|
||||||
| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
 |
|
|
أدوات الموضوع | انواع عرض الموضوع |
18-01-2011, 06:42 PM
|
#1 | ||||||||||
  
|
 من الى احنا شايفينه حبيت اعمل الموضوع ده حصريا للمصريين فقط!!   حاجات كتير في حياتنا بنشوفها يوميا .. ومنعرفش اننا عندنا الحقوق الحصريه ليها .. بمعني انها مش موجوده في اي مكان تاني غير عندنا .. مثلا .. فين بتلاقي بتاع الانابيب وهو بيرمي الانابيب من العربيه وهي مليانه  فوق بعض .. بكل جرأه ... وبلا خوف ؟؟ والافظع ان وسيلته للدعايه لنفسه .. هي الخبط بمفتاح حديدي عليها .. وهي ممتلئه بالغاز السام القابل للانفجار !! حصريا للمصريين فقط !! لما تيجي تشرب كوبايه لبن في الارياف .. حتحس انه لبن غريب .. وتقولهم ده مغشوش ولا ايه ...؟؟ اللبن طعمه مش كده ابدا !! حيقولولك بسخريه انه لسه جاي من البقره طازه !!  وحتعرف بعدين انك طول عمرك بتشرب لبن .. اما عباره عن كوكتيل لبن مواشي ماعز علي جاموسي علي بقري فوق بعض او مزود بالماء والنشاء والفورماليين والطباشير والزلال و الصمغ والجيلاتين والغراء !!  واشرب يا معلم وادعيلي !! وده ايه يا اخونا !! حصريا.. للمصريين فقط !! لما يبقي اليوم اللي حتجيب فيه عيش يوم الملحمه الكبري  وتلاقي نفسك بتلبس ملابس قديمه خوفا من التمزيق ومعاك سكينه المطبخ لزوم الحرص .. وتقف في طابور طويل جدا .. وكل شويه تلاقي واحد مجرم او مسجل خطر يدخل ايده من غير ميقف في الطابور وياخد اللي عاوزه ويمشي ومحدش يفتح بقه !! وتلاقي واحد عجوز يحاول يمد ايده زيه .. والناس تضربه وتشتمه لحد ميقع قتيل في الارض ... ولما ترجع بيتكم من غير عيش .. وهدومك متقطعه برضو .. يبقي لازم تعرف ان ده .. حصريا .. للمصريين فقط !! لما تروح اي دائره حكوميه .. عاوز تخلص ورقك ؟؟ هات قهوتي  لما تخش سينما .. حندخلوك عافيه لمكانك وهات قهوتي لما تدخل مطعم او قهوه .. وتتلطع مستني طلبك .. وفي الاخر يقولك هات قهوتي .. !! يبقي ياسيدي ده كله طبعا .. حصريا .. للمصريين فقط !! لما ربنا يحن عليك بعربيه .. وتروح اي مكان .. حتلاقي دايما فيه بلطجي .. عامل نفسه سايس علي الرصيف اللي حتركن فيه بيظهر من العدم .. ويقولك ارجع بظهرك يا استاذ .. حتي لو كنت راكن عشان تشتري حاجه من المحل المواجه وراجع علي طول مفيش رصيف في مصر كلها بدون سايس !! وده بس يا جماعه .. حصريا .. للمصريين فقط !! لما تشتري دقيق عشان الاكل ..  وتلاقي الدقيق فيه ديدان .. وتلاقي الناس كلها بتشتكي .. البلد كلها ياناس بتشتكي ..  ويطلع علينا مسؤول .. ويقولنا .. الديدان دي ملهاش ضرر علي صحه الانسان .. !! حتعرف وقتها .. ان الديدان دي .. حصريا .. للمصريين فقط !! لما تيجي البلديه وتحفر في شارعك وتترك الحفر زي ماهي فجأه..  