حصريااا يوميااات فتى سيلك روود ( متجدد بأستمرار )

[ostanrko]

[CENTER]

:Dحصريااا ولاول مره بالاسواق ههههه يوميات فتى سيلك رود من لفل 1 لحد لفل 90 ( متجدد بأستمرار )

تاااااااااااابعونا >>>>>>>> الحلقه الاوله >>>>

الشخصيه حتكون اسمها صاحبنا <<<

صاحبنا : الحمد لله عرفت اعمل اسم بقا كل شويه يقول الاسم مستخدم الاسم مستخدم بس الحمد لله
بتاع ال HP : انت بتبرطم بتقوول ايه ياض
صاحبنا : لا ولا حاجه ياعم ( بلاش نشتمه ممكن ينفعنا بعد كده ياعم )
بتاع ال HP :لا كنت بحسب بس
صاحبنا : لا متحسبش كان الله فى عونك ياعم ( ابن الذين زمانو بيجيب فلوس بالهبل ) :D
صاحبنا: لما اروح اشوف البشر الى بره المدينه بقا
طلع بره لقه ناس بتلعب pvp وكده
صاحبنا : ايه ياعم انت وهو بتتخنقوا ليه تعاله انت كده وتعاله انت كده والعبوا مع بعض وبلاش تضربوا بعض تانى
العيال الى بتلعب pvp : ده عبيط ده ولا ايه امشى يأبنى من هنا بدل مقلب مردر عليك هيه نقصه
صاحبنا : ليه كده كابتن انا غلطان اتحرقوا انتو الاتنين
صاحبنا : وايه الاش الى ماشى هناك ده لما نروح نشوف كده
وحش لفل 1 : الى جاى بيجرى ده شكله اهبل قووى وحموتو
صاحبنا : السلام عليكم عامل ايه ياعم انت وايه الى انت مسكو فى ايدك ده انت كنت بتتخانق ؟
وحش لفل 1 : بوووم ( ضربه )
صاحبنا : اى اى ايه ياعم انا عملتلك حاجه ايه العبط ده والله لنا مموتك بقا ( بووم تخ تخ )
صاحبنا : خلاص ياعم الحج قتلتو ههههههههه هييييه نزلى منه 20 دهبه هيييه

كفايه كده انهارده <<<<<<< الى القاء فى الحلقه الثانيه

( الموضوع متجدد بأستمرار )

********************************************
اخر تحديث بتاريخ 13/11 / 2008
--------------------------------------------------------------------------------

الحلقه الثانيه >>>>> بعد ماصحابنا موت الاش ووقع له جولد ( دهب ) نشوف عمل ايه بعد كده >>

صاحبنا : ابن اللذين كان عايز يموتنى بس انا بهدلته
بس مش عارف ايه السكينه الكبيره الى انا ماسكها دى مكنت اختار النبله ياجدع
شامبيون لفل 1 : ايه الاهبل الى واقف هناك ده لما نستكرده ونديلو على قفاه
صاحبنا : يامى ايه الى جاى ده اجرى بسرعه
شامبيون لفل1 : ده بيجرى العبيط ههههههههه والله منا سيبك وراك لحد هوتان
صاحبنا : ههههههه اه ياهبل وقع فى الفخ انا كنت بسحبك ياحمار هههههههههه تعلاالى بقا خد دى
صاحبنا ليفل لفل 2
صاحبنا : ايه النور الى نزل عليه ده وبعدين فين الشريط الاخضر الى كان تحت انا كنت 85 % دلوقتى بقيت 1 % اه ياولاد الحرميه خمونى الصنيين هههههههههه
صاحبنا شاف واحد لفل عالى بيعمل بور لفل ل شويه عيال
صاحبنا : السلام عليكم ايه الاخبار ياشبااب انتو مش بتضربوا مع الراجل ده ليه هو شغال عندكو ولا ايه سيبينوا هو يضرب لوحده وانتو قعدين تتفرجو ده انتو عيال برده صحيح
صاحبنا : استنه كده ياعم لما اسعدك ( بووووووووووم ) صاحبنا مات
البور لفل ده كان عند التايجر
التايجر : انت ايه الى بتعملوا ده ياأهبل انت لفل 2 وجاى تضربنى روح العب بعيد يلا
صاحبنا : وااااااااااااء والله العظيم لنا رايح وقايل للولا الى بيعمل بور لفل يجى يموتك
التايجر : ورينى الى عندك
صاحبنا : انت كمان مش همك انا حوريك لو راجل استنانى هنا
التايجر : مستنيك
صاحبنا راح عند الولا تانى >> عمو عمو عمو فى تايجر لونه اصفر موتنى ممكن تيجى تضربو
الولا : انت عبيط يلا ؟
صاحبنا : وليه الغلط ده ياكابتن انا طالب منك مساعده
الولا : تصدق صعبت عليه خد بارتى ياض
صاحبنا : ايه الى انت بعتهولى ده ياعم انت ايه الكلام ده
الولا: اقبل ياأبنى
صاحبنا : انا مش فاهم حاجه ادوس على ايه اه اه خلاص عرفت
صاحبنا دخل فى البارتى والولا ليفله لحد لفل 20
الولا : انا مضطر امشى بقا يلا ياجماعه سلام
صاحبنا : طيب متشكر قووى ياسمك ايه انت تبقا تيجى كل يوم
الولا : هههههه طيب ماشى :p:p
الولا : وخد كمان 3 مليون هديه منى ليك
صاحبنا: تلاته مليون::
الولا : يلا سلام
صاحبنا مردش السلام من المفجأه ههههههههه
صاحبنا لما ارجع المدينه بقا اشترى حاجات
رجع صاحبنا المدينه وشاف واحد معاه ولف
صاحبنا : ايه ال*** الى ماشى جنب الولا ده استنى كده لما اسئلو
صاحبنا : كابتن كابتن لو سمحت ال*** ده بتجيبو منين وبيعمل ايه
الولا : ده بتجيبو من الاستبل
صاحبنا : الاستبل ده الصيدليه ؟
الولا : صيدليه ايه ياأبنى انت الاستبل بتاع الحصنه
صاحبنا : اه طيب وبيعمل ايه بقا
الولا : ده بيضرب معاك وبيسعدك
صاحبنا : اه حاجه جميله والله
الولا: بس ده بمليون وانت شكلك مقشف معكش ولا مليم
صاحبنا : نعم ياحبيبى ده انا معايا 3 مليون لسه الولا مديهوملى حالا
الولا : يالعـــــــــبك :p:p
صاحبنا : امال ايه ياعم مش اى حاجه احنا
صاحبنا : لما اشترى بقا ال*** ده ونشوف :D

وبالفعل اشترى صاحبنا الولف والى اللقاء فى الحلقه الثالثه >>>>>>>>
*************************************
اخر تحديث بتاريخ 13/11/2008
----------------------------------------------------------------------------------------
رجعنلكم تانى مع يوميات فتى سيلك روود والحلقه الثالثه >>>>>>>
بعد ماصحبنا اشترى الولف حنشوف حيعمل ايه >>>>

