بخصوص السادة المشرفين و السادة المشرفين تحت الاختبار

[Nytros]

في الفترة الي فاتت لاحظت ان في بعض الشكاوي من بعض المشرفين و المشرفين تحت الاختبار خصوصا

بان في كذا مشرف عام بيشوف شغلة بانة يدير الاقسام الي هو مسؤول عنها و بالطبع لاقيت عدم تعاون من المشرفين تحت الاختبار او المشرفين عمتا

دي ملحوظة صغيرة بس عشان محدش يقول لا و مش لا

لما النائب العام او المشرف العام او المراقب العام او المدير العام يقول كلمة يبقي الموضوع منتهي

مش اجبار لا . بس المشرفين العوام و النواب و المراقبين و المدير فاهمين ادارة المنتدي كويس

احنا مش بنجبر حد علي حاجة الموضوع مجرد طلب

علي سبيل المثال Hero و النائب العام يوسف

يوسف مش غلطان عشان بيطلب منك كذا حاجة تعملها في أقسامك عشان تبقي ماشي صح و الدنيا تبقي تمام

انت زعلت و قولت مش هتكلم ولا حتي هدخل قسم المشرفين ألخ

مينفعش الكلام دة هو مش بيجبرك هو بيطلب منك كذا حاجة عشان يبقي القسم ماشي كويس

يبقي ملهوش لازمة الكلام الي قولتة في الرسالي الي بعتهالي و بعتها ليوسف

ثاني مثل ..

Deep و المشرف العام 3ashek

هو مش بيوقلك خليك في قسمك كأجبار هو طلب عشان انت ممكن تجاوب سؤال غلط و بالتالي الاعضاء هتاخدة علي سبيل أنة صحيح بسبب انك مشرف

هو بيطلب منك مش أجبار .

اما بخصوص انك بتقول ان الناس بتكرهك.. لو الناس بتكرهك زي مبتقول مكنتش واخد وسام و شهادة تقدير علي نشاطك

بالعكس انت شخصية محترمة بس ملهوش داعي تقول الكلمتين دول

عشان المشرفين العوام و النواب و المراقبين و المدير بيمثلوا الادارة العليا يعني اي قرار اي خطا او تقيم بيتم منا كأدارة عليا

و بالطبع بعد التقيم بيتم محاسبة المشرفين العوام و النواب علي شغلهم طول الشهر لو في حاجة حصلت من مشرف يخصهم هما بيتحسبوا عليها

فبالتالي اي حاجة هما يقول عليها دة طلب عشان هما شايفين الي انتوا مش شايفينة بما ان هما اصلا أعلي منكم في الرتبة

و وصلوا للرتبة دي عشان شغلهم و نشاطهم

في يا ريت أي حاجة المشرف العام يقولها يتم تنفذها من باب الطلب مش الاجبار


و ملحوظة صغيرة عشان يبقي الكل علي علم

Deep و Hero كان هيبقي في عملية عزل بسبب الاسلوب دة بس انا مش بحب اعزل حد بسبب سوء تفاهم حصل

ايام لما دخلت المنتدي كنت بحترم القوانين و اي حاجة النائب او المراقب او المشرف يقولها بنفذها علي طول

دة لو انا ماليش وجهة نظر . عشان لو ليا وجهة نظر بقولها للشخص الي انا مسؤول منة و أشوف راية اية ممكن يوافق و ممكن لا و لو موفقش بيبقي هو شايف حاجة انا مش عرفها

يا ريت بقي من هنا و رايح يتم تنفيذ الكلام دة عشان ميبقاش في سوء تفاهم يحصل تاني

و دلوقتي هبين الادارة ماشية أزاي و الي عندة اعتراض قسم الاعتزالات و الاجازات موجود احنا مش بنعزل حد ولا بنجبر حد يدخل الادارة الموضوع الاول و الاخير يخصكم انتوا كمشرفين و المنتدي مش بيوقف علي حد يا ريت اكلام يبقي واضح


