من علامات يوم القيامة .. داخل سيرفر Alps

[كورابيكا]

ابدأ كلامي بذكر الله عز و جل لأن الموضوع خاص بالذات الإلهية


مش هطول في الموضوع علشان الكل يقراه

زمان و لحد الآن... بنشوف ناس بتغلط في ديننا و بتسب إلهنا عز وجل
ولكن الناس دي بتكون ملهاش دين ولا ملة
و ميعرفوش هما أصلاً بيتكلموا عن ايه من الأساس

دايما بنقول على الناس دي كفرة و بنعاملها اسوأ معاملة في السيرفر
دا غير اننا بنلتمس ليهم عزر انهم بيتكلموا عن حاجة هما ميعرفوش عنها اي شئ
الناس دي لما بتشوفنا بندافع عن ديننا بكامل الوسائل المتوفرة
بيحسوا قد ايه احنا بنخاف على ديننا و بنحاول نحميه و بندافع عنه حتى و لو بالكلام
او بالفعل داخل مجرد لعبة

لكن امبارح اتصدمت و مازلت مصدوم
و لحد دلوقت مش متخيل الي شوفته

شخص مسلم يسب الله عز وجل؟
بل أشخاص مش شخص واحد

و الغريبة اني لما هاجمتهم دخل بعض أصدقاهم مسلمين أيضاً و هاجموني ! !
لأني بدافع عن ديني الي هو دينهم!!

لأ و في وسط الكلام واحد منهم بيحلف بالله
طيب منين انت بتحلف بالله و منين بتغلط فيه؟


انا حاسس اني كنت بحلم امبارح والكلام دا محصلش ولكن انا ساعتها صورت الكلام الي حصل وبعته لـ جوي ماكس
و دا الدليل على اني كنت في كامل وعيي و مكنتش بحلم ولا حاجة


ناس مصرية دخلت شتمتهم و شتمت سوريا لأن الناس دي من سوريا

اتفاجئ بناس تانية من سوريا سابت ان ربها بيتشتم !
و دخلت تشوف مين بيشتم بلدها !

يعني انت قبلت على نفسك ان ربك يتشتم و مقبلتش تسمع كلمة وحشة على بلدك؟؟

غريبة اوي

لو الصداقة تخليك تعمل كدا يبقا يلعن دي صداقة مع ناس كفرة بالشكل دا

على كلٍ انا هكتفي بأني أكتب اسماء الناس دي
و مش هحط صور لأني كوني بنشر صور زي دي انا شايف انه حرام

Alternative
SaTaNs_SouL
Devils_SouL



أما الناس الي ساعدتهم بشكل أو بآخر
و الناس الي نست ان ربها اتشتم وراحت تشتم مصر علشان سوريا اتشتمت

فـ دول اقولهم ربنا يهديكم ليس اكثر


الغريبة ان الناس دي في جيلد DC
والأغرب اني شايف مسلمين كتير في الجيلد

My immortal دخل و قال انه طلع من DC و انه بيحاول يوقفهم و مش قادر يوقفهم
على كلٍ my im عمل الي عليه

جاه الدور نعمل الي علينا احنا كمان

تحياتي




الله اكبر ولله الحمد

أخيراً الدعم الفني اهتم بالموضوع

GM عربي دخل السيرفر و قال انه داخل بخصوص الكلام الي وصله على الناس الي شتمت الذات الإلهية