وياخدوا بعضهم ويمشوا وتقعد الحفر في الشارع شهور وشهور .. والاطفال تقع فيها .. وتخرج منها ريحه المجاري .. لما تشم الريحه دي وانت بتقع في الحفره حتعرف ان ده .. حصريا .. للمصريين فقط ..!! لما تلاقي نفسك طالب في ابتدائي واعدادي .. والمدرسين في مدرستك بيسبوا الطلبه بالام والاب !! لما تلاقي نفسك بتتمد في الطابور بسبب انك هرشت خدك وانت واقف  لما تلاقي المدرس بيقرفك في المدرسه ويكرهك فيها عشان تاخد درس ولما تكبر وتروح كليه تلاقي الاستاذ بتاع الماده بيتعامل معاك انت وزمايلك زي البلطجي وقاطع الطريق . . وعشان اتأخرت مره يخليك تعيد السنه مره واتنين .. واللي ميشتريش كتابه ينقل نفسه جامعه الارياف احسنله .. ولو نسيت وسيبت الموبيل مفتوح غلط ورن .. وقالك هات الكارنيه بتاعك ..  وقتها حتعرف ان ده .. حصريا .. للمصريين فقط !! لما تخرج وتشتغل في مكان .. وتلاقي مديرك بياخد كل حقوقه الوظيفيه .. وبيحرمك من كل حقوقك وكأنك أله معدنيه ..  ياخد اجازته ويستمتع بيها .. ويحرمك انت منها .. لما ينقلك من مكان لمكان .. ويخلي ايامك وحياتك كلها حجيم ويمارس عليك امراضه النفسيه .. ولا يخاف الله فيك ابدا .. وتدعي عليه ليل ونهار وانت قاعد بتدعي حتفتكر ان ده حصريا .. للمصريين فقط لما تلاقي واحد جاي من الارياف .. فلاح او صعيدي  وتلاقيه عمال ينش شمال ويمين النصابيين اللي اتلموا عليه وتلاقيه اخر اليوم رغم كل التحذيرات .. واقف في القسم بيبكي وعامل محضر نصب .. وتروح تطبطب عليه وتقوله : حصريا .. للمصريين فقط !! لما تبقي ماشي في الشارع وتلاقي كمين شرطه  فترتعش كأنك لقيت قطاع طرق .. لما تلاقي ظابط بيكلمك .. فتلاقي لسانك رجع 70 سنه لورا .. وتلاقي البشويه والبهويه رجعت .. وتلاقي نفسك وانت شخص محترم او شيخ فاضل ... تأخذ اول قـــفا في حياتك !!  ويتم سحلك وضربك بدون اي سبب قانوني .. حتلاقي وقتها يافطه واحد ماسكها مكتوب عليها .. حصريا .. للمصريين فقط !! لما يبقي كل اسره فيها واحد او اتنين فيهم مرض خطير وتلاقي نفسك وانت شاب عامل عمليه تغير شئ في جسمك وتلاقي المرضي في التأمين الصحي قاعدين علي السلالم  والممرضات بيسبوا المرضي ويعتدوا عليهم .. ولما تشتكي للمدير ينط فوقك ويتعارك معاك هو كمان!! وقتها وحقنه البنج بتخش عضلك حتقول : حصريا .. للمصريين فقط !! لما تلاقي تعليم بلا دين .. ومناهج اتفه من العجين .. واطفال بتسب الدين .. وشباب مشروع مجرمين .. واطفال عبط ومجانين .. ومنتجات كلها من الصين .. ومرتبات تخلي العيشه طين .. وفاكهه وطماطم بملايين .. وبنات علي حل شعرهم سرحانين .. وانتخابات بيحميها المزوريين .. وحوادث متعرفش منين ولا منين .. وشاب علي كل ناصيه يعرض عليك بضاعته فاكرك من الحشاشين .. وتلاقي النيل حيتقفل من ناحيه الاثيوبيين .. وبرامج 0900 كلها نصب وقمار .. بتمص دم المغفليين .. وقتها بس حتعرف وتقول بأعلي صوتك .. حصريا .. للمصريين !! |
||||||||||
|
| إعلانات google |
|
|
|
18-01-2011, 06:48 PM
|
#2 | ||||||||||
 
