الفيسبوك مليان ألش عن كوريا الشمالية فــ حبينا نتكلم شوية جد

[Mr Z!dane]

كوريا الشمالية دي ظاهرة تستحق الدراسة ..

-هي أكثر دولة مغلقة في العالم برغم اننا في القرن الواحد والعشرين ..

-الدولة تعداد سكانها 24 مليون نسمة ، منهم مليون ونصف مواطن فقط عندهم موبايلات ..


-عندهم شبكة مغلقة (إنترانت) بديلة عن الانترنت لجميع المواطنين للتواصل فيما بينهم وتصفح المواقع

الكورية المحلية .. والإنترنت بمعناها زي عندنا متاحة بتصريح خاص ومراقبة لضمان إن أنشطة الأفراد

اللي بيستخدموها لا تخالف القانون بتاعهم ..

-المواطن الكوري الشمالي ممنوع من التنقل داخل كوريا والعيش في أي مدينة دون إذن من أجهزة

الدولة .. وكمان بديهي هيكون ممنوع من السفر خارج كوريا! .. لكن القاعدتين ليهم استثناءات بحسب

القوة الاجتماعية أو السياسية أو المادية للشخص أو لما بيكون الشخص موظف في الحكومة ويتحتم

عليه السفر للخارج ..


-الكوريين ممنوعين من مشاهدة أي قنوات أجنبية أو يقروا جرائد غير محلية .. وكل وسائل الإعلام حاليا

إما مملوكة للدولة أو لشركات أصحابها مقربين من الدولة .. والاستثناءات برضه بتكون لكبار الموظفين

في الدولة أو الأغنياء أو اللي بيعيشوا على الحدود مع الدول الأخرى فبيقدروا يلقطوا وسائل إعلام تلك

الدول ..

-طبعا مفيش حاجة إسمها هناك تظاهر أو اعتراض إلا طبعا المظاهرات اللي بتكون ضد كوريا الجنوبية أو

سياسات الغرب تجاه كوريا .. واللي بيقل عقله مباحث أمن الدولة الكورية الشمالية بتعمل معاه الواجب

.. فيه هناك عدد يقدر بأكثر من 150 ألف معتقل سياسي بتهم متعددة لمعارضة النظام والمساجين

بيروحوا معسكرات مغلقة عشان يعيشوا فيها خلال فترة سجنهم ..

-بالمناسبة من التهم اللي ممكن تتسجن عشانها: مشاهدة فيلم كوري جنوبي ..

-و معلومة كمان نحب نقولهالكم .. إن اللي بيحكم البلد دي .. مواليد 1984 ..
_________________________________________________
-و فى الصورة دى حجاجوفيتش عند ال di militarized zone و هى منطقة الحدود بين كوريا الشمالية و

كوريا الجنوبية و تعتبر من أخطر الحدود فى العالم ، و النصب التذكارى ده بيعبّر عن تقسيم كوريا إلى

كوريا الشمالية (علمها فوق على الشمال) و كوريا الجنوبية (علمها فوق على اليمين).

[☜ ĂиTaKą ☞]

واللى فى الصوره ده تبع كوريا بردوه ولا ايه

هو ده بقى اللى عايش على الحدود

[MoSTaFa_Pop]

لا اله الا الله
طيب ازاى دوله زى دى وعندها نووى بالشكل ده
وبتهدد امريكا؟
افهم

[| - CreSpO - |]

لول :))

شكرا يا ريس

[SŦorm]

وعندهم القنبلة الى هيا اكبر من النووى الى هيا بتبوظ اى حاجة شغالة بلكهرباء ازاى بقى انا مش عارف اصلا استوعب الكلام دا

[mizo82]

من كوريا شمااااال ... بنهز جباااال .. وبأعلى صوت يونج قاهر الادغاااال..يا كيم يا كبير ..ياكيم ياعظيم..اديله نووى وبردو قليل :d

[Mr Z!dane]

انــــــــــا خــــايــف تـــكون كـــذبة ابـــريل

[MissDooM]

كدا امريكا هتقول اللى مش معايا ضدى وربنا يستر لو حصل حرب

[Paranoid]

هولي شيت

[Dark__Legend]

طيب كده بالنسبة للناس مش عايشين هناك

هي دي كده دولة ؟

[Senior007]

بــارده

japan ftw :d

تسلمــ يـا زيـدان : ) ..

[DeMooN_Hell]

يخربيت النظام ..

[!! Prince World !!]

شوفت البوست دة ع الفيس بوك

[Mr Z!dane]

شوفت البوست دة ع الفيس بوك

هـــتلقيني انا اللي عملو

تـــــــسلمولي يا رجالة

[™~BeSo~™]

تسلم