اخبار مصر بعد 25 يناير

[lil romeo]

إصابة العشرات فى مشاجرة بسبب التحرش بفتاة فى المطرية

شهدت منطقة الأميرية مساء أمس ما يشبه الحرب الأهلية بين أهالى المنطقة وبين سكان منطقة عزبة الريس حيث نشبت مشاجرة بينهما بالأسلحة النارية والبيضاء استمرت نحو 5 ساعات إلى أن وصل رجال القوات المسلحة مزودين بـ3 دبابات وأطلقوا الأعيرة النارية فى الهواء حتى فرقوا أطراف المشاجرة بعدما أصيب العشرات وأفادت المعلومات الأولية أن المشاجرة نشبت بسبب التحرش بإحدى الفتيات.

وتبين من التحريات المواجهات بدأت فى العاشرة مساءً وانتهت فى الثالثة فجر اليوم بين سكان شارع الكابلات وأهالى عزبة الريس التابعة لمنطقة المطرية استخدمت فيها الأسلحة النارية والبيضاء بالإضافة إلى زجاجات المولوتوف الحارقة وتبادل خلالها الطرفان إطلاق الأعيرة النارية ما أسفر عن إصابة العشرات منهم ونجح اهالى الأميرية فى مهاجمة منطقة عزبة الريس حتى وصل رجال القوات المسلحة مزودين بـ3 دبابات وأطلقوا الأعيرة النارية فى الهواء لتفريق الطرفين وفض المشاجرة ووصل بعدها إلى محل الواقعة سيارتين لرجال الأمن المركزى حتى تم السيطرة على الأوضاع دون القبض على أى منهم.

وأفادت المعلومات الأولية وأقوال شهود العيان أن المشاجرة نشبت بسبب التحرش بإحدى الفتيات ورغبة الطرف الثانى فى الانتقام لها.


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

"معزه" يقتل "الكرابيجي" بسبب 10 جنيهات

أنهى مسجل خطر حياة مسجل آخر بمنطقة الساحل عندما أقدم المجنى عليه على محاولة سرقة المتهم بالإكراه والاستيلاء منه على متعلقاته من مبالغ مالية، إلا أن الأخير رفض ودخلا فى مشاجرة قام خلالها بطعنه باستخدام سلاح أبيض ما تسبب فى وفاته، تم ضبط المتهم وتحرر عن المحضر اللازم، وتولت النيابة التحقيق.

تلقى اللواء أسامة الصغير، مدير الإدارة العامة لمباحث القاهرة، إخطارا من مستشفى شبرا مفاده استقبالها "مجدى. م. ه" وشهرته الكرابيجى (51 سنة) مسجل خطر، وسبق ضبطه فى 66 قضية آخرهم مخدرات، مصاب بجرح طعنى فى الصدر وتوفى أثناء إسعافه، فأمر بسرعة التحرى وكشف غموض الواقعة.

من خلال التحريات التى باشرها المقدم حسين كمال، رئيس مباحث قسم الساحل، تبين أن وراء ارتكاب الواقعة "يوسف. م" (30 سنة)، وشهرته "معزة" مسجل خطر سبق ضبطه فى 24 قضية، فتم إعداد الأكمنة، وتمكن العقيد علاء فاروق مفتش فرقة الشمال من ضبط المتهم وبمواجهته اعترف بارتكاب الواقعة.

أوضح المتهم فى اعترافاته أن أثناء سيره بالمنطقة اعترض طريقه المجنى عليه وطلب منه إخراج متعلقاته المالية، إلا أنه رفض ودخل الطرفان فى مشاجرة، أخرج خلالها المتهم "مطواة" وسدد للآخر طعنة تسببت فى وفاته، فتحرر عن ذلك المحضر اللازم، وأحاله اللواء محمد طلبة، مدير أمن القاهرة، إلى النيابة لتولى التحقيق.


