سامــح غيــرك ..... ده المسامح كريم ؛؛؛ <

[The_Mask]

القسم الدينى من اهم اقسام المنتدى فحاول ان تشارك به بقدر المستطاع .

لا تنسى ابدا ان تصلى على النبى .

لا تكن من الحقودين و المتمردين على قضاء الله .

اذا حدثت لك كارثة فقل انا لله و انا اليه راجعون .

اللهم اهدنا لأحسن الأخلاق لايهدي لأحسنها إلا أنت
اللهم ارزقنا الإخلاص في القول والعمل
اللهم ارزقنا قلوبًا لينة رفيقة بخلقك





سامــح غيــرك ..... ده المسامح كريم ؛؛؛ <

لما دعيت وقلت اللهم ارزقنا قلوبًا لينة

آآآآه قلوبنا بقت قاسية أووووي،
قليل أوووووي لما تقول لحد أنا آسف متزعلش وميقعدش يذلك ويبصلك من فوق لتحت
ويقولك تمام خلاص مش زعلان بس كل تصرفاته بعد كدا تدل انه اتغير 100%


بقى عادي جدًا تلاقي ناس مبيعرفوش بعض عشان مختلفين في الآراء ومتخاصمين بقالهم سنيييييين،
ومواقف غير دووول كتييييييييييييييييييييييير

بس عايزه أسألك سؤال
انت مين؟؟
انت قلبك حاله ايه؟؟
لو زعلت مع أمك وكانت هي اللي غلطانة عشان هي عصبية شوية وبتيجي تطلب بعدها منك حاجة
لو عملتهالها بتعملها ازاي ؟؟بتضحك في وشها تاني ولا بتعمل 111؟؟؟
طيب لو حد وثقت فييييه ومطلعش قد الثقة
واحتاجك ممكن تنسى كل اللي عمله وتروح تسامحه وتقف جنبه؟؟
طيب لما بيكون انت اللي معاك الحق وحد يجي يصالحك بيكون موقفك اييييه؟؟؟

طيب تيجي نقلب الحكاية
لو كبرت وبقيت أب واتعصبت على ابنك بس انت بتحبه وخايف عليه ونفسك ابنك دا يكون احسن واحد في الدنيا
عشان كدا قسيت عليه حتحب ابنك يفهمك وينسى بسرعة ولا حتحبه ازاي؟؟؟
طيب لو ظروف اتفرضت عليك او ياسيدي انت عندك خلل ومعرفتش في مرة قد الثقة اللي فلان عطهالك
وشعرت بخطأك واستغفرت ربك ورحت تستسمح الحد دا تحب يعمل معاك ايه؟؟؟

طيب معلش اصبر عليا آخر حاجة حقولهالك
لو كانت إجابة كل سؤال فات <<<<
انك لما تغلط وتروح تعتذر لفلان دا
يكون رد فعله حاجة من الاتنين يازي ماقلت في البداية خالص
او
انه يقولك انت عبيط يابني انت بتعتذر على ايييه!!! يعني انا اول مرة اعرفك!! وبعدين ماانا عارف انك متعصب!! وعارف انك قلبك دا ابيض بس انت ساعات بتقلب!! وبعدين هو انا حنسالك كل حاجة حلوة عملتها معايا عشان الموقف العبيط دا!!
وبعدين ياسيدي في كل الحالات انت مش صاحبي حسيبه وقت مااحب انت يابني اخويا في بينا رااااااااابط كبير اوووي اسمه
الحب في الله!!

اكيييييييييد بتقوووووول
ياعم انت بتهزر هو في ناس كدا دلوقتي
دول انقرضوا مع الديناصوراااات
سييبببك انت من انهم انقرضوا ولا لأ
بس ايه رأيك لو تبقى عامل مصيبة في حق أي حد أيًا كان وتبقى عامل زي الكتكوت الغرقان ورايح تعتذرله
ويقولك الكلمتين دول
يااااااااااااااااااااااااااااااااااااااااااااااااا ااه
وقتها حتتنفس الصعداااااء وتحمد ربنا اووووي

طيب ما ايه رأيك نبدأ انا وانت من دلوقتي نكون الناس دي
ايه رأيك نبدأ نرجع الشكل دا والناس لما تشوفنا يقولوا الله الحمدلله
ايه رأيك احنا نكون البداية
!!
كلام حلو بس ازاي
مش الكلام دا صعب حبتيييين !!
بص انا معاك في انه فعلاً صعب لأن النفس من صفاتها انها تحب تحس بالكرامة والكبرياء وتحب الظهور
بس أقولك احنا اتفقنا مادام احنا بنخالف نفسنا يبقى احنا ماشيين على الطريق الصح..
"ابسطهااالك حقولك حاجة تخلص الليلة دي كلها "
{ مرة كنت في ندوة لأحد الدعاة وكنا في آخر شهر شعبان وكانت الندوة بعنوان محتاجلك
الندوة كلها كانت عن اننا ازاي نصلح حالنا مع الله ونستعد لرمضان وندخله بقلب جديد
المهم في الواجبات العملية قال
ياجماعة لازم تسامحوا كل الناس اللي تعرفوهم حتى لو هما اللي غلطانين
انت مش محتاج تسااامح الناس عشانهم انت محتاج تسامحهم عشان ربنا وعشانك
محتاج تسامحهم عشان تحس بصفاء من جواك ميعكرش صفو قلبك لما تيجي تملاه بكل معنى جميل حتوصله في قربك من ربنا }

