شـريـط الاهـداءات |
|
|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
29-05-2009, 06:51 PM
|
#1 | ||||||||||
  
|
بيقولوا الصعايده عملوا كروت مينا تل بطايق هههههه واحد صعيدى بيعاكس وحده حلوه قالتوه حاسب بابا جاى.رد! قوليله انى اخوكى واحد صعيدى راح يزور واحد يابانى صاحبه فى مستشفى فى اليابان اليابنى كان نايم وبيتنفس بجهاز التنفس الصناعى فالصعيدى بيقول لليابانى شد حيلك امال واليابانى يرد ( يوكى شنج ) والصعيدى يقول ( يوكى شنج ) دى فى عنيا بس شد حيلك انت اليابانى ( يوكى شنج ) وبعدين مات وفى الجنازه بتاعته الصعيدى كان بيقول لواحد صاحبه الله يرحمه كان بيوصينى على بنته ( يوكى شنج ) قبل ما يموت رد صاحبه ( يوكى شنج ) دى مش بنته ده كان بيقولك قوم من على خرطوم الاكسجين مرة واحد صعيدي شاف الهرم قال يبوي كل دي قطعة جبنة نستو استاذ بيعلم التلاميذ الطرح فبيقول لتلميذ افرض ان معايا فى جيبى 5 جنيه وقع منهم 2 جنيه يبقى فى ايه فى جيبى ! التلميذ : يبقى جيبك فيه خرم واحد بيقول لصاحبه فرده الكوتش بتاعتك نايمه! قالوه ايوه اصلها كانت سهرانه للصبح واحد صعيدى راح يشترى جزمه فبيسئل صاحب المحل بكام الجزمه دى رد البياع دى ب 30 جنيه راح الصعيدى قال للبياع اتهاود معيا علشان آخد الفرده التانيه واحد صعيدى لما بينزل البحر فى الشتاء بيلبس مايوة صوف مرة اتنين صعايده دخلو كليه الطب واحد اتخرج محامى والتانى محاسب واحد صعيدى خبط واحد بالعربيه وفى التحقيق دار هذا الحوار الظابط : خبطه بالعربيه ازاى ؟ الصعيدى : يا بيه آنى اديته كلاكس وولعتله النور واديته فلاشر وهو اللى مارضيش يبعد عن طريقى الظابط للمصاب : لما هو ادالك كلاكس ما بعدتش ليه؟ المصاب يا بيه انا قاعد فى دكانى- ابعد اروح فين؟ مرة اتنين صعايده كانو ماشين فى الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته مره واحد عنده دولاب عايز يطلعه الدور الرابع.بعت ل اتنين صعايده يطلعوة وبعد ما وصفلوهم مكان الشقه بص لقى واحد بس شايل الدولاب وبينهج ساله صاحب الدولاب امال فين زميلك رد عليه وقله ان شايل الدولاب و زميلى جوا الدولاب شايل الارفف واحد صعيدى كان بياكل بايده الشمال راح ابن عمه قال كدة الشيطان ياكل معاك راح حاطط سم فى الاكل واحد صعيدى رمى على مراته يمين طلاق فتحلها دماغها واحد راح للدكتور قاله يا دكتور لما بحط ايدى على عينى ما بشوفش حاجه راح الكتورعمله عمليه فخرمله ايده صعيدى راح يبيع حماره فى السوق رجع الحمار وحده و فى بقه 10 جنيه مرة واحدة تخينة اوى شاورت للحنتور الراجل قالها اركبى بسرعة قبل ما الحصان يشوفك واحده وحشه قوى بتقول لجوزها يا ريتني عصفوره قالها ياريتنى بندقية واحد اتجوز واحدة وبعد اربع شهور ونص مراتة خلفت ولد فسالها الواد دة جة ازاى واحنا متجوزين من اربع شهور ونص؟؟؟؟!! قالت لة انت متجوزنى من امتى؟؟؟قال لها من اربع شهور ونص قالت لة انا متجوزاك من امتى قال لها من 4 شهور ونص قالتلة كدة يبقوا تسعة فرد عليها ايوة كدة كنتى هتخلينى اشك فيكى ليه الصعيدي بيربي شنبه ؟؟؟؟؟؟ علشان الدبانه تمسح رجليها قبل ما تدخل صعيدي ربنا فاتحها عليه وساكن في الدور الخامس وبعد ما نزل الصبح افتكر انه نسى نظارة الشمس والمنديل فنادى علي زوجته وقالها ارمي النظارة والمنديل فرمت زوجته النظارة فانكسرت فقال لها خلي المنديل انا طالع اخذه ههههههههههههههههههه ليه الصعيدي بيذاكر بره بيته علي نور الشوارع ؟؟ علشان يقولو انه متعلم في الخارج ههههههههههههههههههه يوم فرح واحد صعيدى كل المحلات اتسرقت ليه ؟؟؟ علشان الاقفال راحت تبارك له ههههه مره واحد صعيدي دخل في رجله مسمار مصدي عمل ايه؟ خبط رجله بقوه علي الارض وقاله والله مانتا طالع ابدا ههههههههههههههه وحدة ست قالت لجوزها عايزة كبريت ..... بعد فترة عطاها الكبريت راحت زوجته تقول الكبريت خربان ( الزوج ) ازاي انا مجربو عود عود واحد صعيدى احرز هدف ضيعة فى الاعادة واحد صعيدي بعت صورته بالمايوه لاهله . . بعتوله هدوم علي وجه السرعة طبيب عيون بيحب وشايل وردة فى ايديه وقال لحبيبته شايفة الوردة دى ياحياتى قالتله اه وقام نقلها الى اليد الاخرى وقالها طب كده صعيدي وقفت علي وشه دبانه بيهشها . فقالت له حتي انت يا معفن مره واحد بلدياتنا استعجل يخلف عيال --- عمل ايه؟ اتجوز واحده حامل هههههههه مرة واحد صعيدي كان مسافر أمريكا واهله في البلد عطوله 3 زلع فيهم "مش" عشان ياكل كل واحدة في شهر وقالوله سمي قبل ماتاكل عشان الشيطان مياكولش معاك ... اول زلعة نسى يسمي ... والتانية نسى يسمي ... في المرة التالتة طلعله الشيطان وقاله : أبوس ايدك تسمي ... معدتي باظت هاهاهاهاهاهاها مرة نجار صعيدي دخل في رجله مسمار ماعرفش يطلعه ... تناه هاهاهاهاهاها مرة واحد صعيدى خبطته عربية روحة طلعت خبطتها طيارة ايه وجه الشبه بين الصعيدي الذكي وسوبر مان ؟؟؟؟؟؟؟؟؟؟؟؟؟؟؟؟؟؟؟؟؟؟ الاتنين شخصيات خياليه مرة سواق تاكسي موت واحد ونقل علي التاني ومرة نجار نفسه اتكسرت مسمرها ومرة واحد صعيدي راح يسوي معاشه في الفرن مرة واحد كهربائى خلف بنت سماها نجفة مره 10 صعيده بيهزرو مع بعض مات منهم 8 قال واحد منهم بس يامحمدين لتقلب جد مره واحد حس ان مراته بتخونه قالها انه مسافر وجلها بعد شويه ضرب الجرس فكان فى البيت 4 تماثيل مرته واقفت الراجل اللى كان معها معى التماثيل دخل جوزها لقه 5 تماثيل مايعرفش مين التمثال الخامس فقال انا حضرب طلقه اللى حيجرى يبقه هو الخاين فضرب الطلقه فجرو الخمسه مرة واحد دخل الحمام شاف مساحة متعلقة قال يابوي كل دي مكنة حلاقة مره واحد راح لسعاتى قاله عندك ساعه قاله أه عندى قاله بكام قاله ب 10 جنيه قاله طاب إدينى نص ساعة مرة واحد صعيدى راح يغير انبوبة بتوجاز فسألة صاحب الانابيب فين الانبوبة الفارغة فأجاب الصعيدى انا هشربها هنا حاجه بتقول ميو وبتطير ايه هيه .... قطه مضروبه شلوت ليه الصعيدى لما بينام بيحط تحت السرير قنبلة ؟؟؟؟؟؟؟ علشان يصحى من النوم بدرى حاجة زى الصاروخ ومعدية من أدامك ايه هيا ؟؟؟؟؟؟؟؟؟ صرصار وراكب موتوسيكل مرة واحد صعيدى لقة مصباح علاء الدين و هو ماشى فضل يمسح فية لحد لما موت العفريت ههههههه واحد حانوتى فتح محل فكهانى كتب على المحل الموووووز علينا حق مرة واحد جزار مات طلع ورا جنازته الكلاب مرة واحد قصير راح يشهد في قضية في المحكمة فقالو القاضي قول "والله العظيم أقول الحق" فحلف فسأله القاضي عن إسمه فقاله إسمي نخلة فقاله القاضي هو من أولها حتكدب مره واحد صعيدى حلم انه بيحفر فى بير غويط صحى لقى ايده فى منخيره مرة واحد صعيدي بيسأل واحد فرنسي ليه معندكوش نكت زينا رد عليه وقال عشان معندناش صعايدة صعيدي نزل يتمشي ...... .جابوه من علي الحدود ..... ههههههههههههههههه مرة واحد مسطول ماشى فى الشارع قابله واحد مسطول تانى و سأله ده الشمس ولا القمر قاله والله معرفش أصل انا مش من هنا مرة نملة وقعت في عصير الطماطم قالت اخيراً وصلت إلى البحر الأحمر واحد صعيدى الكهرباء مسكته قال مش انا واحد بيسال ابوه امال يابا جبال الالب فين قاله اسال امك هيااللى مبتحطش الحاجه فى مكانها ثلاث صعايدة راحو يسرقوا بنك واحد بيسرقة والثانى بيراقب والثالث بيبلغ البوليس مرة واحد صعيدى ماشى على كوبرى 6 اكتوبر قال يابوي يابويي كل دى بلكونه واحد اهبل وواحد احول فتحوا مطعم, فلافل الأحول يرمى القرص على الأرض و الأهبل يقول : تش تش تش واحد صعيدى راح لواحد بياع تيليفزيونات بيسأله عندك تيليفزيونات ملونة البياع قاله ايوه راح الصعيدى قايله ادينى واحد أخضر واحد بلدياتنا سمع اغنيه مدحت صالح انا عايز اعيش فى كوكب تانى وبعدين بلديتنا راح لمدحت قاله وادينى الكوكب ده قال له لا دى اغنيه بس يعنى كلام فى الهوا قام وخده وبلديتنا مصمم ورماه فى الصحره وهناك فى الصحره بلدياتنا قابل راجل بلديتنا بردك كان هناك قاله مالك رد التناى مصدع من الشمس رد بلدياتنا الاول اخوك مخيمر من الارض مفتش دخل فصل وسأل مين قتل كليبر أول تلميذ خاف وقال مش أنا ياأستاذ التاني قال والله ماأعرف حاجه وهكذا كل الفصل خرج المفتش متضايق خرج المدرس وراه وقالله ياسيادة المفتش انت متأكد ان اللي قتل كليبر في الفصل ده واحد صعيدى وقع فى خلاط مسلح خرسانه نزل يقول يلعن ابو الملاهى اتنين مشيين فى الصحرة طلع عليهم اسد طلعوا يجرو لقوا باب واحد منهم استخبا ورا الباب والتانى اعد يخبط على الباب ويقول للتانى افتح الاسد هيكلنى مرة واحد صعيدى راح يشترى تلفزيون فساءل صاحب المحل التلفزيون دة بكام قلوة ب500 جنية قال لصاحب المحل انا ماعيش الا 300 جنية قالو صاحب المحل اوكى اخذ منك ال300 جنيه واديك بالباقى ضرب على افاك وفى يوم اعد مع مراتة بيتفرج على التلفزيون لقيتة بيهرش على قفاة قلتلة مالك قلها بفكر اشترى فديو هههههههههه واحد ارفان من عيشته وقع فى حفره قال احسن واحد اقرع اتجوز واحدة قارعة خلفو والد سموة شعراوى مره واحد صعيدى لقى الفنوس السحرى دعك الفنوس العفريت جاله تسلخات هاهاهاهاهاهاهاهاهاهاهاهاهاها مرة واحدة بتقول لجوزها واحد رخم ماشى ورايا يعاكسنى من اول ما خرجت من السوق لحد البيت قالها طيب وانت ايه اللى اخرك قالتله اصله كان ماشى ببطئ واحد صعيدي حب يعمل ارهابي,خطف ابنه محدش سال عليه.. قتله مرة واحد بخيل نايم بيموت واولاده قاعدين حواليه فبيسال مراته انتى جانبى قالتله اه هنا جانبك والعيال هنا رد اولاده اه يا بابا كلنا حواليك قالهم لما انتو كلكم هنا امال مين اللى مولع النور اللى برة مره واحد ندل فى غرفة الانعاش ما بين الحيا والموت بيوصى عياله انهم يكونوا اندل منه وهماخرجين قطعوا عنه جهاز التنفس مرة 2 صعايدة بيلعبوا شطرنج الملك مات مخنوق منهم مرة صرصار ميت على نفسة من الضحك ليه ؟ لان ال بيجرى وراه احول واحد صعيدي عرف ان الموضه السنادي الجلد قام قالع هدومه ومشي عريان واحد صعيدي يعمل لدي كفيل في الخليج أخونا الخليجي بيحب الدش جدا ومن الخوف من ملاومه الأهل له لم يعلم أحد أن عنده دش الصعيدي هو حارس العمارة فقاله الخليجي انا خارج في نزهة اليوم فلا تحاول الصعود الي السطح لأنني مربي وحش علي السطح فقاله الصعيدي أبــــــشر... لكن وقعت الكارثة ففضول الصعيدي غلبه في آخر النهار قال لنفسه لن أهدا الأ برؤية هذا الوحش فذهب الي السطح وخاف من فتح الباب فنظر من ثقب الباب ففر هاربا الي اسفل فوجده الخليجي في حاله متدهوره وقال له ماذا كنت تفعل فقال له الصعيدي لقد رأيت الطبق الذي يأكل فيه الوحش مره واحد صعيدى حب يشرب لبن سخن ولع فى الجموسه صعيدى هرش فى بطنه طلع مصارينه واحد من قبلي وواحد من بحري قعدوا علي قهوة الراجل بتاع بحري كان واكل سمك قال للقهوجي يا ولا هات مية عشان السمك عطشان رد عليه الصعيدي كان واكل لحمة وقال للقهوجي يا ولا هات مية عشان العجل عطشان مره واحد صعيدي ركب دماغه عمل حادثه اثتنين عربجية قابلوا بعض واحد بيقول للتاني تصدق عرفت الحمار وما عرفتكش قام التاني رد عليه وقالوا شيء طبيعي اني الحمير تعرف بعضها مره واحد رخم دخل السينيما وجد السينيما كلها فاضيه وفيها واحد بس جلس خلفه وقال له راسك كده شويه هاهاهاهاهاهاها قمة الهدوء انك تسمع شريط فاضى وقمة الرخامة انك تقلب الشريط وقمة التناحة انك تعيد حتة عجبتك ولد بيسأل ابوه بيقولو انا جيت ازاى ابوه قالو جبنا كوبايه مايه وحطينا فيها سكر وتركناها تحت السرير وصحينا الصبح لقيناك جيه الولد جاب كوبايه وحط فيها سكر وتركها تحت السرير تانى يوم بيشوف الكوبايه لقى فيها صرصار قالو والله لو ماكنت ابنى لكنت موتك بالشبشب اثنين مسطولين جالسين امام الهرم واحد بيقول للثانى الهرم ده امى اللى بنيته فالثانى قاله تسمع عن البحر الميت اخواتى اللى قتلوه مرة واحد راح للبقال قالة عندك حلاوة قلة اة قالة ادينى زيتون قالة عندك جبنة قالة اة قالة ادينى مربى راح البقال لابوة قالة ابنك كل ما يجيلى يقولى عندك حلاوة ................قوله عندك عصايا قلة اة قلة اديلة بالشبشب واحد صعيدى ماشى فى طريق ... فجاءة وجد نفسة فى وسط معركة بضرب النار .. استخباة وراء جدار وشوية حضروا ناس من ال بيضربوا نار ووضعة البندقية على راسة .. وسالوة انت معنا ولا مع الاخرين ؟ قالهم انا معاكم ..قلولة احنا الاخربن مرة واحد تزوج وحدة شيك في الصباح لقاها كمبيالة واحدة بعد مباراة السعودية والمانيا بتقول لجوزها الفرخة بتاعتنا باضت ثمان بيضات قالها لية كانت نايمة مع ديك الماني مره واحد زملكاوى اشترى ساعه كل ماتيجى الساعه 6 تقول له بيبو بيبو بيبو صورصار راح الاجزخانة بيسأل ( فيه مبيد بشري ) واحد صعيدى قتل ابوة علشان يحلف برحمتة واحد صعيدى بيقرقض فى اظافره وصل لكوعه سأل القاضى المتهم ليه قتلت الراجل بالسكينه رد المتهم علشان مكانش معايا مسدس فى صرصارفى العناية المركزة بيسال الصرصار الجانبة بيرسول قل لاء ضربه شبشب مرة واحد كان واقف فى الشارع مستنى الاتوبيس فجاله واحد تانى قاله والنبى يا عم ماعندكش جنيه سلف قاله بص يا ابنى عارف الميدان اللى هناك ده انت تروح هناك و من على ايدك اليمين سيب اول شارع وتانى شارع وتالت شارع ورابع شارع و خش فى الخامس...سيب اول عمارةوتانى عمارةوتالت عمارة و رابع عمارة و خش فى الخامسة...اطلع اول دور وتانى دور وتالت دور ورابع دور و بعدين لما توصل خامس دور هتلاقى سبع شقق سيب اول شقةوتانى شقةوتالت شقةورابع شقةو بالمفتاح اللى انا مديهولك ده افتح باب خامس شقة.... اول ما تدخل هتلاقى قدامك ست غرف سيب اول غرفة وتانى غرفةو تالت غرفةو رابع غرفة ادخل الخامسة هتلاقى دولاب افتحه سيب اول رف وتانى رف وتالت رف ورابع رف و خامس رف مد ايدك هتلاقى مصحف هاته احلفلك عليهان مفيش فى جيبى و لا مليم .... هههههههههههه واحد صعيدى دخل مستشفى المجانين لقى الناس كلها بتجري وتتنطت وتقول فيشاااااااااااا ر فلقى واحد قاعد فى جنب فقال اكيد الراجل ده عاقل اما اروح اقعد معاه فساله انت قاعد كده ليه قاله الراجل سبنى اصل انا لازق فى قعر الحله ------------------------------ مره اتنين متاخرين على المدرسه الاستاذ بيسال الاول انت ايه اللى اخرك قاله كانت فيه 5 جنيه ضيعه مني وبدور عليها فمسك التانى وانته ايه اللى اخرك قاله أصل انا اللى كنت دايس عليها ------------------------------ مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم ------------------------------ واحد غبي طلع برج القاهرة في اخر دور وبص على الناس تحت لقاهم صغيرين جدا وركز على واحد منهم وكلما كان ينزل دور كان يلاقي حجمه يكبر حتى وصل للدور الارضي راح للراجل وحضنه وسلم عليه فساله الراجل انت تعرفني قال له طبعا يا راجل ده انا اعرفك من وانت صغير قوي ------------------------------ واحد ركب اتوبيس.. جاله الكمسرى بيقول له تذاكر ... قال له امين شرطه..... سابه وراح للجانبه قال له: تذاكر ... قال له: أبراهيم شرطه ------------------------------ مرة اتنين ستات عواجيز نفسهم يتجوزوا فراحوا النادي وقالوا اول ولد حيعدي حنقوله، و لما عدى واحد، واحدة منهم قالتله: تتجوزني يا امور؟ قالها: ده انا اتجوز ***ة ومتجوزكيش! التانية راحت قايلة: هووووووووهووووو وووو ------------------------------ مرة واحد غبي حب يطور الطيارة الهليكوبتر فك المروحة وركب بدالها تكييف ------------------------------ مرة واحدة قالت لزوجها اليوم بصيت لنفسى فى المراية لقيت نفسى قمر14 تفتكر كده غرور قالها لأ غرور ايه ده كدة يبقى عمى ------------------------------ مرة ظابط طلع على المعاش فتح محل حلويات سماه التورتة في خدمة الشعب ------------------------------ مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلالالالالالا لا وقاله لما "بكون واقف فى المحل مع ابويا ينابيع يا ابويا يبيع ------------------------------ مره دكتور راح مستشفي المجانين علشان يكشف عليهم فرسم لهم باب علي الحائط و قال لهم "افتحوه" فراحوا يفتحوه ما عدا واحد، افتكر أنه عقل و بقى كويس فساله "ليه ما فتحتش الباب" قاله "لأن المفتاح معايا !!؟؟" ------------------------------ مره واحد كسلان محكوم عليه بالإعدام ردما فى حفرة فبيقلوله "نفسك فى ايه قبل ما نردم؟" راح قالهم "أشرب قالولوه "اطلع اشرب" راح رد وقال "انا لسه هطلع يا عم اردم اردم!!" ------------------------------ مرة واحد بيقول لمراته "اعملى محشى" فقالت له "ما بعرفش" قلها "ماليش دعوة" فراح الشغل ورجع لقى السفرة مليانة محشى قلها "مين اللى عمله؟" فقالت "معرفش" فأشتكى للبواب، البواب رد وقاله "الشقة ديه مسكونة" فقله "لاياعم أنا هروح شقة حلوان" فطلع الشقة لقى العفش محلول وهو نازل لقى أربع عفاريت بيغنوا "هنروح حلوان هنروح حلوان" ------------------------------ مرة واحد مربى كتكوت مفترس كل ميدخلوا فى عشة ياكل الى فيها راح رماه فى الصحرا وبعد يومين الراجل حس بالذنب راحلو لقيه مرمى على الارض والنسور والصقور بتحوم حوليه راح الراجل قله :حبيبى انت مت ولا ايه راح الكتكوت قله : الله يخرب بيتك بوظت الكامين ------------------------------ مرة دبانة وقعت فى كاس خمرة طلعت تقول وسع للنسر ------------------------------ حرامى دخل شقة علشان يسرق لقا واحدة تخينة اوى اعدت علية وقالت لابنها نادى ابوك من القهوة فالحرامى قال :بسرعة يالا ------------------------------ واحد ماشى ورا وحدة قالها الحلوة وراها مشوار قالتلة لا وراها حمار ------------------------------ واحد قابل واحد بيجرى فى الشارع فسالة بتجرى لية قالة حماتى اشتريت لها نصف كيلو سمك اكلته نىء جلها شلل نصفى فقاله رايح تجيب لها الدكتور قاله لا انا رايح اجيب لها النصف كيلو الثانى ------------------------------ بياع سمك ابنه مات . مشى فى الجنازة يقول كان صاحى وبيلعب ------------------------------ مرة واحد سنانه كلها مخلعة ماعندوش غير انياب راح قدم على وظيفة شغلوه خرامة ------------------------------ فضاءين نزلو الارض في محطة بنزين مافيهاش حد فلفوا حولين مضخة بنزين لفوا حوليها ورجعوا تاني فاصحابهم قالولهم :اية هو شكل سكان الارض فقالولهم :هم تقريبا زينا بس بيناموا وهم واقفين و بيحطوا صباعهم في ودانهم ------------------------------ مره واحد حب يشتري فراخ فراح عند دكان الفراخ وقال للراجل لو سمحت انا عاوز فراخ فراجل ساله عاوزه مدبوحه ولا سليمه قاله سليمه فراجل قاله اطلع الدور التاني طلع الدور التاني فراجل تاني قاله عاوز الفراخ كامله ولا متقطعه قاله متقطعه فراجل قاله اطلع الدور التالت فراجل طلع الدور التالت فراجل تاني ساله عاوز الفراخ متكيسه ولا لا قاله متكيسه فراجل قاله بص احنا معندناش فراخ بس ايه رايك في النظام؟ ------------------------------ اتنين رخمين اوي اتحكم عليهم بالاعدام فسألو الاول نفسك في ايه قال نفسي اشوف امي وبعدين سألو التاني نفسك في ايه قالهم نفسي متخلوهوش يشوف امه ------------------------------ مره واحد اتحكم عليه بالاعدام فسأله عشماوى نفسك فى ايه قبل ما تموت فقعد يرفس ففكوه قالوه يا جزمه كنت هتخنق ------------------------------ ظابط مسك واحد مسطول بالليل كان معاه حشيش سأله انت بتشرب حشيش؟ قاله ايوه يا باشا، وبتاجر فيه كمان؟ قاله ايوه ، تاني يوم اتعرض على النيابة سأله وكيل النيابة انت بتشرب حشيش؟ قاله لا يا بيه، طب بتاجر فيه؟ قاله لا يا بيه قاله ليه قلت للظابط كده؟ قاله كنت مسطول يا بيه ------------------------------ مرة واحد بيروح بيتة كل يوم سكران قام من النوم الصبح وقال لمراتة انتى يا ولية كل يوم تسيبى نور الحمام منور، مراته ردت عليه قالتله اتنيل انت اللي كل يوم بتخش الثلاجة ------------------------------ عريس مسطول على الآخر في يوم فرحه..