سؤال عايز رد عليه بوضوح ..

[_FoKaK_]

المشاركة الأصلية كتبت بواسطة al.qanas عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

شكرا على كلامك يا باشا
نورت التوبيك

ده نورك يا باشا :)

[Xx_Hitman_xX]

اولا دة شيئ عادي جداا . وبيحصل في كل الجيلدات .. العضو اللي معظم الوقت او لاين واكتيف
وشغال بيفيد الجيلد وبتلاقية في اي وقت نحتاجة فية مهما كان اللفيل بتاعة دة طبعااا اي حد لازم
يبقي علية .انما اية فايدة لفل +90 وعلي طول اف لاين وتحس ان اسمة في الجيلد ومش لاقية
معاك .. انما انة مش بيلفل ممكن يكون عامل جاب . فممكن نسألة ؟ وفي الاول والاخر مهما كان الجاب
اكيد هيلفل .. تاني حاجة مدة الغياب اكيد الماستر بيراعيها انها فعلا طولت اوي .. يعني اكتر من شهر مثلا
هو ممكن يكون فية ظروف بس اكتر من كدة الماستر لية الحق في البان .. وزي ما قال قناص وقت ما يرجع
تاني للجيم مكانة محفوظ .. علشان مش عيب ابداا ان الماستر يهتم بالجيلد دي اكيد حاجة تبسط مش تزعل
وبانيشرز دلوقتي بقي مكانة كويس ومهم بين الجيلدات القوية ..فأكيــد التطوير حاجة مهمة ..
في النهاية : اي حد يغيب يبلغ الماستر بكدة علشان يحفظ مكانة .. انما اللي تحس انة مات خالص دة
معلشي لازم ياخد استمارة ستة ..وبالتوفيق للجميع وميكنشي اي حد زعلان من اي حد :)

[StarWars]

بص يا Qanas

انا راى انك فعلن من حقك تشيل اى واحد مش اكتيف لمدة طويلة ( شهر مثلا ) وميكنش قايلك سبب انوا مبيفتحش ليه

وبردوا اللى انتا دخلتهم دول حتى لو اصحابك بردوا و مبيفتحوش لازم تشيلهم :p:p:p عشان متكنش ظلمت حد

واللى مبيفتحش وقيلك سبب انوا مبيفتحش ليه مش من حقك تشيله الا لما يكون هوا عايز كدة

وحكاية مصريين او اجانب دى بصراحة مبتفرقش عشان انا معظم اللى سعدونى اجانب وقليل اوى من المصريين الرجالة فعادى لان ساعات كتيير الاجانب بيكونوا رجالة اكتر من المصريين :):):):)

وانتا من حقك تظبط الجيلد بتاعتك عشان تكون جيلد جامدة وتاخد بيها الفورتريس قريب ان شاء الله :D:D:D:D

وانتا بردوا مغلطش لما شيلت اللى كان عندك فى الجيلد ده عشان مكنش بيفتح
وانتا بردوا عملت اللى عليك وبعتله رسالة وفهمته الموضوع

[joliooo]

المشاركة الأصلية كتبت بواسطة Al.Qanas عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

السلام عليكم ورحمة الله وبركاتة ..

ازيكم يا رجاله .. واحشنى والله جدا :)

حصل معايا موقف النهاردة كدة حبيت اسمع تعليقكم عليه يعنى :)
الموضوع بخصوص الجيلد عندى.
هقولكم اللى حصل بالظبط وهقولكم وجهة نظرى اللى انا بتصرف بيها وفى الاخر اسمع تعليقكم انتوا بقى :)

هو اللى حصل ان فيه ناس صحابى واغلبهم اصدقائى فى الحقيقة مش من اللعبة يعنى .. كانوا عايزين يدخلوا الجيلد عندى والكلام دة من فترة وقولتلهم الجيلد كان مليان وكدة واستنوا شوية . وطلبوا يدخلوا الجيلد تانى

قومت شوفت الناس اللى مش بتدخل بقالها فترة . وفترة دى يعنى شهر مثلا مش يومين ولا اسبوع حتى وعملت بان ل 6 من الجيلد فى يوم واحد ودخل مكانهم فى نفس اللحظة 6 صحابى.

اللى عملت ليهم بان مش بيدخلوا بقالهم فترة تتعدى الشهر كمان ويمكن احيانا يدخلوا مرة كل اسبوع او مرة كل 5 ايام لمدة مفيش ساعة ويخرجوا وطبعا متوقفين عن التلفيل وعن الحروب وعن كل حاجة.

