن سـيـلـك رود | 17 | 17-05-2008 05:22 PM |
.gif){kind=icon}
العرض العادي