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

مشاجرة بالأسلحة النارية بين التجار فى سوق بجوار مدرسة بالأميرية

شهدت الأميرية ظهر اليوم، الاثنين، مشاجرة بالأسلحة النارية بين عدد من التجار فى سوق الخضار بالمنطقة، وذلك إثر خلافات بينهم حول الأماكن التى يتوقفون فيها لبيع بضائعهم، وأحدثت المشاجرة حالة من الذعر بالمدرسة، ولم تسفر عن وقوع ضحايا أو إصابات.. تحرر المحضر اللازم وتولت النيابة التحقيق.

أوضح عدد من شهود العيان أن سوق الأميرية قريب من مدرسة الأميرية الجديدة، وخرجت عدد من الطلقات النارية تجاه المدرسة دون إصابات بين الطلاب المتواجدين بداخلها، الأمر الذى دفع أولياء الأمور بسرعة الحضور إلى المدرسة والاطمئنان على أبنائهم، واصطحابهم إلى منازلهم خوفا عليهم.

انتقل رجال الشرطة وبصحبتهم رجال القوات المسلحة وتمكنوا من فض المشاجرة، وضبط أطراف المشاجرة.. تحرر المحضر اللازم، وانتقل رامى على ومصطفى غيطاس ورامى عبده من فريق نيابة الأميرية إلى محل الواقعة لإجراء المعاينة.


عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[lil romeo]

افرحوا يالا اهدافكم اتحققت
اول طلب اتحقق علطول وهو الحرية
مفيش حد فى مصر معهوش سلاح
يا شماتة اليهود فينا ...وقال ايه بنضحك على القذافى انه وزع اسلحة على المؤيدين

[lil romeo]

بلطجية يروعون الطلاب أمام مدارس مصر الجديدة

شهدت مدرسة الفاروق الإسلامية الخاصة لغات بمصر الجديدة، مشاجرة بين عدد من البلطجية ومدرسى المدرسة، وذلك بعدما اكتشف الطلاب عقب انتهاء اليوم الدراسى وجود أشخاص يحملون أسلحة بيضاء ويقفون أمام مقر المدرسة، الأمر الذى أثار هلعهم ودفعهم للاحتماء بالمعلمين.

وقالت هايدى هشام، والدة طالبين فى المدرسة، إن الشرطة غابت عن المشهد وهو ما دفعها هى وعدد من أولياء الأمور إلى الاتفاق على عدم إرسال أبنائهم للمدرسة لحين تكثيف التواجد الأمنى أمامها، وأضافت أن المنطقة تضم مدارس أخرى مثل النزهة لغات والسيدة عائشة، حيث طالبت الوزير بالتشديد على تواجد الأمن أمام المؤسسات التعليمية.

وكانت وزارتا التربية والتعليم والداخلية، اتفقتا نهاية الأسبوع الماضى على توفير دورية شرطة أمام كل مدرسة حكومية أو خاصة لتأمين الطلاب فى ظل عدم استقرار الأوضاع الأمنية.

عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

[| - CreSpO - |]

زى ما صبرنا لغايه ما الريس اتخلع .. لازم نصبر لغايه ما الامن يرجع !

وشكرا ع الخبر

[ameraldmooo3]

انا ملاحظ انك بتجيب الحوادث اللي حصلت بعد الثورة انا نفسي اشوفك تجيب حسنات الثورة دة طلبي اقبل ما اموت

[Uchiha_Dante]

ياعم انتا عشان شويه حوادث هتقول الثوره .......طيب قبل الثوره كل ده كان بيحصل برده وألعن منه

فالمفروض نصبر لحد ما بلدنا تعدى الازمه

وبخصوص شماته اليهود . مهم بقالهم 30 سنه شمتانين ...ياعم دول طلعوا القمر
واحنا لسه بنجدد فى مترو الانفاق ..فياريت نحاول نبص للجانب الكويس عشان مصر تبقى أحسن

[شباب 6 ابريل]

