| بـعـيـدآ عـن سـيـلـك رود [ هذا القسم مخصص لمختلف المواضيع البعيدة كليا عن مجال الألعاب ] |
|
|
أدوات الموضوع | انواع عرض الموضوع |
04-05-2010, 09:46 PM
|
#1 | ||||||||||
  
|
الشباب اليومين دول زي طبعا مش بيفضل في جيبهم مليم احمر كله بيتصرف على البنات كمان مش بيفضل في رصيدهم قرش واحد حتي يدي بيه ميسد كول فزميلنا ده قرر انه يطلب من مامته فلوس علشان يشحن ولكن للاسف باباه حالف علي مامته بالطلاق لو ادتله فلوس او حتي حولتله رصيد فقرر انه يتصل بتيته علشان يطلب منها فلوس !!!وياريته ما كان اتصل وكان الحوار كالتالي: هو : إزيك يا ستى هى : بنتى .. إيه بنتى دى يا قليل الأدب هو : يا ستى بقولك إززززززززززيك يا ستتتتتتتتتتتتى هى : أنت بتزعق ليه يا واد أنت أنا فاكراك بتقول بنتى هو : بتفتكرى إيه !! هو أنتى يا ستي حتى بتفتكرى إسمك هى : جسمك .. ماله جسمى يا قليل الأدب هو : يا ستى إرحمينا شويه بقي وشيلى القطن اللى فى ودانك هى : قدامك !؟ هو إيه اللى قدامى يا واد أنت هو : يووووووووووووه يادى النيله هى : البليله .. أه البليله حلوه والله.. دا حتى أنا نفسي في طبق بليله باللبن كده يا واد وعليها شوية مكسرات وكده يعنى هو : يا حول الله يا رب هو حد جاب سيرة البليله يا ناس هى : القلقاس !؟ أه بأحب القلقاس أهو كله نعمة ربنا هو : يا ستى ابوس ايديكي أرحميني أنا لا جيبت سيرة قلقاس ولا أناناس هى : لأ لأ لأ عيب يا بنى ..عيب لما تجيب فى سيرة الناس هو : يا ستى هو أنا جبت في سيرة حد هى : أه يوم الحد كان إمبارح بس والنبى يا بنى ما أنا فاكره النهارده إيه!!؟ يكونش النهاردة الجمعه يا واد هو : لا يا ستى النهارده الخميس هى : البوليس!! وعايز منك أيه البوليس إنت عملت إيه يا منيل على عينك؟ هو : يييييه بقولك إيه يا ستى نفضى ودانك وطرطقيهم كده وإسمعينى هى : رضعينى !! أرضعك إيه ياواد أما إنك قليل الأدب صحيح هو : يا ستى أنا إتفطمت من زمان الحمد لله بس عايز منك قرشين كده سلف هى : علف !! إنت بتربى بهايم يا واد ؟؟ هو : يا ستى بقولك سلف !! سلفينى خمسين جنيه عايز أشحن التليفون هى : كومبيليزون !! كومبيليزون إيه يا للى مش متربى هو : يا ستى حرام عليكى الرحمة حلوة برضه أبوس ايد ك عايز خمسين جنيه سلف علشان أشحن هى : أشتم !! وكمان عايز تشتم يا سافل هو : بقى كده يا ستى طب ماشى خدي عندك بقى !! بقولك إيه يا ستى هى : وظيفتى .. وظيفة إيه يا بنى أنا طالعه علي المعاش من زمان هو : رمان إنتى عايزه يا ستى تاكلى رمان هى : أه نفسي في السمان .. هو فيه سمان دلوقتى يا بنى من بعد أنفلونزا الطيور هو : أه العبور !! أه ده كان سنة تلاته وسبعين هى : سامعين ؟؟ سامعين إيه خير الله إما إجعله خير هو فيه حاجه هو : بتقولي ايه يا ستى ..عايزة قهوة سادة هى : عياده ..عايز تودينى العيادة ليه يا بنى هو أنا عيانه هو : سقعانه .. سقعانه ليه بس يا ستى دا حتى الجو النهاردة حر هى : كفالله الشر !! شر إيه يا بنى اللى بتقول عليه ده هو : بقولك إحنا على البرررررررر هى : أه يابنى منا عارفه الخروف ليه فرو .. وبيبقي كمان تخين هو : أه إبنك حسين !!..ماله إبنك حسين هى : العجل سمين !! أه هانجيب إن شاء الله في العيد عجل ندبحه ولازم يكون سمين هو : إيه يا ستي بتقولي ايه .. أسفين .. طب أسفين ليه !! هى : عايز خمسين جنيه !! طب مش تقول كده من الأول هو أنت مكسوف منى يا واد ههههههههه هو : ياااااااااااااااااااااااه أخيرآ يا ستى الحمد لله .. هاتى بقى هى : أجيب إيه ؟ هو : هاتى الخمسين جنيه !! هى : تحسين بيه .. تحسين بيه مين يا واد هو : يالهووووووووووووووووووووووووى لو انت كنت مكانو كنت عملت اية؟ يارب الموضوع يعجبكو |
||||||||||
|
التعديل الأخير تم بواسطة kimokyo ; 04-05-2010 الساعة 11:15 PM
|
| إعلانات google |
|
|
| يتصفح الموضوع حالياً : 1 (0 عضو و 1 زائر) | |
| أدوات الموضوع | |
| انواع عرض الموضوع | |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| احلى صور ممكن تضحكك فى يوم للعيبة الكورة(تجميعى الخاص) | نور الايمان | بـعـيـدآ عـن سـيـلـك رود | 19 | 01-10-2009 07:36 PM |
العرض الشجري