كل ما يخص لعبة سلك رود

[king_of_kings]

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]
أقدم لكم اليوم لعبة ادهشت الجميع من اقوي الأعب الonlineالي عرفها العالم و هي سري دي ثلأثية الأبعاد صينية الأصل وهي قصة قديمة في الصين و تحولة الي اشهر الألعاب

لعبة

SilkRoad





معلومات عن اللعبة

و للعبة عدة سيرفرات ممكن تختار الي انتا عاوزوا او اصحابك بيلعبوا فيه

البداية

قبل ان نبدأ ماذا تعني كلمة RPG ؟ هي اختصار لـ Role Playing Game ... و هي العاب شيقة جدا و ذلك لأن نظامها يعتمد تقوية الشخصية او الاسلحة اوالدفاع اوالسحر

على سبيل المثال.

فمع مرور الوقت ترتبط بالشخصية اكثر و تشعر انك تربي حيوانا اليفا ... تخاف عليه و تطعمه عند الحاجة. و مع مرور الوقت تصبح الشخصية التي تلعب بها اقوى و اقوى من ذي قبل.

حتى مرة قرأت في مجلة قديما ان هناك لاعب قد باع شخصية قام بتقويتها و تحسينها بالاف الدولارات.

و لعبة Silkroad تصنف من العاب الـ RPG

متطلبات الجهاز لتشغيل اللعبة:

فيجا: 128 م ب Ge-Force أو Radion
رامات: 256 م ب
نظام اتشغيل: ويندوز أكس بي فأحدث

و انتبه ان اللعبة تلعب Online فقط

مميزات اللعبة

1 من الالعاب الوحيدة على النت المجانية تماما و الى الابد و لا تحتاج مصاريف شهرية مثل world of warcraft او تحتاج شراء سى دى زى guild wars او حتى تحتاج donation زى mu cotienant او the crims و ال donation ده اكيد كان بيضايق كل الناس اللى غاويين العاب اونلاين لانه بيميز ناس عن ناس لكن فى اللعبة دى مفيش تمييز و مفيش donation , فاللعبة دى مجانية و ستظل مجانية .

2 عدد الناس الرهيب اللى فى اللعبة لدرجة انك ممكن متشوفش قدامك فى المدن الرئيسية و يقدر عدد الاعبين بمئات الاف .

3 الجرافيك الاكثر من رائع اللى فى رايي يوازى ان لم يكن يتفوق على world of warcraft .

4 اسلوب القتال فى اللعبة ممتاز جدا و افضل من world of warcraft فى رايي .

5 كثرة عدد الشخصيات و الوظائف اللى ممكن تقوم بيها فى اللعبة .

6 اللعبة مبتقيدكش من البداية فى اختيار شخصية معينة و الالتزام بيها زى ال mage او ال warrior قى معظم الالعاب الاونلاين , بل على العكس .... طريقتك فى اللعب هو اللى بيدى لشخصيتك طابع مميز منفرد ليها ... و كل واحد يقدر يبنى شخصيته بشكل مختلف مع تطوره فى المراحل

7 اسلوب التجارة فى اللعبة بيخليك مستمتع بكل item او weapon بتلاقيه ... لان كل حاجة ليها سعر فى اللعبة ... و الميزة فى اللعبة دى انك مش بتفضل تدلل على البضائع بتاعتك و تفضل مستنى حد يجى يشترى منك زى معظم الالعاب التانية .... لا انت بتعرض حاجاتك فى حاجة عاملة زى المحل بالاسعار اللى انت عايزها ... و كل الاعبين بيدخلوا محلك و يتفرجوا على حاجاتك و يشتروا اللى عايزينه و الفلوس تتحول اوتوماتيك لرصيدك .

8 اللعبة عمرها حديث ... لانها بدات من 3 سنين فقط ... فهتلاقى معظم اللعبين لسه متتطورش اوى فى ال lvl ... عشان كده قدامك الفرصة انك تبدا معانا .

9 اللعبة اونلاين 24 ساعة 7 ايام فى الاسبوع .لكن تغلق لعمل الابديت كل يوم ثلاثاء من ى صباحا حتى 12
10 المحاكاة للواقع فى اللعبة رائع... فمع تغير الوقت بيتغير المناخ من ليل و نهار و غروب و مطر و اعاصير
11 اللعبة فى تطور مستمر و منتظر اضافة
two races , new skills, new weapons , new maps , and also will provide pets .