صاحبنا: انت ياراجل بتاع الحمير انت
صاحب الاستبل : حمير ايه ياحلوف انت متحترم نفسك شويه
صاحبنا : خلاص ياعم انت حتضربنى ولا ايه عندك كلاب ؟
صاحب الاستبل : كلاب ايه ياض انت شكلك جى تتريق عليه ولو ممشتش دلوقتى حهيج الحصنه عليك
صاحبنا : ياعم انا شوفت واحد منزل *** لونه ازرق كده وقالى ده بمليون من عند الاستبل
صاحب الاستبل : اه انت قصدك على الولف اه عندى
صاحبنا : طيب ادينى واحد وصايه كده بس ميكنش تخين ولا رفيع علشان يعرف يجرى معايا
صاحب الاستبل : هيه طماطم انت حتنقى هما كلهم شكل واحد
صاحبنا : طيب وهو اسمو ايه :p:p
صاحب الاستبل : ملهوش اسم انت ممكن تعمله اسم
واشترى صاحبنا الولف ونزله وراح يليفله بقا
الولف : انت ياعم انت مش حتأكلنى ولا ايه عمال تلففنى من الساعه 7 الصبح ومكلتش كل ده
صاحبنا : ايه ده انت بتاكل ؟
الولف : امال ايه فى ولف مبيكلش ؟
صاحبنا : وانا اجيبلك اكلك ده منين
الولف: من عند الاستبل
وبالفعل جاب اكل للولف واكله
صاحبنا وهو فى المدينه شاف واحد طالع تريد بجمل
صاحبنا : ايه الجمل ده وايه الصناديق الى الجمل محملها ده استنى كده لما اسئل الولا
صاحبنا : كابتن كابتن ايه الجمل الى انت ركبو ده وبيعمل ايه وايه الصناديق دى
التريدر : ده تريد
صاحبنا : تريد ؟ ده دوه كحه ؟
التريدر : دوه كوحه اه !! انت عبيط ياض دى تجاااااره
صاحبنا : تجاره يعنى انت بتعمل ايه ؟؟
التريدر : باخد بضاعه من هنا وبروح اوديها مدينه تانيه وباخد فلووس
صاحبنا : طيب ايه الحلاوه دى دانا كل يوم حعملها :p
التريدر : بس طبعا فيها عواقب
صاحبنا : ايه بقا العواقب دى ياعم الحج
التريدر : بينزلك حرميه بيحاولو يخدو منك التجاره
صاحبنا : طيب وانا ممكن اموتهم
التريدر : اه طبعا ممكن تموتهم
صاحبنا : المهم انا عايز اعمل وحده دلوقتى :)
التريدر : طيب روح عند بتاع التريد واعمل اسم ليك وانت طالع التريد وادفع 100 الف دهبه
صاحبنا : 100 الف ههههههه دول غلابه قووى انا معايا 2 مليون
التريدر : يالعبك
صاحبنا : طيب انت لفل كام
التريدر : 90
صاحبنا : يالهووووى
التريدر : :p:p
صاحبنا : طيب ممكن اطلع معاك وانت تحمينى
التريدر : ممكن بس انا مش مسؤال عن الى ممكن يحصل
صاحبنا : ياعم ولا يهمك ايه يعنى كام الف فداك لو حصل حاجه
التريدر : اوك
صاحبنا : يلا بينا
وبالفعل حمل التريد وبدأو فى رحلتهم الى دون هانج
التريدر : الحمد لله مفيش حراميه بره
صاحبنا : ادا ادا ادا الحقنى ياعم فى 3 حراميه اسمهم thief بيضربو فى التريد
التريدر : هههههههههههههههه طيب طيب انا حموتهوملك
صاحبنا : ايه الحلاوه دى ال 3 من ضربه واحده
التريدر : :p:p
صاحبنا : يالهووووووووووى فى 5 حراميه اسمهم مختلف جاين عالينا الحقوووووووووونا
التريدر : ينهار مش فايت دول thiefs player يانهار ابيض
صاحبنا : الحقوووووووووووووووووووووووووووووووووونا :eek:

والى اللقاء فى الحلقه الرابعه >>>>>>>
************************************************** ***
اخر تحديث بتاريخ 15/11/2008
ّّّّّ********************************************* ********
ورجعنلكم تانى مع احداث الحلقه الرابعه من يوميات فتى سيلك روود

