........علماء فيزياء أميركيون يخترعون جهازا للاختفاء الزمني

[LoseAngeL]

حاجة تكسف بجد اننا ميبقاش عندنا زي الناس ديه و الناس ديه ديما في تطور و احنا علي طول في انهيار



..أعلن علماء فيزياء يحصلون على التمويل من وزارة الدفاع الأميركية أنهم صمموا نظاما "للاختفاء الزمني" قادرا على جعل حدث ما غير قابل للرصد لجزء من الثانية.

واستوحى العلماء هذا الجهاز الاختباري من أبحاث حول "رداء الاختفاء" الشهير الذي روج له هاري بوتر. لكن بدلا من أن يخفي الجهاز غرضا معينا في مكان ما، يحجبه عن الأنظار في الزمن، على ما ذكرت الدراسة التي نشرتها مجلة "نيتشر" البريطانية.

ويقول مدير الأبحاث موتي فريدمان من جامعة كورنل في نيويورك الي ادار هذه ابحاث "تشكل النتائج التي توصلنا إليها خطوة مهمة نحو تطوير رداء زمني ومكاني شامل".

وبغية تصميم الجهاز، استند العلماء إلى خصائص الطيف الضوئي المرئي وإلى أن الألوان المختلفة التي تشكله تتنقل بسرعة مغايرة قليلا.

ويبدأ رداء الاختفاء "الزمني" بإصدار شعاع ضوئي أخضر في كابل مصنوع من الألياف البصرية. ثم يمر هذا الشعاع في عدسة تقسمه إلى ضوئين: ضوء أزرق ينتشر بسرعة أكبر بقليل من سرعة الشعاع الأخضر الأصلي وضوء أحمر أبطأ منه بقليل.

ويتم زيادة الفرق في السرعة بين الشعاعين بوضع حاجز شفاف بينهما. وفي نهاية المطاف، تتشكل "ثغرة زمنية" بين الشعاعين الأحمر والأزرق اللذين يعبران الألياف الضوئية.

ومع أن هذه الثغرة صغيرة جدا ومدتها 50 بيكوثانية فقط، إلا أنها تكفي لإدخال شحنة من الليزر ذات تردد مختلف عن تردد الضوء الذي يعبر الألياف الضوئية.

وبعد إدخال شحنة الليزر لمدة وجيزة، يخضع الشعاعان الأحمر والأزرق لعملية معكوسة فيقوم حاجز جديد بتسريع الشعاع الأحمر وإبطاء الأزرق ثم تعيد عدسة جمع الشعاعين في شعاع واحد أخضر اللون.

وتبقى شحنة الليزر التي تدوم لأربعين بيكوثانية موجودة لكنها تكون غير قابلة للرصد لأنها لا تنتمي إلى دفق الفوتونات الخاص بالشعاع الأخضر.

ويشرح روبرت بويد وزيمين شي من جامعة روتشستر في نيويورك أن هذه العملية شبيهة بتقاطع بين سكة حديد وطريق مزدحمة. وعندما يصل قطار، على السيارات التوقف عند التقاطع، ما يحدث "فجوة" في حركة السير.

وما إن يمر القطار حتى تسرع السيارات التي كانت متوقفة كي تلحق بالسيارات الأخرى.

وبالنسبة إلى من يراقب الطريق عن بعد، تبدو حركة السير طبيعية تماما ولا يبقى أي دليل على مرور القطار على التقاطع.

ويشير بويد وشي إلى أن هدف الباحثين التالي هو التوصل إلى زيادة "الثغرة الزمنية" التي تخفي حدثا ما بما يكفي.

ويعتبران أنه يمكن استعمال الاختفاء الزمني لضمان أمان الاتصالات لأن هذه العملية تسمح بتجزئة الإشارات الضوئية وجعلها تتنقل بسرعة مغايرة قبل إعادة جمعها. وبالتالي، يصبح من الصعب جدا اختراق البيانات.

ويحصل فريق موتي فريدمان على جزء من التمويل من وكالة مشاريع أبحاث الدفاع المتقدمة التابعة لوزارة الدفاع الأميركية والمعنية بتطوير تكنولوجيات مستقبلية قريبة إلى الخيال العلمي قد تستعمل لغايات عسكرية.

