Nod32 Antivirus V.3.0.621.0 With Crack أخر أصدار بالشرح

[AhMeD_HeLL33]

هههههههههههههه

جمدا اوى يا مان وشكرا على اللقاء الصحفى ده

[omar007]

هههههههههههه كاكاكاكاكا
سلاموز ب الموز يا بوب
سلام بقى علشان المنتدى شكل هيتقلب عشه
وانا بخاف من الانفلونزه

[LION_EGYPT]

ههههههههههه ..

إيه الحلاوة ديه ياواش :)

بس حاجة 100 100 بجد مشكور ..

[ScissorX]

ههههههههههههه

شكرا

بصو بقى الموضوع التانى مسخره

[ايمن الكاشف]

موضوع لزيز جدا ومشبع

[ScissorX]

صباح الفل حبايبي الأعزاء

يشترط لدخول الامتحان ان المتقدم يكون معاه كل أدواته اللازمة : ـــ

قلم رصاص – أستيكة (تحسباً للأخطاء الكتيرة) - اثبات شخصيتك (تذكرة اوتوبيس – مفتاح الشقة – كارت تليفون مينا تل – عملة مصرية - أي حاجة) ـــ

في حالة لو احتجت لورقة اجابة زيادة اطلب من المشرف مع مراعاة عدم كتابة اسمك عليها (ما هي مش فارقة هتنجح هتنجح) ـــ




السؤال الأول:اختار من بين الأقواس الكلام الصح: ـــ





1- حنان ترك اتحجبت يعني............ ــ
(لبست جزمة - لبست ساعة - لبست ايشارب)


2- اللي بنى هرم خوفو............ .ــ
(طلعت مصطفى - المقاولون العرب - مقاول أنفارخوفو)

3- اللي بنى..بنى مصر كان في الأصل.....ــ
(حلاق - نجار - تاجر مخدرات - حلواني )

4- البرنامج اللي بيجي ع القناة الأولى كل يوم الساعة 7.00 صباحاً ومحدش بيتفرج عليه
برنامج..صباح الخير ............ ــ
(يا ماما - يا بابا - يا خالو - يا ريس - يا مصر)

- بص في ورقتك يا حيواااان!

5 - مصر هى أمي نيلها جوا...........ــ
(عبي - بطني - رجلي - جيبي - دمي)


6- رئيس مصر القادم السيد....ــ
(جمال مبارك - جمال مبارك – و حياة أمك جمال مبارك - كل ما سبق )


السؤال الثاني:أكمل الجمل الآتية بكلام م الآخر: ــ


1- انتبه من فضلك السيارة ترجع إلى............ ......... ... ــ


2- ماما زمنها............ ......ــ


3- من خلال تجاربك السابقة...البامبرز استيك منه............ . ــــ


4- طلعت أدّب نزلت أدّب لقيت الدب بيأزز............ ــــ


5- اسم والد اللاعب وائل جمعة الحاج............ .. ــــ

و لو بتشجع أي فرقة من الفرق الأجنبية "ريال مدريد ولا برشلونة "
مافيش أم الجنسية


السؤال الثالث:ضع علامة صح أو علامة غلط أمام الكلام الجاي: ـــ


1- بابا فين؟؟ ..بابا هنا..قوله مين؟؟ قوله عمو ( ) ـــ


2- الشرطة دائما في خدمة الشعب ( ) ـــ


3- أذان المغرب في رمضان بصوت "طارق نور" ( ) ـــ

صح يا أهبل ، كل حاجة في رمضان بصوت طارق نور

4- شاي الجوهرة حتة سكرة ( ) ـــ

[zero4ever]

هههههههههههههههه جمدة اوي

بس انا فاكر ان هيا مكررة بس مش فارقة عشان دي من زمان اوي ^^

[omar007]

زى ما قالك ان هى مكررررر بس جامده اوووووى

[AhMeD_HeLL33]

مشكور على الموضوع ده وجامد اوى

[ايمن الكاشف]

السؤال الرابع اختر الاجابة الصحيحة من بين الاقواس
كاتب هذة المشاركة (دمة عسل _دمة شربات _هوة عسل وشربات_كل ما سبق)

[ScissorX]

