الموقع العربي الاول للعبة Silkroad Online - (^ ســاعــة الـــصــفــر ^) أهداء الى الأستاذ ( أحمد شفيق )

- بـعـيـدآ عـن سـيـلـك رود (https://silkroad4arab.com/vb/forumdisplay.php?f=73)

مين قال انك مش بتعرف تكتب اسلوبك فى الكتابة حلو شــــــــــــــــــــــــــــــــغال

اقتباس:

المشاركة الأصلية كتبت بواسطة diablo (المشاركة 703246)

لا طبعا انا بعشق القراءة ^_^ و انا بحب اقرا رفعت اسماعيل و علاء عبد العظيم حبيب قلبي ^^ انت بتقرأ فانتازيا ؟

لأسف مع ان فانتازيا بتاعت احمد خالد توفيق بس مجربتش اقرأئها
حاسس ان مستوى الخيال الى فيها من زى السلسلتين التانين

وانا أجمد رواية فى سفارى قرأتها هية ( الأن نرجوكم الصمت و تجربة محرمة ) بجد انا الرويتين دول عيشونى فى عالم تانى
و فى ما وراء انا بعشق ( اسطورتها )
بجد لو كنت ما قرأت دول اقرأئهم و ادعيلى

عشان مهما أختلفت الازواق الكل يجمع على ان دول اجمد ما قدم احمد خالد توفيق

وعايزك تنصحنى ابتدى بأنهى حاجة فى فانتازيا عشان تعجبنى السلسلة

و يا سلام لو كنت مشترك فى مكتبة مبارك هيكون لينا كلام تانى

مستنى ردك

تحياتى بس انا مش فاهم اى حاجه

^^

بجد قصة روعة و بجد انتا ليك مستقبل هائل ^^ اشكرك

والله قصه حلوه

اي نعم مكنتش فاهمها في الاول بس لما ركزت فهمتها

انها حياه فقاعه صابون :p

علي فكره اسلوبك حلو

هانتجلك كتاب ( اوعي تصدق اصل المطبعه فيها مشاكل^^ )

اقتباس:

المشاركة الأصلية كتبت بواسطة elyssa (المشاركة 703634)

بجد قصة روعة و بجد انتا ليك مستقبل هائل ^^ اشكرك

اللة يخليك يا ابو عادل يا جميل

واللة انا مكنتش متوقع النجاح دة للقصة
الحمد للة ان لسة فى ناس مسبتش الكتاب لسة

ولو الموضوع حلو كدة هنزلكو أعمال انا كنت محتفظ بيها لنفسى
بس ارجو من كل الى يخوش ابل ما ينقل الموضوع يفكر ان دة تعب انسان و هيتحاسب علية

اقتباس:

المشاركة الأصلية كتبت بواسطة jet2000 (المشاركة 703680)

حبيبى ابو حميد

كويس ان فكرة القصة وصلتلك
وزى ما وعتك استنى منى ( التنسيق )
بعد امتحنات الكلية

جميله اوى يا مان

شكرآ لكل الناس الى ردت على الموضوع

اقتباس:

لحظة إقلاع الفقاعة نظرت إلى صويحباتها نظرة وداع أخيرة ، اعتلت محلقة إلى وطنها المزعوم ، استجمعت قواها لتسمو، لكنها سقطت عائدة إلى أغلالها

يعني هنا الفقاعة ( او نقول محور الشخصية ) كانت هتنتهي بنهاية نقول عليها بطولية :D وهيا سفرها لوطنها المزعوم ,, وفجئة فشلت وانفجرت كمان :D

يعني بجد ده اسلوب الدكتور الي هوا يكون مثلي الاعلي في الكتابة احمد خالد توفيق , وبجد في كذه نقطة وفقت انك تقرب اسلوبك منه

اقتباس:

وعايزك تنصحنى ابتدى بأنهى حاجة فى فانتازيا عشان تعجبنى السلسلة

نصيحة مني فوت فانتازيا دي

عشان مش من ابداعات الدكتور احمد بلـ بلعكس اشوفها اقل ماقدمه

ولو عايز ابداعه علي اصوله ( ومن غير ماوراء الطبيعة عشان اكيد تعرفها وقاريها كلها )

فاشوف سلسلة الاعداد الخاصة جداً

http://img261.imageshack.us/img261/2292/coverar7.jpg

زي ( عشاق الادرينالين , والان نفتح الصندوق , وهدا الجدار ,,, الخ )

عشان بجد هنا ابداع الدكتور احمد خالد توفيق .

