تو هاند + كليرك ولاا تو هاند + كرسبو ارجوا افادتى مع السبب

[mr moon]

السلاام عليكم ورحمة اللة
انا بحب اوى العب باتو هاند اوى بس انا عارف انة بطىء جدا فى التلفيل فكرت اعمل معاة كرسبو يعنى هلعب بسلااحين تو هاند + كرسبو
فى ناس عقدتنى وقلتلى لاء ققفل الكروسبو وافتح كليرك مش هينفع كروسبو مع التو هاند مع العلم انا ماستر لفل لسة لفل 9 انا لسة بفرم لااكونت
ارجوا من اصحاب الخبرة الافادة وشكرا

[mr moon]

ارجوا الرد للا ستعجال الامر

[Charmed]

انا فى نظرى الا ثنين احسن من بعض
بس تو هاند و كليرك هتدخل
اى بارتى >الكليرك بيحتاجوه حتى لو لفلك اقل منهم كلهم
ياريت تكون فهكت حاجه من الى انا قولته d:

[mr moon]

انا فهمت بس انا مش محتاج انى ادخل بارتى علشان انا كليرك
وبعدين انا بفات البارتى مش هنزلها اساسا فى التو هاند كمان
انا بتكلم كقوة الاكونت
احسن لما افتح مع التو هاند كليرك ولا كرسبو

[mr moon]

اسف شكرا على اهتمامك بالموضوع

[mr moon]

يا جماعة انا مش عايز غير حد يفيدنى بس بسرعة لاستعجال الامر

[Charmed]

Xbow akeed

[mr moon]

شكرا على اهتمامك
يعنى ان شاء اللة اخلينى على تو هاند وكرسبو وانا ان شاء اللة مش ناوى افتح فى بفات البارتى لاانى مش هحتاججها لنفسى وكمان علشان الاسكل بوينت اوك
ولا انت شايف انها مهمة ليا
انا كل اللى بدور علية انى الاكونت يكون جامد

[_Abdoo47_]

بص كل شخصية في اللعبة فيها مميزات وعيوب والفكرة انك بتحاول تقلل من عيوبها بقدر الامكان
انت الاول عايز تاخد التوهاندد أساسي والكروسبو معاه
المميزات اللي هتفكر فيها :
انت شكلك بتحب التوهاندد سورد أكيد هتقول هبقي توهاندد وممكن أختفي لما أحب في الايفنت وغيره وهبقي قوي قصاد الويزارد وشخصيات الانت لأنك بتضرب من بعيد بالكروسبو وهكذا نفسك تخلط مميزات الاتنين مع بعض

العيوب :
الكروسبو حلو قصاد معظم البيلدات ومش محتاج معاه واريور عشان يبقي أقوي لكن محتاج كليرك عشان الريكفري Recovery Division وال Holy world الاتنين دول هيفيدوك الاولي هتحسن ال HP والتانية مقامة لل State وان قلنا ان الكروسبو مش محتاج هولي وورلد عشان ال Poison circle اللي عنده وان كانت أضعف بكتير اكيد هتحتاج ال Bless Spell

التوهاندد مش هيستفاد أساسا ً من الكروسبو لكن الكروسبو هو اللي هيستفاد من الهيفي أرمور وبس والتو هاندد مش هيبقي ليه فايده غير بفات الواريور اذا كنت هتفتحهم المشكلة انك عايز تاخدسلاحين كل منهم شخصية لوحده بس المشكلة انهم مش هيفيدو بعض يعني التوهاندد بيفتح كليرك عشان يبقي أقوي في الدفاع لكن كده بقي عندك شخصيتين مختلفتين كل واحد منفصلة عن التانية

من الاخر التوهاندد بطيئ وفي ال PVP بيطول يعني محتاج حاجة تساعده علي الدفاع خصوصا قصاد الشخصيات الصيني واحب اقولك ان لو مش عندك Holy world في التوهاندد ممكن تقع قصاد الصيني لأنه بيعتمد علي ال State كتير يعني التلج وأمثاله وال Pill مبينفعش لأنه مبيمنعش ان الحالة تجيلك لكن بيشيلها بعد ما تجيلك يعني هتتاثر بيها بردو
يعني من الاخر مينفعش من غير كليرك