على فكره ياض يا عمر انتا تحبط الواحد اوى ^_^
بس ماشى وراك وراك مهاسيبك تعمل موضوع ير و مكرر
القصه مكرره بقى :)

[spritex]

: (*الطفل الفافي)و (الهاي لايف)


1-الولد من دول يصحى على صوت الكناري اللي في اوضته ....
- سو سو سو سو .... -

2-يدخل الحمام ياخد شاور .... ويغسل شعره بشامبو من ايطاليا ....
ويحط جيل بالمرز من فرنسا ويغسل سنانه بمعجون سيجنال تو .....
- بيتفرج على الام بي سي كتيييييييييييير -

3- يطلع من الحمام يلاقي الداده مستنياه بفوطه من حريييييير ....
وتلاعبه وتهزر معاه بالانجليزي ....
- الداده معاها دكتوراه من جامعة اسفخص في لندن -

4-يخش على اوضته ... ويفتح الدولاب ويطلع منه هدومه المكويه واللي
ريحة اريال باينه فيها .....
- اريال .... نسيم الصباح -

5- يجيب جزمته من الجزامه ... اللي مليانه جزم وكوتشيهات ...
وسبوووز .....
- تقولش دخلت محل لطفي أو توكيل تمبرلاند -


6- ينزل يفطر مع مامي ودادي ... والفطار كورن فليكس بطعم
الستروبوري او الشوكولات .....
- كورن فيليكس كلووقز .. مش بسكو مصر -

7- يسلم على مامي ويبوسها بعد ماتكون حطتله ديناربوكس بتاعه وفيه
.... ساندوتشين تشيزبرجر و كيس شيبسي و عصير جهينه او ايزي موزوو
- ايزي مووزو !!!! فاكرين الاعلان ده ؟؟؟ -

8- يسلم على دادي اللي يديله البوكيت موني بالدولار ..... مش
يعرفو حاجه اسمها جنيه طبعا
- جنيه ؟؟؟؟ دي عملة انكردت من زمااان -

9- يطلع من البيت بعد الداده ماتلبسه الشنطه بتاعة الكتب على ضهره
..
- بنشوف الشنطه دي مع الخواجات في شرم وبس -

10- يركب الباس بتاع السكول .... ويشاور (باي باي) للداده ولمامي
... ويركب مع زمايله ويغنو بالانجليش او الفرينش .....
- فريدرو جاكو .... فريدرو جاكو ... هايللبّووه -

^^^^^^^^^^^^
: *الطفل البييييئه

1- دييييييييب .... اخوه رمى عليه طوبه عشان بقاله ساعتين بيصحي
فيه ... وهو ولا هنا ...
- طبعا .. مقضيها صرمحه في الشارع للفجر -


2- العيال دي ماتعرفش اختراع اسمه (غسيل الوش بعد ما تقوم من النوم) .... هم شوية خناق مع اخواته ويبقى صحصح على الآآآآآآآخر
....
- بدل تمارين الصباح ... رياضه برضه -

3- طبعا بعد الخناق ده بيبقى جعان .... تلاقيه بيحوم في الشقه
ويدوّر في المطبخ على اي حاجه .... انشالله صرصار .. برضه هاياكله
من الجوع
- عشان كده ماتلاقيش في بيتهم صراصير -

4- بعد ما يحط في بطنه اي حاجه في رغيف ... يدور على اي حاجه
يلبسها .... القميص مرمي تحت السرير ... ويقلع اخوه الصغير
البنطلون بتاعه وهو نايم ...
- هدومه كلها مكرمشه ... تقولوش طالعه من بق *** -

5- طب وبعدين .... ساعتين بيدور على الجزمه ... مش عارف رزعها فين
... واخوه الكبير خارج من البيت حافي كمان عشان مايقولش انه خدها
... افتكر اخيرا انه حاطط فرده منهم فوق الدولاب .... والتانيه
... تحت التلاجه !!!!!!
- طبعا ما يعرفش اختراع اسمه الشرابات -

6- دلوقتي معاد حرب كل يوم ..
: ماما ... انا عايز مصروفي
: مصروف ايه ياااااض ... انت مش واخد امبارح .. ولا كل يوم مصروف مصروف
: يعني مافيش اي حاجه ؟؟؟
: في دي ..... دييييب ...
- ضربة بالحله على نافوخه -

