شرح الاي بوت الجديد كامل وبدون أخطاء

[captin_Don]

السلام عليكم ياشباب ...
نبدأ الشرح واللى عنده أي مشكله حلها عندي إن شاء الله
ملحوظة مهمة جدا : الناس اللى بيجيلها ديسكونكت !
اللى بيجيلك دا مش ديسكونكت دا اسمه جيم كراش .. ونسبة 99% من الجيم كراش دا بيكون سببه جهازك والنت عندك
الطرق اللى مكتوبه في الموضوع مجربه وشغاله 100% لفترات طويلة ...
بدون ماطول في الكلام
الأي بوت نزل ومعاه ملفين مساعدين
اول ملف :
هاك شيلد ( ودا عبارة عن سيرفر هاك شيلد وهمي عشان يدخلك علي اللعبه من غير ديسكونكت )
تاني ملف :
اللودر ( كلنا عارفينه طبعا )
عشان الناس تطمن
ماتنزلش البوت إلا من موقعه الرئيسي
ودا الموقع
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
وآدي اللينكات بتاع البوت والملفات المساعدة جبتها كوبي من الموقع الرئيسي

Download:
iBot v1.1.8 - عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
HS Server v1.0 - عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
Edx33 Loader - عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


بعد ماتنزل ال3 ملفات دول أمشي معايا خطوة خطوة وطبعا لازم تكون قافل اللعبه وانت بتعمل الخطوات دي :

1- فك ضغط الملف اللى اسمه [iBot] HS Server - Released v1.0
2- خد اللى جوا الملف كوبي وحطه في فولدر اللعبه .
3- هتلاقي عندك ملف اسمه PHMediaPatcher شغله ، وعلم علي كلمة Custom ودوس Patch

*هيظهرلك رسالة غلط لو انت بتجرب وانت فاتح اللعبه ... لازم تقفل اللعبه الأول*

4- استني دقيقتين هيظهرلك كلمة رسالة مكتوب فيها Success دوس أوكي واقفل البرنامج دا .

لحد كدا مافيش مشاكل وكله تمام ؟ ندخل علي الخطوة الجاية

5- هتفتح ملف اسمه HackShield.exe ( بالنسبة للي شغالين بويندوز 7 دوس كليك يمين واختار Run as Adminstrator عشان يشتغل )
6- هتدوس علي زرار اسمه Lunch SRO

7- واستني ثوانى هتلاقي اللعبه اشتغل واختفت وانكتبلك في الهاك شيلك زي الصورة

كدا كله تمام
* ماتقفلش الكلاينت اللى اشتغل لأن لو قفلته هيجيلك ديسكونكت ، بمعنى انك عشان تفتح البوت علي الكراكتر بتاعك لازم تكون فاتح اللعبه مرتين .. مرة للهاك شيلد ومرة للبوت*

نيجي عند الجزء اللى أغلب الناس وقعت فيه وماحدش عرفله حل
اللى هو جزء تشغيل البوت ، الغالبية العظمي كل ماييجو يفتحو البوت يظهرلهم رسالة غلط معناها ان الايبوت مش قادر يشغل الواجهة الرسومية للبرنامج لان فيه ملف فيه أخطاء ما علينا من الكلام دا

8- قبل ماتشغل البوت
خد الملفات دي كوبي من فولدر البوت الجديد
IBot.exe
iBot.dll
Data
ولو عندك نسخة بوت 1.7 فكها وحط ال3 ملفات دول في فولدر البوت القديم
ولو معندكش نسخة بوت 1.7 ادخل علي موقع البوت الرسمي ونزل النسخة 1.7
او خد لينك البوت 1.7 اهي (من الموقع الرسمي )
Download:
iBot v1.1.7 - عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

كدا كله تمام ونقلت الملفات !

9- افتح بقي البوت (لمستخدمي ويندوز 7 دوس كليك يمين ودوس Run as Adminstrator ) . البوت هيشتغل معاك طبيعي جدا وهتلاقي في اللوج بتاعه مكتوب HackShield is Successfully connected

تمام كدا ؟!!

10- افتح اللودر ، وعدل البورت خليه 16000 ودوس Lunch ...

ودي النتيجه :

وعشان خاطري رجاااااااااااء
امشي علي الخطوات اللى انا كاتبها بالظبط والبوت يشتغل معاك .. أي خطأ هيظهر يبقي اكيد انت نسيت خطوة او عملت حاجة غلط .. وبرضو اللى عنده مشكله يسيبهالى في رد وانا هرد في أسرع وقت ممكن

ملحوظة :
كل يوم تلات الجيم طبعا بتعمل أبديت ، ولما احنا عملنا باتش للميديا حصل الآتي :
( تم تعديل الاي بي الخاص بسيرفر الهاك شيلد من الاي بي الرئيسي لأي بي كارت الشبكه بتاعك (اي بي الرد التلقائي LoopBack ) وبالتالي اللعبه مش هتقبل ابديت .
كل المطلوب من حضرتك عشان ترجع الميديا زي ماكانت انك هتعمل انك هتفتح ملف PHMediaPatcher وهعلم علي كلمة Default وتدوس علي زرار Patch وتدوس اوكي وكل حاجة هترجع زي ما كانت .

الكلام دا برضو حل نهائي للرسالة الخطأ اللى بتظهر لما تشغل اللعبه بدون بوت ويظهرلك رسالة معناها ان فيه سيرفر انسبكشن او سيرفر شيك .
يعنى من الآخر ماتاخدش ملف الميديا كوبي في مكان تاني او تسطب اللعبه من جديد والحوارات الكتير دي وشكراً
--------------------------------------------------------------------------------------------------------------------------------------
طريقة فتح أكثر من اكونت بالأي بوت :
في البداية احب اشكر كل الناس اللى شجعوني بردودهم اللى تفتح النفس
انا جربت الطريقة العادية وزيي زيكم لقيت ديسكونكت !! جربت كذا طريقة لحد ما لقيت الحل
انت فتحت اول كلاينت بالهاك شيلد ومركون في جنب وتاني كلاينت بالبوت وتمام وشغال معاك
ندخل علي تالت كلاينت :
هتفتح نسخة تانيه من البوت زي ماكنت بتعمل زمان
وهتفتح اللودر اللى نازل مع البوت من الموقع الرئيسي اللى هو ده edxSilkroadLoader5
والصورة اللى جايه هيا شارحه نفسها ، والتعديل اللى جاي دا يتعمل لما تيجي تفتح اكونت تاني بس ... ماتعملوش مع الأكونت الأولاني

كل مافي الأمر هتعلم علي الإختيار بتاع Redirect Agent Server وماتعدلش حاجة في الاي بي ولا البورت اللى موجودين
والنتيجة !!

برجاء عدم نقل الموضوع لأي سبب من الأسباب دون الرجوع لصاحب الموضوع
شكر خاص لمشرف قسم ريد سي
اخوكم ،،،
_Aux_