اول ناس اتعمل ليهم بان كانوا ليفيلات 98-97-95-90 ودول مش بعتلهم اى حاجة ولا اى كلام من دة
كمان كان ضمن الناس اللى مش بتدخل هو واحد مصرى يعنى ومعايا فى الجيلد واضطريت انى ادخل حد مكانة لان باقى الجيلد اما كله اكتيف اما الباقى مثلا مدخلوش بقالهم اسبوع او اقل مثلا مش ينفع اعملهم بان من غير ما استنى يعنى اشوف هيدخلوا تانى ولا هيبطلوا لعب ولا اية . لكن اللى اتعمل ليهم بان امبارح كلهم كانوا تقريبا تعدوا فترة شهر مش بيدخلوا الا قليل جدا .

الوحيد اللى بعتلة رساله هو اللى انا بتكلم عليه . وعلى فكرة انا عملت بان للناس اللى ليفل 98 قبل ما اعمله والله
المهم دخلت واحد مكانة وبعتله رساله بكل وضوح
فيها انا قولتله يا باشا انا دخلت الجيلد مكانك لان فيه كذا وكذا وكذا وصحابى زعلانين وعايزين يدخلوا الجيلد وانت النت عندك مش مظبوط .
فلما تظبط النت وتدخل تانى ياريت تكلمنى وانا هدخلك تانى ومكانك محفوظ وياريت تقدر موقفى .

هو مقدرش موقفى ودخل النهاردة بالصدفة وكلمنى قالى شكرا على البان وحاولت افهمة وقولتله نفس الكلام تانى لكن هو مصمم على اللى فى دماغه وطبعا دة حقة يعنى.

انا شرحتلكم انا ليه دخلت ناس مكانة
احب ازود بقى
ان المفروض ان اى واحد بيعمل جيلد فى اللعبة انه يكون مهتم بيه ..
يعنى انا لو همشى بالنظام اللى هو عايزة انى مش اعمل بان او ادخل حد اكتيف مكان حد مش اكتيف
دة معناه ان ممكن يجى عليا يوم فى الجيلد ابقى اونلاين لوحدى .. طيب انا عامل الجيلد ليه
هيقولى دى لعبة واحنا مصريين زى بعض والكلام دة .. يبقى مينفعش انا اعمل جيلد . انا ادخل جيلد بقى وابقى زيي زيك
لكن انا لما عملت الجيلد عملتلة علشان يبقى جيلد جامد ويعمل اى انجاز فى السيرفر
وفى الاول والاخر الجيلد 95% منه مصريين والباقى اصدقائى جدا وناس فعلا محترمة اوى
مش ينفع بعد ما عليت الجيلد وتعبت معاه كل دة يبقى اهدمة تانى .. ولا اية ؟؟

انا مش عملتله بان وهو اكتيف يعنى
وكمان انا قولتله مكانك محفوظ وانا فعلا قد كلمتى
وكمان معلش هو مش مستفيد حاجة وهو اصلا بعيد عن اللعبة ومش بيدخل
وانا عمرى ما دورت على الاستفادة من الناس والا كنت عملت بان للناس اللى ليفل 80 اللى اكتيف ودخلت مكانهم 90+ ودى بسيطة جدا
بس انا مينفعش اعمل بان من غير سبب.

فهل دلوقتى حاجة تزعل انى ادخل واحد اكتيف مكان واحد مش اكتيف
مع العلم انى قولت كلمة وانا قدها وهيا انك يوم ما تبقى اكتيف انا هتصرف وهتبقى فى الجيلد تانى
ولا هو الواحد يكره للواحد انه يعلى الجيلد بتاعة ويوم ما يرجعة يلاقية اجمد واحسن

لو فعلا حد كان ماستر جيلد وجرب اى موضوع يشبه دة او مر بفترة ان الجيلد بتاعة مكنش اكتيف هيحس انه فعلا معملش حاجة طول لعبة للجيم لما يبنى حاجة وفى الاخر تتهد
هو مش دة اللى هيهد الجيلد ... بس لو كل الناس جالها ظروف وبقت مش اكتيف هو دة اللى هيهد الجيلد

هل انا غلط كدة ؟؟
انا عملت حل وسط
علشان مش ازعل صحابى اللى عايزين يدخلوا الجيلد
ولا زعلت اللى عملتله بان مع انه مش مستفاد وهو بعيد عن اللعبة .. وقولتله هتدخل الجيلد تانى يوم ما ترجع

تشبيه اخير بقى
الجيلد دة زى فريق الكورة بالظبط ..
كله بيلعب مع بعضة وفيه صداقة وكل حاجة علشان يعلوا الفريق دة
تقتكروا يوم ما لعيب اساسى هيصاب واصابتة طولت .. هيلعبوا ناقصين ولا هينزلوا لعيب احتياطى ؟!