يااااااااه
ايوا أنا محتاج أسامح الناس عشاني أنـا
عشان ماأفضلش استهلك في تفكيري واضايق في نفسي وافكر هو قال وهو عاد
عشان انا لو كل حد بيزعلني حقرر بعدها اتغير حلاقيني في الآخر بغير كل صفة حلوة جوايا
{ يعني مثلا واحد طيب اضّحك عليييه كتيييير فيقرر انه يتغير فيبقى شرير او يبقى خبيث
لكن عمره مايفكر انه يفضل زي ماهو مع بعض الحذر والاستعانة بالله انه يبصره بالشر ويبعده عنه
او انه يختار الناس اللي بيعرفهم كويس .. }

صدقني اللي بيعيش ياما بيشوووووووووووووووووووف !!
بس انت حاول تغير المكان اللي كل مرة بتبص بيه لمشكلتك
ليه لما يطلع حد عكس ماانت ماكنت متخيل ليه متقولش دا خير وربنا بيعلمني كذا من الموقف الفلاني
عشان يمكن في المستقبل اتعرض لموقف اكبر فأكون على بصيرة واكون متهيئ كويس!!
ليه لما حد يجي يعتذرلك متقولش انا حسامحه عشان ربنا يسامحني ويعفو عني وتسامح وتنسى وتبدأ صفحة جديدة
صفحة جديدة بجد مش كل شويية تقوله انت نسسسسسسسيت لما عملت كذا وكذا لألأ لو حتعمل كدا يبقى متسامحهوش احسن من البداية وتوفروا على نفسكوا !!

خلي قلبك فيه رفق
حط نفسك مكان كل حد والتمس اعذاااااار جامد أوووي
عيش حياتك ببساطة ومادام انت مؤمن ومفوّض أمرك لله يبقى متقلقش قول يارب اكفيني شر خلقك
:: اسأل نفسك دايمًا السؤال دا ::
أنا مييييييييين عشان مسامحش إذا كان رب الكون جل وعلا بيسامح انا ميييين عشان أذل الناس بالشكل دا؟؟

اتعلم من اخطائك كويس
:: وفي كل مشكلة اسأل نفسك السؤال دا::
مش يمكن انا اللي اضطريت فلان دا يعمل كدا ويضايقني!!
مش يمكن انا هزرت وهو مضايق فالدنيا اتقلبت؟؟
أو يمكن قلت حاجة بتزعله ؟؟
أو يمكن طريقتي كانت غلط في الوقت دا؟؟
> لكل مقام مقااال <
اختار الوقت اللي تقول فيه الكلام
وبرده اختار كويس اوووي الشخص اللي ينفع تقوله الكلام دا عشان
في ناس مبتعرفش تسكت يعني بؤها مش بيتبل فيه فولة هما كدا ياسيدي وانت عارف انهم كدا
متروحش تحط ثقتك كلها فيهم وتحكيلهم حاجة كبيرة جدًا وسرية في حياتك تبقى انت بصراحة ساعتها ...
وبعد كدا تقعد تعيييط وتقول محدش يستاااهل
لأ انت اللي مش بتعرف تختار صح


تعالى نشوف قصة من حياة الصحابة

اجتمع الصحابة في مجلس ولم يكن معهم الرسول عليه الصلاة والسلام ..
فجلس خالد بن الوليد .. وجلس ابن عوف .. وجلس بلال وجلس ابو ذر ..
وكان ابو ذر فيه حدة وحرارة فتكلم الناس في موضوع ما ..
فتكلم أبو ذر بكلمة إقتراح : أنا أقترح في الجيش أن يفعل به كذا وكذا .
قال بلال : لا .. هذا الإقتراح خطأ .
فقال أبو ذر : حتى أنت يابن السوداء تخطئني .!!!
فقام بلال مدهوشا غضبانا أسفا ..
وقال : والله لأرفعنك لرسول الله عليه الصلاة والسلام ..
وأندفع ماضيا إلى رسول الله .
وصل للرسول عليه الصلاة والسلام ..
وقال : يارسول الله .. أما سمعت أبا ذر ماذا يقول في ؟
قال عليه الصلاة والسلام : ماذا يقول فيك ؟؟
قال : يقول كذا وكذا
فتغير وجه الرسول صلى الله عليه وسلم ..
وأتى أبو ذر وقد سمع الخبر .. فاندفع مسرعا إلى المسجد ..
فقال : يارسول الله .. السلام عليكم ورحمة الله وبركاته .
قال عليه الصلاة والسلام : يا أبا ذرأ عيرته بأمه .. إنك امرؤ فيك جاهلية .!!
فبكى أبو ذر رضي الله عنه.. وأتى الرسول عليه الصلاة والسلام وجلس ..
وقال يارسول الله استغفر لي .. سل الله لي المغفرة !
ثم خرج باكيا من المسجد ..
وأقبل بلال ماشيا ..فطرح أبو ذر رأسه في طريق بلال ووضع خده على التراب ..
وقال : والله يابلال لا ارفع خدي عن التراب حتى تطأه برجلك ..
أنت الكريم وأنا المهان ..!!
فأخذ بلال يبكي .. وأقترب وقبل ذلك الخد ثم قاما وتعانقا وتباكيا .
هذه هي حياتهم يوم تعاملوا بالإسلام رضي الله عنهم أجمعين.