انتهت حلقتنا الثالثه بصراااخ الاستغاثه من صاحبنا بلفظ الحقووووووووووووووونا

صاحبنا : حنعمل ايه الله يخرب بيتك دلوقتى انت الى وقعتنا فى المشكله دى
التريدر : اخرس دلوقتى مش عايز اسمع صوت انا بكلم صحابى علشان يسعدونا
صاحبنا : اه يانا ياما اه يانا ياما انا الى جبتو لنفسى حمووت وفلوسى حترووح مره وحده
التريدر : بس يأبنى بقا وجعتلى دماغى
السيفات : العب دوول 2 بس تريدر 90 وتريدر عيان كده يله بينا ناخد التريده بتاعتهم
التريدر : تمام كده احنا نجرى شويه عقبال ماصحابى يجو هما فى السكه خلاص
صاحبنا : حنموووت من سيفااات يامااااا
التريدر : انت حتفضل تعيط كده كتيير ؟؟ وبعدين انت مش قوتلى لو وقعت فداك ؟
صاحبنا : انت صدقت ولا ايه مليش فيه لو التريده وقعت حتدينى فلووسى
التريدر : فلووس ايه يامقشف الى انت بتتكلم عليها ده انت محمل تريد 1 ستار تلقيه ب 100 ك
صاحبنا : :eek: نعم 100 ك ايه ده انا محملها ب بمليون و 200 ك
التريدر : ينهااااااااااااااااااار مش فايت :eek: انت عاملها كام ستار
صاحبنا : يعنى ايه ستار
التريدر : فى نجوم كده تحت عندك ؟ عندك كام نجمه
صاحبنا : 5
التريدر : يالهووووووووووووووووووووووى انت عبيط
صاحبنا : وانا اعرف منين ياعم انت مقولتليش حاجه
التريدر : ادى اخرت الى يتكلم مع عيال تانى
السيفااات : بس اقف ياأبنى انت وهو هنا من غير ضرب كده هاتو التريده بتاعتكو بالذوق احسن
التريدر : مفيش تريدرات ياض انت وهو وامشو من هنا بدل ماأنزل ابهدلكو
السيفات كانو 4 منهم 3 لفل 80++ وواحد لفل 90
التريدر كان لفل 90
السيفات : انزل ورينا نفسك ياحدق
صاحبنا : الحق الحق فيه ناس لبسه لبس غريب جيه علينا كده مين دوول
صاحبنا : ميه ميه
التريدر : يله ياهنااااااااتر على السيفااات
وبالفعل السيفات ماتو كلهم
صاحبنا : ميه ميه يارجاله ايوه هيه دى الرجاله ولا بلاش
التريدر : شوفت ياجربوع علشان كنت عمال تعيطلى
صاحبنا : لالا بس صحابك طلعو جمدين موتو الحراميه بسرعه قووى
المهم التريده وصلت الى دون هانج بكل امان
صاحبنا : ميه ميه انا كسبت مليون على الى كان معايا :D شكرا يارجاله
التريدر : تعاله انا رايح اعمل بور لفل لاكونتى الصغير تعاله معايا
صاحبنا : قشطه جدا انا جاى معاك
التريدر : تعاله عند الاونج الى فى سمراكاند
صاحبنا : ادا ادا ياعم مين دوول ؟؟ ايه الاونج ومين سماركاند دى
التريدر : الاونج وحش لفل 34 وسماركاند مدينه بعد هوتان
صاحبنا : طيب تمام انا جاى معاك
صاحبنا : رايح يسافر الى هوتان
الراجل بتاع بلوره السفر : هات 5 ك ياأبنى
صاحبنا : 5 ك بتوع ايه
الراجل بتاع بلوره السفر : هو النظام كده الى عايز يسافر من مدينه الى مدينه بيدفع 5 ك
صاحبنا : ليه ياولاد الحرميه
الراجل بتاع بلوره السفر : انت بتبرطم بتقوول ايه ياد انت
صاحبنا : لا ياعم ولا حاجه خد ياعم 5 ك حار ونار فى جتتك
الراجل بتاع بلوره السفر : جتك القرف مليتو البلد
صاحبنا : ايه المدينه دى ياجدع دى حلو قوووى مدوره كده وجميله ( هوتان )
وبالفعل صاحبنا سافر سماركاند وبدأ فى الباور لفل لحد ماجاب لفل 24 والتريدر قال انا حمشى
صاحبنا جاب لفل 24
صاحبنا : لما اروح بقا على مدينتى اشوف لو فيه مهمه ولا حاجه اعملها
وهو ماشى جنب الاستبل شاف مهمه بتاعت الديمون هورس
وهو ماشى جنب الباب شاف مهمه الراجل الى بيعروج الى هو لفل 24
صاحبنا : قشطه معايا 2 مهمه لما اروح اعملهم بقا
صاحبنا راح عند الديمون هورس وبيضرب فى الديمون هورس
صاحبنا : ادا ياعم الحج انا بضربو ب 1 و 2 دمه مش بينقص ياعم الحج
صاحبنا : وهو بيضربنى ب 500 و 400 ايه ده ياعم الحج ايه الظلم ده فى واحد معدى كده لما اسئلو
صاحبنا : كابتن كابتن ممكن تقولى ليه انا بضرب الوحش بقليل كده وهو بيضربنى جامد ؟
الولا : ربنا يشفى !!! ايه ده ياأبنى انت ماسك سلاح لفل واحد ولبس لفل 1 وعايز تموت وحش لفل 25
صاحبنا : ادا وهو فيه سلاح تانى !!!!
الولا : ايوه طبعا انت لفل كام ؟؟
صاحبنا : انا لفل 24
الولا: طيب انت المفررووض تمسك سلاح لفل 24
صاحبنا : وده انا اجيبه منين ؟؟
الولا : بص انا معايا واحد بس انما ايه حكايه ( مصلحه وجت لحد عندى ابعله السلاح الى جيبو من عند الرجل على اساس انه جميل واخد منه فلوووس )
صاحبنا : حتدهولى هديه ده ايه الكرم ده شكرا ليك ياصحبى
الولا : حيلك حيلك هديه مين وانا اعرفك اساسا ؟؟
صاحبنا : ده انت طلعت ندل صحيح عايز كام فيه
الولا : عايز مليون
صاحبنا : مليون :eek: ليه يعنى هو سلاح ايه دهب ؟
الولا : هيه الاسعار كده وانا عطيك احسن سعر واسئل بره
صاحبنا : خلاص خلاص انت رغاى كده ليه عايز اشوفه
الولا وقف ستال بالسلاح
صاحبنا : ايه ياأبنى انت البترينه الى انت فتحتها دى ؟؟
الولا : ادخل يأبنى على الاستال علشان تشوف السلاح
صاحبنا : ادخل على البترينه دى ؟
الولا : ايوه
صاحبنا شاف السلاح واشتراه زى الاهبل
الولا : مبرووك عليك احسن سلاح فى السيرفر
صاحبنا : شكرا ياكابتن حبقا اقول لصحابى يشترو منك
صاحبنا راح مكلم الولا التريدر وقالو انا اشتريت سلاح من عيل لفل 24 وضحكت عليه واخدتو منه بمليون بس شوفت انا شاطر ازاى وبعرف اعمل صفقات
التريدر : بمليون :eek:
صاحبنا : اه طبعا من المفجأه مندهش بزمتك شوفت حد اشتره سلاح بالسعر ده قبل كده؟
التريدر : هو السلاح ده بينور كده لما مسكته ؟ ( سوس او سوم او سن )
صاحبنا : لا للاسف عايز اروح المعه
التريدر : اه يااهبل الولا ضحك عليك السلاح ده ب 60 ك مش بمليون
صاحبنا : بكااام يالهوووووووووووى
التريدر : يله عوضك على ربنا بقا فى المليون ده
صاحبنا : اه ياأبن الحرميه وحيات امى منا سيبك
صاحبنا كلم الولا الى باعلو السلاح
صاحبنا : ولا حرامى هات المليون ياحرااااااااااامى
الولا : ايه السلاح مش عجبك ولا ايه
صاحبنا : انت عطينى سلاح ب 60 الف وبيعهولى بمليوون ياحراامى
الولا : واناا مالى مفيش فلوووس حتخودها وامشى من هنا بدل مااعجنك
صاحبنا : اه ياأبن الحرميه وربنا لحقوول لاى حد اعرفه انك حرامى
الولا : اعلى مافى خيلك اركبو
صاحبنا :
المهم صاحبنا راح عند الديمون هورس ولقه عيال عاملين بارتى وبيضربو هناك
صاحبنا : السلام عليكم يارجاله انا عندى مهمه هنا بردو
العيال : طيب تعاله معنا البارتى
صاحبنا : اوك
العيال : يله اضرب بقا
صاحبنا : طيب منا بضرب اهو ياعم الحج
العيال : وانا حديك بفات وحزودلكو دمكو
صاحبنا : ايه الحلاوه دى
صاحبنا : يله فى وحش كبيرررررر هنااااك قوووى يله كلنا عليه ( Gaint )
العياال : يله كله يضرب ده Gaint
صاحبنا : انت ياأبنى يلى بتزود الدم اشتغل بسرعه احنا بنموووت
الولا الكليرك : منا شغال اهو ياعم
صاحبنا : هيه موتناه نزل منه صندووووق انا حروح اخدو
صاحبنا : هيه اخدتو لما اشوفه بقا فى الشنطه كده معايا
صاحبنا : ادا فين الهديه الى نزلت من الجاينت ؟؟ احنا قعدين فى محطه مصر ولا ايه ايه السرقه دى
الولا الكليرك : الهديه جاتلى انا :p
صاحبنا : وتجيلك انت بتاع ايه انا الى روحت اخدتها ازاى تجيلك انت ؟؟
الولا الكليرك : مهى البارتى دى ممكن اى هديه تروح لاى حد مش شرط يبقا الى واخدها تروحلو هو بس
صاحبنا : يخساااره
صاحبنا : فى وحش واقف لوحده هناك اهو حروح اضربووو
وبالفعل راح صاحبنا وضرب الوحش وموته
صاحبنا : ادا ادا نزل صندوووق بينوووووور جامد
العياااااااال : ده سووووووووووووووووووووووووووووووس
صاحبنا : الى هو بينووووور
العيال : يله الى يلحق يخدوو
صاحبنا : انا الى حخدووووووووووووووووووووووووووو

والى اللقاء فى الحلقه الخامسه من يوميات فتى سيلك روود ...... وشكراا >>>>>
******************************************
اخر تحديث بتاريخ 16/11/2008