هو ده دستور مطبلين الحكومه
كل حاجه البلد بخير يا ريس
الشعب بخير يا ريس
الشعب راكبينم مرسيدس وبيشربوا كوكاكولا
كل اللى انت جايبه وبتقول عليه كان بيحصل العن منه ايام المخلوع بتاع شرم الشيخ
وازيدك من الشعر بيت - حادثة التفريق بين المسلمين والاقباط هو اللى له يد فيها كل الحوادث كانت بتتعمل بامر امن الدوله علشان يضربوا الشعب في بعضه ما سمعناش سيادك جبت حاجه من دي ولا ذكرت اللى كان بيحصل على ايام المخلوع وحاشيته

[lil romeo]

كان بيحصل من ده امتا انشاء الله
امتا لقينا 23 الف سلاح اتسرق
امتا لقينا بلطجية بيسرقوا الشقق عينى عينك
امتا لقينا بلطجية فى الشوارع بيسرقوا بالاكراه
امتا لقينا ان كل يوم بيموت اكثر من 8 اشخاص ومش حاسين
لما كل يوم هيموت 8 يبقى كل شهر 240 ده مش حرام
والناس برضوا لسه قاعدة فى التحرير طيب استنوا البلد تهدا شوية بعدين روحوا
والتحرير موجود علطول متخافوش احنا مش هننقله

[lil romeo]

خبر مؤكد والله العظيم
هيلارى كلينتون قالت القذافى لو متنحاش وليبيا استمرت فى الدمار ده هنتدخل عسكريا
استرها يارب على ليبيا وبكره هحطلكم الخبر علشان انا كتبت النهاردة موضوعين

[lil romeo]

وبعدين انا بجيب الاخبار المهمة مليش دعوة اذا كانت حوادث تو اى بتاع
انا بجيب الحوادث اكتر اه لكن مش شرط فى مصر بدليل انى جبت امبارح حادث عن الولد الفلسطينى اللى اعتقل امام امه
وجبت مظاهرات طلبة الثانوية العامة
وبعدين لو ده مزعلك قولى اجيبلك اخبار ايه وانا اجيبك ولو عاوزين اخبار العالم كله اوك
Every Thanks Ok

[شباب 6 ابريل]

روح اسأل النائب العام وقوله مين اللى فجر كنيسة القديسين علشان الشعب ياكل في بعضه
اما بخصوص السلاح شكلك ما سافرتش الصعيد ولا تعرف ان السلاح عند الصعايده زي شرب الميه
بالبلدي ما تعرفش ايه داير حواليك

كل اللى انت جايبه كان بيحصل قده عشر مرات ايام الباشا اللى في شرم الشيخ واسأل التحرش اللى كان بيحصل قدام السينمات وفي الحدائق العامه ولا دي كمان ما تعرفهاش
وهو مين في الاساس اللى عمل البلطجيه وخلا ليهم اسم في مصر غير الباشا وزبانيته مش دول اللى خلوا البلطجيه فوق الكل من زمان من ساعة انتخابات ال 99.9 %
البلطجيه اللى كانوا دايما بيطلعوا ورا مرشحين الحزن الواطي
يعني البلطجيه صناعة النظام
واسال الشرطه اللى استعانت بيهم واعترفت بلسان وزير الداخليه بالحرف ان الشرطه السبب في سرقة الاسلحة وهرب المسجونين
ولا دي كمان ما سمعتهاش

[☜ ĂиTaKą ☞]

اشوفك بتجيب خبر كويس



شكرا ليك

[Mammbo]

مشكور

[ღ♥:: Beckham::♥ღ]

ده انا بكره مواضيعك اللى بتجبها و بكلامك اللى يحرق الدم و مبتعرفش تجيب غير الحاجات دى عمرك مابتعرف تجيب حاجة عدلة ابدا

[_V2x_]

عندك حق مصر بقت اوحش بس انشاء الله لسا التقدم جاي