اعرف ازاى تخلى حبيبتك او حبيبك تحبك او يحبك اكتر (بجد مهم جدا)

[sheko2008]

تمممممام والله اعدين تدو دروس هنا

احنا نعمل مظاهرة على المشرفين و الادمن يعملونا قسمم للحبيبة والله فكرة حلوة صح ؟

[Mesoo]

مشكورر يا مان
على الموضع الجامد ده

[ValnTino]

والله
أستـــــــــــــــــــــــاذ
^^

[ronaldo20074]

جامد بس عاوز اعرف منك حاجه يا معلم

ازاى بشد البنت ليه و انا مش بكلم معاها كتير فى سن ال 14

[ForGet Me]

رائع جداا

[codo]

جامد بس عاوز اعرف منك حاجه يا معلم

ازاى بشد البنت ليه و انا مش بكلم معاها كتير فى سن ال 14


ده حيكون موضوع الى جاى انشاء الله

[™KeroMan™]

و دة العادى من الhsbc

[codo]

*مش معنى كلامى ده* ان البنت فريسه بنحاول نوصلها وخلاص!!لا لا البنت ارق مخلوق خلقه ربنا وداله كل حاجه زى الرقه والجمال والحنان والوفاء وغيره .
وطبعا انا عارف اللى بيقرأ الكلام ده ممكن يكون متشائم اصلا ً من سيره البنات... يعنى عشان مثلا ً كان ليه تجربه قبل كده وكانت قاسيه عليه حبتين بس اللى حصله كده لازم يعرف انه : " زى ما داق المر هايدوق الحلو" ومفيش احسن من ان الواحد يتعب فى الاول ويجرب عشان يقدر ساعتها فعلا ً يحس بالطعم ويعرف انه :" كان فى جره وطلع بره "!!!
*المهم* لو انت مثلا ً عايز تكلم بنت و تلفت نظرها او مثلا ً انت مرتبط وعايز تحافظ على حبيبتك ومضيعهاش منك ومش عارف تعمل ايه وخايف ان الايام تخليها تبص لواحد غيرك...صح؟؟ ياريت احسن بلاش غرور عشان فى شباب ساعات بيحس انه مالك الارض وان حبيبته مش هاتسيبه مهما عمل معاها من حاجات تقصر عمر الحب وتدفن الورود بتاعته... فعليك بالنصايح دى خدها منى وجربها على قد ما تقدر وحاول انك تمشى عليها اوك ؟؟؟
§¤~¤§¤~¤§ §¤~¤§¤~¤§§¤~¤§¤~¤§§¤~¤§¤~¤§§¤~¤§¤~¤§§¤~¤§¤~¤§§§¤~¤ §¤~¤§§¤~¤§¤~¤§§§§
1/" البنت متحبش الولد اللى بيتكسف عارف ليه؟ لان البنت بطبيعتها عايزه تسمع احلى كلام فى الدنيا ولو الولد اللى هى تعرفه او هاتعرفه بعدين (بيتكسف) يبقى ياعينى مين بقى اللى هايقولها الكلام اللى زى العسل ده ....{البواب} ؟؟؟ " .
2/" ياريت من الاحسن ليك ان البنت اللى انت عايز تكلمها او بتكلمها ما تعرفش كل حاجه عن ماضيك يعنى من الاخر متعرفش مثلا ً انك كنت بتكلم (20) بنت او حتى بنت وسيبتها ورميتها عشان عيب صغير اوى طبعا ً هى فى عقل بالها هاتقول: (( طيب ما انا كمان مش ملاك )) يبقى هى هتاخد عنك فكره انك بياع وهلاس وطبعا هنا مش هايبقى فى أى نوع من الثقه او الراحه او الامان ... يعنى من الاخر البنت دى هاتقعد طول الوقت انك امتى هاتسيبها ؟؟ وامتى هاتخونها؟؟ وامتى هاتتكلم عليها؟؟ وامتى هاتنفضلها؟؟ وطبعا انت هاتقول دلوقتى يعنى لما البنت تيجى تسألنى عن الماضى بتاعى اكدب؟؟؟
طبعا ً لاء مش كده خالص بس حاول توصل المعلومه بتاعتك اللى كانت فى الماضى بشكل حلو ولو حاسيت انك غلطت فى الماضى يبقى لازم تخلى الحاضر يمشى عشان البنت تستريح ليك ويبقى اكتر الوقت بتاعكم ضحك وحب ورومانسيه !!
وكمان مفيش بنت فى الدنيا هاتسمع انك ارتبطت كتيييير وسيبتهم وهاتأمنلك .. (طبعا لا)....ولو مفكرتش فى الحاجات دى او الماضى بتاعك صدقنى هايجى يوم وتفكر فيه بس بطريقه تانيه وحشه اوى وهي بقه اللي هاتسيبك ساعتها ".
3/" بلاش تظهر قدامها او بلاش توصلها انك الشاب الصايع اللى فاهم كل حاجه فى الدنيا عارف ليه؟؟؟؟ عشان الصياعه (ادب ثم ادب ثم ادب) يعنى حاول تظهر انك عارف كل حاجه وفاهم كل حاجه بس فى دماغك "!!!
