✔★ خطف أحد أعضاء سيلك رود 4 عرب ... ياترى مين اللى خطفه ؟ ★✔

[White Angel]

✔★ خطف أحد أعضاء سيلك رود 4 عرب ... ياترى مين اللى خطفه ؟ ★✔

نقدم لكم قصة قصيرة
وشخصيات هذه القصة هم بعض من اعضاء المنتدى ...

::+::+::+::+::+::+::+::+::

أريد استرجع ذكريات جميلة فى هذا القسم
بعد ان هجره أحبابى واصدقائى
على أمل ان يعودوا مرة اخرى

™ WhiTe AnGeL ™ يتوجه مسرعا الى مركز منتدى سيلك رود 4 عرب
_______________

™ WhiTe AnGeL ™ : ايه يا جدعان؟ .... فى ايه ؟؟
Crazy Love و Mr.V.I.P اتصلوا بيا وقالولى فى كارثه حاصله فى المنتدى ... خير ؟

شموخ أنثى : الحقنا يا ™ WhiTe AnGeL ™ فى عضو خطف Zexo وبيعذبوه

™ WhiTe AnGeL ™ : مصطفى ؟

شموخ أنثى : اه ... ورفض يكلمنا . قال مش هتكلم غير فى وجود ™ WhiTe AnGeL ™

!_ToGoO_MorY_! : اهو الخاطف بيتصل عليا من موبيل Zexo
( بياخد ™ WhiTe AnGeL ™ الموبيل من مصطفى ويرد عليه )

™ WhiTe AnGeL ™ : الووووووووو

الخاطف : ايه الوووو دى احنا هاندردش مع بعض ولا ايه

™ WhiTe AnGeL ™ :خلاص يا عم انا اسف . ايه طلباتك عشان تفرج عن مصطفى ؟

الخاطف : بص ... اول حاجه انا عاوز جرانت نيم

™ WhiTe AnGeL ™ :بس المشرفين و العضويات الزرقاء بس هما اللى بيأخذوا الجرانت

الخاطف : ياسلااااااااام ..... طيب
( طاخ ... طاخ... بووم ... طاخ .... )

Zexo : اه .. اه .. اه شعرى .. اه ... اه

™ WhiTe AnGeL ™ : خلاص .. خلاص ... سيب شعروه .. حاضر هنعملك جرانت نيم

الخاطف : ادينى مستنى معاك على الخط. كبرها وقولى
( ™ WhiTe AnGeL ™ ينظر الى عمر )

™ WhiTe AnGeL ™ : أحمد روح اتصل بـ Law Man خليه يعمله الجرانت بسرعه .

!_ToGoO_MorY_! : بس كده يا ™ WhiTe AnGeL ™ ممكن باقى الاعضاء يقولوا اشمعنا ويفتكروا ان فى كوسه فى المنتدى .

™ WhiTe AnGeL ™ : معلش يا أحمد .. نبقى نفهمهم بعدين ... لو اى حد اذى اى سيلكاوى سواء عضو او مشرف لازم كلنا نضحى ... هى دى روح الاسره الواحده ... ولا ايه ؟

!_ToGoO_MorY_! : معاك حق يا ™ WhiTe AnGeL ™ هتصل بـ Crazy Love اهو

بعد عشر دقايق

™ WhiTe AnGeL ™ : خلاص الجرانت إتعمل .

الخاطف : تمام ... دلوقتى بقى خلى Omar007 يشيل صورة اللى حاططها دى عشان مش بحبها و شيل أنت كمان صورة الطفلة الصغيرة دى .. احنا مش فى دار ايتام .. اااااااه !

Omar007 : هو ماله يا ™ WhiTe AnGeL ™ نحط ايه ولا منحطش ايه ؟ ... مش كفايه ان احنا عملنا له الجرانت ؟

™ WhiTe AnGeL ™: معلش يا عمر لازم نضحى عشان مصطفى .. شيلوا الصور يا جدعان خلى الليلة تعدى .
( يذهب عمر و أحمد لتغيير صورهم وهم يشتاطوا غضبا )

™ WhiTe AnGeL ™ : خلاص ... تم
( ياتى صوت مصطفى من بعيد )

Zexo : حرام عليك رصيدى ... ماتتصل من تليفونك ده انا لسه شاحن
( الخاطف يتوجه الى مصطفى ... )

الخاطف : عاوزنى اتكلم من تليفونى؟ ..... عاوزنى اصرف عليك ؟ ... طيييييييييب
طاخ طاخ ... بوم بوم ... طاخ طاخ .. بوم بوم ... طوخ طاخ

Zexo : لالالالالالالا بلاش تحط الحديده السخنه على وشى ... اااااااااااااااااااااه

™ WhiTe AnGeL ™ : حديده سوخنه؟ .... يانهار اسود ! ... يا باشا اتكلم من التليفون اللى تحبه ولو عاوزنا نحولك رصيد كمان نحولك .

الخاطف : تحولولى رصيد ؟ ليه ؟ ..... هو انا شحات ولا شحات ؟

™ WhiTe AnGeL ™ : لالالالالا طبعا مقصدش خلاص انا اسف

الخاطف: انا عاوز اغير اسمى .

™ WhiTe AnGeL ™ : دى بسيطه ... تحب تغيرو بايه ؟

الخاطف: اغيروا بـ ( أحسن عضو نشيط جداجداجداجداجداجداجداجدا فى المنتدى والوحيد المحبوب قوى قوى قوى قوى قوى قوى )

No_Rules : كل ده اسم ... الحقونى يا عالم ... الراجل ده هايشلنى .

الخاطف : انا حاسس ان فى حد معترض .