******************************************
ورجعنلكم تانى مع يوميات فتى سيلك روود والحلقه الخامسه >>>>>>

انتهت حلقتنا الرابعه بنداء صاحبنا وهو بيقوول انا الى حخدووووووووووو

صاحبنا : وسع ياض انت وهو ده البتاع الى بينور انا الى حخدو
العيال : مش حتفرق ممكن يروح لاى حد
صاحبنا : يارب يارب يارب يجيلى
العياال : يأبن المحظوظه السوس جالو
صاحبنا : هيـــــــــــــــــــــــــــــــــــــه السوس جالى السوس جالى السوس جالى
العيال : يابختك ياعم ولعه معاك سوس
صاحبنا : وسلاح كمان
العيال : ياابن المظوظه سلاح ايه ؟
صاحبنا : السكينه الى انا مسكها دى بس لفل 32 حلو ده ياعيال ؟
العيال : يأابن المحظوظه جااااااامد ياض
العيال : مكتوب عليه ايه بالاصفر تحت ياض ؟ seal of star ... seal of moon ...seal of sun ?
صاحبنا : seal of sun
العيال :يأأبن المظووووووووووووووووووظه
صاحبنا : ايه ؟ حلو ده ؟
العيال : حلوو طبعا ده غالى جدا وقووى جداا
صاحبنا : قشطاط
المهم صاحبنا خلص المهمه بتاعت الديمون هورس وراح سلمها وجاب لفل 25
وطلع عند المدينه وشاف عيال بتلعب pvp راح عيل قايلو pvp ?
صاحبنا: يعنى ايه ؟
الولا : يعنى نضربو فى بعض نشوف مين الى حيكسب
صاحبنا : وانت لفل كام
الولا : انا لفل 24
صاحبنا : طيب ماشى يله نلعب
الولا: البس الكوفيه
صاحبنا : كوفيه ايه ؟؟
الولا : زى الى انا لبسها دى
صاحبنا : مش معايا دى اجيبها منين ؟؟
الولا : خد انا معايا وحده زياده
صاحبنا : طيب تشكر ياعم
الولا : يله 1 2 3
صاحبنا : حتتقطع انهارده
الولا : ( بووووم تخ تخ بووووم )
صاحبنا : ( بووووم تخ تخ بوووم )
صاحبنا موت الولا
الولا : يالعبك انت جامد قووى ليه كده
صاحبنا : ايه رئيك عمرك شوفت عيل فى قوتى فى اللفل ده ؟
الولا : ياعم انت حتتغر ولا ايه
الولا قام راح مموت صاحبنا ههههههههههه
صاحبنا : اى اى انت بتضرب على فجأه لا مينفعش كده انت بتخم ياعم وانا ممكن اموتك على فكره
الولا: هههههههههههههههههه
صاحبنا : انا حوريك يانتن
الولا : انت شاب كشك
صاحبنا : وحياه امى منا سيبك
الولا : حتعمل ايه يعنى انت موتنى مره وانا موتك مره
صاحبنا راح ضارب ال zerk عليه وفضل يموت فيه كل مايقووم
الولا : وربنا منا سيبك يابن التيـــــــــت
صاحبنا : هههههههههههههههههه بتموت من ضربه وحده ههههههههه
الولا راح منادى عيل صحبه لفل 40 وفضل يموت فى صاحبنا
صاحبنا : انت يعنى بتتحامه فى صحبك انا حجيبلك الى يموتكو انتو الاتنين
صاحبنا راح مكلم الولا التريدر الى اتعرف عليه لما عمل اول تريده
التريدر : اجيلك فين ياأبنى انت فين بالظبط
صاحبنا : داون هانج
التريدر : فين فى داون هانج
صاحبنا : عند الباب الى بعد الاستبل
التريدر : اوك لفل كام الولا ده ؟
صاحبنا : 40 تقريبا
التريدر : وانت جايبنى اموتلك عيل لفل 40 يله انا جيت وخلاص
صاحبنا : ده شتمك لما قولتله حندهلك ( وهو مقلش حاجه بس علشان يسخن ده شويه )
التريدر : انت يله متموتش الواد ده تانى لو موته تانى حفرمك
الولا لفل 40 : وانت مالك انت حموتو غصب عنك ... وراح مموت صاحبنا وهو واقف جنب الولا التريدر
التريدر : طيب خد دى .... وراح مموت الولا
صاحبنا : احسن ياحبظلم انت شوفت بقا قولتلك حجيبلك الى يموتك
الولا لفل 40 : وربنا منا سيبك حتشوف دلوقتى انا حعملكوا ايه
التريدر : اعلى مافى خيلك اركبو وده متقربش منه تانى علشان مضربكش تانى
الولا لفل 40 : لو انت راجل استنى هنا
الولا لفل 40 راح مكلم صحابو لفلات 90 وقالهم فى عيل لفل 90 بيموتنى
العيال لفلات 90 كانو 2 راحو جايين ووقفوا جنب الولا لفل 40 وقالو للتريدر انت بتموت ده ليه قدك ده؟؟
التريدر : انتو بتكلمونى كده ليه وانتو مالكو انا اعمل الى انا عايزو
العيال : انت كمان بتبرطم طيب خد ( بوووم تخ تيخ بوووم ) الولا التريدر اتفرم
العيال : متلعبش مع الاصغر منك تانى ياض
التريدر : وحيات اهليكو منا سيبكو ... وراح مكلم صحابو
والعيال كلمو اصحبهم واتقلبت Guild War
وصاحبنا واقف يتفرج
المهم جيلد التريدر خسر والماستر بتاع الجيلد بتاع الولا التريدر فضل يقول للولا التريدر انت السبب ادينا خسرنا بسببك واضرب فينا جلوبلات اننا نوبات
التريدر : معلش انا اسف انا عارف انى السبب بس انا اسف
التريدر : هو فين ابن التيـــــــــــــــــــــــت ده هو السبب هو الى وقعنى فى المشكله دى
صاحبنا : معلش معلش انتو كنتو بتلعبو كويس بس خسرتو
التريدر : الله يخرب بيتك على اليوم الى شوفتك فيه ياجدع انت جيتلى منين من ساعت ماعرفتك وانا بخسر وبتروح منى فلوووس وشك نحس عليه ياجدع
صاحبنا : وانا مالى ياعم العيال بهدلتكو انا مالى
التريدر : انا غلطان انى عبرتك من الاول اساسا وقدرتك وجيتلك
صاحبنا : طيب انا زنبى ايه
التريدر : خلاص خلاص انت حترغى
صاحبنا : ياعم خلاص شكرا بس انا مليش دعوه
صاحبنا : ممكن تعملى بور لفل بقا علشان انا وقعلى سوس وعايز امسكه فى لفل 32
التريدر : ياراجل سوس ايه ؟
صاحبنا : سوس جليف لفل 32 و seal of sun
التريدر : ياأبن المحظوظه
صاحبنا : المهم انا عايز بور لفل دلوقتى
التريدر : وانا مش فاضى دلوقتى خيها كمان شويه
صاحبنا : لا معلش اصل اناا كمان شويه وحروح اجيب حاجه كده صحبى قالى عليها بفلووس حقيقه اسمها سييلك اه
التريدر : يالعبك انت حتجيب سيلك
صاحبنا : اه ايه رئيك بقا حجيب 50 سيلك علشان الاميل ميتقفلش
التريدر : اه علشان خايف من البلوك يعنى
صاحبنا : ايون بالظبط كده
التريدر : طيب بص انا اميلى الصغير بيعمل بور لفل عند الاونج روح معاه شويه
صاحبنا : لفل كام ده ؟
التريدر : ده لفل 76 ويزرد
صاحبنا : قشطاط
المهم صاحبنا راح يعمل بور لفل وجاب لفل 27 وقفل ونزل يجيب سيلك
وبعديها بساعه كده جه تانى وفتح الاكونت وكلم الولا وقالو انا جيبت 1000 سيلك
التريدر : ايه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صاحبنا : ايه رئيك ؟؟
التريدر : اشتريت 1000 سيلك ؟؟
صاحبنا : لا انا دفعت فلووس 50 سيلك ورجعت بفتح لقيتهم 1000 سيلك
التريدر : يأابن المحظوظه ايه ده ؟؟؟؟؟؟؟؟؟؟؟؟؟؟؟ظ
صاحبنا : تقريبا الرجل غلط وادانى 1000 سيلك بدل من 50
التريدر : يالهووووووووووووى ده انت حتظبط بيهم
صاحبنا : اعمل بيهم ايه بقا

والى اللقاء فى الحلقه القادمه وحنشوف صاحبنا حيعمل ايه بالسيلك الى جابو ده كله >>>>>>
***********************************