كيف تلعب اللعبة ؟

1- الاول اللعبة دى الجرافيك بتاعها عالى جدا فهي تحتاج متطلبات عالية فى الجهاز ... فبتحتاج كارت شاشة ع الاقل 32 ميجا و رامات ع الاقل 256 ميجا و directX9c.

2- لو المتطلبات دى عندك يبقى تنزل اللعبة و هى مساحتها 502 ميجا ... نزلها من الرابط في أخر الموضوع

3- بعد ما تنزل اللعبة تسجل اسمك و كلمة السر فى الموقع الرسمى للعبة ** عذراً .. يجب الرد على الموضوع حتى تشاهد الروابط **

4 بعد ما تسطب اللعبة و هى بتنزل فى حوالى جيجا و نص ... بيطلب منك تختار سيرفر تلعب عليه من العديد من السيرفرات ... انا عن نفسى بلعب فى سيرفر Aega .

5 بعد كده بتختار شخصية ولد او بنت ... و بتغير فى شكلها فى الطول و الوزن و الوجه و الملابس و خلافه .

6 و بكده تكون جاهز لاثبات جدارتك و تمشى فى طريق Silk road

أنواع الشخصيات

1 Pure Strength

يعنى تخلى كل Stat Points بتاعتك str و ميزة الطريقة دى انها بتخلى ال hp بتاعك عالى جدا و ال defence بتاعك عالى جدا و ال phy dmg عالى جدا بس ال mag dmg قليل جدا
و قوة الشخصية دى بتظهر فى ال pvp او player vs player .

Stat Points هي النقاط التي تكسبها عن الانتقال من level إلى level و يعطيك الخيار تضيفها إما على الHP أي الدم الخاص بك أو MP أي قدراتك السحرية فيزيدها الStat Point بمقدار ال100

مميزاته

هيخليك بتستحمل الضرب الكتير و الناس دى بتقف فى الوش فى الحروب و مبيمتوش بسهوله من الاخر حلاليف و مش بيموتوا و و ليهم فايدة كبيره فى الحرب

2 Pure Intellingence

يعنى تخلى كل نقطك Stat Points في MP و ميزة الطريقة دى ان ال mp بتاعك بيكون عالى جدا و السحر بتاعك قوى جدا بس ال hp بتاعك قليل جدا و ال defence قليل جدا و عيب اللنوع ده انك ممكن تموت بسرعة لكن ميزه الرهيبه انك بتعمل dmg عالى قوى

مميزاته

هيخليك ساحر قوى جدا و المجيكات بتاعتك هتبقى قويه و الناس دى بتبقى فى اخر الجيش عشان يضربوا من بعيد

3- Hybrid

ده اللى مشهور اوى ده فى منه تلات انواع 1:2 و 2:1 و 1:1
و ده فى ناس بتسميه balanced او mixed و زى واضح من الاسم فده بيساوى بين ال str و ال int و ميزة الطريقة دى انها بتخلى ال lvl بتاعك يعلى بسرعة و قوية فى ال pvm او player vs mobs لكن ضعيفة فى ال pvp و ال guild wars .

كيف تكتسب StatPoints

اللى هيلعب اول ما بتلعب هيكون عندك فوق على الشمال طاقه لونها احمر دى الHP و تحتها طاقه لونها ازرق دى MP و لما بتعدى من LVL الى LVL هيضهرلك علامة + فوق ال HP دوس عليها او دوس حرف ال C و تزود فى ال HP او MP

انا عايز كل اللى يدخل يختار حاجه من النوعين دول و يعرفنى اسمه فى اللعبه و يدخل فى سرفر Eldrado(new( و اكيد طبعا عرفته انواع الملابس و النوع اللى هتستخدمه يا الارمور او البروتكتور الارمور لو هتزود فى الHP امل البرتكتور فى ال MP و انا فى اللعبه اسمى DeLaVeGa لما تدخل ابقى ضفنى عشان اقدر اساعدك و لو اى واحد عايز حاجه يبقى يكلمنى على الخاص او على المنتدى
و ان شاء الله الموضوع ده هيثبت عشان اللى عايز يعرف حاجه يكلمنى على الموضوع ده