™ WhiTe AnGeL ™: لا ياباشا مفيش حد معترض هو بس الاسم كبير شويه ممكن تصغره شويه بس ؟

الخاطف : حاضر عشان بس متقولوش عليا طماع.. شيلوا واحده ( جدا ) و واحده ( قوى ) ايه رايييييييييييييييك ؟

™ WhiTe AnGeL ™ : لا كتر خيرك وعلى ايه نشيلهم ... خليهم احسن

الخاطف: لحسن تقولوا عليا طماااااااااااااع ؟

™ WhiTe AnGeL ™ : لا متخفش مش هنقول
( ™ WhiTe AnGeL ™ينظر الى No_Rules )

™ WhiTe AnGeL ™ : ياسر ... روح قول لـ خالد يغير الإسم بسرعه

No_Rules : ايه يا ™ WhiTe AnGeL ™ دا اسم كبير قوى

™ WhiTe AnGeL ™ : معلش يا ياسر

No_Rules : اللى تشوفه يا ™ WhiTe AnGeL ™

بعد ربع ساعه

™ WhiTe AnGeL ™ : خلاص اتغير ... عندك اى طلبات تانى ؟

الخاطف : اااااااه ... بص بقى انا عاوز مواضيعى كلها تتثبت .
( ™ WhiTe AnGeL ™ ينظر الى أندرو )

™ WhiTe AnGeL ™: أندرو ... روح بسرعه ثبتله مواضيعه

ToxiCity : مواضيع ايه يا ™ WhiTe AnGeL ™ ... دى كلها نكت سخيفه ... ومحدش بيرد عليها ... كده هنبوظ مصداقية الموقع .

الخاطف : انا سامع حد بيقول على نكتى سخيفه... طيب انا هوريكم
طاااااااااااااااخ . .... طااااااااااااااااخ .......طااااااااااااااخ

Zexo : حرام عليك بلاش تكسر صباعى الصغير اه.. اه ..ااااااااه ..الحقونى اه .. اه.. اه

™ WhiTe AnGeL ™ : لا محدش قال سخيفه ده أندرو بيتكلم عن عضو تانى . انت نكتك جميله موت

الخاطف : طيب ثبتوا مواضيعى ياللا .

™ WhiTe AnGeL ™ : حاضر ... ادينا بس مهله
( ™ WhiTe AnGeL ™ يضع يده على مايك التليفون وينظر الى الجميع )

™ WhiTe AnGeL ™: ها يا جدعان ... هنعمل ايه ؟

شموخ أنثى : شكل الشخص ده غير سوى نفسيا وعنده عقدة وشايف ان كل الناس احسن منه... فناقم على الدنيا ...

™ WhiTe AnGeL ™ : ياستى اسكتى ... هو ده وقت علم نفس وبرمجة عصبية ؟

شموخ أنثى : اسمعو بس .. انا فى رايى ان احنا نجهزله مواضيع حلوه ونبعتهاله ينزلها وبعدين نثبتها .

™ WhiTe AnGeL ™ : فكره حلوه قوى ... Fire33 - Super_Man619 - Mazagangy - WELFA - King Cribo - Baby Love روحوا جهزوا موضيع بسرعه وقولوا لباقى الاعضاء

الكل : تمام يا ™ WhiTe AnGeL ™

بعد 3 ساعات

™ WhiTe AnGeL ™ : احنا جهزنالك موضيع حلوه اسلاميه وافلام واغانى . نزلهم باسمك ونثبتهملك

الخاطف: لا انا عاوز نكتى هى اللى تتثبت

™ WhiTe AnGeL ™ : اصل ياباشا ما بتتثبتش اى موضيع مقاليه

الخاطف: بقى كده؟ ... طيييييييييييب
طااااااااااااااااخ... طووووووووووووخ .... طااااخ ... بوووووووووم ...طاخ

Zexo : لا بلاش شعرى تانى اه .. اه .. اه ..انا كده هاقرع اه ..اه ..اه.. اه.. اه

™ WhiTe AnGeL ™ : خلاص.. خلاص.. هانثبتهم .
( ™ WhiTe AnGeL ™ ينظر الى أندرو )

™ WhiTe AnGeL ™ : أندرو ... روح ثبتله موضيعه

Toxicity : بس يا ™ WhiTe AnGeL ™ ............

™ WhiTe AnGeL ™ : خلاص يا أندرو مقدمناش غير كده

ToxiCity : تمام يا ™ WhiTe AnGeL ™

™ WhiTe AnGeL ™: معلش يا Fire33 كلم Crazy Love - Mr.V.I.P
و قول لهم كل اللى حصل

Fire33 : حاضر يا ™ WhiTe AnGeL ™

(وفجاءه مصطفى يسمع صوت من بعيد .. وهو صوت أخيه معتز )

معتز : مصطفى ... قوم يا مصطفى .... قوم الساعه بقت 8 ونص بالليل .
( مصطفى ينهض من على سريره مفزوعا )

Zexo : انا فين ؟؟؟ وازاى ؟؟؟؟ وليه ؟؟؟

معتز : انت فى البيت .

Zexo :ازاى.... ؟

معتز :عشان ده بيتك.

Zexo : ليه....؟

معتز : حكمة ربنا بقى .

Zexo : يعنى انا متخطفتش ؟

معتز : ابقى اتغطى كويس يا مصطفى وانت نايم
(يخرج معتز من غرفة مصطفى )

Zexo : الحمد لله شعرى اهو مقرعتش وصابعى الصغير اهو .
( ويجرى مصطفى مهرولا ليمسك بهاتفه المحمول )
الحمد لله الرصيد موجود ... ده شكلوا كان كابوس
ويسكت لبرهه
اما اجرى بقى اطرد العضو ده ليخطفنى بجد