اخر تحديث بتاريخ 18/11/2008

***********************************
ورجعنلكم تااانى مع الحلقه السادسه من يوميات فتى سيلك روود >>>>

انتهت حلقتنا الماضيه مع صاحبنا وهو معاه 1000 سيلك وحنشوف حيعمل بيهم ايه

صاحبنا: ياااه ده الواحد حيظبط بال 1000 سيلك دول بس انا مش عارف السيلك ده بيعمل ايه ؟
التريدر : ياأبنى السيلك ده بيعمل حاجات كتير قووى
صاحبنا: زى ايه يعنى ؟؟
التريدر : يعنى ممكن تجيب بريميوم
صاحبنا: ايه البريميوم ده ؟ ده اكل الحصنه ؟
التريدر : اكل الحصنه الله يخربيتكو مليتو البلد ياجدع ... ياأبنى البرميوم دى بتساعدك فى الليفله بسرعه
صاحبنا: اه قشطاط علشان انا عايز اليفل بسرعه
التريدر : اشتريها بقا
صاحبنا: اشتريها منين واشغلها ازاى ؟
التريدر : افتح f10 واشترى بقا وبعدين لما تجيبها اتك عليها click right وحتشتغل
صاحبنا : انا اشتريتها اهو وركبتها كمان هييه
التريدر : ركبتها ؟؟؟؟؟؟؟؟؟ انت اشتريت ايه يامتخلف ؟
صاحبنا : ياعم مش انت الى قولتلى ؟
التريدر : يخرب بيتك انت اشتريت نعامه ولا تايجر ولا حشره ولا ايه يخرب بيتك
صاحبنا : ايوه ياعم اشتريت النعامه دى علشان شكلها عجبنى عامله زى الى فى فيلم صاحب صحبه
التريدر : اشتريت كام وحده ؟؟
صاحبنا : 50
التريدر : يامتخـــــــــــــــــــــــــــــــــــــــــــــ ـــلف يافلاح وانا مالى اولع بجاز
صاحبنا : ياعم انت حتفضل تشتم فيا كتير كده خلاص انا اشتريت حاجه غلط قولى
التريدر : ياأبنى التانيه مش من هنا التانيه اسمها بريميوم
.... المهم صاحبنا اشتراها تمام وشغلها .....
التريدر : كده تمام انت كده حتدخل من اول مره وحتليفل بسرعه ميه ميه
صاحبنا : ادا قشطه جدا حدخل من اول مره ؟
التريدر : ايوه ياأبنى حتدخل من اول مره علشان انت معاك بريميوم
صاحبنا : قشطاط
التريدر : اشترى الطقم كمان
صاحبنا : اه ابو جنحات ده
التريدر : ايوه هو ده
صاحبنا : خلاص اشتريتو
صاحبنا : ادا ادا ياعم انت انا مش بطير ليه ؟ هو مش فيه جنحات مش بطير ليه ؟
التريدر : منتا طاير من على الارض شويه ياأبنى اهو
صاحبنا : لا ياعم بس مش بطير لفووق كتير ايه ده خمونى الصنيين ولاد التييت
التريدر : ياأبنى هو كده .... واشتريلك كمان هيلبر سكيل بوينت علشان تظبط سكيلاتك
... المهم صاحبنا اشترى كل حاجه وظبط كل حاجه وبدأ فى البور لفل معا الولا التريدر ...
... صاحبنا جاب لفل 32 بسرعه طبعا علشان البريميوم والسيلك بقا ومظبط ومسك الجليف السن ...
... الولا التريدر اده لصاحبنا طقم لفل 24 - 29 full Som +3 ...
... صاحبنا بقا جامد كيك طبعا وهو لفل 32 كده وماسك سن ولابس full som ...
صاحبنا : والله انت عملت احلى واجب معايا يامان وانت راجل زى العسل بجد
التريدر : على ايه ياعم احنا مصريين زى بعض عادى
صاحبنا خلص بور لفل مع صاحبنا لمده اسبوع بقا لفل 50 طبعا مش معاه سيلك
صاحبنا: الواحد بقا بوب خلاص بقيت لفل 50 واوعى وشك ياجدع
صاحبنا لسه ماسك الجليف السن ولابس اللبس بتاع لفل 29
التريدر : ياأبنى انت مش حتغير السلاح بتعاك وطقمك انت بقيت لفل 50 دلوقتى
صاحبنا : ياعم منا مش معايا فلووس اجيب حاجه
التريدر : منتا لما تبيع الحاجات الى معاك دى حيبقا معاك فلوووس
صاحبنا : يعنى حيجيبو كام يعنى
التريدر : يعنى الجليف ممكن يجيبلك 60-80 مليون
صاحبنا : قشطااااااااااااااااااااااااااااااااااااااااااااااا اااااااط
التريدر : والطقم الى معاك ده ممكن يجيبلك فى حدود 10 مليون
صاحبنا : ميه ميه
التريدر : يعنى حيبقا معاك بتاع 90 - 100 مليون تظبط بيهم نفسك قووى يعنى
صاحبنا : بس مين حيشرى ياعم الناس شحاتيين اساسا
التريدر : اكتب جلوبل وممكن حد يرد عليك ويشتريهم منك
صاحبنا : ايه جلوبل ده ؟؟
التريدر : ده بتاعه بتخلى كلامك يظهر للسرفر كلو
صاحبنا : ياراجل ؟ طيب ميه ميه اجيبها منين دى ؟؟
التريدر : من f10 بردو
... المهم صاحبنا اشترى جلوبل وسأل التريدر اكتب ايه وقالو ...
Wts sun Glavie lvl 32 +5 ...Wts Full set som d 4 +3 pm me
... المهم فى ناس ردت عليه واشترت منه الحاجات وبقا معاه 100 مليون بعد ماباع كل حاجه ...
صاحبنا : طيب انا حشترى ايه دلوقتى انا بقيت ملط خالص ولا طقم ولا سلاح
التريدر : ياأبنى انت مش معاك فلووس اشترى بيهم طقم
صاحبنا : طيب خد انت الفلوووس واشتريلى علشان انا مش عارف
التريدر : قالو ماشى
صاحبنا : اعمل exchange
التريدر : اهو
صاحبنا ادالو الفلووس وقالو : اشتريلى حاجات حلوه بقا علشان عايز ابقا جامد
التريدر : حشتريلك عسليه هههههههههههههههههههههههههه
التريدر : وضحكت عليك يامغفل مفيش فلوووس
صاحبنا : ايه؟؟؟؟؟؟؟؟؟؟؟؟؟؟؟؟؟ انت سرقتنى
التريدر : هههههههههههههه القانون لا يحمى المغفليين سلالالالالالالالالالالالالالالام

الى اللقاء فى الحلقه القادمه مع يوميات فتى سيلك روود >>>>>>
-------------------------------------------------------
اخر تحديث بتاريخ 22/11/2008
-------------------------------------------------------
ورجعنلكم تانى مع يوميات فتى سيلك روود >>>> والحلقه السابعه

