خفايا سرقة اكونتات السيلك رود فى النت كافيه

[pharos]

بسم الله الرحمن الرحيم

النهاردة انا كنت جالس مع مجموعة شباب بشرح لهم ازاى سرقة الاكونتات فى السيبرات والنت كافيه

المشكلة ان نص اصحاب النت كافيه فى مصر طرشجية " سورى فى اللفظ "
المفروض يكون عارف يعنى ايه اون لاين الاول قبل ما يدخل الناس اون لاين ويعيش معاهم فى الكوميونتى ده - قليل جدا جدا منهم الى معاه ICDL " اقل شهادة كمبيوتر "

المهم فيهم حرامية زى الفل " طرشجية والله واعرف واحد منهم كان فكهانى والله العظيم "
الجماعة الطرشجية دول عرفو برنامج " قديم جدا جدا بس عيبو انو برنامج legal software

المهم البرنامج ده بيعمل ايه ؟


تيجى انت زى الشاطر وتقول النهاردة سيلك رود وتفتح اميلك وكل حاجة
البرنامج ده متسطب على الكمبيوتر العادى وعمله انه يخزن ارقام الباس ورد وحروفها وكل بيانات الاكونت

عموما اى password + id بيتسجل فى البرنامج ده لغاية ما يجى التانى ويقعد على الكمبيوتر وكدا

يبقا معاه كل يوم على الاقل 500 باس ورد + اىديهات + اميلات ياهو وهوت ميل بالعبيط

وبعد كدا يدخل يفرغ الاكونتات دى بالليل ويقفل المحل ويجى تانى يوم العيال تصوط وتسرخ

وهوا يكون باع الجولد ولا لمه لحد تانى - لم الايتمات - مسك 3 او اربع اميلات وغير باسورداتهم
من الاخر حاجة زبالة جدا جدا جدا بتحصل
انا مبرمج مواقع ومتخصص php ودرست فيجوال بيزك كتير ومعايا اكتر من 5 شهادات
انا عارف انا بقول ايه متقلقوش

ومعايا البرنامج ده كمان واختبرته جيدا علشان اعرف تركيبته
بس انا بلعب سيلك رود


اهم حاجة بصو


انت لما تكون فى سايبر او اى نت زفت كافية
استعمل الاتى


Start - Run - Osk
ودى لوحة المفاتيح الوهمية الى فى الوندوز الى بتمنع اى حاجة تتخزن فى الذاكرة او اى سوفت وير تانى

ايش دراك ان الوندوز اصلا ده عليه فيرس كى لوجر " الى هوا بيبعت الباس وردات - وصلت كدا "

------------------------------------------------------


النهاردة كنت بفهم الناس دى الواد المعفن بتاع السايبر وى انا واقف برا المحل ازاى سرق اكونتاتهم وعمل ايه وكنت ناوى اروح اعملو محضر بس قولت مش مشكلة لانى كنت هعملو المحضر فى المصنفات الفنية نفسها مش فى القسم وكنت هجبلو احى قضية بس رمضان كريم بقا وطيبة المصريين الى موديانا فى داهية



خلو بالكو على اميلاتكو
خلو بالكو من الحورتجية دول لانهم اصلا بتوع حورات ولا يعرفو حتا يقولو جملة مفيدة انجليزى


استعلمو كاسبر اسكاى فى بيوتكو وحدثوه بسرعة كل يوم
استعملو برنامج اسمو بول جارد لحماية وامن الانترنت سيكورتى عندكم
متروحوش سيبرات كتير الا فى الضرورة القصوى

-----------------------------------------------------------------------------



بالنسبة لاصحاب النت كافيه


خلى بالك ان نسخة الوندوز بتاعتك لو مش اصلية فدى غرامة 5 الاف جنيه او حبس سنتين - يعنى اى رمشة معاك فى القسم لبست 5 الف جنيه غرامة + مصادرة الاجهزة - مش هقولك لينسس السوفت وير جبتو ازاى ومنين وفين


راعى ربنا وكل بالحلال


--------------------------------------------------------

انا عارف ان زى ما فيه ناس وحشة فيه ناس بردو اصحاب نت كافيه حلوين ومأطأطين
بس بردو راعى ربنا ومتاكلش حاجة الا حلال




............... محدش يجيلى على الرسايل الخاصة ويقولى عاوز التولز ولا البرنامج دا لانى مش بحب الحرام ولا باكل الحرام ,..................ز


سلام ,