ياريت بقى تعليق ع الكلام دة :)
وسورى طولت فى الموضوع اوى بس كان لازم اشرح كل حاجة بالظبط

سلام :)

رغااااااااااااااااااااااااااااااااااى اووووووووووووووووووى :p :p :p

[7osso]

و دي حاجا من مساوئ اللعبة ان الناس واخداها على اعصابها

واحد اطرد من الجيلد

بعد 5 دقائق- تلاقي صوان في الشارع
بعد10 دقائق- يبعت ال(مجني علية) بوجهة نظرو برسالة تهديد بالاغتيال لقائد الجماعة
بعد15 دقايق- هات يا شتايم علية في الجلوبال
بعد20 دقيقة- يشتم القائد شخصيا
بعد 30 دقيقة- يعد يدعي علية في الصلاة
بعد45دقيقة -يدخل ينام من كتر العصبية و شد الاعصاب

واسوأ حاجا انو يكون الواد دة ليك معرفة بية و بتكلمو كتير او حتى صاحبك
و الصحاب بيبانو في وقت زي دة

لو لسة ماوصلتش المعلومة:
أديك انا مثلا
أطردت من جماعة egypt بعد رسايل من باجي ان أقل لفل هوا 50
وانا بطيئ دا في التلفيل و بحب أخود راحتي
اان كان لفل 35
انا قبلها كان ليا معرفة بسيطة بباجي(و الصراحة هوا من أكثر ماسترات الجيلد احتراما و ذوقا و شهامه) بعدها سألتو انا مش قادر أوصل اللفل دة
هوا عمل خاطر للمعرفة دي و قالي مش هاتتطرد مدام انتا أكتيف
مرت الايام
وعد فترة امتحانات نص السنة
ومعرفتي بباجي كبرت وبقينا نعرف بعد أكتر من الاول
بعنتل ميل بيقولي ان هو أسف و اطر انو يطردني عشان لفلي قليل و احنا كنا داخلين على وار
من غير كدب انا معملتش أي حاجة
انا طبعا زعلت الاول
بس بعد كدة بعتلو ميل بقولو ولا يهمك وانا عارف انك قائد جماعة و انتا حر وانك لازم تعمل كل حاجة لمصلحة الجيلد
وكلام من دة
قالي وانا هافضل معاك بأي مساعدة لغاية ماتوصل الفل المطلوب

وصلت يا رجالة ؟ بطلو بقا تشتمو في بتوع الجماعات كد

اة وغير كدا انتا ناسي اتن هوا حر؟؟؟ هوا يعمل اللي هوا عايز دي جاماعتو وهوا حر فيها


الف شكرا على وقتكو و آيف على التطويل
وسلام عشان عليا بكرا امتحااااااااااان

[Al.Qanas]

انا قبلها كان ليا معرفة بسيطة بباجي بعدها سألتو انا مش قادر أوصل اللفل دة
هوا عمل خاطر للمعرفة دي و قالي مش هاتتطرد مدام انتا أكتيف

انا لحد دلوقتى عندى فى الجيلد ناس ليفل 80 ..
مع انى عايز ليفل 92++ فى الجيلد .
لكن طالما هما اكتيف انا عمرى ما هقدر اعملهم بان :)
يعنى انا معملتش بان غير للى مش اكتيف خالص وكمان بعتت رسايل :)

مفتكرش انى ارتكبت جريمة يحاسب عليها القانون
دة الطبيعى بتاع اى جيلد .. بس يكون جيلد شغال مش مهمل

ميرسى للرد

[7osso]

المشاركة الأصلية كتبت بواسطة Al.Qanas عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا لحد دلوقتى عندى فى الجيلد ناس ليفل 80 ..
مع انى عايز ليفل 92++ فى الجيلد .
لكن طالما هما اكتيف انا عمرى ما هقدر اعملهم بان :)
يعنى انا معملتش بان غير للى مش اكتيف خالص وكمان بعتت رسايل :)

مفتكرش انى ارتكبت جريمة يحاسب عليها القانون
دة الطبيعى بتاع اى جيلد .. بس يكون جيلد شغال مش مهمل

ميرسى للرد

هوا انا بجرمك !!:eek::(

بالعكس انا بقول الكلام دة عادي في أي جيلد و بدافع عنك افرأ الرد تاني :)