انتهت حلقتنا الماضيه بقول التريدر >>> القانون لا يحمى المغفلين سلالام
---------------------------
صاحبنا : ياعم انت جيب الفلوووس او اشتريلى الحاجات وفكك من الهزار ده
التريدر : هزار ايه ياأبنى يلاسلام
صاحبنا : ادا هو انت بتتكلم بجد ؟
التريدر : ايوه طبعا والفلوووس دى بقا من حقى انا ليفلتلك من لفل 1 -- 50 ومبخدش منك جولد
صاحبنا : يالهوووووووووووووى لالا انت اكيد مش حرامى وبتهزر ؟
التريدر : يلا ياد امشى من هنا .... هات وشك ياض خد دى خد دى
صاحبنا : ربنا على المفترى وانا مش حسيبك على فكره
التريدر : ورينى حتعمل ايه ؟؟
صاحبنا : والله العظيم لحكتب فيك جلوبل بقا علشان انت حرامى وسكامر
التريدر : ههههههههه مفيش حد حيصدقك الناس كلها صحابى وعرفه سمعتى فى السيرفر كويس
صاحبنا كتب جلوبل ان التريدر اسكامر خد منى 100 مليون ومش عايز يرجعهملى تانى وكده
التريدر : ها فى حد عبرك ؟؟ علشان تعرف بس انك مغفل
صاحبنا : حسبى الله ونعم الوكيل ربنا على المفترى ياحراااااامى
التريدر : ياأبنى مش زنبى انك مغفل وانا زكى وعرفت اضحك عليك
صاحبنا مسكتش فضل يكتب فى جلوبلات على امل حد يعبره بعد 7 جلوبلات واحد رد عليه
الولا : فى ايه ياأبنى انت مين الى سرقك ؟
صاحبنا : خد ياعمو والنبى الحاقنى الولا التريدر سرقنى .... وراح عطيله اسمه
الولا كان لفل 90 ومشهور قوى فى السيرفر والناس كلها بتحبه ... راج كاتب جلوبل فى التريدر انه سكمر
صاحبنا : ربنا يخليك ياباشا والله انت جدع قوى
الولا : خلاص خلاص انت حتشحت انا حجيبلك الجولد لحد عندك
صاحبنا : قشطه عليك
التريدر اتبهدل طبعا اتكتب فيه جلوبلات بالهبل فقرر انه يرجع الجولد لصاحبنا
التريدر : الله يخرب بيتك خد ياعم فلوسك مش عايز منك حاجه الله يخرب بيتكو كلكو
صاحبنا : ايوه كده متجوش غير بالعين الحمره
التريدر عمل exchange وبيديلو الجولد بتاعته ال 100 مليون
صاحبنا قبل ال exchange
وتم ال exchange
صاحبنا بيفتح ال i لقه معاه 550 مليون
التريدر : يالهوووووووووووووووووووووووووووووووووووووووووووى ايه ده
صاحبنا : ههههههههههههههههههههههههههههههه قشطه قشطه
الى حصل ان التريدر ادا كل الجولد الى معاه لصاحبنا بالغلط
التريدر : ياأبنى انت هات الجولد بتاعى انا غلط وعتيتك الجولد بتاعى معاك
صاحبنا : هههههههههههههههههههه القانون لا يحمى المغفلين وسلام بقا انا مش فاضى
التريدر : انت بتقووول ايه هات الجولد ياعم
صاحبنا : يلا سلام block chat
التريدر : مش حسيبك حكتب فيك جلوبلات مش حسيبك وربنا
صاحبنا بالفعل عمله بلوك شات ومش بيرد عليه
التريدر : فضل يكتب جوبلات بالهبل مفيش حد رد عليه علشان الناس عرفت انه اسكامر فى الاول
صاحبنا بعد يومين كده كلم الولا التريدر
صاحبنا : ايه لسه بتعيط من يوميها ؟؟
التريدر : وحيات امك منا سيبك وحعرفك
صاحبنا : بس بس اسكت ياأبنى هش هش
التريدر : طيب اسألك سؤال انت عملت ليه كده ؟؟
صاحبنا : علشان اعرفك انت عملت فيه ايه وعموما ياعم انا مش عايز الجولد خدها تانى اهيه
وبالفعل صاحبنا عمل exchange مع التريدر وادالو الجولد
التريدر : شكراا جدا والله انت طلعت محترم وانا حليفلك لحد لفل 90
صاحبنا : قشطه تمام وانت كمان طلعت محترم
التريدر : يلا بقا علشان حليفلك
وبالفعل التريدر راح معه وبدأ يليفلو

الان صاحبنا : لفل 52

انتهت حلقتنا والى اللقاء فى الحلقه القادمه من يوميات فتى سيلك روود

انا عايز اقول حاجه بس ياجماعه القصه ( اليوميات ) هدفها الاول والاساسى تعليم اللعبه بشكل مبسط للمتبدأين ولذلك متزعلوش لو حلقه مفيهاش ضحك كتير ........... وشكرا والى اللقاء

************************
اخر تحديث بتاريخ 26/11/2008
************************
ورجعنلكم تانى مع يوميات فتى سيلك روود والحلقه الثامنه >>>>

انتهت حلقتنا السابعه وكانت الحلقه الاوله التى تنتهى بخير وامان لانه كما اتعودنا من صاحبنا بيعمل مصايب قبل نهايه كل حلقه ......
صاحبنا : ياسلالالالالام الواحد بقا لفل 52 ومظبط قوووى
التريدر: ايوه ياعم شايطه معاك مولعه انت بيرميوم وهيلبر سكيل بوينت ومظبط كل حاجه
صاحبنا : خمسه خمسه فى عينك ياجدع ايه الحسد ده
التريدر : ههههههههههههههههههههههه ياأبنى انا لفل 90 ححسدك على ايه ؟
صاحبنا : المهم بقا دلوقتى انا عايز اشترى طقم وسلاح 52 عليهم القيمه
التريدر : طيب اوك هات اشتريلك
صاحبنا : عطاله الجولد وكله تمام
التريدر اشترى لصاحبنا full sos d7 set و Glavie 52 sos +5 وظبطو يعنى
صاحبنا : الله ايه الحلاوه دى الواحد حيلبس طقم كله سوس
التريدر : اى خدمه وبأسعار وخيصه جدا
صاحبنا شاف الاعلان بتاع الايفنت راح قال : ايه ده ياعم ايه البتاع الاخضر الى جه فى نص الشاشه ده
التريدر : ده الايفنت انت لسه متعرفش يعنى ايه ايفنت ؟
صاحبنا : لا ياعم ولا حتى سمعت عنه فى طبق اليوم
التريدر : دى بيجى على القناه الخامسه فى برنامج مايطلبه المشاهدين ههههههههههه ياأبنى ده بتاع كده بتسجل وبتروحه فى وحوش وفيه ناس بتضربهم وفى ناس معاك ...
صاحبنا : لما حروحو حعرف حبه حبه انا
التريدر : طيب روح سجل يله بسرعه علشان ناقص 5 دقايق
صاحبنا دخل الايفينت
صاحبنا : السلام عليكم يارجاله عاملين ايه ؟ ايه الوحوش دى انا اول مره اشوفها
صاحبنا : ولا مش ده البطريق الى بيبقا فى القطب جنوبى والجليد ؟
العيال : هههههههههههههههههههه ده اهبل قووى ههههههههههه
صاحبنا دخل معاهم فى البارتى وبدأ يضرب فى الوحوش
العيال : الولا ده جامد قوى بيضرب الوحوش بكتير والوحوش بتضربه بأرقام هبله
صاحبنا : يله ياأبنى انت وهو اضربو معايا هو انا حضرب لوحدى ولا ايه ؟ وبعدين ايه الوحوش دى دمها كبير ليه كده مش بتموت ..
العيال : يله يله المفتاح وقع خد المفتاح خدو ياعم
صاحبنا : مفتاح ايه ياحيوانااات ؟
العيال : خلاص خلاص ده انت طلعت فلاح انا حخدو
صاحبنا : بتاع ايه المفتاح ده
العيال : ياأبنى ده الى الباب بتاعنا الى هناك ده بيتفتح بيه وبنروح ناخد العلم ونجيبو عندنا
صاحبنا : وبعد مانجيبه عندنه نعمل ايه ؟
العيال : نضرب فى العيال التانيه علشان هما حيحاولو يجو ويخدوه بس احنا نضربهم ومش نسمحلهم يخدوه
صاحبنا : قشطه انا كده فهمت
العيال : هيييه احنا الى خدنا الفلاج ( العلم ) قشطه خلو بالكو بقا يارجاله هما حييجو علينا دلوقتى
صاحبنا : سيبونى انا عليهم ياأبنى انا حبهدلهم
العيال : يالعبك يالعبك ايه الحلاوه دى قتلت 3 لوحدك
صاحبنا : ايه رئيك ياحيوان انت وهو اتعلموها بقا الله يقرفكو مليتو البلد
العيال : ههههههههههههه بقا انت يافلاح حتتنطط علينا ده احنا الى لسه معلمينك الايفنت بيتلعب ازاى
صاحبنا : انتو حتفضلو ترغو كتير انا بموووووووت تعالو سعدونى
العيال : ههههههههههه طيب طيب جايين
صاحبنا : قشطه انا قتلت 2 كمان
العيال : انت معاك كام كاس لحد دلوقتى ؟
صاحبنا : كاس ؟ كاس ايه ؟ ياعم انا مصرى ومصر مأخدتش ولا كاس عالم !!!!
العيال : اه يافلاح ده انت جاى من تحت الجموسه عدل على الايفنت
صاحبنا : انجزو كاس ايه ؟؟
العيال : بص ياأبنى كل لما بتقتل بنى ادم قدامك بتاخد كاس لونه اصفر فى الشنطه بتعتك افتح وشوف معاك كام واحد
صاحبنا : اه اه معايا 5
العيال : قشطه
صاحبنا : دول شويه عيال هوبل قوى ياعم مفيش حد عارف يموتنى
المهم صاحبنا رجع من الايفنت وكان معاه 20 كاس بدلهم وطلعله شويه سكرولات وكده
المهم وهو فى المدينه بيفتح الاستال نت ورك هو مش فاهم اى حاجه فيهااتك على الاختيار بتاع الجولد درجون فلاج وكده بيفتح لقا حاجه ب 1 جولد رح شريها علطول بدون تردد
بيسأل الولا التريدر عليها بيقوله ايه دى اشتريت بتاعه ب 1 جولد لونها احمر كده
الولا التريدر قالو ريهالى
المهم شافها التريدر وقاله : ياأبن المحظوظــــــــــــــــــــــــــــــــــــــــــه دى G D F دى دلوقتى تعملها 30 مليون وطالع وانت تشتيريها ب 1 جولد يأابن المحظوظه
صاحبنا : انا مش فاهم حاجه بتعمل ايه يعنى دى ؟
التريدر : ياأبنى دى شكلها جاااااااااامد جدا وبعدين بتزودلك 2 Str و 2 Int
صاحبنا : قشطه اما البسها بقا .... ويلا بينا نليفل
المهم صاحبنا دلوقتى بقا معاه full sos set and weapon d7 and GDF and 70 M
وهو لفل 55