لكن الكروسبو والداجر ينفع في ال PVP من غير كليرك لأنه بيخلص علي طول يا يقتل اللي قدامه او يموت يعني ممكن تاخد اي حاجة غير الكليرك عادي
يعني الاحسن تبقي فاتح شخصية واحدة جامدة أحسن ماتفتح شخصيتين كل واحدة فيهم متوسطة الا طبعان اذا كنت انت هتعرف تظبطهم مع بعض بأي طريقة يبقي قول اقتراحاتك
غير كده هتحتاج سكيلزات كتير عشان تفتح الاتنين مع بعض
عموما براحتك شوف اللي يريحك واعمله وعلي فكرة الكروسبو حلو والتوهاندد حلو (بس ممل عشان بطئ)
وياريت متبقاش متأثر بالناس اللي قاعدة تقولك أحسن بيلد ويجبلك PVP وهو بيغلب هو حلو , وكل الشخصيات حلوة وفيها مميزات وعيوب بس المهم تعرف تستغلها صح وتكون حاببها عشان متتخنقش أو متزهقش

عموما براحتك ولما تفكر هتعمل ايه يبقي قول لو في حاجة جديدة جايز تكون عندك فكرة حلوة

[_Abdoo47_]

انا فهمت بس انا مش محتاج انى ادخل بارتى علشان انا كليرك
وبعدين انا بفات البارتى مش هنزلها اساسا فى التو هاند كمان
انا بتكلم كقوة الاكونت

انا مش فاهم يعني ايه قوة الاكونت قول تقصد قوته في ايه عشان نشوف ايه الاحسن فيه

[mr moon]

طب الحمد اللة ان فية ناس معايا علشان تساعدنى
انا كنت عامل الاول تو هاند وكرسبو كنت بنزل فى البى فى بى مفيش حد بيقف قدامى من اللى كانو فى لفلى وصلتة لفل 45 فول فارم وكان معايا 200الف اسكل بوينت وبعد كدة اخد بلوك كنت فى البى فى بى الوحيد اللى كان بيجبنى وانا ماسك التو هاند كان الركروسبو علشان عقبال ما ارحلة بكون موت بس لما بغير بسرعة وبمسك الكرسبو بجيب اللى جابة كمان دية حاجة
الحاجة لتانية فى الفل اب الكرسبو فى اللفل ابة بينجز على طولغير التو هاند فهمنى طبعا
يعنى فى البى فى بى التو هاند جميل اوى وكمان معاك الكرسبو بيساعدك لو واحد بيضرب من بعيد هتجيبة
وفى اللفل اب الكرسبو هينجز معايا وبعدين برضة خلينا مع بعض والاصح هعملة ان شاء اللة
انا حتى مش ناوى افتح فى بفات البارتى فى التو هاند ولا بفات الاختفاء فى الكرسبو ولا دية محتاجها ولا دية محتاجها ومحدش يقولى علشان تختفى وبتاع والكلاام دة
اية رايكوا

[mr moon]

طب هوة انا لاازم اقول مين شتم مين ومين ضرب مين ومين سرق مين علشان حد يفيدنى ويرد عليا
لاحول اللة يارب
شكرا

[_Abdoo47_]