[DeathMaster]

"تعليق " ده الي انتا كنت عايزو جالك لحد بيتك :p و في الواقع..... ماشي حتفق معاك في الإنتا عملتو ده :d واكيد انا منور التوبيك و انتا بردو موووووووووووووووز و احلا سلام

[Al.Qanas]

بوص كل الكلام دى عاليا انا بس زى م انت بتقول يا جوو انا النت فاصل زى م انت عارف و انا يوميآ بافتح و تانى حاجة فى ناس كتتير غيريا انا بالهم كتتير اوى مفتحوش و منهم _3slia_ , _ms_egypt_ , iizezoii , prof_ms , كتتير و كتتير بس انا مش متزكرهم بس انا مكانتس ازعل ولا اكلموا كده لو كان باعتلى msg و استنينى تانى يوم و الله م كانت ازعل و انا كمان ابليه بيوم سالت عاليه و كمان اولتلو gzz lvl 95 و gzz knight و الله بس انا مش باحب كده و زى م انت بتقول دائما just game و شكرآ

عموما احنا اتكلمنا ع الايميل وانا فهمتك كل حاجة
وعلى فكرة اللى بتقول عليهم دول كلهم بيفتحوا وكل يوم كمان وبيروحوا ميديوسا ع الاقل 3 مرات فى اليوم
وبيحضروا كل فورتريس .. بروف بس بقالة حوالى اسبوع مش بيدخل وانا مستنى اعرف باع الاكونت ولا لاء .. لو باعة وصاحبة مش بيدخل انا هخرجة من الجيلد .
انا فهمتك كل حاجة ع الايميل وانت قولتلى انك مقدر اللى حصل :)

[Al.Qanas]

بالعكس انا بقول الكلام دة عادي في أي جيلد و بدافع عنك افرأ الرد تاني

انا بهزر ياعم :d

[7osso]

المشاركة الأصلية كتبت بواسطة Al.Qanas عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

انا بهزر ياعم :d

ولا يهمك

[Al.Qanas]

خلاص يبقا تعمل ban مع ال 10 دول كلهم في نفس الوقت

و لو هتعملها مع واحد بس يبقا قبل ما يطلع هو يديك الموافقه انك تعمله ban

والله يا قناص انا مع كل الناس ومش ضد حد بس لو حصل الكلام مع اي حد فينا لازم هيضايق

انت لو كنت موجود كنت شوفت البان وقتها لكام واحد :d
ناقص بالظبط 3 مش اتعملهم بان ودة لسبب واحد
انه انا بعمل بان وادخل مكانهم .. يعنى بان لكذا وادحل مكانه علطول وقت البان
وانت واحد منهم يعنى .. يعنى اقصد انى لما هاجى ادخل اكونت يوسف .. بعمل بان فى وقتها واروح عاملك انفايت
لان ناس بتعمل انفايت لناس تانية انا مش عايزها فى الجيلد ..

لكن كل دول هيتعمل ليهم بان
بس انا مش معاك فى موضوع الموافقة دى :)
نفترض ان اللى حصل دة مكنش الباشا دخل وكلمنى وكدة او مكنش فتح .. هستنى لأمتى لما اشوف الموافقة
حتى هو قالى انه كلمنى بس مكنتش انا اللى ع الاكونت والله فأكيد معرفتش انه دخل والا كنت قولتله بنفسى يعنى

انا فعلا استنى موافقة لو واحد بيدخل وانا فعلا بعمل كدا .. ناس كتير جدا خرجت الاكونت بتاعهم التانى مثلا ولازم اقولهم الاول اقوله مثلا انا هخرج الاكونت التانى بتاعك لان فيه كذا كذا .. وحتى ياما ناس دخلوا الجيلد قريب واحد كان ليفل 46 . من شهر واحد
ومع انه غريب .. مرضتش اطلعه الا لما اقوله واقنعة الاول وبعدين خليته يخرج برضاه ..