أنواع الملابس الخاص بالشخصيات

1- Armor
و ده ال phy defence بتاعه عالى بس ال mag defence قليل
و ده حيحميك من ضربات الpyscial و ده ينصح باستخدامه اللى هيحط النقط بتاعته فى ال int اكتر لأن دفاعاتك ضد الphysical ضعيفة تلقائيا او لو انت هتحارب لاعب بيستخد م ال str فهتحتاجه برضه و ملحوظة مهمة

2- Garment
ده ال mag defence بتاعه عالى بس ال phy def بتاعه قليل و بيزد قدرتك اللدفاعية من ضربات السحرو ده بينصح باستخدامه للى هيتخخصوا فى Str او لما تلاعب واحد متخصص سحر ... و ده اسرع لبس فى اللعبة.

3- Protector
اخر نوع بقى هو ال protector و ده الوسط بين الاتنين و اكيد بينصح بيه للناس اللى هتبقى hybrid او mix .

ملحوظة يمكن ممن يلبسون Armor يلبس لبس الprotector لكن لا يستطيع خلط أي من هذان النوعان بالgarment

أنواع الضربات (ضربات الأسلحة و السحر)

فيه عندك اربع انواع سحر cold و lighting و fire و force
و 5 أسلحة مختلفة متقسمة ل3 مجاميع
(Sword و Blade) و (Glavie و Spear) و Bow
كل واحد ليها ميزة و يفضل مع اسلحة معينة ....
فانت عندك خمس انواع اسلحة

الأسلحة:

1 السيف Sword و ده يفضل استخدامه مع السحر اكتر و يمتاز بقوته السحرية المتوسطة و قوته الphy الضعيفة

و السحر المفضل معاه lighting كقوة اساسية و ال cold للمساعدة ...سريع فى الحركة لكن مداه قصي

2 Blade و ده يفضل استخدامه لو انت str اكتر لانه بيمتاز بقوته ال phy المتوسطة و ال mag الضعيفة
و ده يفضل معاه ال fire كقوة اساسية و ال lighting او cold كقوة مساعدة و زى السيف سريع فى الحركة و مداه قصير

3- الرمح Spear و ده برضه يفضل استخدامه مع السحر اكتر و يتميز بقدرته السحرية الاعلى من السيف و قوته الphy المتوسطة و ده افضل قوة ليه هى ال lighting و ممكن تاخد معاه ال cold مساعدة
و ال spear بطئ فى الحركة و مداه طويل

4- Glavie و ده قوته ال phy اعلى من ال blade و قوته ال سحريه متوسطة ... و ينصح باستخدامه مع الstr
و ده افضل قوة ليه ال fire و ممكن تاخد معاه ال cold او lighting كقوة مساعدة و برضه بطئ فى الحركة و مداه طويل

5- القوس Bow و ده قوته السحرية و ال phy متوسطين لكن ليه ميزة رهيبة و هى الضرب من مسافات بعيده و ليه عيب برضه و هو الاسهم بتاعته اللى لازم تكون محضرها معاك ... و ده يفضل جدا معاه ال cold اساسى و ال lighting مساعدة .

ملحوظة:
فيه ناس اكيد هتسالنى عن ال Sword و ال Blade ايه اللى مخليهم اضعف من ال Spear و ال Glaive .....و ده لان ال sword و ال blade ليهم ميزة رهيبة جدا اسمها ال shield
و ال shield ده ساعات بيغير مجرى الحرب فى اوقات كتير لانه ممكن يعمل block لهجمة بكاملها و لما تعلوا فى ال lvl هتعرفوا فايدة انكوا تصدوا هجمة بكاملها زى هجمات ال nukes مثلا .

_________________________________________________
ناقص اتكلم عن نبذة مختصرة عن كل force ....
1- ال Lighting : و ده ال dmg بتاعه قوى جدا و ممكن ينقل الكهرباء لناس حواليك لو انت بتحارب اكتر من وحش و ده بتعتبر ميزة و عيب فى نفس الوقت لانك ممكن لما تنقل الكهرباء لوحوش كتير هتلاقيهم كلهم اتلموا عليك
حاجة تانية ال lighting ممكن يخلى اللى انت بتحاربه يوصل لحالة ال shocked او ال palarlized او اقوى ميزة لل lighting هى انه بيدى سرعة اكتر للسلاح اللى بتستخدمه .