بعد المعازيم مامشيوا دخل البيت لقى العروسة قاعدة، قال والله انا كنت عارف في الهيصة دي هاينسوا حد! ------------------------------ مرة اتنين مساطيل قعد ين بيحششو فا فى واحد منهم لقى جنازة فى الشارع فقال للتانى هو مين الى مات قاله عمك احمد قاله الله يرحمه، فى اليوم التانى الناس عملو سوان للناس علشان ييجو يعزو، قاله هو مين الى مات قاله يابنى انا قلت لك عمك احمد قاله الله يرحمه، فى اليوم التالت شاف نفس السوان قاله هو مين الى مات رد عليه التانى قاله انا كل يوم اقولك ده عمك احمد راح رد عليه قاله هو مال عمك احمد بقاله تلت ايام الدنيا مخبطة معاه كدة ليه ------------------------------ محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش !! ------------------------------ مرة ثلاث مساطيل راكبين عربية ففجأة العربية وقفت فواحد قال للتانى :"انزل شوف العربية مالها" فنزل مطلعش فنزل التانى يشوفه مطلعش فنزل الثالث قال لهم :"فيه إيه ؟؟" فقالوا له :"هوووووووووووس سسسس العجلة نايمة" ------------------------------ اتنين مساطيل طالعين في الأسانسير واحد بيقول التانى "هو الاسانسير بطىء كده ليه؟" قاله "يمكن طالع على السلم" ------------------------------ مسطول حب يعمل برا ءة اختراع، جاب ضفدعة وقالها "اقفزى" فقفزت فقام بقطع أحد أرجلها الأربعة وقال لها "اقفزى" فقفزت فقام بقطع رجل أخرى وقال لها "اقفزى" فقفزت فقام بقطع الرجل الثالثة وقال لها "اقفزى" فقفزت قفزة صغير فقطع الرجل الأخيرة وقال لها "اقفزى" فلم تقفز فقام بكتابة (ملحوظة : عند قطع أرجل الضفدعة الأربعة، تفقد حاسة السمع) ------------------------------ نمله ماتت على الشط فبيسألو مسطول تعتقد ليه ماتت؟ قال أكيد من ضحايا تايتنك مرة اتنين راحوا يزورو متحف للفراعنة... فشافوا جثة متحنطة .....فالأول بيقول للتانى شايف يله قالو ايوا شايف...فبصوا قوي كده شافوا يافطة مكتوب عليها 156ق.م...... راح الاول قال للتانى :وده يطلع ايييه؟...قالوه التانى:والله منا عارف تلاقيها نمرة العربية الى داسته واحد بيقول لصاحبه تيجى نركب اتوبيس؟؟ قال له : يا عم لأ ، احنا نجرى جنب الاتوبيس ونوفّر النص جنيه .... فرد وقال له طب منجرى جنب تاكسى ونوفّر خمسة جنيه واحد غبى راح يشتري بيتزا فالراجل بتاع البيتزا بيقوله : اقطعه اك أربع قطع ولا تمانية يابيه ؟؟؟؟ ..قام قال له ثمانية .. عشان جعان قوى واحد بخيل راح يزور مامته فى المستشفى لقى على الباب كلمة ادفع ...... قال ازورها بقى لما تروّح البيت واحد بخيل جدا ... عنده ثلاث تفاحات ، فتح الاولى لقى فيها دود ... فتح التانية لقى فيها دود ... وصل للثالثة طفا النور و أكلها جماعة اغبية عملوا أتوبيس يمشى بالعرض .... عشان يركبون كلهم قدام مره واحد حرامي اتجوز واحده حرامية خلفوا ولد فتحوا ايده لقوا ساعة الدكتور مرة 3 أطفال راحوا محل لعب واحد بيقول للراجل: عمو عمو عايز بلونة. الراجل جاب السلم وطلع جاب له بلونة ونزل فسأل التاني: وانت عايز ايه؟ .قال له بلونة .. قال له ماقلتش ليه وانا فوق!! المهم طلع جابهاله وهو فوق سأل الولد التالت: وانت كمان عايز بلونة؟؟؟ قال له لأ... فنزل الراجل وقال له : امال عايز ايه؟. قاله عايز بلونتين مره 2 مساطيل ماشيين في الشارع قابلتهم مزيعة فسالت واحد فيهم تعرف ايه عن مصر قاللها يا ست هانم مصر دي امي وسالت التاني تعرف ايه عن مصر قاللها انا ما اقدرش اتكلم علي ام صاحبي ولد يسأل ابوه .... هل الحب اعمى ؟؟؟ رد عليه ابوه .. قاله : شوف امك وانت تعرف غبي طلبو منه شيء يثبت ملكيته للبيت ارسل لهم صورته وهو يغسل الحوش حمار بيقول لخطيبته امتى هنتجوز ياحمارة قالت له لما تحسن الفاظك ياحيوان مره البوليس قفش واحد شغال فى شبكة ارهابية قالولة اية اخر عملية عملتها قالهم البواسير واحد أمريكي نزل القاهره وركب تاكسي كان في أ شارة حمراء وقطعها سائق التاكسي بعد خروجه من المطار ... قال له الإمريكي :: هيه انتبه انت مجنون اشارة حمراء وتقطعها قال له سائق التاكسي: ... ماتخافشي ياخواجه انا بروفيشينال - حريف الإشارة الثانية كانت حمراء وقطعها صاحب التاكسي قال الإمريكي :... اكيد انت مجنون ماتخاف على نفسك وعلى اللي معاك قال له سائق التاكسي ماتخافشي ياخواجه... انا بروفيشينال الإشارة الثالثة كانت خضراء وقف صاحب التاكسي عند الإشارة اتجنن الإمريكي من هذا التصرف وقال الإمريكي : ... اكيد انت مجنون ازاى إشارة خضراء وانت واقف قال له صاحب التاكسي ... ماتبقاش مجنون ياخواجه يمكن حد بروفيشنال جاي من هنا وإلا هنا واحد بياكل رز معمّر . راح ضارب في وشه __________________ عفريت لبس في واحد صومالي مات من الجوع واحد دماغه مليانه حشرات راح للدكتور قاله يادكتور عاوز اطّلع الحشرات اللى فى راسى قاله افتح المروحه على الاخر واقعد ادمها هيطير منك الحشرات عمل كده وبعدين نام وصحى سمع صوت الحشرات بتقول : امبارح كان فيه عاصفه لكن محدش مننا مات راح تانى للدكتور قاله منفعش الحل ده الدكتور قاله خلاص اركب عربيه واطلع على اخر سرعه وطلع دماغك من الشباك عمل كده وهو مروح من عند الدكتور وروح نام وصحى سمعهم بيقولوا : امبارح حصل عاصفه شديده قوى ومافيش حد مات قام رايح للدكتور تانى وقاله الحل منفعش انا عاوز اخلص بقى قاله مفيش الاّ حل واحد ، تعد جمب واحد وتحط راسك فى راسه... و الحشرات هتروح منك علطول ام راح عمل كده ونام وصحى الصبح سمعهم بيقولوا : امبارح كان فى حرب جامدة مع قبيله تانية لكن محدش مننا مات ، واسرنا 500 من القبيلة التاني __________________ واحد بخيل اوى اشترى لإبنه آلة حاسبة شال منها الزيرو علشان إبنه مايتصلشى دولى مره اتنين اغبياء ماشيين في الصحرا ومعاهم باب طلع عليهم اسد واحد منهم حط الباب في الارض ووقف وراه ام التاني جري بيخبط علي الباب وبيقولة افتح افتح الاسد جاي ورايا ............ مره 2 هتاشين فواحد بيقول للتاني شايف النملة اللي علي الجبل هناااااااااااااااااك دي التاني رد وقاله اللي واقفه ولا اللي قاعده صرصار فطسان على روحه من الضحك....ليه؟ علشان اللى بيضربه بالشبشب احول. مسطول بيقول لصاحبه ليه الشمس بتطلع بالنهار مع ان الدنيا بتبقى نور؟ صعيدى بيقول لصاحبه التعلب بيبيض ولا بيولد؟ قاله ده مكار تتوقع منه اى حاجه صعيدى بنى جامع افله وكتب على الباب مغلق للصلاه. واحد غبي رجع من السفر لقى الشقة مليانه صراصير.. غير قفل الباب محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش !! واحد مسطول راح صيدلية يشترى جبنة حاول الصيدلى يفهمة ان مفيش جبنه بتتباع هنا وشويه و مسطول تاني جه، فالصيدلى قاله فهم صاحبك ان مفيش جبنه بتتباع هنا قال لة ياعم سيبك منة دا غبى ادينى بنص جنيه لانشون واحد غبي كان بيدق مسمار في الحيطه فوقع فقاله تعالى ما جاش، تعالى ما جاش، قام جاب شويه مسامير ورماهم عليه وقالهم...هاتووووووه مسطول بيقول لصاحبه : يا أخى أمبارح دخلت فيلم هندى هايل بتاع راجل و ست ماشيين لقوا طفله فى اللفه خدوها و ربوها لغايه ما كبرت وفى الاخر طلعت امهم مرة ثلاث مساطيل راكبين عربية ففجأة العربية وقفت فواحد قال للتانى :"انزل شوف العربية مالها" فنزل مطلعش فنزل التانى يشوفه مطلعش فنزل الثالث قال لهم :"فيه إيه ؟؟" فقالوا له :"هسسسسس العجلة نايمة" كان في سماك ابنه مات قعد يعيط عليه قاعد ف الجنازة يقول كان حلو وصاحي وبيلعب محشش قطع رأس أخوه وهو نايم...وقعد يضحك ويقول: هيتجنن لما يصحى الصبح وميلقهاش بيقولك واحد ندل جيرانه صحوه من احلى نومه وقالوله متشربش من مية الخزان عشان فيها فار ميت نفضلهم ودخل ينام مراته بتسأله بتقوله في ايه ؟ قالها مفيش اشربي ميه ونامي كل لما عم عوض الفلاح يعمل حاجه غبيه جداً ... فيه اثنينن يعملوا حاجه اغبى بكتييير لحد ما عم عوض راح باني كوبري في الصحراء تاني يوم لقاهم واقفين عليه وماسكين سناره وبيصتادوا ***** اثنين مساطيل الاول : ولع الراديو الثاني : ماعييش كبريت الاول : ولا ولاعه؟؟؟؟؟؟ ***** واحد حرامي قرر يتوب سرق شريطين لعمرو خالد ***** الميكانيكي : الكاوتش ده ضرب ازاي ؟؟ الراجل : دست على ازازه الميكانيكي : وما شوفتهاش ازاي وهي بتلمع في الشمس الراجل : ما هو الراجل الحمار كان حاطتها في جيبه ***** مرة جماعة راكبين عربية أجرة و مسافرين و السواق عمال يجري بسرعة قوي واحد قاله ياعم هدي شوية السواق قاله: بتفهم في البيجو قاله: لأ قاله: طب اخرس سرعة العربية عمالة تزيد فواحد تاني ياعم هدي شوية حتموتنا معاك الله يحرقك السواق زعق: بتفهم في البيجو قاله: لأ قاله: طب اخرس السواق عمال يجري فواحد تاني ياعم انت حتموتنا قاله بتفهم في البيجو قاله أيوة بفهم في البيجو قاله طب تعالى وقفها عشان أنا مش عارف ***** واحد بلديتنا رجع بيته لقى مراته فى السرير مع أثنين .. صرخ وهاج مراتى بتخونى ... بسرع رد عليه شاب منهم احنا الكاميرا الخفية لو مش عايز تذيع قول ما تذيعشى ... رد بلديتنا لأ ذيع خللى الناس تنبسط ***** واحد عنده كتكوت مفترس ، كل ما يدخله قفص الفراخ يروح الكتكوت واكلهم ، وفي قفص القرود ياكلهم ، وفي قفص القطط ياكلهم ، راح راميه في الصحرا . صعب عليه الكتكوت وراح يشوفه بعد تلات أيام ، لقى الكتكوت مرمي عالأرض والنسور بتحوم حواليه ، الراجل قاله : يا حبيبي إنت مت ؟ قام الكتكوت وقال له : يخرب بيتك بوزت الكمين اثنين من الصاعيده هاجموا الناس الي بتطلع عليهم نكت وطلبوا من أي شخص بحراوي يعملهم أختبار لذكائهم فدخل الصعيدي الأول وسأله البحراوي:حاجه بنلبسها لونها أسود وليها رباط فجاوب الصاعيدي:جزمه طبعآ فرد البحراوي عليه:شكلك هتخلينا نغير تفكيرنا في الصاعيده نادي على ذميلك ألي بره الصعيدي وهو خارج همس في ودان ذميله وقال له:هيسألك عن الجزمه سأل البحراوي الصاعيدي الثاني حاجه لونها أسود بتتألي في الزيت وبتتاكل أه هيه؟ رد الصاعيدي:برباط يا بيه!!! قاله البحراوي:لأ رد الصاعيدي:تبجى بلغه يا بيه ===== واحد بخيل عنده اربع حيطان دهن واحده منهم باللون الاصفر والباقى كتب عليهم نفس اللون ===== دكتور مجانين اخد المجانين بتوعه ووداهم البحر قال يمكن حد مع جمال الطبيعة ربنا يشفيه المجانين وهما فى البحر الى بيلعب فى الراملة بالجاروف والى بيلعب بالجردل لقى واحد منهم قاعد تحت شمسية وبيبص للبحر ومش بيلعب سأله انت مش بتلعب ليه معاهم قالوا دول مجانين شوف بيعملوا ايه قال الحمد لله ربنا شفا واحد منهم قالوا انت بتبص للبحر ليه كده قالوه بتخيل لو البحر ده كله ملوخية هيكفوه عيش منين ===== محشش بيحل الكلمات المتقاطعة مثنى صخرة : ح ج ر ي ن من اجزاء الجسم : د م ا غ رتّب : ر ص من ابراج الحظ : ا ل ج و ز ة يجيدها الترزى : غ ر ز ة لمعس مبعثرة : م ع س ل اداة استفهام : ك ي ف تجدها فى سمبوكسة : ك ب س ة ملقاط كبير : م ا ش ة من اوصاف الدنيا : غ ا ب ة يجذب : ي ش د جمع شهيق : ا ن ف ا س ===== مره واحد صعيدى قابل واحده سالها : انتى منين قالتله: وات؟ قالها: اجدع ناس الوتاوته ===== واحد فشار بيحكي مغامراته لصاحبه الغلس الفشار : كنت ماشي مره في الصحره طلع عليا اسد فضلت اجري اجري لغايه ما لقيت عماره طلعت فيها الغلس : يا كداب هو في الصحرة في عماره الفشار : اه اسف فضلت اجري اجري لغاية ما لقيت شجره طلعت فوقها الغلس : قال له يا كداب هو في الصحرة في شجره الفشار : اه اسف فضلت اجري اجري لغايه ما لقيت جراج دخلت فيه الغلس : يا كداب هو في جراج في الصحرة الفشار : فضلت اجري اجري لغاية ما أكلني ارتحت ؟ الغلس : يا كداب هو في اسد في الصحرة ===== واحد دخل فندق 5 نجوم كان في فرح وهو كان عايز يروح دوره المياه فبيسأل واحده في الفرح وهو مكسوف جداًً ... وبيوشوشها في ودنها لو سمحتي التلاوَت منين ؟؟ البنت ضحكت وقالت : قصدك التواليت ؟ .... من الناحيه التانيه فراح لف وشوشها في ودنها التانيه : التلاوَت منين؟؟ احد مسطول اشترى جوز جزم جوز بني وجوز اسود ومن كتر السطل لبس فرده بني وفرده سوده ونزل قعد عالقهوة وقعد جنب اتنين مساطيل فبص عليه واحد من المساطيل وراح قايل للي جنبه شوفت ياااض على الطلاق اول مرره اشوف واحد حاطط رجله على رجل اللي جنبه ___ واحد عنده ديدان في بطنه المهم راح لكل الداكتره ومفيش فايده فواحد صاحبه قاله انا عندي حل انت تروح للدكتور هاني بتاع العلاج الطبيعي..... فراح للدكتور هاني فقاله الدكتور انت تجيب بطيخه وتكون كبيره وحمرا وطعمها حلو وتقطعها نصين وتقعد عليها هتنزل دوده تدوق طعمها وهتنادي على باقي الديدان ينزلوا من بطنك راح صاحبنا واشترى بطيخه وقطع راسها وقعد عليها فلما نزلت الدوده داقت طعم البطيخه لقاتها حلوه فنادت على الديدان الباقيين وقالت:دي طعمها حلو قوي ..طلعوها ___ واحد بيقول لمراته اقولك نكته قالتله قول قالها النكته فقالتله هههههه بااايخه قالها ههههه طالق ___ مرة واحد احول سالوه ايه امنيتك في الحياه قالهم اني اشوف واحد ماشي لوحده ___ لو كل الرجال اصبحو رجلا واحدا وكل الاشجار اصبحت شجرة واحده وكل البحيرات اصبحت بحيرة واحده وكل الفؤوس اصبحت فأسا واحده ثم جاء الرجل الواحد وامسك بالفأس الواحده فضرب الشجرة الواحدة ضربة واحده فوقعت الشجرة الواحده في البحيرة الواحدة أكييييييييييييييييييد هيحصل طرطشه كبييييروة أوي - مرة ديك بقول لفرخة تتجوزيني عرفي قلتلة ده بابا يدبحني ----------------------------------------- 2- مهندس كمبيوتر، حلل دمه، طلعت فصيلت بي أش ----------------------------------------- 3- *** شوارع مر من جنب مخفر شرطة شاف *** بوليسي قال آخ لو كملت تعليمي ----------------------------------------- 4- مرة واحد بيحلم كل يوم بماتشات كتاكيت... راح للدكتور... فقاله هديلك حقنة دلوقتي ومش هاتحلم بيهم تاني خالص... قاله خليها بكرة يا دكتور علشان النهاردة ماتش النهائي ----------------------------------------- 5- واحد بتاع فيديو جيم مات كتب علي قبره جيم أوفر ----------------------------------------- 6- مرة واحدة ست بتقول لجارتها الحقيني يا أم محمد بعت جوزي يجيبلي ملوخية راح مخبوط بأتوبيس ... يالهوي وعملتي إية .. عملت بامية وامري لله ----------------------------------------- 7- واحد سباك نفسه اتسدت غرقت الشقة ----------------------------------------- 8- في مجموعة بخلاء مشوا على الكورنيش لقيوا لوحة مكتوب عليها منطقة قروش قاموا كلهم نطوا في البحر ----------------------------------------- 9-خبيث دخل أحد المطاعم وطلب صحن فول، وبعدما أنتهي من آكله سأل الجرسون: كم تريد ثمناً للفول، اجابه: 13 قرشاً..مد الخبيث يده في جيبه وأخرج ال13 قرش ورماها على الارض.. وتكرر المشهد 3 أيام متتالية. وفي اليوم الرابع دخل المطعم وما معاه صرافة فاعطى الجرسون ربع جنيه(25) قرش وقال له واحد فول، طبعا الجرسون حب ينتقم منه فاحضر الباقي(12)قرش ورماهم على الارض وقال له خذ الباقي، فاخرج الخبيث قرش من جيبه ورماه فوق ال( 12) قرش وقال للجرسون كمان واحد فول لو سمحت. ----------------------------------------- 10- طفل صغير سال امة ازاى انا جيت الدنيا قالت له حطيت شوية سكر تحت السجادة لاقيتك جيت ... راح الطفل حاطط شوية سكر تحت السجادة... يومين و لاقى صرصار فقال له لو مكنتش ابنى كنت قتلتك 22- 12 مرة واحد محشش صايم اتصل على ما يطلبه المستمعون قالوله تحب تسمع ايه قالهم مقطع من آذان المغرب مرة واحد مسطول راح البحرين أخذ معاه مايوهين مسطول اخذ بيضة من تحت الفرخة واداها قلم وقالها كل يوم بيض بيض مفيش يوم جبنة مرة واحد أحول سألوه ايه هى أمنيتك فى الحياة ؟ قال أشوف واحد ماشى لوحده واحد بلدينا باع التليفزيون واشترى بتمنه فيديو مرة صرصار راح الصيدلية بيسأل فيه هنا مبيد بشرى مرة واحدة وحشة بتقول لجوزها عمرك ما قلتلى كلمة تهزنى قالها زلزال واحد بتاع كشرى بيتجوز فرق عالمعازيم شطة واحدة اتجوزت جناينى مقطوع من شجره مرة واحد صعيدي رايح حفلة تنكرية قطع دراعه اتنين صعايدة بيلعبوا شطرنج الملك مات مشلول جحا في السوق حماره ضاع قعد يقول للناس لو محدش جاب الحمار انا هاعمل زي ما اعمل ابويا _فملقاش الحمار قالوله ابوك عمل ايه قالهم اشتري واحد تاني مره واحد محمل فراخ وهوه معدي علي كمين سالوه الظابط محمل ايه قالو فراخ يابيه قالو بتاكلهم ايه رد عليه السواق باكلهم علف ودره ام الظابط لا الفراخ مايكلوش علف و دره دول بيكلو لانشون وبسطرمه وراح عملو مخالفه غالسواق بعد مامشي جه عالكمين التاني فالظابط بيسالو محمل ايه قالو فراخ يا باشا قالو بتاكلهم ايه قالو لانشون و بسطرمه قالو ازاي الفراخ بتاكل دره وعلف مش لانشون وبسطرمه وراح عملو مخا لفه وبعد السواق مامشي وجه عالكمين التالت فالظابط بيسالو محمل ايه يا اسطي قالو فراخ يا باشا قلو بتاكلهم ايه بص يا باشا انا بدي كل فرخه نص جنيه وهيه تاكل اللي علي مزجها مرة واحد غبي ماشى فى الشارع قال يارب يااااارب احط ايدى في جيبى الاقى 10جنيه يااااارب، حط ايده في جيبه لاقاه مخروم رجع يدور عليها لتكون وقعت في المدرسه استاذ الحساب بيسال التلميذ بتاعه: لو باباك استلف الف جنيه من البنك والف جنيه تانيه من جاركم يبقى هيرجع كام الف، التلميذ: مش هيرجع حاجه يا استاذ ، الاستاذ: ياابني استلف الف وبعديها الف تانيه التلميذ : مش هيرجع حاجه يا استاذ، الاستاذ: اقعد يا ابني انت متعرفش حاجه في الحساب، التلميذ: انت اللي متعرفش ابويا يا استاذ واحد اخترع حبوب للحامل علشان المولود يطلع مؤدب وكل مولود فعلا نزل مؤدب . واحدة أخدت الحبوب وماولدتش في المعاد فراحت للدكتور عملها ولادة قيصرية ، لقى توأم كل واحد بيعزم علي التانى ويقول له "اتفضل" التاني يقوله "لأ اتفضل إنت الأول." مرة اتنين أغبية كانوا ماشيين في الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته مره واحده حامل ابنها الصغير بيسألها:ايه اللي في بطنك ده يا ماما قالتله :ده أخوك يا حبيبي...تاني يوم و هوه في المدرسه المدرس سأله:انت عندك اخوات؟ قاله:كان عندي واحد بس ماما أكلته مره طالبه مشاغبه المدرس اشتكاها للمدير المدير بعتلها قال لها "عملتى ايه؟" قالت له "ولا حاحه رميت ورده من الشباك" قال "بس كده؟" قالتله "اه" بعد شويه لقى طالبه مدغدغه ومكسره سالها "ايه الى عمل فيكى كده؟" قالت له "انا ورده الى اترميت من الشباك توأم بيقول لأخوه التوأم وهو متنرفز إنت كنت فين ياعم أمك حمتنى مرتين مرة ولد صغير سأل والده: باب انت جبتني ازاي؟ قال اللأب: بص يا حبيبي احنا جبنا شوية سكر و حطناهم تحت السجادة جينا تاني يوم و رفعنا السجادة وجدناك. ففكر الابن فيها "إيه لو أبقي أب من الأن" فجاب شوية سكر و وضعهم تحت السجادة صحي تاني يوم وجد صرصور فقال:"لو ماكونتش ابني انا كنت قتلتك ." تلميذ أحول بيكتب حلو قوى ..ولكن فى كراسة زميله ..الأبلة قالتله لو ركزت وكتبت فى كراستك هاديلك هدية حلوة ..فكتب فى كراسته ..راحت الأبله ادته بسكوتة فتحها واكلها للى جنبه يا ريت تضحكوا من قلوبكو علشان انا اكتر حاخه بحبها انى ارسم البسمه على وجوه الناس و اتمنى الى يشوف الموضوع يدعيلى بالنجاح و ارجو التثبيت |
||||||||||
|
| إعلانات google |
|
|
|
29-05-2009, 06:55 PM
|
#2 | ||||||||||
  
|
هههههههههههههههه شكراااااا
|
||||||||||
|
|
|
29-05-2009, 06:56 PM
|
#3 | ||||||||||
|
فين الردود يا جماعه ولا الموضوع مش عاجبكو
|
||||||||||
|
|
|
29-05-2009, 11:23 PM
|
#4 | ||||||||||
  
|
بجد بجد ات مشكلة تسلم ايدك علي الحاجات الحلوة دي:)
|
||||||||||
|
|
|
30-05-2009, 01:00 AM
|
#5 | ||||||||||
 
|
جمديييييييييييييييييييييييييييييييييين اوى و لزم لهم التثبيت :]
|
||||||||||
|
|
|
30-05-2009, 01:44 AM
|
#6 | ||||||||||
|
الموضوع مسروق مني ارجوا حذف الموضوع عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ادخل هنا و انتا هاتموت من الضحك الجزء 2 | omarxx035 | بـعـيـدآ عـن سـيـلـك رود | 18 | 06-10-2009 07:31 PM |
| احلي قصص كومدي هاتموت من الضحك مهداه الي&Bodi& | omar_titomerooo | قسم المواضيع المكررة و المخالفة | 9 | 03-07-2009 07:42 PM |
| ادخل هاتموت من الضحك | aymooooon | Ceres | 12 | 19-02-2009 10:53 PM |
.gif){kind=icon}
العرض العادي
