حدوتة القطة بوسى والفرخة والبيضة...

[Step_By_Step]

كان ياما كان ياسعد يااكرام ولا يحلا الكلام الا بذكر النبى عليه الصلاة واذكى السلام
كان فى قطه صغنتوته اموره اسمها ( بوسى)
بوسى بدأت تكبر وتشوف العالم من حواليها وكانت ذكيه وبتحب تتعلم كل حاجه وبتسأل على كل حاجه
-دى اسمها ايه ياماما
-دى اسمها ورده
-ودى اسمها ايه ياماما

-دى اسمها شجره
ودى اسمها ايه ياماما

-دى اسمها بيضه
الله القطه بوسي عجبها شكل البيضه قوى
وقالت لماما
البيضه دى جميلة قوى وكمان طعمها لذيذ
احنا بنجيب البيضه منين ياماما؟
_الفرخه ياحبيبتى هى اللي بتبيض البيضه
تعجبت بسبوسه اكتر واكتر وقالت
الفرخه؟
وفضلت بوسي مشغوله بالحكايه دى وبتفكر
**********************
وبعد كام يوم بوسي كانت بتتمشى شافت الست فرخ
بوسى قالت
صباح الخير ياست فرخه
الفرخه قالت بصوت عالى
بك بك بكاااااااك بك بك بكاك بك بك بكاك
وكانت عماله رايحه جايه اكنها بتدور على حاجه وقعت منها فى الارض
القطه بوسي اتخضت في ايه يافرخه
صباح الخير
برضه الفرخه قالت بصوت عالى
بك بك بكاااااااااك بك بك بكاك بك بك بكااااااااااااااااك ولسه رايحه جايه
القطه قالت يانهار ابيض فيه ايه؟ صباح الخير يافرخه
الفرخه قالت بصوت عالى
بك بك بكااااااااااااااااك بك بك بكااااااااااااااااااااك
بك بك بكااااااااااااااااااااااااااااااااااااااك
وباضت بيضه

واتنهدت وردت
صباح النور يابوسى معلش اصلي كنت ببيض بيضه
القطه كانت مذهوله وفرحانه فى نفس الوقت
اول مره تشوف الحكايه دى وقالت يااااااااااااااه
دى الحكايه بسيطه خالص
وجريت على مامتها
ياما ياماما ياماما الحقى ياماما انا اتعلمت ازاى الفرخه بتبيض بيضه
انا دلوقتى أعرف ابيض بيضه
ماما بصت لها واستغربت



وقالت
يالف انهار ابيض ياصلاة النبى ياصلاة النبى بيضى ياختى
بوسى زعقت وقالت
بك بك بكاااااك بك بك بكاااااااااك بك بك بكااااااااااااااك
ومافيش بيضه
وحاولت تانى
بك بك بكاااااااك بك بك بكاااااااااااااك بك بك بكااااااااااااااااااك
برضه مافيش بيضه
القطه بسبوسه الصغننه كانت زعلانه خالص
وحاولت كمان مره
بك بك بكاااااااااااااااااااك بك بك بكااااااااااااااااااك بك بك بكااااااااااااااااااااااااااااااااااااك
مافيش فايده مافيش بيضه
القطه بوسي ماعرفتش تبيض زى الفرخه
وساعتها ماما ضحكت وقالت
هههههههههههههههه ياحببتى القطه مابتبضش الفرخه بس هى اللي بتبيض
علشان الفرخه من الطيور وزى ماانتى مابتعرفيش تبيضى الفرخه برضه مابتعرفش تصطاد الفيران
بوسى فهمت واتعلمت درس كبير وان مش لازم نقلد غيرنا علشان ننجح المهم اللي احنا بنعمله مش اللي غيرنا بيعمله
وتعلمت كمان ان ربنا خلق كل واحد لعمله وسهله عليه ويسره ليه علشان كده النبى صلى الله عليه وسلم قال
(اعملو فكل ميسر لما خلق له)

وتوته توته خلصت الحدوته
يا رب المشرفين يعجبهم الموضوع وميمسحهوش اصلو سياسية فراخ وبيض =))

[!MaGeD]

اللة عليك موضوع جامد

[Step_By_Step]

المشاركة الأصلية كتبت بواسطة MAGEDKING5 عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

اللة عليك موضوع جامد

هههههههههههههههه لا والله ؟؟
انا قولت كده برضو لول

[xTHE_Draagon]

ههههههههههههههههههههههههههههههه
اقسم بالله انا حبيتك لله في لله ^^

و علي فكرا تابعت مشكلتك في الموضوع اللي فات وفاهم انت عاوز تقول اييييييييييه

[!MaGeD]

المشاركة الأصلية كتبت بواسطة Step_By_Step عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

هههههههههههههههه لا والله ؟؟
انا قولت كده برضو لول

انا قصدي انيم نهايتة بطريقة تعلم الناس حاجة

[MadOmar]

موضووع هايل كان هاين عليا اثبته بس عشان المواضيع المثبته كتيرة

استمر في المواضيع الرائعه دي وممكن تتنقل مميز

[Sky_AnGel]

هههههه والله العظيم قصة جامد موت بذات بوسى حبتها الله فى الله كدة هههههه

يارب قصص قبل النوم بقى بل مرة

[ahmedbazoka92]

ههههههههههههههههههههههههه حلوه جددااا

[FightToDie]

قصة جامدة تسلم

[Little.Tornado]

نسيت تقول حلوة ولا ملتوتة
اقول انا اة دلوقتى

[™_Blast_™]

بعد نتايج الانتخابات الشعب كله اتعلم ازاي يبيض

[Paranoid]

هو البانجو إشتغل هنا كمان =))

[iMido]

المشاركة الأصلية كتبت بواسطة GeniUsEvil

موضووع هايل كان هاين عليا اثبته بس عشان المواضيع المثبته كتيرة

استمر في المواضيع الرائعه دي وممكن تتنقل مميز

يا عينى

[mido1001]

جامد جدااااا الموضوع ده

[™~BeSo~™]

لا والله حلوه اوي