المشرف تحت الاختبار - مشرف - مشرف مميز

بيبقوا تحت أدارة المشرف العام و النائب العام و المراقب العام و المدير


المشرفين العوام

بيبقوا تحت ادارة النواب و المراقبين و المدير


النواب
بيبقوا تحت أدارة المراقبين و المدير


المراقبين
بيبقوا تحت ادارة المدير العام و صاحب المنتدي


المدير العام
بيبقي تحت أدارة صاحب المنتدي

يعني كدة الموضوع سهل و بسيط


عشان لو حد جية يشتكي يقولي المشرف العام او أي كان مين اعلي منة في الرتبة طلب منة حاجة و متمش تنفذها

سعتها هيتم بداية مواضيع العزل

مش تهديد بس عشان انا بصراحة لقيت الموضوع بدا يزيد عن حدة

مش معني حد طلب منك حاجة يبقي خلاص كدة احنا بنجبرك علي حاجة و بنكرهك

و يا ريت من الجميع يتفضل يقرا الموضوع دة عشان نيبقي فاهمين الدنيا ماشية ازاي

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


شكرا...

[Neoon]

تمام وانا اسف على الي حصل وان شاء الله مش هيتكرر تانى

والله انا كان ردي للمساعدة بس والله انا مكنتش اعرف ان مينفعش ارد على اقسام غير اقسامي

[Kenkoz]

والله كلام الرتبة الاعلي مش اجبار دا علشان اقدم منك في الادارة عارف النظام مش اكتر و واجب علية يوضحلك كدة و انت المفروض تقبل الكلام ولا اية ؟

[Neoon]

تمام انا قابل الكلام بس المفروض اول مابقيت مشرف تحت الاختبار المفروض كان حد يقولي ان مردش غير على اقسامي لو كان حد قالي كدا مكنش حصل كل الكلام ده والله ما كان حصل بس محدش قالي

[Nytros]

مهو لو انت دخلت علي قوانين القسم الي انت فية و مواضيع الي في قسم المشرفين هتعرف كل حاجة

بس للاسف كل واحد اهمل في المواضيع دي اي هو اساس أدارة المنتدي

القوانين دي من ساعة لما المنتدي بدا و قوانين ناس قديمة قبلنا احنا بنكمل علي المسار بتعهم و بنعمل قوانين للأدارة الي بعدينا

[Neoon]

تم قراءة القوانين
واسف كمان مرة وإن شاء الله ميبقاش فيه مشاكل تاني

[Nytros]

تصحيح معلومة للشباب

انا لما أقول رد علي قسمك يعني لو في أستفسار في القسم بتاعك ..

بس في نفس الوقت ينفع تشارك في أقسام المنتدي يعني مش مشاركاتك كلها في أقسامك

لا ممكن تشارك كأي مشرف و عضو في المنتدي عشان الناس ممكن تفهم أني بقول رد في أقسامك بس

لا رد و شارك و أتعامل في المنتدي بس لو في حاجة انت فاهمها مفيش مشاكل من المساعدة

لو مش فاهم متفتيش

يعني انا مثلا ليا الحق أشارك في أقسام المنتدي كلها .. مش عشان مراقب لا

عشان انا حابب أشارك مع الناس

بس الي عايز أفهمة

ان مثلا في سؤال في قسم الجرافيك .. هل مشرف تطوير السيرفرات الخاصة هيفهم أكتر من مشرف قسم الجرافيك؟!

بس لو عايز تشارك شارك برحتك

شارك و نشط نفسك و زود المشركات بطريقة صحيحة عشان يبقي في تفاعل أكتر من الجميع

بس عشان يبقي الكل فاهم يعني ليك الحق تشارك في جميع الاقسام بس برضوا متهملش الموضوع بتاع القوانين الي انا قولت علية الخاص بأقسام الادارة عشان ميحصلش مشاكل

أما بقيت الأقسام خليك سبامر باحترام

[Hamza FiGo]

[™DesertStorm™]

الله ينور عليك يا وليد

[.a7la-smile.]

تمام يا وليد ..

[3ashek El7ozn]

الله ينور عليك يا وليد

[Hero]

اسف لو حد فهمنى غلط
و شكرا على كل واحد صبر عليا و فهمنى غلطى
و اسف مرة تانية