2- ال fire : و ده ليه قوة ها ميزة مهمة جدا و هى ال burn و دى ممكن تخلى عدو يحترق و تنقص صحته اوتوماتيك بالتدريج و النوع ده مفيد جدا للناس اللى هتستخدم اسلحة كبيرة زى ال spear و ال glaive و تقريبا يعتبر اقوى dmg فى كل القوى بسبب الخاصية دى ....

3- ل cold : و ده كل الناس بتخاف منه فى مباريات ال pvp و ده لانه عنده خاصيتين قويين جدا و هما ال frost bite و ال freezing الاول بتبطئ عدوك جدا و التانية بتجمده و دول بيفيدوا جدا فى عمل اكبر dmg مع ان ال cold يعتبر اقل القوى فى ال dmg ....

4- ال force : و ده القوة العلاجية فى اللعبة و ممكن اى حد يستخدمه مع اى سلاح فمعاه تقدر ترجح صحتك او صحة اصحابك بل كمان ممكن تحيي واحد من اصحابك اللى ماتوا .. و مزايا تانية كتير بس كلها مزايا دفاعية اقل منها هجومية ....


ملحوظة:

1- الاختيارات اللى انا كتبتها دى مجرد ارشادات ليك ... يعنى مش لازم تلتزم بيها ممكن تجرب كل الاسلحة و كل القوى و تشوف انت مرتاح مع ايه و حاسس انك هتتميز فيه ... فى الاخر دى شخصيتك انت و اختياراتك هى اللى هتخلى ليها شكل خاص ...
2- لاحظ شئ مهم جدا جدا ... لا تقم بفك اكثر من Force اختر واحد فقط .. و عندما تصل الى level متقدم ..يعني اعلى من 18 قم باختيار Force اخر للمساعده
فعلا صعب جدا الحصول على Skill points في المراحل المتقدمة .. لذا قم بادخار ما تستطيع

انصح اي مبتدئ في اللعبة ان لا يفكر في قتل الوحوش فقط للحصول على exp
لكن اهتم باتمام جميع الـ quests المطلوبة منك
و هذه من اهم النصائح لأي جديد في اللعبة .. و ستعرف معنى كلامي بعد level 8 تقريبا


كيف تقوم ببيع الـ items ؟

ازاى تفتح محل و تبيع و تشترى

اول حاجة تدوس حرف A هيطلعلك حاجات كتير تختار حاجة اسمها open stall

هيطلعلك رسالة تكتب فيها اسم المحل ( تكتب اللى انت عايز يعنى مثلا cheap او good items او حتى بجنيه و نص تعالى بص (

المهم بعد ما تكتب اسم المحل هتلاقى المحل بتاعك اتفتح , تبدا بقى تحط الحاجات اللى انت عايز تبيعها و تحط لكل حاجة السعر اللى انت عايزه ( طبعا متغليش السعر اوى عشان الناس تيجى تشترى منك (

و بس بعد ما تحط كل حاجة هتلاقى فى حاجة فوق اسمها open stall تدوس عليها و هتلاقى الناس جت تتفرج ع المحل بتاعك

عجبتهم بضاعتك و اسعارك هيشتروا منك

معجبهمش هيبصوا و يمشوا


ما هي الـ Party ؟

ال party هو روح كل العاب MMPORG لانه بيدى معنى للمشاركة و التعرف على اصدقاء ... و فى لعبتنا دى فى تلات انواع party او ممكن نخليهم اربع انواع ...

أنواع


1 exp each get ... items distribution
... و النوع ده هو المنتشر لانه لا يسمح بالتشارك فى الexp و ال drops او ال loots فكل واحد بياخد ال exp و ال items اللى بيلاقيها بدون ما يشارك فيها مع حد ... الميزة الوحيدة فى البارتى دى هى ال bonus exp
يعنى بتاخد exp زيادة شوية عن ال exp بتاعتك مقابل انك عملت party ...
و النوع ده من ال party مينفعش يزيد عن اربع اشخاص