مفتكرش انه لو حد تانى كان عمل معاه كدة :)
هو بس اختلاف تفكير مش اكتر .. وانا مش قصدى ازعل حد فى الاول والاخر

سلاخوخ :)

[kajo]

المشاركة الأصلية كتبت بواسطة al.qanas عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

نفترض ان اللى حصل دة مكنش الباشا دخل وكلمنى وكدة او مكنش فتح .. هستنى لأمتى لما اشوف الموافقة

اقرا كلامي في ردودي هتعرف امتا تبص علي الموافقه وامتا ممكن تطلعه من غير متكون في موافقه
وانا هقلها تاني :)

1. قعد اكتر من شهر بدون اي اخبار اعمله بان و عداك العيب كده مدام مفيش اي اسباب.
2. لكن لو في سبب وانت عارف يبقا استنا موافقته وانتوا ممكن تلاقوا بعض بالرسايل الخاصه اللي اي حد ممكن يبعتها للتاني في اي وقت

[Al.Qanas]

قعد اكتر من شهر بدون اي اخبار اعمله بان و عداك العيب كده مدام مفيش اي اسباب.
لكن لو في سبب وانت عارف يبقا استنا موافقته وانتوا ممكن تلاقوا بعض بالرسايل الخاصه اللي اي حد ممكن يبعتها للتاني في اي وقت

يا معلم مهو دة اللى حصل والله اعلم انا هشوف موافقتة امتى بقى انا بعتلة
متنساش انى قولتله مكانك موجود .. ومش تثبيت والله فعلا لو كان جه تانى يوم وقالى يا معلم انا اهو تمام وعايز ادخل
كنت هطلع اللى دخلتة مكانة وهدخلة تانى :)

الموضوع خلاص خلص يعنى والراجل اقتنع بالكلام ومقدر اللى حصل
كلمة زيادة يا جو انا هطخة وهموت نفسى كمان ونسيب اللعبة بقى :d

[elmasrya122]

السلام عليكم ورحمة الله وبركاته
متزعلش مني ده رأي بس في الموضوع وكلمة الحق متزعلش مش كده والا ايه....؟؟؟
ممكن أعرف صحابك كانوا فين لما عملت الجيلد...؟؟؟
الجيلد ده أتلفل بصحابك والا بالناس التانين....؟؟؟
كل اللعيبه ليهم ايام مايادروش يفتحوا اللعبه حالة وفاة لاسمح الله ...فرح...بلوك من الباشا جي ام ...بلوكين ورا بعض...امتحانات...اي سبب كان دة ميديكش الحق انك تخرجوا بره أسمعوا الاول وده من ابسط حقوقو ..مش تكتبلو رساله هو اصلا مش حيقراها لانوا مش فاتح
سلك رود مش فورترس وير وبس الاكاونت شخصيه احاسيسها كلها من صاحبها ...السكامر في اللعبه حرامي حقيقي بره اللعبه ...والحرامي في اللعبه هوالحرامي اللي بيلعب عسكر وحراميه
والمثل اللي جبتو عن اللعيب المكسور مش في صالحك عمرنا ماسمعنا عن نادي طرد لعيب لانو اتصاب بالعكس يعالجوه ويمرنوه ومهيتو مستمره وعقدو مستمر ده انت عملت زي صاحب الخيل اللي بيضرب الحصان الاصيل اول مايتكسر بحجة دي رصاصة الرحمه
كنت تقدر تخرج الاكاونت التاني بتاعك مؤقت لو انت مزنوق ومتزعلوش ماانت لازم تكون مقدر حالتو بعد الطردأو اصحابك يستنوا شويهمثلا او تخرج السكامر اللي عندك في الجيلد واللي انت عارفوا وكل قراء سلك رود بالعربي واللي اتكتب عليه عارفينوا !!!!
وعلى ذكر لفلات 80 مش انت وجهتلهم انذار بالطرد لوماوصلوش D10 هاتعملهم بان بردوا !!!!
اللي اعرفوا انكم واليونين كسبتم الفورترس وير الاخيره يعني مكنتوش اوف لاين يصاحبي !!!!
الغايه لاتبرر الوسيله احنا عرب واحنا مسلمين مش يهود شعارهم الغايه تبرر الوسيله
اول من حايعارض كلامي أصحابك السته دول لانهم المنتفعين
كل قرار ييخص اي جيلد لازم يؤخذ بمشاركة الجيلد كلوا وألا كان قرار دكتاتوري يصاحبي
ومعلوماتي عنك انك صاحب راي سديد فمتخليش مصلحة صحابك تؤثر على التصرف الحق علشان الحق ملوش صاحب الا الحق
مش عاوز اطول في الكلام لحسن صحابك يزعلوا ويمكن زعلهم يخليك تهد الجيلد في لحظه غضب ربنا يستر وتهد المعبد على اللي فيه زي الاخ العزيز baggy ماعمل
واختم الكلام بطلب التريث منك لاني حقيقي احب ان اراك تتخذ قراراتك بعيدا عن مجاملات الاصحاب فكل خراب الامم كان من مجاملات الاهل والاصحاب على حساب الباقيين
والسلام عليكم ورحمة الله وبركاته