وقد طورت هذه الوكالة في أواخر الستينيات نظاما لنقل البيانات بين أجهزة الكمبيوتر، ممهدة الطريق إلى اختراع شبكة الانترنت.

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[Just_Warrior]

تسلم يا جميل على الموضوع

بس الزمن هوا الشئ الوحيد الذى لا يمكن ايقافة او التحكم بة
كل الكلام عن التحكم بالزمن مجرد نظريات تطبق على الورق فقط لكن كتطبيق واقعى مستحيل

[ahmedmazin]

لو اتحكمو في الزمان ابقا قولهوم يتفرجو علي اللحظات الحلو الي جاء برحتهوم او حتي يعطلو العالم عن اللي جاي علشان الواحد ينام براحتو شويه
ولا ايه ؟؟^^

[ahmedmazin]

موضوع حلو علشان اتاخرت في الرد

[Paranoid]

ماظنش ان ممكن حاجه زي ديه تحصل فعلاً

[MoST_WanTeD]

طب ما اينشتاين عمل تجربة سرية مع الجيش الامريكي علشان يخفي سفينة وفعلا اختفت وهي واقفة مكانها بس الناس اللي جواها كانو بيصوتو بدرجة كبيرة وجاتلهم هلوسات والتجربة فشلت مع الناس لكن المركب نفسها نجحت من وجهة نظري

[HoaxBoii]

هو الموضوع حلو بس والله الواحد مش متأكد ولا هاتأكد الا لما يشوف بعنيه الكلام دا و علماء الغرب دول تيت اوى يقعدو يقولو عملنا و عملنا و هما معملوش لان الحجات الى بيقولو عليها دى بأيد الله سبحانه و تعالى و لا يعلم الغيب الا الله

[ahmedbazoka92]

مع الاسف احنا عندنا ناس كويسه برضوه و زكيه بس مفيش اي فرصه و لا حتي الامكانيات

[™_King_Redsea_™]

مش مصدق

[Omar_El*POP]

لو قصدو انو يخفى حاجة يبقى ممكن لكن الفهمتو انهم بيلعبوا فى الزمن فدة مستحيل ربنا بس هو البيتحكم فى الحاجات دى

[medo9005]

يا جماعة الكلام ده علمى و الشرح واضح
مفيش تحكم فى الزمن ولا حاجه ده كل الحكاية انهم بيبطئوا شعاع ضوئي سابق للشعاع اللى هيخفوه و يسرعوا الشعاع اللى بعده يبئوا الاتنين مرئيين واللى بينهم ده غير مرئى و طبعا ده كله لفترة وجيزه لا تتعدى جزء ضئيل جدا من الثانية و مش سهلة الحكاية دى عاوزه تقنية دقيقة جدا
و على فكرة أظن ان بنفس الطريقة ممكن يعملو تكرار لصورة معينه (لو عكسو الخطوات)
و عشان يبئا الموضوع مفهوم أكتر ...بيحصل حاجه شبه كده للى بيلعب سلكرود و عنده لاج ممكن حاجه تحصل قدامه و ميشوفهاش

و الله الناس دى بتخلص فى شغلها و بتجتهد عشان كده ربنا بيوفقهم حتى لو كفار ..انما فى مسلمين بيصلو و بيصومو و معندهمش ضمير ...اللهم اهدى المسلمين
و شكرا ليك ع الموضوع الجميل ده

[SnipZz]

هو ناقصهم ايه ؟ ...

[netm0]

طب بالله عليك.... حاجه ذي هتتنشر و تتعرف؟

دا يعتبر سلاح فائق السريه....ذي ما الانترنت كان بتستخدمه وزاره الدفاع الامريكيه في الحرب البارده لنقل و حفظ البانات السريه.... شوف بقي بعديها بعشرين سنه فتحو للعالم

[The Streets]

الاختراع دة لو اتعمل بجد يبقى اختراع جـــــامد اوى بس فى احتمال انهم يستخدموه فى الحروب و الحاجات اللى زى كدة و ربنا يستر و ربنا يقدم اللى فيه الخير

[mahmoudzone]

اكيد الخترعو وزارد