ولو عايزهم ومش لاقيهم قولي وانا هجيبهملك كلهم ان شاء الله عشان بجد تحفة من تحف الدكتور الكبير .

تحياتي ليك ياغالي .

اقتباس:

المشاركة الأصلية كتبت بواسطة angel2022 (المشاركة 703394)

للأسف انا مبطل قراءة روايات مصرية للجيب من حوالي سنه و نص بسبب الثانوية العامة و بعيد الكلية اللي انا فيها مش مخلياني ملاحق اعمل اي حاجة بس حشتري الروايات دي في الاجازة و اقراهم انا اكتر رواية سفاري عجبتني هي ثلاثه و كانت بجد اسطورة و لازم تقراها هي كانت ف عدد خاص اسموا عدد الصيف و انا من اسكندرية مش مشترك ف مكتبه مبارك بس كنت مشترك ف مكتبه الاسكندرية :d و بالنسبه لأول روايه تقراها ل فانتازيا اقرا اللي قالك عليها اسامة و اقرا عرض لا تستطيع رفضه انا الروايه دي قريتها 50000000 مرة و عمري ما مليت منها و طابعها الكلاسيكي سر جمالها مستني ردك و الحمد لله اني مش الوحيد اللي بحب القراءة دنا كنت فاقد الامل و ابعتلي ايميلك في ال inbox علشان اعملك اد :D

اقتباس:

المشاركة الأصلية كتبت بواسطة diablo (المشاركة 703246)

لا طبعا انا بعشق القراءة ^_^ و انا بحب اقرا رفعت اسماعيل و علاء عبد العظيم حبيب قلبي ^^ انت بتقرأ فانتازيا ؟

و انا كمان بحب اقرا لميكى

اقتباس:

المشاركة الأصلية كتبت بواسطة angel2022 (المشاركة 701626)

بسم الله الرحمن الرحيم

الموضوع ده أهداء خــــــاص للأســتاذ

( * أحمد شفيق * )

الموضوع ده هوه طلبو منى من 5 أيام و سبب تأخرى أن الموضوع خد منى جهد جامد عشان اكتبو

عشان أستحضر الفكره و الصياغه المناسبه

و الموضوع ده ملكيه فكريه خـــــاصه و ممنوع نقله الى بعد علمى

الموضوع عباره عن قصه قصيره لحياه أقل من أن يقال عليها قصيره

ســـــاعــــة الــــصــفـــر !!!

