حد لية فى الدين؟

[Be Cool]

فى حاجة فى الدين محيرانى وهحاول اشرحها بالتفصيل لعلكم تساعدونى..

ربنا لما ارسل رسول لينشر دينة ارسلة فى منطقة معينة لينشر كتاب الله, وغالباً بتكون المنطقة دى هى اللى اتولد فيها الرسول, توضيح اكتر..
فالنفترض ان دى الكرة الارضية



فى البداية لازم نكون متفقين ان الله لا يخلق شىء عبث لانة خلق الانس والجن ليعبدون, وان الله كامل وعدول لأنة اله ودى من صفاتة,

فالنفترض ان المنطقة اللى باللون الاخضر دى هى المكان اللى ربنا ارسل رسولة لنشر كتابة او بمعنى اخر هى المنطقة دى اللى انتشر فيها كتابة

والمنطقة اللى لونها اسود دى هى المكان اللى لم ينتشر كتاب الله فيها

طبعاً المنطقة السودة دى لم ينشر كتاب الله فيها لان الرسول موصلش ليها علشانها مناطق بعيدة جداً عنة وصعب الوصول اليها


ديلوقتى الانسان اللى عايش فى المنطقة الخضرة بيؤمن باله وبيصلى وبيصوم ووووو... إلخ

اما الانسان اللى عايش فى المنطقة السودة لا بيصلى ولا بيصوم وبيزنى ووووو

السؤال هنا

لما الانسان اللى ساكن فى المنطقة الخضرة ( المؤمن ) يموت المفروض يعدى الجنة

طب بالنسبة للانسان اللى ساكن فى المنطقة السودة لما يموت بيعدى جنة ولا نار!

1- لو هيعدى الجنة يبقى دة ظلم لانة دخل الجنة وهو بيعمل كل شىء محرم

2- لو هيعدى النار يبقى دة ظلم بردو لانة مجاش لة رسول يدلة على طريق الله ودى مش غلتطة ان ربنا مبعتش رسول فى كل مكان فى الكرة الارضية

سؤال اخر

الناس اللى عايشين فى المنطقة السودة دول مخلوقين لية؟ مش الانسان مخلوق ليعبد الله؟ إذن هم مخلوقين عبث لان الله خلقهم وسايبهم كيدا من غير ما يبعت ليهم رسول,

وبما ان الله كامل وغنى ومش محتاج الانسان لية بيعتمد على الانسان فى كل حاجة حتى فى نشر كتابة؟


وعايز اضيف كمان حاجة بعيدة عن الموضوع دة

كلنا عارفين قصة خلق الانسان ولما ربنا قال للملائكة إِنِّي جَاعِلٌ فِي الأَرْضِ خَلِيفَةً

وردو الملايكة علية أَتَجْعَلُ فِيهَا مَن يُفْسِدُ فِيهَا وَيَسْفِكُ الدِّمَاء وَنَحْنُ نُسَبِّحُ بِحَمْدِكَ وَنُقَدِّسُ لَكَ قَالَ إِنِّي أَعْلَمُ مَا لاَ تَعْلَمُونَ

ربنا بيقول للملائكة انا جاعل فى الارض خليفة يعنى هيخلق انسان فى الارض
راحوا ردوا علية الملايكة وقالوا هتخلق انسان يفسد فى الارض ويسفك الدماء
راح ربنا رد عليهم وقال انا عارف اللى انتوا متعرفهوش

لاحظ حاجة فى الايات السابقة
1- الملايكة بتحذر ربنا من خلق انسان علشان عارفة ان الانسان هيفسد فى الارض وهيسفك الدماء

2- ربنا رد عليهم بصفة علمة المسبق وقال انا عارف اللى انتوا متعرفهوش

والغريب ان الملايكة كان عندها حق حين حذرت الله من خلقة للانسان لانة سفاك للدماء ودة الواقع الان !

والغريب ايضاً انة فى اية تانية بنلاقى الملايكة اللى كانت بتحذر ربنا من خلق الانسان هى نفسها اللى بتساعد الانسان فى سفك الدماء يُمْدِدْكُمْ رَبُّكُم بِخَمْسَةِ آلافٍ مِّنَ الْمَلآئِكَةِ مُسَوِّمِينَ

ودة التفسير
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]



واللى انا مستغربلة اكتر ان الله بيخلق الانسان المؤمن والكافر وبيحرض المؤمن على قتال الكفار وهو اللى خالق الاتنين !

{يا أيها النبي حرض المؤمنين على القتال إن يكن منكم عشرون صابرون يغلبوا مائتين وإن يكن منكم مائة يغلبوا ألفا من الذين كفروا بأنهم قوم لا يفقهون}

التفسير
عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]


لما نجمع الموضوع نلاقى الله بيقول للملايكة انا هخلق انسان والملايكة تحذرة فيقول لهم اسكتوا انا عارف اكتر منكم وفى الاخر الملايكة يطلع عندها حق فى اللى قالتوا, شوية شوية نلاقى الملايكة اللى كانت بتحذر ربنا من خلق انسان فى الارض هى نفسها اللى بتساعد الانسان فى سفك الدماء دة مش كيدا وبس لا دة ربنا بيامر المؤمنين بقتال الكفار ( الكفار اللى هم بشر مثل المؤمنين واللى الله نفسة هو اللى خالقهم ! )

تساؤلات كتير جوايا ونفسى الاقى ال د المقنع اللى يريحنى