بـــخـــصـــوص أحـــداث مــبـــاراة الأهــلــى و الــمــصـــرى ! هــــــام للـجـمـيـع

[medoloves]

الموضوع بان خلاص واتعرف مين الى ورا كل دة واتنشرت على معظم القنوات محرضين من الحزب الوطنى الى سبب كل الى حصل ومنهم جمال عمران صديق جمال مبارك والحسينى ابو قمر

[Yass.ThMuslim]

انا بجد لسه مش مصدق الناس اللى ماتت دى !!!!!!! يموتوا علشان ايـــــــــــه !
كل ده علشان الناس تنشفل عن محاكمات مبارك ؟

[SnipZz]

كفاية بقى !!

[moha1a]

أبوتريكة لهذه الأسباب رفضت مصافحة المشير واطالب بالقصاص من القتلة الحقيقيين

كشف محمد ابوتريكة نجم الأهلى عن اسباب رفضه مصافحة المشير محمد طنطاوى رئيس المجلس الأعلى للقوات المسلحة حيث أكد أنه غير راضى عن إدارة المجلس العسكرى للبلاد فى ظل التعامل مع الأمور بضعف وأيدى مرتعشة وهو أمر لم يكن يخطر بباله على الإطلاق.

أبوتريكه رفض النزول من اوتوبيس اللاعبين فى البداية الا أن أحد أعضاء مجلس ادارة النادى ...الأهلى تدخل وأقنعه بضرورة النزول الا أنه رفض مصافحة المشير بعد المشاهد التى رآها بعينيه فى استاد بورسعيد.

أبوتريكة أعلن عدم رضاه عن القرارات التى اتخذها مجلس إدارة النادى الأهلى وأعلن أنها غير كافية بالمرة لإعادة حقوق الضحايا موضحا أن من غير المنطقى ان يتم تلخيص الأمر فى تعويضات مالية واحتفال بيوم شهيد أو أى أمور اخرى لن تكون كافية فى مثل هذه الكارثة وطالب بضروروة القصاص من الجناة الحقيقين الذين خططوا لهذه المذبحة

[DeViL_MaSTeR]

اولا وقبل مقول اي رد اقول البقاء لله لأهالى ضحايا المجزرة المميتة البشعة دي
شوفوا يا جماعة الماتش ده كان بتدبير والله أعلم من مين عشان مجبش اخبار غلط بس باين اوي انها متدبرة
من اول حدف الطوب قبل الماتش لحد نزول الملعب وهطول عليكوا شوية في التفاصيل بس ياريت تشوفوا ردي
1- اللافتة اللي متعلقة مش من الجماهير وحتي لو نفترض انهم عملوا او حصل منهم كده ده ميأديش لقتل أرواح اللي رفعها او اللي مرفعهاش مع انها مسئولية الحكم ومدير الامن عشان متحصلش مشاكل بس الحكم كان عايش في العسل

2-الواحد فيكوا يحمد ربنا ان الاهلي مكسبش لأن لو كان كسب او اتعادل كان الجمهور كلوا نزل مش شوية الصيع ولاد ال...... دول

3- اكبر موقف عاظني موقف طرد حسام غالي بعد ما وري الحكم اللي ميعرفش ربنا الطوب اللي بيتحدف مع ان المباراة المفروض تتلغي من نصها اصلا

4- ازاي دخلت المسدسات والالي والسلاح الابيض ده كلوا فين الامن مباراة فيها 40 الف متفرج ميأمنهاش غير الف ضابط وكمان الالف دول كانوا اي كلام

5- ده بقى موقف يدل على الوحشية بتاعت البلطجية دول وسمعتوا من واحد من الالتراس : كان بعد الماتش وطفي النور ذعر رهيب لدرجة ان كان فيه واحد قال الشهادة ونط وسمعت صوت الهبد عالارض وكمان مكفاهومش انو مات من نفسوا دول راحوا يكملوا عليه والله دول معندهمش قلب حتى

احب اقول في الاخر ان اللي حصل ده بدايتوا ماتش الافريقي التونسي لحد دلوقتي ولو كان ماتش الاهلي عدي على خير كان ماتش الزمالك والاسماعيلي هيحصل فيه ده ولو مكنش كان هيحصل في اللي بعده وهكذا

طلب صغير وياريت يتعمل : لو سمحتوا زي موقف النشاط الرياضي في مصر نقفل الروابط بتاعت الاندية
لأن الموضوع مبقاش ماتش كورة دي رجعت موقعة الجمل بس دي موقعة بورسعيد لو اتقبل طلبي اكون شاكر لو متقبلش مقيش مشكلة

في انتظار ردودكم

[DeMooN_Hell]

الله يرحمهم

[ahmedtarek90]

انا لله و ان اليه راجعون

[Omar ElShanbaly]

القسم دة زى الزفت انا كنت عامل موضوع فية و كنت جايب الادلة بالفيديو عن الناس المتسببة و اتمسح مش عارف انا اية الغباء دة

[White Angel]

رحـم الله شـهـداء مـصـر و اسـكـنـهـم فـسـيـح جـنـاتـه ..

اللـهـم اضـرب الـظـالـمـيـن بـالـظـالـمـيـن واخـرجـنـا مـنـهـم سـالـمـيـن !