خلصت
يمكن تكون لسة مقتنعتش وحاسس إنك مش قادر برده تسامح
تيجي تعرض قلبك على هذه الآية
((وَلْيَعْفُوا وَلْيَصْفَحُوا أَلَا تُحِبُّونَ أَن يَغْفِرَ اللَّهُ لَكُمْ وَاللَّهُ غَفُورٌ رَّحِيمٌ ))
[النور:22]

ها مش عايز ربنا يغفرلك ويرضى عنك!! مش نفسك ربنا يتجاوز عنك!!
طيب تعالى اقرأ هذا الحديث
[ما زاد ﷲ عبًدا بعفو إﻻعًزا].. رواه مسلم



اقعد مانفسك
وفكر ان فلان اللي انت شايل منه كل دا بكرة ممكن يموت
وميبقاش معانا وقتها مش حتحب إنك تسامحه؟؟
فكر إن الدنيا دي يومين وحتخلص وحنروح الجنة دار الهناء والسعادة الدار اللي مش حيكون
فيها غل ولاحقد في قلب حد كلنا فينا نقص ويمكن انت نقصك انا مش شايفه لكن انت قادر تشوف جوانب ضعفي
فمتحكمش عليا من خلالها لأننا كلنا ضعفاء ..
انصحني قوّمني حاول تصلحني
ولو معرفتش متروحش تفضحني لألأ روح اهمس بدعوة لله ان يهديني ويصلح حالي..

طيب لو انت اللي غلطان
جرب تروح تعتذر جييييب هدية بسيطة مع ابتسامة جمييييلة وقووول حقك عليا متزعلش
انا حتغير ومش حكرر خطأي وفعلاً اتعلم من خطأك طيب لو الطرف دا مرضاش يسامحك
يبقى ادعيييييييله كتييييييييييييييييير اووووي ومتكررش خطأك دا برده تاني ..

الموضوع سهل اووووووووووووي في حالتين
لو بطّلنا نسمع لهوى نفسنا
ولو بصينا للدنيا انها زائلة ويومين حنقضيهم وحنمشي فمش مستاهلة نقعد نشيل من بعض

ياارب اهدي قلوبنا للخير
وارزقنا القدرة على العفو وأعنا على أنفسنا

م.ن



يا ودود يا ودود
يا ذا العرش المجيد
يا فعالا لما يريد
اسألك بعزك الذي لا يرام
وملكك الذي لا يضام
ونورك الذي يملأ اركان عرشك
ان تنصرني نصراً يليق بجلال وجهك وعظيم سلطانك
وتسخر لي جنداً من جندك يثبتوني على الايمان
ويدفعوا عني الاذى والسوء
واكفني اعدائي بما شئت وكيف شئت انك على ما تشاء قدير
اللهم تولى امري وانصرني
انت نعم المولى ونعم النصير
ودبر لي امري فإني لا احسن التدبير



و السلام عليكم ورحمة الله و بركاته

[$Divo]

ياريت الناس تسامح بعض مش عشان دنيا فانية نخصر أصحابنا

جزاك الله خيراً..

[☜ ĂиTaKą ☞]

ياارب اهدي قلوبنا للخير

وارزقنا القدرة على العفو وأعنا على أنفسنا

[abdo58]

موضوع رائع
بس يا ريت حد يستفاد منو
ودي مشكله الكل مفيش حد بيسامح حد
ودا سبب مشاكل الناس
وكل شويا تلائي واحد كدا
يلا تسلم علي الطرح

[_HitIer_]

فى اوقات يبقى صعب عليك انكـ تسامح فيها
اصدقاء احباب وكلو بيجى عليك اوقات يبقى صعب عليك انك تسامحهم فعلاً

[MịηaTσ]

و الله الناس قلوبهـا طيبة

بس ساعات الشيطان بقى :@