![]() |
|
اخـبـار الـتـقـنـيـة و الـتـكـنـولـوجـيـا آخر أخبار التكنولوجيا والاتصالات من جوالات واجهزة الموبايل والهواتف الذكية كذلك أحدث الأجهزة والاختراعات الحديثة واخبار الأجهزة التقنية والتكنولوجية الحديثة |
![]() |
|
أدوات الموضوع | انواع عرض الموضوع |
![]() |
#1 | ||||||||||||
![]() ![]() ![]()
|
🌟 مشكلة كبيرة جديدة في موبايل آيفون XS الجديدة وهي أن الموبايل مبيشحنش الا وشاشته مفتوحة 😂 أبل بتدور في القصة حاليا ومش عارفة دي مشكلة هاردوير ولا سوفت وير!! 🌟 موقع SquareTrade عمل اختبارات سقوط وغرق للآيفونات الجديدة! موبايل آيفون XS Max شاشته استحملت الوقعة لما اترمى على شاشته مباشرة بس الشاشة شرخت شوية، أما الـXS العادي الشاشة باظت تمامًا ! الاتنين في كل الوقعات شرخوا جامد، بس في الوقعات الجانبية الحواف الستانلس حمتهم شوية! الموبايلين قدروا يعدوا بجدارة اختبارات الغرق في السوائل سواء مية أو بيرة على عمق 2 متر لمدة نص ساعة، فأبل طبقت مقاومة المياه IP65 زي ما بيقول الكتاب! آيفون XS Max حقق 70 من 100 على مقياس التعرض للكسر والتعطل في الاختبارات وده معناه ان الموبايل احتمال انه يبوظ من الوقعات احتمال متوسط Medium Risk، أما الآيفون XS العادي جاب 86 من 100 وده يعني احتمال عالي High Risk .. بس الاتنين أفضل بكتير من الآيفون X القديم بتاع السنة اللي فاتت شوف الاختبارات من هنا: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] 🌟 فريق باحثين بجامعة Yale البريطانية توصل لجلد صناعي جديد اسمه OmniSkin واللي يقدر يخلي أي حاجة مش متحركة .. تتحرك! الجلد ده مش جلد خالص، هو خامة من القماش كدا فيها سينسورز وأجهزة بتحرك مجموعة من الوصلات الصناعية اللي بيأدي في الآخر لتحريك الأجسام الساكنة أيا كان نوعها، وخصوصا لو كانت مادتها خفيفة زي العرايس القطن كدا ! اتفرج: عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ] 🌟شركة كاسيو نزلت إصدار دهبي من ساعاتها الشهيرة G-Shocks احتفالا بالذكرى الـ35 لعيلة الساعات اللي عاش عليها العالم من وزمان ^_^ (الصورة في الكومنتات) 🌟 يوتيوب بدأ يعمم ميزة Picture-in-Picture على موقع الويب بحيث انك تفتح فيديو تدوس على زرار في يمين شاشة الفيديو تحت جنب زرار تكبير الشاشة، فهيصغرلك شاشة الفيديو في يمين الشاشة بحيث تتفرج وفي نفس الوقت تقدر تكمل سيرش وتصفح للموقع براحتك! 🌟 شركة فولكس فاجن قررت تستخدم برنترات HP عشان .. تصنع عربياتها!!! :O الشركة الألمانية قررت انها تستخدم 90 برنتر اتش بي للطباعة المعدنية عشان تقدر تنجز أسرع في تصنيع أجزاء من عربياتها ! 🌟 حزب المحافظين في بريطانيا نزل أبلكيشن خاص بمؤتمره السنوي واللي أي حد يقدر يدخل بإيميل أي حد بسهولة وينتحل شخصيته ويكومنت بإسمه ويشوف تفاصيل الأكونت على كيفه بسهولة جدا!! 🌟 موقع الـFBI فيه حاجة عجيبة! موقع FBI بيقول ان اي حد بيدخل عليه بيتراقب اي حاجة بيكتبها او بيدوس عليها ومسار تحركاته جوا الموقع، والداتا دي بتتخزن وممكن تتعرض على ظباط في الجهاز الامني.. وده اللي بتقوله سياسات الخصوصية وشروط الاستخدام بتاعته! 🌟 محموعة من القانونيين اعترضوا على ميزة الـ Fall Detection او التنبيه للوقوع، وهي ميزة في ساعة أبل الجديدة Apple Watch series 4، واللي بتعرف انك وقعت لما تقع ولو فضلت ع الارض مبتتحركش لمدة دقيقة، بعد 15 ثانية الساعة هتكلم النجدة منهم البوليس ويدوهم مكانك بظبط عشان يجوا ينقذوك! المصيبة بقى ان لو المكالمة دي حصلت والبوليس جه ولقاك مفيكش حاجة هيعتبر ده بلاغ كاذب، او كمان لو بتتخانق مع حد من صحابك وبتضربوا بعض وحد فيكو ريح ع الارض بعد الخناقة البوليس هيجي ياخدكو كلكو ع البوكس!! 🌟موظف سابق في أبل، Darren Eastman، رفع قضية على أبل بيتهمها بالإهمال وتجاهل شكاوى الموظفين والمستخدمين وكمان الادارة والقرارات التعنتية ضد الموظفين، وده بعد رفده وهو شغال معاهم من 2006!! دارين قال ان أبل اتغيرت للأسوأ بعد ستيڤ جوبز خصوصا في مسألة التعامل مع الموظفين والاستماع لشكاويهم واقتراحاتهم وأي حد بيلاقي حاجة مش تمام ويقول عليها ممكن حرفيا يترفد! دارين كمان في قضيته قايل ان أبل واخدة منه براءتين اختراع باسمه منهم خاصة بميزة Find My Phone 😲 🌟 إيلون ماسك بعت ايميل لحوالي 100 أو 200 موظف عشان يعرض عليهم انهم يدخلوا اختبارات على ميزة القيادة الآلية الكاملة على عربيات تيسلا، مقابل انهم ياخدوا الميزة على عربياتهم ببلاش خالص! 😱 يا ولاد المحظوظة 😭 🌟 رب الصون والعفاف والخصوصية تليجرام.. طلع فاجر 😱 الباحث الأمني Dhiraj لقى ثغرة في سيستم اجراء المكالمات المشفرة على تليجرام وهي خاصة بإن المكالمات بتحصل بطريقة Peer-to-Peer او P2P ودي تخلي الـIP Address بتاع الجهاز اللي انت بتتكلم منه يظهر في حاجة اسمها log console خاصة بالتطبيق، وكدا خصوصيتك اتعرت يامعلم! الثغرة دي في إصدارات 1.3.17 بيتا و1.4، ودهيراج قال انه مستغرب جدا ازاي حد بحجم تليجرام يمرر المكالمات بالشكل اللي يكشف هوية المستخدمين بدون تأمين! صباحكم فُل 😄 |
||||||||||||
![]() |
![]() |
#2 | ||||||||||||
![]() ![]()
|
![]() ![]() |
||||||||||||
![]() |
![]() |
يتصفح الموضوع حالياً : 2 (0 عضو و 2 زائر) | |
|
|