7- الباشمهندس الصغير .... مايعرفش فين كتبه ولا كشاكيله اصلا
.... عشان كده ... خد اي كتاب موجود في البيت على اي كشكول ....
- مايعرفش يعني ايه قلم .... غير اللي بياخده على قفاااه -

8- هايروح مدرسته ازاي ؟؟؟ طبعا اي ميكروباز او عربيه نقل وقضيها
شعبطه ....
- ليااااااااااااااااااااااااااااقة -

^^^^^^^^^^^^^^^^
.... في طابور المدرسه ....
^^^^^^^^^^^^^^^^


: (*الطفل الفافي (الهاي لايف


1- العيال كلهم واقفين في صفوف شكلها يفرح .. ده غير ريحتهم اللي
زي الفل
- نضافه رباااااااااني -

2- الطابور كله تمارين ونشاط ....
- (على انغام الدي جي (ياسر شاكر -

3- (الاذاعه المدرسيه ... اخبار من مجلات (واشنطون بوست
- وطبعا .... مافيش ترجمه -

4- (يغنو النشيد الوطني بقيادة المايسترو (سليم سحاب
حسن كامي) ... كان بيغنيه)-
- معاهم قبل ما ربنا يفتح عليه

5- طالعين فصولهم وكأنهم ملايكه أو فراشات ... وبحماس ونظاااام
- تقريبا ... والله أعلم ... بيحبو مدرستهم .... سبحان الله -

^^^^^^^^^^
*الطفل البيئه :


1- داخل المدرسه متأخر وحالته نيله
- (اتشعبط في مكروباز (شبرا) ... ومدرسته اصلا في (الحلميه -

2- بعد التذنيب والشتيمه من مدرس الألعاب (حسن أبو شفه) ... انضم
لباقي زمايله في المعتقل ... سوري ... زمايله في المدرسه
ولا واحد منهم فاهم هو فين أصلا ... - واتضح ان صاحبنا أكتر واحد
- شيييك فيهم

3- (الأثاحه الملثيه .....----> تحريف لكلمة (الاذاعة المدرسيه
...
- تخيلو انتو باقي الأخبار بقى -

4- النشيد الوطني اللي هم بيقولوه .... بتاع دوله مجهوله ...
ونفسي اعرف ايه هي؟؟؟
- طبعا على موسيقا آلات النفخ ..... الشيشه -

5- في مرحلة طلوعهم الفصول .... بيختلط الحابل بالنابل ....
- ياترى انا في فصل ايه النهارده ؟؟؟ -
^^^^^^^^^^^^^^^^^^^^^^^^^
بعد المدرسه ما تخلص ... بيرجعو على بيوتهم
بنفس الاسلوب .... ونشوف يومهم عامل ازاي دلوقتي
^^^^^^^^^^^^^^^^^^^^^^^^^^^^
: *(الطفل الفافي (الهاي لايف

1- يرجع من السكول تكون الداده في استقباله ... وتشيل منه الشنطه
... ويغسل وشه ويغير هدومه
- والله العظيم ... وشه انضف من ما كان طالع الصبح أصلا -

2- - بعد ما اتشطف .... وإتصبّن - الكلمه دي متعوب عليها على فكره
يقعد يلعب بلاي ستيشن لحاد ما يعملو الغدا
- الغدا بتاعهم بنشوفه في الأفلام الأمركاني -

3- هاني ... دينر از ريدي
- السيييم بتاعهم لما يجهز الغدا -

4- بعد الغدا ... يشرب كبايه (اورانج جووس) وينام ساعه عشان يعرف
يذاكر ويحل الهوم وورك
^^^^^^^^^^^^^^
: *الطفل البييئه

1- أخينا رجع من المعتقل ... او المدرسه زي مابيقولو عليها ...
وهدومه كلها مقطعه وعلامات التعذيب على جسمه ...
- تقولوش جاسوس اسرائيلي اتمسك في حلوان -

2- امه لسه ماخلصتش الغدا ...
النهارده امه دابحه دكر جبنه بيضه ...- واحتمال
- يكون في فول بالصلصه