بس كده انهارده والى اللقاء مع حلقه جديده من يوميات فتى سيلك روود تااااااااابعونا >>>>
*******************************
اخر تحديث بتاريخ 7/12/2008
*******************************
ورجعنلكم تانى مع يوميات فتى سيلك روود والحلقه التاسعه >>>>>>

انتهت حلقتنا الماضيه بمعلومات عن شخصيه صاحبنا وهى انه بقا لفل 55 ومعاه d7 set sos و weapon sos d7 بردو ومعاه GDF وكمان معاه 70 m

صاحبنا : ياسلام ياجدعان الواحد بيفتكر نفسه وهو لفل 1 كان الوحد دهول ومش فاهم حاجه
صاحبنا : بس دلوقتى بقيت الحمد لله ميه ميه
صاحبنا : لما اكلم التريدر واعيد عليه
صاحبنا : ايه ياعم عامل ايه
التريدر : تمام الحمد لله كويس وانت ؟
صاحبنا : تمام الحمد لله كل سنه وانت طيب ..... العيد فرحه ماااااااااااء
التريدر : وانت بالصحه والسلامه ... ماااااااااااء
صاحبنا : احنا قلبنا خرفان كده ليه
صاحبنا : بس ياعم احسن بتاع الاسلحه يجى ويدبحنا
التريدر : هههههههههههههههههه اه عندك حق
صاحبنا : بقولك انا عندى مهمه كده مش عارف بتاعت ايه ؟
التريدر : اسمها ايه
صاحبنا : Yati's Skin
التريدر : اه دى عند وحش اسمو ال yati
صاحبنا : ده فين ده ياعم ؟
التريدر : ده بعد karakorm بشويه كده
صاحبنا : اوك انا حروح اعملها
التريدر : اوك
صاحبنا راح عن ال Yati
صاحبنا : ياه ايه الفيل الى هناك ده مصيبه الا يكون الوحش الى فيه المهمه
صاحبنا : يالهوووى ده هو ال Yati يالهوووى وايه البلطه الى مسكها دى
صاحبنا : ده انا حتبدهل
Yati : فى واحد شكلو دهول جاى ياYatiiiis تعالو نضربوه كلنا
صاحبنا : لما اجيب واحد لوحده بدل مااطحن
Yati : هجووووووووووم عليه
صاحبنا : ينهار الوان ايه كل ده ..... لما انفد بلجلدى .... اجررررررررررررررى
Yati : اه ياجبان بيجرى الوغد
صاحبنا : لما ادخل عليه واجرب اضربو كده
صاحبنا : بووووووووم تخ تيخ توخ
صاحبنا : ميه ميه قتلتو ...... تصدق سلخت قبل ماادبح هههههههههههههه
صاحبنا : هو ده مفيش حد بيقف ادامى انا بوب اللعبه دى
نزل جاينت فى وشه ...
صاحبنا : مش بوب اللعبه قوى يعنى
صاحبنا : ينهار مش فايت ده نزل فوق راسى اكن ال GM سمعنى
صاحبنا ضرب ال zerk ودخل عليه ها ها ها موته خلاص
صاحبنا : قشطاط ده انا بموت ال Giant انا بوب بوب
صاحبنا فضل ي attack هناك كتير وبعد كده
Isyutaru has appeard in Karakorm
صاحبنا :اموت واعرف ايه البتاع الى بيتكتب فى نص الشاشه كل شويه حاجه شكل
صاحبنا : وهو بى attack شاف حاجه لونها ابيض هناك
صاحبنا : لما اروح ياعم اشوف ايه الابيض الى هناك ده
صاحبنا : ايه ده البتاع الى اسمو كان مكتوب من شويه اهو الى اسمو Isyutaru اهو
صاحبنا : لما ادخل عليه واضربو ده اسمو كان مكتوب على الشاشه ممكن ينزلى سوس
صاحبنا : دخل ضرب فيها وماااات
صاحبنا : يالهوى دى جامده قوى لما اكلم الولا التريدر واقوله
صاحبنا : بص انا شوف البتاع الى اسمو كان مكتوب على الشاشه من شويه الى اسمو Isyutaru عندى هنا وموتنى تعاله موته ممكن ينزلك منه جوولد كتير او سوس
التريدر : ينهاااااااااار مش فاايت يابنى السيرفر كلو بيدور على ال isy بقالو ربع ساعه وهيه عندك
صاحبنا : السيرفر كلو ؟؟؟؟؟؟؟؟
صاحبنا : ليه يعنى ده وحش لفل 60
التريدر : مش لسه حفهمك دلوقتى انت فين بالظبط
المهم صاحبنا وصف المكان لتريرد وجاله التريدر
المهم التريدر قتل ال isy
التريدر : قشطاااااااااااااااط انا الى قتلتها
صاحبنا : ايه ده اسمك اتكتب فى نص الشاشه عندى
التريدر : ايوه يابنى مش قتلت Unique لازم اسمى يتكتب
صاحبنا : يعنى ايه Unique ؟؟
التريدر : ده وحش نادر بينزل كل يوم بتاع 5 او 6 مرات بس مش موجود ديما يعنى
صاحبنا : وليه الناس كلها بتحاول تموتو ؟
التريدر : علشان اسمك بيتكب فى السيرفر كلو والناس كلها بتعرف انك موت الوحش ده
صاحبنا : ياه يعنى انا لو كنت موتو كان زمان اسمى اتكتب
صاحبنا : يارتنى كنت موتو
التريدر : يابنى انت فكرها سهله انت مش شوفت كام Gaint نزل وكام وحش عادى
التريدر : يعنى متعرفش تستحمل وتموته لازم على الاقل تكون لفل 68 علشان تعرف تستحمل
صاحبنا : اه ودى بتنزل حاجات حلوه يعنى لما بتقتلها ؟
التريدر : احيانا
صاحبنا : قشطه طيب وهو مفيش غير بتاع لفل 60 ده مفيش حاجه اقل من كده ؟
التريدر : لا طبعا فيه عندك ال Tiger Girl لفل 20 وعندك ال Cerberus لفل 24 وعندك ال Captain Ivy لفل 30 وعندك ال Uruish لفل 40 كل دول تحت ال 60 اهو وممكن تروح وتسناهم
صاحبنا : قشطه جدا ولما اقتلهم اسمى يتكتب فى السيرفر كلو ؟
التريدر : اكيد طبعا
صاحبنا : قشطه طيب اعمل ايه واروح فين لو عايز استنه Unique ?
التريدر : الاول جمع ال zerk وبعد كده لو حتروح عند اى Unique حقولك على الاماكن الى بينزل فيها
صاحبنا : اماكن ؟ هو مش بينزل فى مكان واحد ؟
التريدر : لا طبعا كل Unique ليه حوالى بتاع 6 او 7 اماكن بينزل فيهم
صاحبنا : طيب اعمل ايه استناه فين من ال 7 اماكن دى
التريدر : انت وحظك بقا لو المكان الى انت واقف فيه ونزل هناك يبقا ميه ميه وممكن متنزلش هناك
صاحبنا : طيب انا حروح لوحش لفل 20 ده
التريدر : اوك حقولك على مكان تستناها فيه
صاحبنا : اوك
المهم صاحبنا راح لل Tiger Girl واستناها
وبعد 10 دقايق
Tiger Girl has appeared in Tiger mountin
صاحبنا : قشطه جدا بس منزلتش عندى لما اركب حصان واجرى على الحته التانيه
وهو بيركب الحصان لقاها فى وشو
صاحبنا : قشـــــــــــــــــــــــــــــــــــــــــطه جدا ال Tiger Girl اهيه
صاحبنا نزل ضرب ال Zerk وفضل يضرب فيها
وبعد 2 دقيقه
صاحبنا هو الى موت ال Tiger Girl
التريدر : الف مبرووووووووووووووووووووووووووووووووووك ياعم
صاحبنا : الله اسمى اتكتب على الشاشه والسيرفر كلو عرف
التريدر : اه نيس نيس
صاحبنا : متشكر ياصحبى قووى

