قصة من تاليفي اسمها النية سليمة !! رجعت من جديد

[!MaGeD]

طبعا معظم الناس هنا مش هتفتكرني بس انا كنت بحكي قصص الموقع :) ده من زمان اوي من 2012

ورجعت بقصة من جديد



صابر و باطل اتنين اخوات و تواءم اتولودو زي القطط اترمو في الشارع محدش يعرف عنهم حاجة بس ناس ولاد حلال نقول ايه بقا لقهوم في الشارع عند الاشارة كدة اتخدو واتعلمو وكبرو عند الريس حصوة وده راجل ميعرفش غير الخير وهنعرف بعدين صابر وباطل شغلتهم الاساسية مهندسين لا مش الي في بالكو ايوة مهندسين بس سيارات ايوة هي ديه مكيانيكي سيارات في شركة كبيرة اوي تحت بيتهم بالظبط كل يوم ينزلو ويفتحو المحل ويسترزقو انما بقا مهنتهم التانية وديه هنعرفهم بعدين مستجلعين اوي انتو صبرا طويلا
في يوم نزل صابر لقي امين شرطة مستنيه عند اخر الشارع وفاجئة امين الشرطة الي هو اسمه ايه ايوب – الراجل الي اسموه ايوب ده امين شرطة مرتشي بيشتغل من تحت لتحت من الاخر من ورا الحكومة وفاجئة ايوب بيقول لصابر كله تمام والريس بيقولك الشفت بليل عليه اقساط
صابر انت بتكلم في ايه كله تمام الميزانية في السليم
احلي حاجة في صابر ان هو المخ انما باطل مبيظهرش غير في الشغل العملي
حصل خناقة في الشارع ما بين باطل و خمسة بس ايه لو حد شفهم يخاف علي نفسه
باطل من بعيد يلا يا صابر تفتكر اخلع ازاي
صابر اجري وملكش دعوة
واذا فاجئة صابر بيقول للخمسة دول تحبوه تاكلوها ايه شايفين ايوة بصوه هناك
ابوك انت وهو عايش تحت رجليه عشان الخمسة دول كانو اخوات وابوهم من الاخر اتاخد رهينة من رجالة تبع صابر في لحظة الواقعة الي حصلت
الرجالة الخمسة رجعو وعنيهم مكسورة وراحو البيت لقو ابوهم متكتف وشكلو كدة من الاخر وحش
المهم مش ديه القصة الكبيرة انا حكتها بس عشان اعرفكم صابر ده دماغو عاملة ازاي
وفي يوم من الايام جه واحد تبع الحكومة راجل كبير اوي وتقيل في السوق من الاخر معاه فوق 2 مليار جنيه في مصر
الناس كلها بتخاف منه حتي رئيس الحكومة نفسه بيخاف منه ليه الراجل ده بكلمة منه يقدر يخلي الاقتصاد المصري تحت خالص شوف لو حصل ايه في البلد الناس الي زي ديه مش بتختفي خالص من الاخر عاملين زي الوباء عمرهم ما بتشوف منهم غير الخير طبعا

ونزل من عربيته وفي كل شموخ ياد يا صابر
صابر طبعا عارف مين ده خصوصا انوه شافوه في التلفزيون كتير
بس من الاخر صابر ذكي عارف قيمة مخه الا بقا مكنش الباشا جه هنا بنفسه وتعب حاله
نعم حضرتك عايزيني
ايوة يا صابر تعالة اركب العربية عايزك في كلمتين
انا مش باجي لحد الي عايزيني يشرفني في بيتي
الراجل حاضر يا استاذ صابر
المهم طلعو بيت صابر فوق
وقالو عايز في موضوع كبير اوي من الاخر هخليك تاخد 10 مليون فيه
صابر طبعا اكتر حاجة بيحبها في حياته الفلوس
اومرك يا باشا بس انت كدة مش مبالغ شوية في المبلغ هي العملية كبيرة للدرجادي
جدا مش عارف اقولك ايه يا استاذ صابر...
احكي يا باشا وانا من ايدك ديه لايدك ديه
الباشا بدء يحكي.....
لو تسمع يا صابر عن الشركات الي هي اسمها تمويلية ديه مضيعة سوق البورصة خالص ومتحكمة في تركة كبيرة في البلد
الشركات ديه موقفة حالنا ومن الاخر مقفلة علينا وشركاتنا بدءت تنهار وانت عارف لو انهارنا فيه ناس تانية هتمسك اقتصاد البلد واحنا احسن ناس نديرها
تفتكر ممكن نعمل ايه يا ريسنا
صابر بص لفوق كدة في السقف وقال انا ايه الي خلاني اسمعك من الاول يا باشا
انا اه عملت عمليات كتير بس مش للدرجادي يعني انت كدة بتعجزني
الباشا: ساب الكارت بتاعه وقال لصابر ماشي بس براحتك يا صابر بيه
صابر: لا لا استنا كدا يا باشا احنا بردك خدمينك من الاخر اصبر عليا يومين تلاتة
وهاجيلك وانا مخططلك لحاجة حلوة كدة
صابر لقا باطل داخل عليه وقاله مين دول
صابر اسكت شوية سبني افكر شوية
المهم صابر فضل يفكر يفكر لحد ما راح للباشا في قصره الي موجود حلايب وشلاتين
حاجة كدة فاخمة قصر كبير وليه بحيرة كبير تحس انك داخل قرية سياحية اوربية
المهم دخل للمكتب وصابر لقي الباشا بيقوله مرحب مرحب بيك يا استاذنا يا كبير
هاه عملت ايه في موضوعنا سبناك اهو اسبوع بحاله مش معقول يعني واحد زيك مجابش الحل

