Alchemy

[Love_Wizard]

السلام عليكم ورحمة الله وبركاته
احب اشكر المنتدي واعضائه ومشرفينه علي المجهود الرائع
عشان كده قولت اني اساعد في ان القسم ده يبقي من افضل الاقسام وربنا المعين
تعالوا بقي نبدا

Alchemy

دلوقتي الموضوع ببساطة ما هو الا انك لبسك واسلحتك ليها مقدار من القوة فطبعا انت بيبقي نفسك تخليها اقوي وده بيبقي عن طريق انك بتضرب حاجات عليهم فبتزود قوتهم تقسيمة الحاجات دي هي الاتي:
1- عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] Elements
2- Tablets
3- Stones
4- Elixirs



Alchemy Elements
وديه هي الاربع عناصر الاساسية (Earth & Fire & Wind & Water)وبيبقي ليها Degree معينه من I to X وبنجيبها من الاكياس الي الوحوش بتوقعها او من تكسير الاسلحة (هيتشرح بعد شوية)

كيفية الحصول عليها من الاكياس

بتروح تشتري من ال Grocery NPC سائل اسمه Void Rando وبتفتح صفحة التكسير عن طريق الضغط علي الحرف Y وتحط السائل ده فيها هتلاقي ان الصفحه فيها جزئين خليك في الجزء الاول وبعد متحط السائل يفه حط بقي الاكياس الي معاك بس لازم يكون عندك مساحه فاضيه وبعد كده اضغط علي Fuse All هتلاقي ان الخانات عندك بيتحط فيها الاربع عناصر الاساسية الي كانوا في الكيس

كيفية الحصول عليها من الاسلحة

لو عندك اسلحة مش محتاجها زي الي بتنزل من الوحوش انت ممكن تبيعها وتجيب منها فلوس لكن ممكن تستفيد بيها بشكل تاني انك تجيب منها الاربع عناصر الاساسية وهتبقي اعدادها اكتر بتجيب من ال Grocery NPC سائل اسمه Void Destroyer وبتحطه برضه في نفس الصفحة الي عملنا فيها الاكياس وبعد كده بتحط السلاح الي انت هتكسره وبتدوس Fuse All بكده انت بتجمع الاربع عناصر الاساسية ودول مهمين جدا وهما الاساس


Tablets

دي بقي عبارة عن صخور بتبقي لونين احمر واخضر ودول بينزلوا من الوحوش كل لون وليه معني غير ان كل Tablet مختلفة في وظيفتها عن غيرها فانت بتشوف انت محتاج انهي وظيفة وبتجيب الي تخصها وبيبقي ليها Degree لازم تكون هي هي نفس الDgree بتاعت السلاح او اللبس الي انت عايز تضربها عليه بس لسه هنضبط الصخور دي لانها مينفعش تضرب كده
الاحمر بيعمل عمليه Reset للخاصيه الي في السلاح او اللبس الي هو المفروض انه يغيرها والخواص دي بتبقي مكتوبه بالابيض في السلاح من فوق ومعظم الناس مبتفضلش استخدامهم لانها ممكن تقلل السلاح بدل متزوده
الاخضر بيعمل اضافة Blues علي السلاح ودي بتتكتب بالازرق علي السلاح او اللبس من تحت ولو الBlue اللي هي بتعملها موجوده ممكن انها تزودها او تنقصها ودي عمليه حظ مش اكتر


Stones

عباره عن جوهرة وهي دي اللي هتضربها علي السلاح او اللبس علطول ودي بنجيبها عن طريق الاتي:
بنجيب الTablet اللي انت عايز الي هي هتديهولك وتقري عليها من تحت هي عايزة كام حته من كل عنصر من الاربع عناصر الاساسية والDegree بتاعت كل واحد منهم وبعد متجيبهم بتقوم فاتح صفحة عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] عن طريق Y وتحط الTablet في الصفحة الاولي وبعد كده بتحط العناصر الاربعة وتدوسFuse All هتلاقي الStone بتاعتها ظهرت عندك في الInventory بتاخد بقي السلاح او اللبس اللي انت عايز تضيفله الBlues (ولازم متكونش لابسه وانت فاتح الصفحة ) وتقوم فاتح الصفحة التانيه وتحط السلاح ده فيها وتحط الStone فيها وتدوس Fuse All وانت وي حظك ياما العملية تفشل اصلا هتلاقي طلعت سحابة لونها بنفسجي او تنجح في انها تزود سلاحك او تنجح بس تنزل السلاح بدل متزوده فطبعا العملية دي مكلفة وشاقه بس انت الي عايز سلاح جامد فلازم انك تكافح


