بدل ما انتوا نايمين كدا حد يدخل يجاوب على الاستفسارات دى

[MAX_ALI]

المشاركة الأصلية كتبت بواسطة wadcool

warrior

انا بحب البيلد ده جدا ولعبت بيه فتره طويله :)

عن تجربه الواريور مشكلته السبير والسورد وشيلد النيوكر بيور والويزارد ...

( ده مش كلامي ده كلام اللعيبه بس انا بالاكونت بتاعي مكانش عندي مشكله غير اريور احرف مني )

بس عموما كنت بتعامل معاهم يعني ^_^

اولا warrior vs nuker

انا بعمل ايه ... مينفعش تعمل الشيلد الاول لا انت بتعمل الايرون والمانا الاول هيقولي ليه ..

احسب معايا بعد اذنك 45 ثانيه ايرون ومانا وبعد كده بتمسك الشيلد وتعمل الهيل عليك قول ادي 5 ثواني وتديله الكراش شيلد ادي 5 كمان وتفتح البليس بتقعد 45 ثانيه كده الدقيقه اللي اايرون بتحمل فيها خلصت :)

هتفتحهم تاني يبقي انا عليا ديفنس علي طوول وهو السنو شيلد بتاعته دقيقتين بس انا خلصتهاله :)

فا بلعب وانا مطمن مع النيوكر انه ضرباته مش هتاثر فيا اوي وانا اللي هظبطه ^_^

ايه اللي ممكن يعمله النيوكر عشان يرخم عليك طول ما عليك ديفنسات هيحاول كل شويه يقلبك ..

امسكله الوان هاند والشيلد وانت عامل الديفنسات دي اقسم بالله اقصي ضربه هيضربك بيها 3 او 5 الاف :)

عشان اسكيل اسمها powersheild دي الباسيف بتاع الوان هاند بتزودلك الديفنس بتاعك طول مانت ماسك وان هاند وشيلد :)

ثانيا : الويزارد

بعمل ايه انا مع الراجل الطيب ده عدوكم الاول؟؟

اولا مع الويزارد مش بفتح اي ديفنس تماما غير لو هو فتح شفتوا الغرور

بس انا بفتح حاجه احلي سكيل كلكم مطنشينها ... اسمها vital increase دي بتزودلي الاتش بي بتاعتي بس بتقلل ضربتي والدامج شويه معلش معلش ^_^

كده كده الويزارد بيحتاج هيتات بسيطه مش محتاجه افترا

عامل ال ريكوفري بتاعتي ومعايا الهولي عشان ما يصيعش ويديني فير واعمل الهيلنج سيكل عليا والفيتال وادخل

وبما انك فاتح الفيتال يبقي لازم تفتح warcry ... عشان تعوض فرق الضرب يا ريس :)

ولو انت معاك اكس فول فارم نصيحه العب بيه مع الويزارد لانه اتاكينج رات عالي اوي وبيعمل بليد وستان وديفشن ... وفي نفس الوقت بيجيب كرتكالات جامده جداا !!

ايه اللي الويزارد بيعمله ؟ :) salamander blow او البخاخه او اي اسم بتقولوه عليها :)

انت بالكراش شيلد وابعده عنك ما بعدش اذحف عليه اديله sprint وبعد ما تبعده ما تضربوش حتي لو جاله ستان اعمل هيلنج يا جميل :)

وبعد كده ادخله تاني ^^

ثالثا : البوو

ده كان مصيبه بردوا وانا بلاعبه عشان ال نوك باك وعشان الفاير وال ..

مالهم دوول؟ :)

الفاير وال تخليني ما اديلوش ستان و ما اعرفش اقلبه ولا اديله كراش ويبعد ولا حاجه من يد

النوك باك كل ما اعمل الدار ديفل يديني نوك باك ويبوظها عليا الواطي

حلها يا عم بدل ما انت معقدها .... حاضر من عينيا ^_^

امسك الكليرك والشيلد وعليا بافات الكليرك فيسيكال وماجيكال والهيل طبعا ..

واضربه بالكليرك لما تشيل الفاير وال وبمنتهي السرعه اذحف عليه بالاكس واديله اسكيل الاكس اللي بتعمل ستان وبليد دي اسمها ...sudden twist لبس الستان ادي dare devil ملبسش واخد بليد اقلبه علي الارض وروقه .. لا ده ولا ده قبل ما يعمل فاير وال جديده اعمله الكراش ..

في حاجه تانيه كنت بعملها ..

