الموقع العربي الاول للعبة Silkroad Online - هو انا ممكن اتغير بين يوم وليلة ؟ انت اكيد بتهرج !

http://img546.imageshack.us/img546/2...29572e8663.png

هو انا ممكن اتغير بين يوم وليله؟؟

http://img847.imageshack.us/img847/2884/forpic5.png

نظريا..كل واحد فينا نفسه يتوب ويبقى احسن واحد فى الدنيا ايمانا وعملا..

اما لو جينا للتنفيذ على ارض الواقع فهل ده ممكن فعلا..؟؟

خصوصا لو انا كنت بعمل بلااااااااوى سودا ولسه تايب منها..؟؟
http://img847.imageshack.us/img847/2884/forpic5.png

لو فعلا الواحد فينا عنده رغبه فى التغير هيقدر يغير اى حاجه فى حياته من غير خطوات او تدريج ده بعون الله طبعا وتوفيقه..
عندك مثلا ..
مثال بسيط..
لو واحد عايز يشتغل شغلانه معينه متعارضه تماما مع نظام حياته وحتى مع مبادئه بس مرتبها تمام زى الفل ..فى ثانيه هيغير حياته كلها علشان الشغلانه..(طبعا ده مثال مش كويس ..بس الشاهد ان الواحد لو عايز يتغير هيتغير..)
http://img847.imageshack.us/img847/2884/forpic5.png

مثلا
..الواحد لو بيحب اكله معينه وبيموت فيها..بس لا قدر الله جاله مرض معين والدكتور منع الاكله دى عنه نهائيا..هيبطل ياكلها..ليه لانه مش عايز يضر نفسه..

اهو الواحد فينا لو حس فعلا انه فى اى معصيه.. بيبارز ربنا بمعصيته دى وعارف فعلا ان فيه حاجه اسمها جنه ..وموقن بيها وبنعيمها..وعارف ان فيه حاجه اسمها نار وموقن بيها وبعذابها..هيغير حياته فى ثانيه..فى ثانيه بمعنى الكلمه..
واليقين ده هو الحاجه اللى ناقصانا كلنا..
وهو الحاجه اللى خلت الصحابه والسلف بالمنظر الخيالي اللى بنسمع عنه..!
واحد يقعد 40 سنه متفوتهوش صلاة جماعه صف اول..والتانى 40 سنه صايم قايم..والتالت يختم القران 18000 مره..ايوه 18 وجنبها 3 اصفار..صدقوا..علشان الناس دى بيقينها شافت الجنه راى عين فعرفت انها غاليه زى ما الرسول قال فكان لازم تتغير علشان تحصل عليها..!!
http://img847.imageshack.us/img847/2884/forpic5.png

وبعدين مفيش حد هيتغير غير فعلا لما يكون من جواه دافع ويبدا يسعى نحو التغير..( إِنَّ اللَّهَ لَا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ)
محدش يفضل قاعد فى مكانه ويقول ادعيلنا يا عم الشيخ ..ابقى خدنا على جناحاتك فى الجنه..ربنا يهدينا ان شاء الله..ما هو ربنا هيهدينا فعلا بس لو طلبنا الهدايه ..هل حد فينا مثلا لما اختلطت عليه الامور فى اى مسأله او زهق من نفسه ومن الدنيا والمعاصى والفتن راح اتوضا وصلى وطلب من ربنا انه يهديه ويرشده ويبيبنله فين الصح والغلط..
ربنا بيقول فى الحديث القدسى(يا عبادي كلكم ضال إلا من هديته فاستهدوني أهدكم)

حد فينا عمل الموضوع ده..؟؟؟

ناس كتير تقولك امال مش فيه حاجه اسمها الطريق الى الله ..يعنى لازم امشى خطوه خطوه..فى الدين..والطريق الى الله لا يقطع بالاقدام بل بالقلوب..
يعنى انا فين وفين على بال ماوصل لربنا فييييييييييين..!!!محتاج سنيييييييييييين..اصلك ماتعرفش انا حياتى عامله ازاى..ولا المعاصى بتاعتى والبلاوى السودا..!!
هرد عليك واقولك خلى بالك من المقوله اللى لسه متقاله فوق(والطريق الى الله لا يقطع بالاقدام بل بالقلوب)
والقلوب دى لو دخل فيها ذرة ايمان صادق..ايقن ان حياتك هتتقلب 180 درجه فى زمن قياسى..ده ربنا اقرب لينا من حبل الوريد..والمعنى بقرب ربنا من الواحد اتذكر باكتر من شكل فى كتاب الله..يعنى انت اصلا بالفعل قريب من ربنا ..بس فيه حائل..فيه شهوه..فيه حاجه واقفه بينك وبينه ..لازم تشيل الحائل ده علشان توصل ..وده مش صعب ابدااااااااااا..
http://img847.imageshack.us/img847/2884/forpic5.png

اضربلك مثال بسيط..
قلبك هيكون اسود من قلب سحرة قوم فرعون ...ولا معاصيك هتكون اكبر من معصيتهم اللى هى الكفر..
لا ..ده دول كمان سحره وبيتحدوا ربنا وسيدنا موسى..
بس اول ما الايمان لمس قلوبهم ..قالوا (آمَنَّا بِرَبِّ هَارُونَ وَمُوسَى)
وبعدها بثوانى ..فرعون يقولهم هقتلكوا ..هقطعكوا حتت ..ولا يهمهم ..ليه ؟؟
خلاص الايمان دخل واليقين اكتمل ..والله لو قطعتنا طرنشات مش هنرجع..
(قَالُوا لَنْ نُؤْثِرَكَ عَلَى مَا جَاءَنَا مِنَ الْبَيِّنَاتِ وَالَّذِي فَطَرَنَا فَاقْضِ مَا أَنْتَ قَاضٍ إِنَّمَا تَقْضِي هَذِهِ الْحَيَاةَ الدُّنْيَا)
شفت الكلام..شفت القران اللى عمرنا ما تدبرنا فيه ولا فكرنا فى اياته..خلاص..طالما عرفنا الحق فين ..عمرنا ماهنرجع عنه واعمل اللى تعمله..وشوف بقى قمة الايمان وهما بيقولوا (انما تقضى هذه الحياة الدنيا)
التغيير ده كله ..من كفره لمؤمنين بهذه الدرجه العااااااااليه واليقين والثبات ده كله فى ثوانى ..اه فى ثوانى..
علشان كده بنقول للجميع كل شئ ممكن ..ممكن تبقى عبد ربانى وتسيب كل معاصيك وحياتك كلها تتغير جذريا فى يوم وليله..حتى لو قتلت او سرقت او زنيت ..بس انت اقبل على الله واطلب الهدايه واعزم التوبه وخلى عندك نيه صادقه فى التغييير....
وطبعا لازم تاخد بالاسباب المعينه فى نفس الوقت واهمها الاستعانه بالله والصحبه الصالحه..
ربنا يجمعنا انا والجميع مع حبيبنا النبى صلى الله عليه وسلم فى الفردوس الاعلى ..

http://img847.imageshack.us/img847/2884/forpic5.png