صابر:
بص يا باشا احنا ولا هنحرق ولا هنقتل ولا هنسرق ولا اي حاجة
الباشا: هنعمل ايه!!
صابر من الاخر كدة عايزين تلاتة من رجالتك بس يكونو ناشفين شويتين وشكلهم حلو
الباشا: موجودين
صابر اخد الرجالة وركبو العربية وسافرو
علي فروع الشركات الموجودة في القاهرة والجيزة ة والاسكندرية
بس هما بدءو بالقاهرة اول حاجة صابر قال واحد من الرجالة
وقال لباطل يروح يعرض علي الشركة ديه مشروع ومحتاجين تموييل كبير
والارض موجودة وكل الورق جاهز من الاخر مش محتاجين غير الفلوس عشان نقدر نعمل مشروعنا وهخليهم هما يملكو 50 % من مشاريعنا باسمهم للشركات التمويلية يعني
المهم الشركات التمويلية ديه معاه فلوس بمعدل 4 مليار جنيه في البلد
والرجالة الاربعة راحو يعرضو افكار مشاريعهم
اول واحد مشروعه ب500 مليون وده مشروع زي كدة شركة كهربا بس شغالة بالمفاعلات النووية وطبعا الراجل معاه كل الورق السليم وده يعتبر مشروع ممضي عليه من الاخر من الحكومة
التاني حاجة كدة زي قرية سياحية بس كبيرة اوي و ب 500 مليون بردو
تالت مشروع وده يعتبر ب 2 مليار وهو عبارة عن مدينة كبيرة اوي احتمال تكون اكبر مدينة في مصر وهتتعمل خلال مدة 7 سنين
اما رابع مشروع بمليار وده عبارة عن زراعة الصحراء في مصر
المهم الرجالة اخدو موافقة بالتممويل من الشركات
الي مفروض ان الشركة فاكرة ان ارباح المشاريع ديه هتخليها من الاخر بعد 10 سنين ماسكة 75 % من اقتصاد البلد

الفلوس اتاخدت وكل حاجة اوذا فاجئة بعد كام يوم نزل خبر في الجرنال
بيقول افلاس اكبر شركات تمويلية في مصر
والسبب هي مشاريع وهمية وهروب الفاعلين
صابر رجع للباشا وقاله ايه رائيك
الباشا انت مصيبة يا صابر مصيبة هاه هاه هاه هاه
صابر : بس 4 مليار دول مش هبيبقو بتوعك دول ليا انا
الباشا احنا هنهزر يا .....
صابر متخفش يا باشا انا مضيت عقد مع الحكومة ودلوقتي زيه زيك
وراح سابوه ومشي
صابر قرر يعمل الاربع مشاريع بس بجد المرة ديه بعد ما فضل سنتين مختفي وحاطط 4 مليار في بنوك في سويسرا
اول مشروع صابر عمله مدينة كاملة فيها وعمل سعر الشقق فيها بربع التمن يعني الشقة الي ب 200 الف بقت ب 50 الف
وتاني مشروع عمله شركات صناعية وشغل فيها اكتر من 50 الف شاب
وتالت مشروع عمله هو شركات تغذية لاطفال عشان ميحصلش اي مجاعة في مصر والشركات ديه بتتنتج وبتصرف الحاجات ديه للغلابة
رابع مشروع هو عمل اكتر 25 مدرسة علمية عشان يدعم العلماء الي الي البلد محدش يخرج برا بلده

وفي خلال 5 سنين صابر مسك اقتصاد البلد بنسبة 50 %
ومحدش قدر يوقع مصر تاني
شوفتو بقا ان النية سليمة
والمشكلة كلها في الفلوس هي الي بتمسك كل الناس من ايديها الي بتوجعها
حتي كل دول العالم كدة الحرب دلوقتي اقتصادية
الاقتصاد يحكم العالم .... النهاية

[ابو شخة جنان]

قصة جميلة جدا مع انى مقرتش غير اول كلمتين اتاثرت

[SŦorm]

طبعا فاكرك
من يومك وخيالك حلو

الافادة الاقتصاد يحكم العالم

[!MaGeD]

شكرا يا رجالة علي ردودكم الحلوة

[s_TiTO_s]

قصة روعه بجد

[ViP_BedoZ]

قــصة خيالية حلوة

[™DesertStorm™]

تسلم ايدك بجد يا غالى ويلكم باك من جديد فى بيتك ومطرحك

[omarsasa201]

علشان مبقاش بكدب عليك القصة او الرواية الي بتفتقر الفصحي وبتبقي عامية بتبقي جافة ومش حلوة .. انصحك تحاول تخلي خيالك اكبر وتوسع إدراكك شوية بابعاد الشخصيات والخيال