بس كده انهارده والى اللقاء فى الحلقه العاشره >>>>>>

****************************
اخر تحديث بتاريخ 15/12/2008
****************************
ورجعنلكم تانى من حلقه جديده من يوميات فتى سيلك روود والحلقه العاشره >>>>

انتهت حلقتنا الماضيه بعد ماموت صاحبنا ال Tiger girl

صاحبنا : انا مش مصدق نفسى مش مصدق نفسى انا الى موت ال Tiger Girl
صاحبنا راح عند يلعب pvp فى down hang
شاف ناس كتير بتلعب pvp وهو دلوقتى فهم يعنى ايه pvp ولعبها قبل كده
واحد Warrior : كابتن كابتن تلعب pvp
صاحبنا : انت لفل كام يابنى
ال Warrior : انا لفل 54 وانت ؟
صاحبنا : انا لفل 55 فول سوس وماسك سلاح سوس زى مانت شايف
صاحبنا : لو مستغنى عن نفسك قولى موافق العبك pvp
ال Warrior : ليه ياعم حلاعب ماجينزر عادى ايزى ميزى فيها ايه يعنى فول سوس
صاحبنا : قشطه عليكيلا نلعب
ال Warriro : اوك
صاحبنا لبس الكاب ودخل تخ تيخ توخ
ال Warrior بيلعب كليرك كمان راح رافع الشيلد
صاحبنا : ايه ده انا بضربك ب 100 و ب 200 ايه ده ازاى ؟؟؟
ال Warrior : علشان الشيلد يازكى
صاحبنا : طيب
ال Warrior : موت صاحبنا
صاحبنا : والله حوريك انت الى انقذك منى البتاعه الى انت عملتها دى
ال Warriro : هههههههه ماشى اهيه خلصت اهيه ورينى نفسك
صاحبنا : ماشى حتشوف
ال Warrior : ورينى
صاحبنا دخل بقلب جامد بقا عليه وبيضرب تخ تيخ توخ
ال Warriro راح رافع المانه
صاحبنا : ايه ده بقااااااااااا انا بضربك ب 200 و 300 ايه ده تانى
ال Warriro : دى مانا بتقلل الضربه عليه زى الشيلد كده
صاحبنا زهق وراح ماشى ....
صاحبنا بيفتح ال E لقه Free Taxii in Cave mob lvl 64/62 lvl 90 wizzard
صاحبنا : فرى تاكسى قشطه ووحوش لفل 64 يعنى ميه ميه لما ادخل
صاحبنا دخل البارتى يبص فى الخريطه مش لاقى العيال
صاحبنا : وبعدين بقا فى الشغل المنيل ب 60 نيله ده فين العيال ياجدعان مش موجودين
صاحبنا لسه بيكلم الولا التريدر علشان يسألو لقاه قفل
صاحبنا : وادى كمان التريدر قفل اسأل مين انا بقا
صاحبنا : بيسأل العيال الى فى البارتى انتو فين
العيال : فى ال Cave ياعم
صاحبنا : وفين ال Cave ده
العيال : فى DW
صاحبنا : طيب
صاحبنا راح DW يمشى حولين DW علشان يلقى ال Cave مش لقيه
صاحبنا : وقف واحد بيسألو لو سمحت يااخ اى نعم انت شكلك حمار ولفل صغير بس ممكن تكون عارف فين ال Cave ده ممكن توصفهولى
الولا : ( انا حمار ولفل صغير وحياه امك لا حوريك ) ايوه انا عارف فين ال Cave ده
الولا : ( حوصفهولو غلط علشان يحرم يشتم تانى ) بص شايف فى كلمه اسمها Traim Besin تحت كده
صاحبنا : ايوه شايفها
الولا : فيه قلعه كده جنبها ال Cave بقا جو القلعه دى
صاحبنا : متشكر قوى ياصاحبى
الولا : العفو ( ههههههههه اشرب بقا حيدب مشوار ابن لذينه ههههههههه )
صاحبنا فضل ماشى ويقول استغفر الله كل ده مشوار
صاحبنا وصل هناك يدور على ال Cave مش لقيه
صاحبنا وقف واحد تانى وسألو لو سمحت ياكابتن انا فى واحد قالى ان ال Cave هنا هو فين هنا بالظبط
الولا : ال Cave انت ايه الى جابك هنا يابنى ده بعيد عن هنا خالص
صاحبنا وهو بيكلم الولا .... جاينت نزل جنبيهم وراح ضارب الولا كريتكل وموت الولا
الولا : الله يحرققك ياجدع انا كان مالى بام الشوره السوده دى
الولا : عجبك كده ادينى موت اهو ( والله لنا متوهك بقا ها )
صاحبنا : معلش انا اسف بس اوصفلى ال Cave ده فين بس
الولا : شايف انت ال Ferry الى عن ال Chakiji ؟؟؟
صاحبنا : اه بس دى بعيده قوى
الولا : اه بس ده طريق مختصر لل Cave
صاحبنا : اوك اروح هناك واسأل يعنى فين ال Cave ??
الولا : لالا متسألش حد انت تعدى ال Ferry دى 20 مره رايح جاى رايح جاى وفى المره ال 20 حتلاقى نفسك جوه ال Cave
صاحبنا : ياراجل بس 20 مره كتير قوووى بس يلا معلش انا كده كده رايح plvl فررى
الولا : روح هناك وعدى 20 مره رايح جاى 20 مره متنساش ها !!
صاحبنا : اوك ياعم مش حنسى ..... وشكراا
صاحبنا راح هناك وفضل يعدى ها ها وفى المره ال 15 كده جالو Dc هههههههههههههههه
صاحبنا : الله يحرق الى عايز يروح ال Cave على الى فيه انا كان مالى بس
صاحبنا دخل تانى وراح دخل فى البارتى تانى
صاحبنا لقه الواد التريدر فتح راح سألو
التريدر قالو وشرحلو يروح ازاى
المهم صاحبنا اخيرا وصل لل Cave
صاحبنا : ايه المتاهه دى ؟ ادخل يمين ولا شمال !!!!
صاحبنا دخل يمين كده وعلى بركه الله
صاحبنا وصل للعيال والحمد لله
صاحبنا فضل فى ال plvl لحد ماجاب لفل 57 وكمل الطقم كلو

بس كده انهارده والى اللقاء فى الحلقه القادمه >>>>>>>