2 exp auto share ... item distribution
و النوع ده بيخلى كل الشتركين فى ال party يتقاسموا ال exp اللى بيحصلوا عليها مع بعض
يعنى نفرض ان ال party فيها 10 اشخاص و ال 10 دول قتلوا 200 وحش ال 200 وحش دول ال exp اللى طلعت منهم تتقسم عليهم بالتساوى ... بس طبعا فيه قيود ... لازم تكون فى مسافة قريبة من ال party يعنى لو بعدت عنهم هتلاقى لونك اتغير و ده معناه انك مش هتاخد اىexp و لو صاحب ال party لقاك قاعد مبتحاربش و بتعمل زكى و بتاخد exp ببلاش ممكن يطردك
و النوع ده ميزته انه بياخد عدد كبير من الناس بس عيبه اللى معظم الناس مبتحبوهش انه بيحسسك انك فى نظام شيوعى ... يعنى ممكن واحد يقتل وحوش كتير وواحد تانى يقتل وحش واحد و فى الاخر بيتشاركوا مع بعض ... عشان كده النوع ده بيتنفذ بين الاصحاب لما يكونوا عايزين يحاربوا وحش قوى ...

3- exp auto share items auto share
و زى ما واضح من الاسم فانتوا مش بس بتتشاركوا فى ال exp ده انتوا كمان بتتشاركوا فى الدهب و ال items اللى بيقع من الوحوش .... و النوع ده نادر اوى انوا يستخدم لان مفيش حد بيرضى يشارك الدهب و ال items مع حد تانى ....

4- exp distribution... item auto share
و طبعا عرفتوا معناه ايه من غير ما اشرحوا

Alchemy

انت ممكن تخلى ال lvl بتاع ال item بتاعتك اقوى من الlvl بتاعها بالكيمياء او ال Alchemy

اكيد كتير منكوا شاف حاجات اسمها elixers
في

1 elixers weapon: و ده بيستخدم مع الاسلحة

2 elixers accessory: و ده يستخدم مع الجواهر سواء كانت عقد او خاتم او حلق

3 elixer protector: و ده يستخدم مع كل انواع الملابس protector germant armour

4 elixers shield: و ده بيستخدم مع الدروع

و دول بردوا لو لقيتوهم متبعهمش لان ليهم اسعار خاصة

و دول بيخلوا الitem +1 +2+3+4+5+6+7+8+9
و كل ما الرقم يزيد تلاقى لو السلاح بيتغير يعنى مثلا

+3 ........... white glow

+4 ......... silver glow

+5............ purple glow

+6..........red glow

+7 +8....... gold glow

+9 ........... blue greenish glow

و على فكرة ممكن تلاقوا item من دول فى ال drop برضه متبعهمش عشان بيكون ليهم سعر خاص

نيجى بقى لطريقة عمل الحاجات دى ... تدوس A بعين تختار Alchemy و تحط ال item اللى انت عايز تخليه + و تحط معاه ال elixer اللى من نفس نوعه و عشان تزود نسبة النجاح ممكن تحط معاه lucky powder بس تكون من نفس درجة ال item يعنى لو مثلا ال item 3rd degree تحط lucky powder 3rd لو 4th يبقى 4th

بعد كده تدوس join ....و تنتظر مصير ال item بتاعتك

يا اما هيحصل ...

1 ال item ال + بتاعها يزيد و تنجح المهمة بحمد الله

2 ال enhantement fails و ممكن بدل ما ال + يزيد تلاقيه نقص يعنى مثلا لو انت كنت +4 تلاقى نفسك بدل +5 بقيت +1

3 item broke و تفقد ال item للابد بس متخافوش دى مبتحصلش كتير

فيه بقى حاجات بتزود نسبة نجاح ال enchantemnt هتلاقوها مكتوبة تحت كل item زى Steady ,Lucky, Immortal

Steady - The object will not lose stats if it fails. Rather it will just remain where it was.

Lucky - The object has a greater chance of a successful enchanting.

Immortal - The object can not break if enchanting fails.

و بذلك انتهيت من شرح جميع الجوانب في لعبى Silkroad Online للمبتدئين

قبل اي سؤال .. اقرأ بعناية ... ثم اسأل كما تشاء

و انصح اي جديد في اللعبة انه يختار شخصية و يلعب بها حتى level 4 أو 5 و عندما يشعر بأنه فهم
الكثير من جوانب اللعبة ...ابدأ من جديد و على نظيف.