Elixirs

فيه حاجه تانيه برضه بتزود قوه السلاح او اللبس وهي ال + يعني السلاح +1 اقوي من نفس السلاح بس من غيرها واضعف من نفس السلاح بس +2 او اكتر
بنزود ال+ دي عن طريق الElixir بس يستحسن تروح تجيب من عند الGrocery NPC سائل اسمه Lucky Powder ويكون ال Degree بتاعته نفس بتاعت السلاح وبتفتح صفحة ال عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] ونختار الصفحة التانية وبنحط السلاح وبعد كده الElixir وبعد كده الLucky ونضربهم وبرضه العملية عملية حظ بمعني انك اخرك في الظروف العادية انك تزود السلاح لحد +4 مع المحظوظين قوي لكن من السهل نسبيا انك توصل لحد +3 ولو العملية فشلت هتنزل كل ال+ من السلاح وانت السلاح اصلا بيطلع واحده واحده يعني الاول +1 ثم +2 ثم.... لكن لو عايز اكتر من كده يعني الاسلحة اللي بنسمع عنها +7 او +9 دي بتتعمل ازاي كالاتي:
مبدايا لازم تشحن سيلك عشان تشتري Astral & Immortal Stones وبتجيب Steady Stones بتضرب الاول الSteady Stones لعدد معين وليكن 4Times وبعد كده بتضرب ال Immortal Stones لنفس العدد وبعد كده بتضرب الAstral Stones ولازم يكون عددها اقل من الImmortal وبعد كده بتجرب انك تزود ممكن تفشل او تنجح انت وحظك
طبعا السؤال دلوقتي ليه لازم اجيب الحاجات دي واعملها قبل مزود ال+
لان الحاجات دي بتخلي السلاح مينزلش اقل من +4 لو العملية فشلت يعني فرضا انت خليت السلاح +6 (طبعا بعد معملت الحاجات اللي فاتت) وجيت تزوده تاني قامت فشلت المفروض انه ينزل كل ال+6 ويبقي عادي من غير + لكن ده مش هيحصل لان انت عندك علي السلاح Astral & Immortal هتخليه ينزل بس لحد +4 طب لو كانت خلصت من عليه الAstral & Immortal لو حاولت تعملها تاني عشان تزوده وفشلت هينزل كل ال+ وهي دي فايدة الجواهر دي

بناء علي طلب الاعضاء شرح بعض الStones و فائدتها

Master Stone: دي بتديك بلوهايه بتزودلك الDurability بتاعت السلاح مثلا او اللبس اللي اتحطت عليه طب ايه هي الDurability دي ؟ عبارة عن نسبة الصلاحية بتاعت السلاح طول مهو بيضرب يعني يطولك فترة استخدامك للسلاح قبل متروح تصلحها تاني ده طبعا بيفيد جدا الناس اللي بتلعب علطول بسيلك وبتشتري الHP & MP بسيلك عشان ميتضطرش انه يرجع كل شوية بسيطة يصلح حاجته

Lucky Stone: فايدتها بتزود نسبة الحظ في ان لما تيجي ترفع السلاح بلاسات تقوم تنجح معاك طب هتقولي يعني لو انا حاطط علي السلاح Lucky 3 Times دي معناها ايه هل كده هتنجح بالتاكيد هقولك لا مش شرط اللي هيحصل كالاتي معاها هيشوف هل المفروض تنجح ولا تفشل فرضا كانت تفشل هيقوم مضحي بواحده Lucky من ال3 ويجرب تاني فرضا فشلت تاني هيقوم مضحي كمان مرة ويجرب تاني فرضا فشلت هيقوم مضحي بالاخيرة ويقوم مجرب تاني ده معناه انها مش لازم تنجح ولكن بتديك نسبة اكتر من الحظ عشان تنجح وللعلم(كان عندي سلاح عليه 6 Lucky وكنت عايز ارفعه بلاس 6 وفشلت ونزل 0

Steady Stone: فايدتها ان لما السلاح يطلع +5 ويفشل ميحصلش انو ياخد البلو الحمرا اللي هي Durability Reduced By 40% او Durability Increased By 400%(Repair Invalid) يعني بتحميلك السلاح من انه يبوظ منك ومهمه انها تتحط قبل متحط الImmortal Stone

Immortal Stone: فايدتها ان لما السلاح بتيجي تطلعه بلاسات انه لما تفشل السلاح ميتكسرش ويضيع منك يعني ميختفيش خالص من عندك وكمان لازم تتحط قبل متحط Astral بحيث يكون عدد الImmortal اكبر من عدد الAstral علي الاقل بواحد

Astral Stone: وفايدتها انك لما تكون بترفع السلاح +5 فيما فوق لما تفشل تقوم بدل متنزل كل البلاسات للصفر لا تضيع واحده Astral وينزل البلاسات لحد +4 بس

وبكده نبقي خلصنا وللي عنده اي سؤال او حاجة عايزني اشرحها يسال وانا مش هتاخر باذن الله
اتمني بس اكون وفيت ومكنش طولت عليكم والسلام عليكم ورحمة الله وبركاته
الموضوع خاص بالموقع Silkroad4arab
ليس منقول

[kastel]

تمام يا وااااد
لو كملت باقي انواع ال ‏stone ‎‏ هظرفهولك شعلقه كام يوم كده

[Paranoid]

مكركر و القديم وافي .. غير كده و كده التابليت خلاص بخ يعني المفروض ماتقولوش فـ الموضوع من أساسه ..

[DeMooN_Hell]

زي ما قلك Paranoid

[ツ SmSm_Smile ツ]

أنت عمل مجهود نقدرك عليه بس لو جبت أنواع التبلتس وبتعمل اى احسن

[CError]

الله ينور عليك

[kastel]

يروح الفهرس

[N0T]

مشكورررررررررررررررررررررر

[Ultra Games]

Thanks

[Cirrus]

مشكور

[magnetoo]

nice work

[Ultra]

شكراااااااااا

[diver]

لو سمحت فى حاجه اسمها (elements)كنت عاوز اعرف دى اجبها ازاى

[decolove]

بتجيبها من الحاجات اللى بتقع من الموبس وحسب اللفل بتكسرها بيطلعك الالمنتث دى او ممكن تكسر اى سلاح او ايتم هيطلعك الحاجه ديه وده على حسب اللفل اللى انتا عاوزة