3- ترااااادااترااااااااااااااااااااااااا ...
- < دي اعلان الحرب ... أو الغدا < هجووووووووووم -

4- بعد اكلة الفول بالصلصه ومعاه فحلين بصل ... عادة ما يعقبها
احساس بالضياع
- تنااااااااحه ... فور آيفير -

بعد حالة التناحه او النوم دي ... بيجي وقت الشده ... ياترى
الحياه معاهم - الطفل الفافي .. والطفل البييئه - عامله ازاي ؟؟؟؟
^^^^^^^^^^^^^^^^
: *(الطفل الفافي (الهاي لايف

1- يقوم من النوم على صوت الداده ... الهادي طبعا .. عشان يقوم
يذاكر مع المس (فرانكا) ... المدرّسه اللي جايبنهاله من انجلترا
- نازله مخصوص ....... بالكاتالوج -

2- بعد ما يخلص المذاكره وتحضير دروس تاني يوم .... مامته تاخده
(النادي عشان يلعب رياضه (باسكت او تنس) و احتمال (سكواش
مشتركين في نادي المعادي والصيد والشمس ... - ده غير سبورتنج في
- الصيف

3- يرجع من النادي ... ياخد دش ويحضر شنطته وينزل يتفرج على شانل
تو
- شانل تو بتاعة الام بي سي ...- مش بتاعة مصر طبعا

4- على الساعه 10 يقوم عشان ينام .... والداده تحكيله حكايه قبل النوم
- سندريللا وسنوو وايت ... مش ابو رجل مسلوخه وامنا الغوله -

5- ينام على صوت الداده وهي بتغنيله اغنيه رومانسيه ... وفي حضنه
الدبدوب اللي جاله في عيد ميلاده
- ملاك نايم يا اخواتي -
^^^^^^^^^^^^^^^^^^^^^
: *الطفل البيييئه

1- يفوق من حالة التناحه من الفول والبصل على صوت حد من صحابه ...
عشان ينزل يلعب كوره شراب في الخرابه اللي جنب الحاره بتاعتهم
- نفس بدايات ابراهيم سعيد -

2- يرجع بيتهم وهو بيجري وهدومه متقطعه ودماغه واخده بتاع تلاتين
(قلم على سهوه .... عشان شاط الكوره وكسر القزاز بتاع محل (عم سيد البقال
- الراجل ده من كتر القزاز بتاعه ما اتكسر ... هايفتح مصنع قزاز -

3- اخته جابته عشان يحل الواجب ويذاكر ... بس مامعاهوش قلم ...
قام نزل الشارع عشان يجيب قلم
- آدي دقني لو جاب ولا حتى رجع من أصله -

4- على الساعه 2 الفجر ... باب بيتهم بيخبط .. وامه فتحت الباب
شافت جارهم
دماغه متعوره وجايب لها المحروس اللي كان بيلعب حرب بالطوب وفتح
دماغه
- تقولش طفل من أطفال الانتفاضه -

5- ساب امه وابوه وهم بيصالحو جارهم وبيبوسو ايده عشان ما يعملوش
محضر .... واتسحّب المفعوص على المطبخ جاب حتة جبنه وطماطمايه
ورغيف معفن .... وزوغان على السرير
- بسلامته نايم وهو متلفح بالبطانيه زي مايكون من مطاريد الجبل -
و طبعا تاني يوم هيصحى على نفس النمط و يمكن أسوأ

و يارب الموضوع يعجبكوا

[الــخــبــيـــر]

هههههههههههههههههههههههههههههههههههههههه

ضحكنى موووووووووووت

احسن موضوع شفته

تحياتى ليك

[Ğ_Unit0]

ههههههههههههههه
ههههههههههههههههههههههههههههه
ههههههههههههههههههههههههههههههههههههههه
ههههههههههههههههههههه
هههههههههههههههههه
هههههههههههههههههههههههههههههههه
والله مش قادر امسك نفسى من الضحك

[spritex]

الله أكبر الله أكبر..أذان الظهر..