الفاير وال ليها دامج معين لانها بتاخد من المانا بتاعته ... فا لو انا ضربتا لدامج ده هتلاقيه وقف معدش بيقدر يضربني مش معاه ام بي :)

انا بعمل الوار كراي وادخل اضربه باقوي السكيلات بس دي مع الناس اللي مش مظبطه لبسها طبعا يعني بوو يكون ضعيف شويه واكون انا مظبط لبسي و عارف ان الديفنس بتاعي هيستحمل الضربات اللي هاخدها :)

عارف لو البو رخم اوي يعملك ايه ؟ يعمل ايس وال ساعتها لاعبه بالوان هاند والشيلد :)

معاك ديفنس الشيلد وباسيف الوان هاند هيضربك بكلام فاضي طبعا ...

ادخل انت روقه اول ما تشيل الايس وال وتديله ستان اخبطه الدار ديفل وقله بالف هنا وشفا :)

رابعا الجلايفر : ده غلبان ذي البو كده بس معاه اتش بي اكتر بشويه

والحركات هي هي طبعا ...

المشكله ان الجلايفر لما بيجيله كريتكالات مش بيرحم

بس انت كل شغلك عليه ستان ودار ديفل علي طوول لغايه ما تجيلك انت الكريتكال اللي تظبطه بيها :)

لو عايزين باقي البيلدات قولوا لاحسن انا تعبت بس تحت امركم :)

ولو في تعليق علي طريقه لعبي يا ريت اسمعه ...

شكرا لردك على الموضع .
وانا مش عارف الموضوع قلب ليه كدا هو داكرى اى موضوع ليا بيعلق فيه وبيعمل فيه مليون مشكله .
نبه عليه ميعلقش فى موضيعى تانىولا انا اعلق فى موضيعه منعا للمشاكل .

[WadCool]

لالالالالالا


الموضوع هيدخل في سكه تانيه وهيبقي فيها عقاب مش حلو

الافتاءات دي نفتيها في اللعبه ماشي نفتيها في اي حاجه اشطكه

لكن نتكلم في الدين؟؟

يا عم الحج اللي من النسل انت هنهظر هنا؟؟

ويا مصطفي يعني ايه مفيش مهدي منتظر بدل ما نت قاعد علي النت مقضيها منتدي وسيلك روود ابحث عنه يا صاحبي وانت تعرف

المشاركات دي متتكررش من تاني بعد اذنكم ...

[MAX_ALI]

هههههههههههههههههههه شيع PainOfFear للجى ام .
المهدى مش نبى ولا مرسل دا من التابعين وقائد حكيم هيقود جيوش العرب . هو الرسول صلى الله عليه وسلم ذكر بعض الدلالات على اسمه ونسبه عشان محدش يقدر يطلع ويقول انا المهدى . وبعدين يا جماعه انا كنت كاتب استفسارات ^^ محدش رد عليا غير Zexo و Solitary وبعدين قلبتوها خناقه اقفل يا مصطفى اقفل هو طالما داركى علق عمر الموضوع ماهيكمل ^_^ .
وعلى فكره صوره الجيلد اتعملت الحمدلله كان بج . وبخصوص الواريور يا ريت واحد فنان يعملنا موضوع كدا شامل ومعاه شويه فيديوهات وتظبيت كبير عشان القسم التعليمى نايم .

[iZexo]

بيس كدا ..

بلا دين بلا شيوعيين ولا شيعيين ولا سياسة ولا مرسلين ..

خلينا فالواريور ..

طريقتك تحفة يا كيمو .. أحسن من طريقتي بس أنا متعود على التوهاندد بس .. مش بالأكس و الون هاندد ..

و على فكرة يا كيمو أنا بلعب بالنيوكر .. من غير سنوو بي سنوو لازم أقطع القدامي لما ببقى من غير سنوو القدامي بيطمع فيا و أخدو واحدة واحدة و فالأاخر لو كان صعب أرفع السنوو و أديلو جامد .. بس أكون عارف العب بيه إزاي أهم حاجة..

و يا علي داركي ده بينور المواضيع

[MAX_ALI]

المشاركة الأصلية كتبت بواسطة zexo

بيس كدا ..

بلا دين بلا شيوعيين ولا شيعيين ولا سياسة ولا مرسلين ..

خلينا فالواريور ..

طريقتك تحفة يا كيمو .. أحسن من طريقتي بس أنا متعود على التوهاندد بس .. مش بالأكس و الون هاندد ..

و على فكرة يا كيمو أنا بلعب بالنيوكر .. من غير سنوو بي سنوو لازم أقطع القدامي لما ببقى من غير سنوو القدامي بيطمع فيا و أخدو واحدة واحدة و فالأاخر لو كان صعب أرفع السنوو و أديلو جامد .. بس أكون عارف العب بيه إزاي أهم حاجة..

و يا علي داركي ده بينور المواضيع

طيب ولما تيجى مشاكل منه تانى زى اللى فاتت وانت عافها ؟ انا بقول منعا للمشاكل وانا مش مستعد ادخل معاه فى مشاكل تانى .

