®=_|''هــقلوكم ليه احنا المشرفين بنمنع الفرانكو"|_=®

[Hawkaaa]

اهلا و سهلا بشباب و بنات سيلك رود 4 اراب


تعالو مع بعض كده في قعدة حلوة و نشرح ليه بنمنع الفرانكو في المنتدى



ما هو العربي الفرانكو؟
العربي الفرانكو هو ان احنا نكتب العربي بالانجليزي

مثال :عامل ايه بنقول 3amel eh


طب ايه المشكلة مثلا ان احنا نكتب كده؟
المشكلة يا باشا ان فيه الاتي
1-ناس مش بتفهم الكتابة الفرانكو

2-ساعات ناس تكتب بصيغة فرانكو غير التانية زي مثلا
كلمة وليد
ناس تكتبها waled و ناس تكتبها oled و كده

3-لما يبقى فيه موضوع بالفرانكو و الكلام فيه كتير ممكن نتلخبط في القراية و ممكن نفهم غلط ده غير اصلا المجهود عشان خاطر نعرف نقراه



طيب يا مان احنا بنكتب بالفرانكو في الجيم فاحنا خدنا على كده!

مفيش حاجة اسمها خدنا على كده


اللغة العربية ليها حروف عربي و مجازا عشان احنا بنلعب في جيم مفيهوش حروف عربي بنكتب بالانجليزي لكن انت في منتدى يعني فيه كلام عربي يعني حروف عربي يعني تكتب بالعربي عربي مش بالفرانكو

ماتنساش ان اللغة العربية دي لغتنا الام و هي كذلك لغة القرآن و ربنا رفع منزلة اللغة العربية و الحروف العربية ماتجيش انت بقى تكتبها بالانجليزي


طب يا مان انا الجهاز بتاعي مش بيكت الا انجليزي اتصرف ازاي؟

انا سمعت عن طريقة لتدعيم اللغة العربية للويندوز بس مش فاكر ازاي و يمكنك في الحالة دي انك تكتب باللغة الانجليزية بس ماتجيش تكتب فرانكو

انا قصدي جمل بالانجليزي زي مثلا Hi man Thank you so much
مش hi ya man shokran و مش عارف ايه

لا الانجليزي انجليزي و العربي عربي

و دمتم سالمين

مصطفى محمد The Hawk