نوادر:

نيجى بقى لحاجة مهمة جدا جدا فى اللعبة ...
اكيد كل اللى لعب اللعبة شاف ناس معاهم اسلحة بتنور و اسلحة حوليها نجوم و اسلحة بتطلع اشكال غريبة

دول بقى من اغلى و اندر حاجات فى اللعبة ...

1-
اول حاجة منهم اسمها SoS و دى اختصار ل Seal of star
و دى بتخلى اى item ( weapon ,shield, armor, protector,germant )
بتخليها اقوى من ال lvl بتاعها ب 10 lvl
يعنى مثلا تخيل ان معاك سلاح بتاع lvl 16 و هو sos فهتلعب و كان بتلعب بسلاح بتاع lvl 22

2-
تانى حاجة هو SoM و ده اختصار seal of moon
و دى بيخلى اى item اقوى ب 20lvl

3-

تالت حاجة و دى نادرة جدا لدرجة انى مشفتهاش
اسمها SoSun او Seal of Sun
و دى بتخلى ال item اقوى ب 30 lvl


فاى حد يلاقى اى واحدة من دول اوعى يتهور و يبعها لان دول بيتباعوا باسعار غالية جدا توصل للملايين
عشان كده اللى يلاقى حاجة منهم يقولى عشان اقوله سعرها ....


خطوة مهمة لتسريع زيادة الSkill Points(SP)

عن طريق ال SP Farming

إليكم الطريقة

نصيحة: متعملش الموضوع ده غير قبل ما توص ل LVL 20


الطريقة دى للى عايز يتميز فى اللعبة بس ... و مش همه الوقت ولا التعب ...


لان الطريقة دى بتخلى ال lvl بتاعك يعلى ببطء جدا


المهم هشرحلكوا الطريقة ....


الطريقة بتعتمد انك متعليش ال skill mastery lvl بتاعتك


و تخليها اقل من الlvl باعك الحقيقى من 3 إلى 9 lvls فرق مش اكتر من كده


يعنى افرض مثلا ان ال mastery lvl بتاعك lvl 10 يبقى متعليهاش تانى لحد ما ال lvl بتاعك


يوصل ل lvl 19 ... لو اتبعت الطريقة دى هتلاحظ انك بتاخد exp قليل لما تقتل الوحوش


لكن هتاخد skill points كتير جدا ... بمعدل 1 sp لكل وحش


بكرر تانى اللى معندوش صبر ميعملش الطريقة دى ... انا عن نفسى بعملها

ما هو الpvp باستخدام Cloths؟؟؟ أو ما هو الduels؟؟؟


ال duels دى نظام ممتع فى اللعبة بتخلى الناس تضرب بعض و تستعرض قوتها او بمعنى اصح بتعمل power check قبل ما يدخلوا حروب

انت اكيد بتشوفوا ناس عند بوابات المدن بيضربوا فى بعض و لابسين كوفيات بالوان مختلفة

اهى الكوفيات دى هى اللى بتقول انك عايز تعمل duels

و ال duel لازم تكون على الاقل lvl 10

الكوفيات دى او اسمها cape فى اللعبة بتشريها من اى grocery تمنها 500 g

هتلاقى الوان كتير ... احمر تبقى تبع الجيش الاحمر ازرق الجيش الازرق اسود الجيش الاسود و هكذا

و معنى انك تبع جيش ان كل اللى لابسين نفس اللون ميقدروش يضربوك ... يعنى مثلا لو انتوا عايزين تعملوا اتنين قصاد اتنين يبقى اتنين احمر و اتنين اسود مثلا

فيه بقى لون ليه خاصية خاصة و هو اللون الاصفر او الدهبى ده بيبقى عدو لكل الجيوش

اوكى يا شباب فاى حد يشترى cape يلبسها و يقدر يحارب اى حد لابس cape على فكرة لو انت مت فى ال duel تدوس res in the same area هتلاقى نفسك رجعت فى مفس مكانك عادى
من غير ما تخسر اى حاجة
حاجة اخيرة محدش يعمل زى الناس العبيطة و يلبس cape و يمشى بيها عادى لانك هتلاقى كل شوية واحد ضربك
مش هتخسر حاجة اه بس هتخنقك