|
للاسف للمصرين بس :(:( تسلم يا جميل ع التوبيك .gif "111 (12)") |
||||||||||
|
|
|
18-01-2011, 06:52 PM
|
#3 | ||||||||||
 
|
والله كلامـــك كله صح ومن الواقع المصرى فعلا لا حول ولا قوه الا بالله  |
||||||||||
|
|
|
18-01-2011, 07:01 PM
|
#4 | ||||||||||
  
|
ممتـــاز Welcome to Egypt :) |
||||||||||
|
|
|
18-01-2011, 07:04 PM
|
#5 | ||||||||||
  
|
للأسف العيب مش علينا العيب علي الحكومة تفتكر لو موظف بياخود مرتب كبير هيقبل رشوة؟ تفتكر لو الناس بتاعت فرن العيش مرتباتهم حلوة هيوافقو انهم يهربو دقيق حسبي الله ونعم الوكيل في اللي كان السبب |
||||||||||
|
|
|
18-01-2011, 07:05 PM
|
#6 | ||||||||||
|
مقدرش اقول غير رائع |
||||||||||
|
|
|
18-01-2011, 07:06 PM
|
#7 | ||||||||||
|
Unfortunately your right !! -.- |
||||||||||
|
|
|
18-01-2011, 07:06 PM
|
#8 | ||||||||||
 
|
معنديش تعليق على الى انا شايفوا بس للاسف كله صح :@ حسبى الله ونعم الوكيل فى الى بيستغل سلطته و فى الى مش شايف شغله كويس فى البلد ديه :( |
||||||||||
|
|
|
18-01-2011, 07:10 PM
|
#9 | ||||||||||
 
|
بجد انت كدة جمعت كل الحجات الى ممكن تحصل فى مصر فى موضوع واحد وبجد موضوع مميز اوى |
||||||||||
|
|
|
18-01-2011, 07:10 PM
|
#10 | ||||||||||
|
يا حبيبي الناس تعبانة متزودش همومهم ..... بس بالرغم من ذلك أنت معاك حق |
||||||||||
|
|
|
18-01-2011, 07:16 PM
|
#11 | ||||||||||
 
|
احنا نصيبنا كدا اللي منك واكل حقك بس لو انت راجل اتكلم ^^ هتحصل اللي قبلك |
||||||||||
|
|
|
18-01-2011, 07:16 PM
|
#12 | |||||||||||||||||||
|
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
اقتباس:
مش نتهرب منها |
|||||||||||||||||||
|
|
|
18-01-2011, 07:18 PM
|
#13 | |||||||||||
|
اقتباس:
ربنا مكتبش علينا كده ربنا قال اعملوا واحنا ولا هنا |
|||||||||||
|
|
|
18-01-2011, 07:54 PM
|
#14 | ||||||||||
|
ماشي معاك بس هانعمل ايه بس دلوقتي مفيش مد في الطابور علشان حد هرش ده كان زمان اعتقد كده بس هاقول ايه ربنا معانا  |
||||||||||
|
|
|
18-01-2011, 08:04 PM
|
#15 | ||||||||||
 
|
بجد توبيك جميل وكل كلامك صح بس مش عايزين نحط ايدينا على خدنا لازم نشوف حل |
||||||||||
|
|
|
| يتصفح الموضوع حالياً : 1 (0 عضو و 1 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| ๗҈ ҈ ҈๗Ϡ₡ Ϡ₡҈ ҈ ҈๗¶۩جديد معاكوا فى السيرفر ۩¶๗҈ ҈ ҈๗Ϡ₡ Ϡ₡҈ ҈ ҈๗¶ | ™_MrMido0o0o_™ | Ceres | 3 | 17-08-2011 03:16 AM |
| ๗҈ ҈ ҈๗Ϡ₡ Ϡ₡҈ ҈ ҈๗¶۩ايه احسن بيلت فى اليوروب ۩¶๗҈ ҈ ҈๗Ϡ₡ Ϡ₡҈ ҈ ҈๗¶ | ™_MrMido0o0o_™ | مـنـاقـشـات عـامـة حـول سيلك رود أون لايـن | 14 | 13-06-2011 10:29 AM |
| ۩¶๗҈ ҈ ҈๗Ϡ₡ كــل مـا تـريـد مـعرفـتـه عــنϠ₡҈ ҈ ҈๗ SilkRoadOnline¶۩ | Deceiver | منتدى سـيـرفـرات وجـايـلـدات [ Silkroad Online ] | 7 | 15-03-2011 07:31 AM |
| ۩¶๗҈ ҈ ҈๗Ϡ₡ كــل مـا تـريـد مـعرفـتـه عــنϠ₡҈ ҈ ҈๗SilkRoadOnline¶۩ | Deceiver | الـقـسـم الـتـعـلـيـمـى | 30 | 17-07-2010 01:15 AM |
.gif){kind=icon}
العرض العادي