يا مان معلش انا مردتش عليك لأني مش دايما ً فاضي ووالله لما افتكرتك دخلت المنتدي عشان أشوفك رديت ولا لأ
بص انت اللي عملته كلأتي :
بقي عندك شخصيتين الاتنين مش أقويا لكن عشان انت في PVP وعارف الخصم اللي قصادك أيه فابتنقيلو السلاح المناسب ليه لكن في الحقيقة لا الكروسبو اللي عندك قوي زي الكروسبو اللي فاتح كليرك ولا التوهاندد سورد قوي وزي مابقولك التوهاندد هو اللي هيتأثر أكتر لأنه هو اللي محتاج الكليرك أكتر أنا بس هسألك سوؤال انت لما بيبقي قدامك واحد بتختار علي أساس كده السلاح اللي هتنزله بيه طب هتنزل قصاد التوهاندد / كليرك بأيه ؟ وقصاد الكروسبو / كليرك بايه ؟
والصيني بأنواعه بأيه ؟
وبعدين بخصوص الحاجات المطلوبة في الكليرك لكل من الكروسبو أو التوهاندد تقريبا ً في بفة واحدة مهمة جدا ً اللي هي الهولي وورلد ودي بتمنع اصابتك بمعظم الحالات اللي ممكن تكون بالنسبالك قاضية يعني خد عندك ابسط حاجة في عند الويزارد حركة ال Fear بتنجح بنسبة 80 % ولما تنجح انت مش هتقدر تهاجمه لمدة 10 ثواني قلي هتستحمله ازاي ؟ بالتوهاندد اللي من غير كليرك ولا الكروسبو ولا ايه ؟
وغير كده كتييير أوي من سكيلزات الصيني بتنجح بنسبة توصل لي 100 % زي حركات التلج اللي لو مجالهاش Resist هتخايك أبطأ بكتير وبما إن ال HP بتاعك مش متظبط في الاغلب هتموت
وعلي فكرة مش هيبقي دايما قدامك فرصة انك تنقي السلاح اللي هتهاجم بيه لأنه أحيانا هيتهجم عليك وبالتالي ايه هيكون سلاحك الافتراضي وايه الجديد اللي انت ضفتهولو
بالنسة لأنك مش عايز تفتح السكيل اللي بيخليك تختفي , براحتاك , بس مش معني كده ان ده صح , الميزة اللي في الروج والويزارد اللي بتعوض دفاعه هي أختياره للفرصة المناسبة للهجوم
أقوللك موقف حصل معايا كنت أنا في تريد بحمي واحد تريدر وكان في ثيف رووج (داجر) في نفس لفلي أول مرة شفته انا ضربت الحصان عشان ميعرفش يختفي هو بعد كده ولما نزل موته تاني مرة جري هو بالحصان وبعدين مشفتوش (طبعا ً هو أختفي وكان ماشي قريب) وحظي كان في ثيف انا لسه مموته والتريدر اللي معايا مات طبعا ً كان لازم أعمله ريس وأول ماغيرت السلاح وجبت الكليرك لقيت ضربة قاضية من الداجر مبقتش عارف أعمل أيه لا هلحق أغير للتوهاندد وأعمل الايرن سكين علي مافكرت كنت ميت طبعا ً
ال PVP وجها لوجه مش بتمثل اللعبة ولا هي أهم حاجة فيها

من الاخر فكرة الكروسبو في التلفيل فكرة حلوة لكن التوهاندد سورد خلاص مش هيبقي تمام معاك يعني من الاخر ماتظبط الكروسبو بكليرك وتخليه شخصيتك أو تستحمل التوهاندد سورد وتكمل وممكن تفتح كروسبو وداجر لأن الداجر قوي جدا ً في ال PVP حتي قصاد التوهاندد بيبقي غلس يعني صعب أموته لأني حتي وانا عامل الايرن سكين بينقصني كتير لأن ضرباته سريعة والحركة بتاعته Dagger Disparate مش بتأثر علي ال HP بتاعه زي الكروسبو

عموما أنا مستني ردك لأني بردو نفسي أوصل لحل حلو لأني بردو بعاني من بطئ التلفيل زي مانتا شايف

طب هوة انا لاازم اقول مين شتم مين ومين ضرب مين ومين سرق مين علشان حد يفيدنى ويرد عليا

مش فاهم الحتة دي أوي , اللي فهمته انك بتستعجل الرد , ولا ايه ؟

[TheSkull]

انا من رايى 2handed+ clierc
لان انا شايف ان دة اجمد حاجة فى silkroad كلها
اولا 2handed attack جامد قوى و clirec defence جامد قوى
وكدة يبقى انت جمعت بين الاتاك والدفنس
وصدقنى انا جربت 2handedword +cleric lvl85
بجد كان مبهدل الدنيا ومحدش قادر عليه

[thebest]

my mind 2handed/cleric