ازاى تعرف انك بتسوق فى القاهرة

[amr159951]

بالذااااااااااااااااااااااااات القاهرة
لما تلاقي الناس اللي بتعدي الشارع بتعمل "جزيرة" في نص الشارع والمفروض انك عارف مكانها وتفاديها!!!!!!!!!!!!
لما كل مرور العالم يشيد بينا لأننا عندنا اليو تيرن وعندنا الدوران او الصينية زي ما بنقول
واننا الوحيدين اللي اخترعنا الضفيره
وبنمشي بيها عااااااااااااااااادي جداااااااااااااااااا اللي جاي من اليمين رايح شمال والشمال رايح يمين واللي في النص واقف او بيلف حوالين نفسه وكله ماشي
لما تبقى سايق في امان الله ويقرر واحد ماشي انه يهزر مع صاحبه بانه "يقتله" ف يزقه على عربيتك وانت سايق ويضحككككككككككككككككككو
لما تبقى نازل من بيتك عارف انك ها تلعب جيم والمشكلة انك عندك روح واحدة بتلعب بيها

ليفيل الجيم بيكون معروف حسب الشارع ومواصفاته..
يعني إذا فيه خط من خطوط الميكروباظ ده ليفيل.
ميكروباظ وأوتوبيس نقل عام.. ليفيل أصعب.
ميكروباظ رمى ونقل عام وميكروباظ فولكس.. ليفيل أصعب واصعب.. زي فيصل.
ميكروباظ ونقل عام ونقل بمقطورة.. أصعب واصعب واصعب.. زي الدائري.. الوحش بيهاجمك وممكن وحشين أحيانًا.
الكورنيش في اسكندرية مثلاً ليفيل مخصوص.. ليفيل المرح بأه عشان كله ضفاير وغرز وهوا بحر.
فيه جيمز تركيزها على مهاراتك في الحفاظ على العفشة وعلبة الدريكسيون.. زي شوارع الجيزة الخلفية وشوارع الشرابية وما إلى ذلك.. مطبات وبلاليع وطوب وحفر.
وفيه جيمز تركيزها على مهاراتك في حرق الموتور والغيارات العكسية وتعطيك الأمان من ناحية العفشة.. زي شارع الثورة مثلاً أومكرم عبيد وعباس العقاد.
فيه جيمز تركيزها على مهاراتك في السير في أنابيب......... زي أي شارع في خط الرمل في اسكندرية متفرع من الكورنيش أو من شارع بورسعيد أو من شارع ترام الرمل.. ويا حبذا لو الشارع قفل بعربية مقابلة واضطريت أن تاخد الشارع تاني بظهرك.. مهارات مرايات الأجناب.
فيه جيمز تركيزها على مهارات مفاداة االعناصر المتحركة.. زي أما تعدي من وسط سوق وتفادى الناس بمختلف ثقافاتهم وأساليبهم في التعبير .
لا المرور في مصر فيه من التنوع ما يجعله أكثر متعة من أي جيم الحقيقة.
منقول