انواع الاولاد على النت...... مسخره

[black_wizard]

hi 4 all

إقروا وقولو رأيكم.....

انواع الولاد على النت...



المرحلة الأولى : ( الي يدوبك لسه متعلم يدخل نت)


طبعا العمر يتراوح من 18 الى ما فوق ... وتلاقيه اول ما يدخل هاي ممكن
نتعرف انا فلان ومن الحته الفلانيه وتحس ان فيه حنفيه معلومات اتفتحت
واي حاجة تقولهاله البنت يقولها يعني ايه مش فاهم وبعد كل كلمة يقولك اصل
انا لسه جديد في النت


والنوعية دي تنقسم لقسمين :
1- يا اما متحمس وحط ف دماغه موضوع النت وعايز يتعلم
2- يا اما سمع من صحابه عن النت والبنات وجاي يجرب حظه



(المرحلة الثانية: ( الي بيقعد على النت بس مش كتير)


النوع ده كل كلامه انا مشغولياتي كتير ومبحبش النت والكلام ده وبعد ما
يكلم شوية يقولك ممكن نكمل كلام في التليفون انا اصلي مبدخلش النت
كتير ومليش خلق للكتابة والحاجات دي


والنوعيه دي تنقسم الى قسمين:
1- يا اما يبقى لحوح ويفضل يطلب نفس الطلب وصباح الملل
2- يا اما يبقى عنده عزة نفس وميلحش بس هيتعصب وهيقول للبنت
اعمليلي بلوك



(المرحلة
التالته : ( الي قاعد على النت ليل نهار)


ده بقى شرحه يطول وينقسم لعدة انواع


1- المقموص


ده بقى قاعد وحاطط ايده على زرار الزعل اي حاجة تقولها البنت تبقي بتقصده
او بتقلل من شانه وبعد كام مرة كلام ممكن يقول للبنت اديني نمرة تليفونك
ولما تعتذر هيقولها انا هحترم رغبتك وهيركبلها الوش الخشب ومن وقت
للتاني هتاخدالبنت البلوك ف وشها فنصيحه من اولها كده اديله بلوك وديليت




2- ابو دم خفيف


ده شلل مركز ومتعرفش البنت مين الي خدعه وقاله ان دمه خفيف وكل كلامه قفشات
وضحك والمفروض انها تكون مجامله وضحك بس منصحش البنت انها تيجي على اعصابك




3- المودي


دي بقة شخصية بتتنوع كل يوم على حسب المود وهتحس البنت انها بتكلم واحد
عنده انفصام ف الشخصية النهاردة رزين وعاقل وبكرة لاسع وبعد يومين رخم
وبعدها كيوت وفريندلي طبعا الحكايه مش ناقصة جنان كفايه الي الواحد
فيه


4- اللزقه


والنوع ده عايز حزم ف التعامل معاه لأن كل كلامه انتي فين ؟ بتتاخري
في الرد ليه؟ انتي بتكلمي حد ؟؟ ياعم وانت مالك بتتحشر
ليه ......ولو قلتله ثواني هيقولك ليه رايحة فين؟ متتاخريش ... ايه
ده انتي لسه مجيتيش ؟؟؟


5- الناصح


صباح الصداع مع كل جمله هتقولهاله البنت هتاخد نصيحة وفيه عرض خاص تقول
البنت جملتين وتاخد اربع نصايح العرض مستمر حتى نفاد الكمية ........ولو على
منتدى زينا كده هتلاقيه بيقولك ليه حطيتي التوبيك ده وليه شيلتي
الصورة دي وحطيتي التانية انا انصحك انك تخليه يحصل اخواته الي فاتوا
يعني بلوك وديليت



6- الحبيب


انا فيا جاذبية وكل البنات بتعجب بيا ....... ايام ما كنت ف الكليه
كنت عامل ازمه والبنات بتتخانق عليا......
وده بقى اكيد بياخد مقالب كتيير اوى و فى الاخر هيكتشف انه بيكلم ولد زيه


8- الكداب


من اول الأسم والسن واي معلومة خدتها البنت كدب في كدب ومتعرفش ليه ده بقى
وده بقى زى عمو مسيلمه الكذاب


9- العبيط


ده هتلاقيه على طول حاطط صورته وذنب علي البنت تتفرج ويشيل الصورة دي يحط
التانية وكل شوية يفتح الكاميرا مع نفسه



10- بابا اوبح


ده ممكن يكون على النت من سنة 96 واتخرج واشتغل واتجوز وجاب عيال ولسه
قاعد يتعرف على بنات وكل ما يكلم واحدة يقنعها انه مش متجوز وبيدور
على عروسة وصباح السرحان ولو جربت البنت كل يوم انها تدخل بايميل غير التاني
هتسمع قصة حياته كل يوم مختلفة



يا ترى بقى الانواع دى عندنا فى المنتدى ولا اييييه ؟؟
ولو موجود يا ريت يقول واخنا مش هنزعل ...... هههههههه