يارب.. يارب بحق ده الآدان تنجح يا نون يابن ابنى وأشوفك دكتور أد الدنيا -


ياستى بس أنا فى تجارة-



وماله يابنى هو يكتر على ربنا...... ده ربنا قادر على كل شئ -


ياستى ونعم بالله بس اللى بيطلع دكتور لازم يكون فى كلية الطب مش التجارة-


ياللا تجارة تجارة ..ومالها التجارة ..دى حتى التجارة شطارة..ده الله يرحمه جدك كان تاجر فى الوكالة أد الدنيا-



ياستى التجارة اللى فى الوكالة حاجة واللى فى الكلية حاجة تانية-



ع العموم شد حيلك أنته وانا أخلى جدك يخدك معاه الوكاله عشان تتدردح وتتودك فى السوق-



جدى إيه اللى هايخدنى معاه .....ده جدى مات من زمان ياستى-



يامصيبتى عبد الواحد مات..ياحبيبى ياأخويا..مكنش يومك ياسبعى-



ياستى ده ميت من تلتين سنة-



تلتين سنه..ده العمر بيجرى ياولاد تصدق ولا حسيت بيهم....ياللا أهو غار فى داهيه....قطع وقطعت -سيرته..ده كان بخل الدنيا فيه..أن ما عمره دخل عليه ببطيخة ولاكيس جوافة



ياستى حرااام عليكى عايز أذاكر بقى-


يوه..وأنا ماسكاك ياوله..ذاكر ...ذاكرعشان ربنا يكرمك وتنجح وتاخد الدبلون-



ياستى دبلون إيه..أسمه البكالوريوس-



أنته عتضحك عليه ياوله..أسمه الدبلون الواد ابن فايزة جدع زيك كده فى مدرسة التجارة وخد الدبلون-



خلاص دبلوم دبلوم ياستى ..سيبينى بقى عشان أذاكر -



-ذاكر ..ذاكر ياأخويا ذاكر... تعرف ياواد ..ندرن عليا يوم ماتنجح لأكون رايحه خاطبالك عبير بت رئيسه....دىإيه ياواد.. أدب وأخلاق..وعلام كمان



ياستى عبير دى معاها أعدادية-



-وماله يابنى ...الراجل مايعبهوش إلا جيبه



راجل ...راجل مين ياستى...عبير دى بنت -



-عبير ...عبير مين ياوله..أنته بتعرف بنات من ورانا



لا إله إلا الله....أبوس رجلك ياستى أرحمينى بقه -



-طب ذاكر....ذاكر جتك نيله وأنته طالع براوى كده زى أمك....قطعت وقطعت سيرتها...أنامش عارفه أبوك كان أجوزها على إيه..حكم...قال لبس البوصة تبقى عروسة..بس واللى نبى النبى نبى لكون مبوظه الخطوبة دى ومجوزاه أنيسة بت أختى



-ياستى خطوبة إيه..أبويا مجوز أمى من خمسة وعشرين سنة ..وبعدين أنيسة دى بنت أخوك مش بنت أختك ..وأساسا إنتى ملكيش إخوات بنات



صحيح ياوله ..أنته عندك حق أنا مليش إخوات بنات..أصلى أناأمى ماكنتش بتخلف صبيان-



حرااااااااااااا ااااااااااااااا اااااام ............ستى ماتطلعى البلكونة شويه ...ده الهوا حلو بره -




لأياخويا....فى جدع كده حليوه وشعره مسبسب فى البلكونه اللى فى الوش بيقعد يعاكسنى-



خلاص روحى المطبخ ...أهو زمان أمى خلصت الرز-



رز...رزإيه يابنى....هوأنا ليه سنان للمكرونه...أناهطلع البلكونه أحسن-



طب أبقى خلى بالك م الهوى ياستى-



هوى لما يلطشك يا بت يا جذمه انتى-



الحمد لله أخيرا خرجت وقدرت أذاكر .. رحت الأمتحان تانى يوم وربنا كرمني وحليت كويس لكن للأسف المراقب سحب مني الورقة

قبل ما أكتب أهم حاجة فيها


ياترى أنا كان إسمى إيه؟؟ ياترى كان إسمى إيه؟؟
انا مين انا ليييييييه انا ازااااااى

و يارب الموضوع يعجبكوا