ايه اكتر موقف حصلك

[omar007]

ممكن فى جسم اللى جنبوا

[! FiRe !]

مكشوووووووووو يا مان على الموضوع الرائع
اكتر موقف ضحكنى:
مرة كنت و23 صحابى فى جنينة الازهر ، تبع نادى الكشافة البحرية
وكنا رايحين نخيم هناك ونبات ليلتين
المهم ، كانت الادوار متقسمة كلاتى:
واحد طباخ ، اربعة يمسكوا الحراسة من الكلاب اللى كانت امم وقبائل، و3 حرس علم
و 2 بهلونات ( مصطلح كشفى يعنى الدليل او اللى بيكتب كل معالم الطريق او المكان اللى احنا فيه) ، والاخر واحد عداد وده بيعد كام خطوة مشيناها ، والباقى يرفعوا الخيام
المهم جينا فى مرة ، كلنا جعانين بعد ما لفينا الجنينة حته حته
وهى واسعة جدا ، المهم الطباخ وكان اسمه عمر ، قال مفيش غير كوسه ، قلناله طيب اى حاجة
قال مبعرفش اعملها قلتله ولا انا باكولها بس هاعمل ايه اهو اكل والسلام
المهم عملها على النار طبعا وكانت نار تعلب ، يعنى حفرة ويتحط فيها حطب ونولع فيه
المهم بعد ما عملها جابهلنا ناكل ، لقيناها مفعصة وشكلها مقرف
قلناله تدوق انتا الاول ، يا اما مش واكلين ، صاحبنا داق منها معلقة وقام مرجع وقعد يرجع ساعتين لحد ما نقلوه المستشفى طلع عنده تسمم ^^
وانا بقا قبل الكلام ده كله كنت عامل لنفسى سمعة انى انا طباخ العصر
مع انى معرفش اعمل غير بيض وبطاطس ^^
على العموم قالولى انتا هاتطبخ ، يا جماعة يهديكوا يرضيكوا، مفيش خالص
قلت امرى لله
رحت الخيمة ملقتش ولا لقمة عيش ناشفة ، قعدنا نستنا قائد المجموعة يجى ومعاه الاكل ، لقيناه جاى بيقول هتدغدوا فراخ
قلت بس بتاعتى دى ، انا احسن واحد اشوى فراخ
افتكرت ان الفراخ مدبوحة ومتنضفة وعلى الشوى علطول
احنا كنا 24 واحد ، وجابولنا الكارثة ، المصيبة
جابولى فرخة واحدة !!!
وصاحية!!!
قلولى ادبح ونضف واشوى ومستنينك على الغدا
المهم فوضت امرى لله ، وجيت امسك الفرخة
قامت عضانى عضه
لسه فإيدى لحد النهاردة قمت رميها على الارض
وهربت الفرخة
واجرى انتا بقا وراها
يا نهار دا كان يوم مهزلة
والعيال يجوا يمسكوها تقوم عضاهم يرموها فى الهوا
وفى الاخر مسكناها وبعد ما دبحت الكام واحد اللى حراسة من الكلاب جم جنبى عشان ياكلو
واول ما جيت احط الفرخةعلى السيخ
الاقى مخلوق تقولش سوبر دوج
نط حتة دين نطه ، خد الفرخة وشرخ
ولا حد كان مصدق
بعد الجرى والمهزلة دى
الفرخة تضيع
دا كان يوم اسود ومن ساعتها مبقتش اطلع معسكرات
الا واحد كان فى الغردقة
رحت هناك ويا ريتنى ما رحت
سحالى هناك
فاهمين طبعا
ههههههههه
مشكور على الموضوع وانا عارف طولت عليكوا

[omar007]

ههههههههههههههههههههههههههههه

ماقولتش الباقى
على فكره انا ميت من الضحك

[MAX EGYPT]

واحد صاحبي مسيحي بيتخانق قلتلةا غصب عني صلي علي رسول اللة زعل مني بص صالحتوا

[omar007]

ههههههههههههه

[! FiRe !]