بالنسبة للوحوش

و دلوقتى اكلمكم على بعض و حوش اللعبه و الوحش متقسمين حسب ال LVL و اى وحش يظهر قدامك وعايز تعرف انت تقدر عليه ولا شوف الدائرة اللي بجوار اسم الوحش

إذا كان أزرق أو أخضر

فإنه أقل من مستواك و يمكنك أن تقتله بسهولة

لو رمادي:

يبقى بمستواك تماما و يمكنك أن تقتله بس لازم تستخدم كل قدراتك

لو برونزي:

يبقى مستوى الوحش أعلى منك قليلا يمكنك أن تقتله بس حياخد من وقت و صحة كثيير

لو أحمر

مستواه أعلى منك كثييرا و لن تستطيع أن تغلبه لذا تجنبه

فى وحوش كتير Unique monster يعنى مفيش منها غير واحد بس و هما و حشين فى اللعبه هعرفكم اول واحد و اسهل واحد
Tiger Girl
على فكرة هى lvl 20 بس قوتها انها عندها Hp كتير جدا و كمان بتعمل سحر بتحولك ل Zombie و لما بتبقى zombie اى potion بتاخد بينقص صحتك مش بيزدها
تانى حاجة Tiger girl بيجى معاه جيوش من ال giants و ال champions و ال tigers فبتتلخم و ممكن تموت
اقولك بقى مميزات قتلها ...اولا بتديك exp كتير جدا بيعدى ال 100k exp بس طبعا الناس اول ما بتشوفها بيتلموا عليها زى النمل و متعرفش جم منين .. يعنى ممكن تلاقى 30 او 50 واحد بيضربوها ... و كلوا عايز ياخد حتة من التورتة قصدى ال exp
على فكرة انتوا لو شوفتوها اضربوها اوكى بس استنوا لما تلاقوا ناس تانية بيضربوها .. فيه واحد صاحبة لفل 20 بيقولى ضربها ضربتين خد 5k exp
ده غير ان ال tiger girl بيوقع منها حاجات كتير اوى ... و منها SoS و دهب و scrolls بمعنى اصح كنز
و طبعا في وحوش تانية انكويب مونستر مثل urichiوisytaroوفي وحش للي مقفلين اللعبة بس و للعبة الصينية موجودة عليها
مع تحياتى عبــــ المصرى ـــــــدو

[Sam Diesel]

الف شكر ليك يا King على الشرح الجميل جدآآ ده .. و ده هايفيد ناس كتير ..

مع اني أعتقد اني شفت موضوع زيه قبل كده بس مش بالطريقه دي و الله

و شكرآ مره أخرى ..

تقبل مروري :) .....

[eurosoul]

اللعبة دى تضييع وقت...أوعى تلعبها إلا فى الأجازة...مستقبلنا أهم من اللعب

[sossaa]

tanks mannnnnnnnn

[zxxxkingxxxz]

الف شكر يا باشا علي الموضوع ال جامد ده

Just_Warrior

[zxxxkingxxxz]

thnx_thnx_thnx_thnx

[mohamed20]

شكرا يا مان على الموضع المتميز ده وفعلا انا فهمت حجات كتير:d:d:d

[rekoo]

شكرا يا حبوب والموضع دا ........انت عارف يا مصرى مش عاوز اتكلم على فكره دا يبقى اخويا
:(

[PERVIEW]

شكرا

[ramy660066]

nice ty

[marawan ayad]

عرف حاجه انتا عابقرى لانى كونت عاوز شرح جميل زى شرحك (موتشكر جدا)

[asemwla]

مشكككككككككككككككككو ر اخى على الشرح الوافى





بس انا فى عندى استفسار لو سمحت



انا لسه نوب فى اللعبه




ولما وصلت للف25 معدش راضى يرجع برسايل العوده


لما بضغط عليها بيكتبلى رساله نصها


the reqested order cannot be carried out



شكراااااااااااااااااااااااااااااااااا



وارجو الرد لحسن اانا محتـــــــــــــــــــــــــــــــــــار اوى
اخوكم النــــــــوب

[Lover_pharaoh]

إيه الحلاوة دى يامان موضوع أكثر من الرائع وشكرا

[hisha]

ألف شكر ليك

[sadda7]

مشكووووووووووووووور