من ثورتها المستترة خلف حاجز الصمت أبت إلاّ أنْ تستنزف أخر قوتها ،
تبتغي أن تنفك من قيودها ؛
تلك القيود التي تلتصق بجسدها اللدن ،
استرجعتْ أحداث الماضي ، لربما كان مـــصيرها الــمصير نفسه الذي آل إليه رفيقاتها ، حين أردن الخلاص من الذل المهيمن عليهن ، تــحولن بعدها إلى أشلاء من رذاذ ، استباحهن الفراغ ؛ بجبروته أحالهن من حالة إلى أخرى .
ظلت تستعيد الماضي بكل قسوته ،
تزداد ثورتها الكامنة للتخلص من الرغوة الملتصقة بجسدها ،
تقلب الأحداث ،
تــــحــصــي مـــدى الـــخسائر السابقة ؛ لتستفيد من تجارب سابقاتها ؛ في عالمها المزدحم بولادة فقاعات تصغرها ، أصبح كل مولود ينظر إليها في استنكار ، فعالـــم الــــفقاعات مكشوف فيـــما بـينهم ؛ كـــل منهم يعلم ما يجول في خاطر الآخر ،
عرفن ذلك العزم الرابض في صدر كبراهن ، استهجنوا بشدة ، حاولوا جميعاً أن يـثـــنوها عـــــمَّـا تــعتزم عليه ، لكن الأمر قد استحكم في تفكيرها ، لم يعد هنالك مجال للتراجع .
كانت كلما تذكرت ما سيؤول إليه مصيرها لو بقيت هكذا ، ممددة على سطح الرغوة ، وأنَّ قطرها يزداد بين لحظة وأخرى ؛ وأنها ستنفجر بازدياده .
باتت تتحين الفرصة للفرار ،
ربما وجدتْ وطناً خصباً بدون قيود ، باتت تحلم بعالم رحب يفتح ذراعيه لها ،
بعيداً عن عبودية الرغوة ؛ عن مــــحــدودية المكان ، هكذا كونت لنفسها حلماً تبتغي منه حقيقة .
خلال تسارع الأحداث وانزعاج صويحباتها من جنون الأفكار التي ستودي بكبراهن ( ربما ) لنهاية حتمية ، حينها تذمرت من كلماتهن ؛ لعنت المحيط المتشبث بها ، في كل لحظة تمر تتسارع عقارب الساعة ؛ تقرب النهاية لتحيل الحلم إلى وهم .
سرى في جسدهـــــــــــا المتهالك اهتزاز ينذر بقرب النهاية ، كانَ جسدها يتراقص باتساع قطرها ، تحول محيط الرغوة من حالة الجلبة إلى صمت ينذر بهبوب العاصفة ، بدت على ملامح الفقاعة في تلك اللحظة بوادر تشير إلى أنّ أوان الفرار يدنو رويداً رويداً ، أدرك الجمع من حولها أنَّ ساعة الصفر قد أزفت ،
أذعنوا للقرار ،
ازداد الصمت غطرسة في محيط الرغوة ، تنفست حينها الفقاعة تأهباً لانتشال جسدها من براثن الـــرغوة ، لم تكتشف الرغوة ما جال بخاطر الفقاعة ، لو علمت لشددت من إحكام القيود على جسدها ، لم تعلم بذلك إلا حين تخلصت الفقاعة بكامل جسدها من الأغلال ؛ متحررة من قيود الــرغوة ، باءت كل الــمــحاولات لإرجاعها بـالفشل ، لحظة إقلاع الفقاعة نظرت إلى صويحباتها نظرة وداع أخيرة ، اعتلت محلقة إلى وطنها المزعوم ، استجمعت قواها لتسمو، لكنها سقطت عائدة إلى أغلالها ، لم تحتمل آنذاك الصدمــة فانــــفجرت داخـــــل مــــحيط الرغوة متحــــولة إلى رذاذ لـــــتولد من رذاذهــــا فـــقاعات أخرى ……

تحياتى : زيــاد خـــالـــد

على فكره انا من أكثر المعجبين بالكاتب ( أحمد خالد توفيق )

والناس الى بتقرأ للكاتب ده ( سلسه ( ما وراء الطبيعه ) و ( سفارى ))

هيلاقو أن أسلوب الكتابه مشابه لأسلوب هذا الكاتب العظيم

وده ناتج من تأثرى باسلوبة

ممكن تكون القصه مش أد كده عشان انا كتبتها فى عجاله

و ممكن يكون انا أصلا معنديش الطابع الادبى

بس زى ما ذكرت فى بدايه الموضوع

ده طلب من الاستاذ ( أحمد شفبق )

و ياريت أعرف رأيكو فى الموضوع ده ( الحلو أو الوحش )

تحـــــاتــــــى

والله كان نفسى اققراه بس مفيش عين انا مش قادر ابص قدامى بس اكيد موضوع رائع عشان انت اللى عملتو

هههههههههههههههههههههه
ميكي
طيب مش توضح جيب والا إسبوعي والا مجلد ؟؟؟

تحياتي لك يازيزو البوب
والله دمك خفيف

اقتباس:

المشاركة الأصلية كتبت بواسطة WOLF 757 (المشاركة 704239)

فنان والله وليك قلم فلسفي وادبي جميل والله جداً

بس ناقصة كم حاجة عشان يبقي زي اسلوب الدكتور احمد خالد توفيق

وهما :: السخرية الرائعة في النمط والرعب طبعاً :D

بس غير كده قريب من اسلوبه جداً والله وبذات في نمط السناريو والـ anti hero المشهور بيها :D

يعني مثلاً الدكتور احمد توفيق بيموت في حاجة اسمها تحطيم او ضعف البطل او اي شخصية رائسية في جل كتابته

وانت عملت زيه بلظبط :D

يعني هنا الفقاعة ( او نقول محور الشخصية ) كانت هتنتهي بنهاية نقول عليها بطولية :D وهيا سفرها لوطنها المزعوم ,, وفجئة فشلت وانفجرت كمان :D

يعني بجد ده اسلوب الدكتور الي هوا يكون مثلي الاعلي في الكتابة احمد خالد توفيق , وبجد في كذه نقطة وفقت انك تقرب اسلوبك منه

نصيحة مني فوت فانتازيا دي

عشان مش من ابداعات الدكتور احمد بلـ بلعكس اشوفها اقل ماقدمه

ولو عايز ابداعه علي اصوله ( ومن غير ماوراء الطبيعة عشان اكيد تعرفها وقاريها كلها )

فاشوف سلسلة الاعداد الخاصة جداً

http://img261.imageshack.us/img261/2292/coverar7.jpg

زي ( عشاق الادرينالين , والان نفتح الصندوق , وهدا الجدار ,,, الخ )

عشان بجد هنا ابداع الدكتور احمد خالد توفيق .

ولو عايزهم ومش لاقيهم قولي وانا هجيبهملك كلهم ان شاء الله عشان بجد تحفة من تحف الدكتور الكبير .

تحياتي ليك ياغالي .

اولا :
انتا تحليلك الادبى فوق الوصف و دة ادانى انطباع انك مثقف على درجة عالية جدآ و انا يشرفنى اكون على اتصال بيك على الميل او واقعيآ عشان بجد نادرآ ما تلاقى الدرجة دى من الثقافة فى الزمن دة

ثانيآ :
الادب الحديث عمومآ اتجة الى اسلوب anti hero‏ ‏
عشان الاسلوب دة بيخلى شخصية الرواية او القصة معلمة فى ذهن القارء ودة ما ابدع فية الدكتور الطبيب ( احمد خالد توفيق )
ودة طبعآ واضح فى شخصية رفعت الكهل القبيح غريب الأطوار و شخصية علاء المطهد من كل الوحدة لانة عربى

ثالثا :
انا فعلا مش مقتنع بفانتازيا و حاسس ان مش دة مستوى خالد توفيق

بالنسبة لأعداد الخاصة انا مقرأتش ولا واحدة فيهم خالص ودة عشان مش موجودين أو بيخلصو بسرعة ( مش عارف )

فانتا تكون عملت فية جميلة كبيييييييرة اوى لو عرفت استعرهم منك

انا مش عارف انتا ساكن فين بس انا ساكن فى عابدين او باب اللوق ( الأثنين يعتبرو منطقة واحدة )
و مشترك فى مكتبة مبارك
أرجو ميكونش طلبى دة رخم
ولو انتا مش عايز مفيش مشاكل

بس انا بجد نفسى اتعرف عليك

تحياتى : زياد خالد

اقتباس:

المشاركة الأصلية كتبت بواسطة ahmed shafiq (المشاركة 704367)

هههههههههههههههههههههه
ميكي
طيب مش توضح جيب والا إسبوعي والا مجلد ؟؟؟

تحياتي لك يازيزو البوب
والله دمك خفيف

خفيف عشان انت بس علقت عليه والله يا استاذ احمد

و اكرر الشكر لصاحب الموضوع و هقراه حالن