اى خدمة يا عمر
ههههه

[omar007]

انا بقى اكتر موقف ضحكنى
خد من ماما الجردل اللى بينزل فيه المياه بتاعت التكيف
خدوا افضى المياه منوا
بعد ما فضت المياه منوا مالتوا تانى على الاخر و حطيت فيه خرطوم التكيف ينزل المياه فيه
*__*
اكتر موقف احزنى
لما الموبيل اتسرق منى

[USERNAMO]

بص يا حبى اكتر موقف ضاحكنى لما كنت ماشى انا و صاحبى و صاحبى ده بيعاكس المهم انا ماشى جنبه فى شارع العريش فجأة لقينا صاروح انسانى ماشى فصاحبى سابنى و مشى فأة و راح و قف جنبها و قرب و فجأة هو هو فى وشها و جرى فتخضت ووقعت فى الارض و انا وقعت فى الارض من الضحك و كمان مره ست كانت لبسا بودى نص من الجنب اسود و النص التانى ابيض فصاحبى قالها هوه فردة و فردة و لا ايه !!!

اكتر موقف زعلنى لما ابن خالتى مات فى الخامسه من عمره فكنت راجع من النتيجه بتاع سته ابتدائى و جبت درجه عاليه فبقول لماماتى انا نجحت لقيتها بتبكى بقولها فيه ايه قالتلى سيف وقع من البلكونه عندنا اشمعنى عندنا لانه كان بيحينا و مامتى مربياه فروحت شوفته لقيته بيشلوه من الشارع و مامته مغمى عليها و كمان بابيا كان راجع من الشغل فاخده فى العربيه وداه المستشفى و هما فى العربيه سيف قال : متخليش مامتى تزعل منى انا بحبها هيه و بابى و اخويا و عيط بعد كده قفل عينه و رحنا المستشفى الطحال انفجر و مات سيف !!! كفايه كده انا كنت هعيط دلوقتى

[_KING_GAME_]

عوضك علي ألله يا يوزر نامو و ربنا يصبرك

موقف مضحك و محرج في نفس ألوقت : ماشي أنا و 2 صحاب في
منطقه أسمها محطة مصر في ألآسكندريه
و أحنا ماشيين لاقينا صرصير علي ألحيطه و زي ماتقول كنا مهيسسين
قولنا لبعضانا ألي يموت أكتر عدد من ألصراصير و أخدناها تحدي و طبعا كنا
مقروفين نضربهوم بأدينا كنا عمالين بنديهم بالشلالايط
ألمهم كلنا أتعادلنا
أمنا لقينا أخر صرصار
و ألصرصار ده كان واقف في حته عاليه شويه
ألمهم عشان تجيبو بي رجليك أبدا
أمت أنا عملت فيها عم رامبو و افتحت برجل و قتلته
و أنا بفتح برجل لآيت حاجه بتعمل تيييييييت
أنا قلبي وقف
صحابي سمعو ألصوت أللو طبعا ده فتح برجل عفي أكيد جالو شد عضل
أنا بقه كنت عارف ألتيت ديه بتاعت أيه قبل مابوص
جي بابوص علي ألبنطالون لقيته مقطوع قطعه
مفيش داعي طبعا أقول كان مقطوع فين أكيد كلنا عارفين
ماشي يا معلم و أسمع ألطريقه من صحابي
و كنت ماشي ماشيه ساعتها عامل ألي كان عاملها علي روحو
كان يوم ولاهي ماهنساه
تقبلو مروري

[mode_show]

اكتر موقف ضحكني وانا بنط من سور المدرسة الاستاذ جالي ورا المبني لقاني بنط بقي وحاطط اونيكس عشان اطلع عليها ومظبط حالي ولسة بنط لاقيت الاستاذ بيبصلي ويقولي " انت بتعمل ايه "
رديت عليه " بنط يا استاذ "
ورحت مكمل نط عادي بكل تلقائية
اكتر موقف ابكاني : لما اي حد عزيز عليا يحصله اي مكروه مفيش موقف معين فاكره
اكتر موقف احرجني : كنا فاتحين محل عطارة انا وواحد صاحبي وكان الشيفت بتاعي الصبح المهم جالي واحد مندوب من اللي بيلفوا بشنطة بيبيع مستكة قالي انه متفق مع الشاب اللي موجود بليل علي بضاعة المهم باعلي كياس مستكة 100 كيس قالي بيع الواحد ب 1 جنيه واداني ال 100 ب 70 جنيه انا قولت حلال xd
لما صاحبي جيه بليل قالي انه متفقش علي حاجة مع حد وخد المستكة وداها لعطار كبير قاله دي مستكة بخور الكيس بربع جنيه :(
لا وانا ايه اول ما صاحبي جيه بليل قولتله اي خدمة جيبتلك شوية بضاعة عجب
وهي زبــــــــــــالة ....
شكـــــــــــرا علي الموضوع