Confused!

[Semo]

السلام عليكم, دة اول موضوع ليا فى المنتدى وتقريبا الموضوع فى قسم مخالف بس انا عملت الموضوع بتاعى هنا علشان هلاقى افادة اكتر فى القسم دة.

انا فى حاجة كيدا بفكر فيها دايما ومش لاقى ليها اجابة مقنعة, يا رب تقدرو تفيدونى.

ربنا عمل جنة ونار صح؟ وعمل كمان ناس تعدى الجنة والنار.

انتا ديلوقتى من اول متتولد بيتكتب ليك هتتولد امتى وهتعمل اية فى دنيتك وهتموت امتى وازاى.

طبعا كل حاجة هتعملها فى دنيتك هتكون مكتوبالك سواء الحاجة دى صح او غلط.

افترضنا انك موت وانتا على سوء خاتمة دة مش بى ايدك علشان كل حاجة مكتوبالك يعنى ربنا كاتبلك انك تموت على سوء خاتمة يعنى لو هتعمل اية هتموت على سوء خاتمة علشان ربنا كاتبلك كيدا وهو عاوز كيدا, طب لية كيدا! لية ميسبنيش اختار ابقى كويس او وحش لية يعنى يكتبلى انزل الدنيا و اموت على سوء خاتمة او حسن خاتمة؟ لية ميسبنيش اختار لية؟!

كيدا ربنا عامل جنة ونار, ومختار ناس تعدى الجنة ومختار ناس تعدى النار لية؟! لية مش احنا اللى نختار؟!

فين العدل؟ يعنى ربنا يكتبلى اموت على سوء خاتمة ويدخلنى النار ويعاقبنى؟ لية كيدا! مش هو اللى كاتبلى كيدا! انا بى ايدى اية اعملو! دة هو اللى كاتبلى كيدا. :(

فى ناس قالولى متفكرش فى دة, وناس قالتلى ربنا خلق الانسان ومين خلق ربنا " استغفر الله العظيم " دى حاجة فى علم الغيب, السؤال دة فى علم الغيب!, وناس قالتلى قرب من الله, ولا واحد جاوبنى على سؤالى كلو بيروح لبعيد عن النقطة اللى انا عاوز جواب عليها.

معلش طولت عليكم.

Peace Out.

[amir5000]

المسالة دي لازم تستشير بيها حد من علماء الدين عشان انا مش عايز افتي

بس ممكن اقولك كلمتين:

ربنا خير للانسان انه يختار بين الصح والخطا , وبعدين مفيش حد يعرف ايه الي مكتوب له فمش تقعد تقول انا ربنا كاتب عليا اني حروح النار فمش حمشي على طريق الصواب.

صراحة دا الي اعرفه
فانشاء تستفاد من الكلام
تقبل مروري