4/ " نصيحه للي مرتبطين... لوعايز تحافظ على حبيبتك اللي ملكش غيرها حاول بقدر الأمكان انك فى أى لحظه غضب بلاش يطلع منك أى لفظ مش تمام سواء ليها او لحد تانى وبلاش برده العصبيه والصوت العالى الا طبعا اذا كانت هى غلطت يبقى لازم تفهمها الصح بس باسلوب لذيذ فيه عقل وجمود فى نفس الوقت عارف ليه انا قلت الكلام ده؟؟ عشان البنت بتحب الهدوء والرومانسيه وتكره الصوت العالى عشان لو حضرتك اتعصبت هاتحسسها انها زي البيبي الصغير بالظبط ".
5/ "مفيش احسن من الاحترام ....لازم تكون محترم معاها او حتى مع اللى قريبين ليها عشان الاحترام بيخلى البنت تحس من جواها انك عاقل وكبير بس مش فى السن لا فى : (الروح والوجدان والاحساس والمشاعر والحب)، وساعتها هى هاتعرف انك اللى هاتحافظ عليها ".
6/" انت عارف ايه اكتر حاجه فى الدنيا البنت بتكرها فى حبيبها ؟؟؟
ان حبيبها ده ليه فى (( المذاكره)) ودى الحاجه الوحيده اللى البنت متقدرش تسامحك عليها لأنها عايزاك احسن واحد فى الدنيا وتفتخر بيك أدام أصحابها بس طبعا ً لو انت(.......) ساعتها يبقى لا فى فخر ولا عباس حتي".
7/ " شوف ايه اللي هيه بتحبه واعمله وشوف ايه اللي بيضايقها وبلاش تعمله بس بمزاجك انت مش بمزاجها هيه ، يعنى فهمها انك بتعمل كده عشان انت كويس ومش بتعمل كده عشان انك خايف تروح منك او تبص لحد تانى أوكى؟ لأن البنت تموت فى الولد اللي يوصل لدماغها ويترجمها للغه الحب" .
8/ " شخصيتك... دى بقى اهم حاجه ممكن تشد البنت ليك...والشخصيه هنا مش معناها ضرب وقله ادب وتأمر وبس كده لا لا لا لا مش كده خالص الشخصيه هى انك ليك دماغ عارف هيه رايحه فين وجايه منين وامتى تستعملها وامتى برده تركنها ،
طيب اسمع... لو انت قاعد فى وسط جروب فيه بنات على ولاد وواحد صاحبك قال : حاجه فى موضوع وانت شايف ان الحاجه اللى قالها دى مش عجباك ومفيهاش نوع من الانسانيه او الرجوله فطبعا انت هاتصححلوة الكلام بتاعه وتتكلم بطرقتك وطريقه تفكير دماغك وساعتها بقه شوف ايه اللى هايجرى...دى نقطه اعجاب بيك لان شخصيتك لذيذه وعاقله، عارفه الدنيا والناس والصح والغلط... والبنات طبعا مش عايزين حاجه اكتر من كده " .
9/ " بلاش تظهر نفسك بطريقه ساذجه يعنى بلاش تعمل حركات مش اللى هية لأن فى ناس الصراحه عشان تخلى البنت تاخد بالها منوة يعمل اى حاجه وزى ما تيجى تيجى وطبعا دى (تفاهه)... ومن رأيي انك تسيبها كده ولازم فى يوم هاتتكلم معاها أو هيه تاخد بالها منك وده طبعا بيكون فى حاجات قبليه يعنى هى مش هاتبصلك من الباب للطق كده!!! يعنى حاول توصلها انها فى دماغك بس بطريقه تعجبها " .
10/ " من الاخر لو فى بنت عجباك خشلها وكلمها علطول وبلاش كسوف بس الاول اعرف هيه مين وايه شخصيتها وايه نوع رد الفعل بتاعها واعرف هيه ازاى هاتتصرف لما انت تكلمها عشان طبعا متتحرجش ولا تسببلك مشاكل لأن البنات بصراحه حركاتها كتير أوي " .

[BLack DoVe]

موضـــــــــــــــــــوع جامد وكله فى التمــــــــــــــــــام
بس فى حلات لا ينطبق عليها الكلام دة

[codo]

كلامك صح بس اللى انا كاتبه ينطبق على معظم البنات

[codo]

على فكره انا عملت الموضوع ازى تشد اى بنت رد على العضو ronaldo 20074

[☜ ĂиTaKą ☞]

موضوع رائع
شكـــــــــــــــــــرا

[codo]

بشكركم ياجماعه عى الردود الجميله