[WadCool]

المشاركة الأصلية كتبت بواسطة MAX_ALI

شكرا لردك على الموضع .
وانا مش عارف الموضوع قلب ليه كدا هو داكرى اى موضوع ليا بيعلق فيه وبيعمل فيه مليون مشكله .
نبه عليه ميعلقش فى موضيعى تانىولا انا اعلق فى موضيعه منعا للمشاكل .

من غير تنبيه كلام من اي حد في الحاجات دي غير مسموح بيه تماما

دي قوانين المنتدي من الاصل ممنوع الكلام في الدين او السياسه خصوصا لو هنفتي ..

المشاركة الأصلية كتبت بواسطة Zexo

بيس كدا ..

بلا دين بلا شيوعيين ولا شيعيين ولا سياسة ولا مرسلين ..

خلينا فالواريور ..

طريقتك تحفة يا كيمو .. أحسن من طريقتي بس أنا متعود على التوهاندد بس .. مش بالأكس و الون هاندد ..

و على فكرة يا كيمو أنا بلعب بالنيوكر .. من غير سنوو بي سنوو لازم أقطع القدامي لما ببقى من غير سنوو القدامي بيطمع فيا و أخدو واحدة واحدة و فالأاخر لو كان صعب أرفع السنوو و أديلو جامد .. بس أكون عارف العب بيه إزاي أهم حاجة..

و يا علي داركي ده بينور المواضيع

يا مصطفي انا الحمد لله بلعب باي اكاونت في الدنيا والحمد لله بيبقي صعب اوي لما بقع علي الارض غير لو واحد فعلا احرف مني ...

اما عن التو هاند بس تبقي غلطان يا صاحبي انا قلتلك امثله بسيطه عن باقي السكيلات لكن صدقني الباقي اجمد واشد

في سكيل في الاكس بتديلك فيسيكال ديفنس وانت ماسك الاكس وتديلك اتاك رات عالي كمان ...

يعني هتضرب بسرعه ومعاك ديفنس وهتجيب كريتكالات وستانات وبلاوي

المشاركة الأصلية كتبت بواسطة MAX_ALI

طيب ولما تيجى مشاكل منه تانى زى اللى فاتت وانت عافها ؟ انا بقول منعا للمشاكل وانا مش مستعد ادخل معاه فى مشاكل تانى .

مشاكل من اي حد ليها عقاب

ولو داركي اديتله انذار هاخد منه العضويه المميزه ...

ولو عضو اخد انذار مره تانيه هينطرد ...

احنا هنا بندردش سوا مش بنتخانق ومش بنفتي ...

[MAX_ALI]

تمام كدا. يا ريت حد يحطلى ترتيب استخدام اسكيلات ال Two Handed فى البى فى بى بس لانى مش هفتح هغيرها دلوقتى . هبقى افتح الباقى بعد فارم التمبل .
الاسكيلات المهمه بس لان كل اللى معايا 400ك هحاول اطلع بيهم فل فارم بفر وافتح اتاك ال Two Handed

[™_Blast_™]

قلبتوها سبيل بعد م انا مشيت...ماشي؟! يا عم انا اصلاً مش بحب اتكلم مع داركي عشان اخر مره كنت هقرع ابوس ايدك يا ابو الزكازييس اقفل الموضوع

الموضوع هيدخل في سكه تانيه وهيبقي فيها عقاب مش حلو

عمو عمو ...انا خايف!

[iZexo]

خلاص يا عم الفات مات و أنا هقولو ..

الواد بيتصور مع برج إيفل أو بيفبرك صور إنو متصور هناك فسيبو يستمتع بالأجازة :d

فيسك و إيميلك فضحينك يا داركي

[iZexo]

أحب فيك ردك الحازم

[™_MoameN_™]

او ممكن تسأل فى إسأل استشير وتشوف ال dc ليه

سيب القسم في حاله بعد إزنك

[xDarKy]

يا عم الحج اللي من النسل انت هنهظر هنا؟؟

هو ايه الهنهظر مش فهمك !!

مش بحب اتكلم مع داركي

يبقي متتكلمش تاني -.-

هو طالما داركى علق عمر الموضوع ماهيكمل ^_^

اكلم عدل احسنلك

طيب ولما تيجى مشاكل منه تانى زى اللى فاتت وانت عافها ؟ انا بقول منعا للمشاكل وانا مش مستعد ادخل معاه فى مشاكل تانى .

يبني انا كلمتك انت اصلا !!!

هيبقي فيها عقاب مش حلو

مبخفش علي فكرة ... و لو عاوز تشيل العضوية الزرقاء ... شلها .. I've got no problems !

[WadCool]

مش مميزه بس وهديلك مخالفه صغيره :)

كلامي خلص اظن ..

واسلوب الكلام مع بعض تغيروه بعد اذنكم