دردشة اعضاء سيرفر Dionysus

[Femtoman]

كنتم مع سمعة

المشاركة الأصلية كتبت بواسطة hermione عفوا ,,, لايمكنك مشاهده الروابط لانك غير مسجل لدينا [ للتسجيل اضغط هنا ]

الفصل الاول

قسم سيرفر نيبتون

المشهد الاول : فى مكتب hermione

تيك تيك تيك

hermione : ادخل

العسكرى : تمام يا فندم .. العيال بتوع الحزب المعارض بره واقفين على الباب بره

hemrione : دخلهم يا عسكرى ام نشوف ايه البلاوى اللى على الصبح دى

العسكرى : ادخل يا له انت و هو

hermione : يا اهلا يا اهلا

بيشو : يا اهلا بيك يا باشا :d

ميدو : منور القسم يا باشا :d

hermione : ما ناقص يا له انت وهو تيجوا تخدونى بالحضن .. اتعدل يا روح ****

hermione : افتحلى يا ابنى محضر نشوف آخر العيال دى ايه

الكاتب : ( هيقرفنا بقى على الصبح ) حاضر يا باشا

hermione : س : اسمك ؟

بيشو : انا يا باشا !!

hermione : اه

بيشو : اسمى بيشو يا باشا

hermione : عنوانك ؟

بيشو : انا يا باشا !!

hermione : اه

بيشو : اسيوط يا باشا

hermione : عندك كام سنة ؟

بيشو : انا يا باشا !!

hermione : لأ انا

بيشو : انت بتاع 23 - 26 سنة

hermione : هنستظرف يا روح **** ... عسكرى

العسكرى : تمام يا فندم

طاااااااااااخ ( ولسع بيشو على قفاه )

بيشو : 19 19 يا باشا 19 سنة :o

hermione : وانت يا له اسمك ايه ؟

ميدو : انا يا باشا !!

hermione : عسكرى

العسكرى : " لسه العسكرى هيقول تمام يا فندم .. نطق سى ميدو "

ميدو : لا يا باشا لأ :eek: اسمى ميدو ساكن فى السعودية وعندى 19 سنة

hermione : هو انا قولتلك ساكن فين .. عسكرى

العسكرى : تمام يا فندم

طاااااااااااخ

ميدو : Errrrrr

hermione : مين فيكم رئيس الحزب ؟

(بيشو وميدو فى نفس الوقت )

بيشو : هو يا باشا

ميدو : هو يا باشا


hermione : يا عسكرى

طاااااااااااخ

(بيشو وميدو فى نفس الوقت )

بيشو : انا يا باشا

ميدو : انا يا باشا

hermione : الله دا واضح انكم بتهزروا :eek:

بيشو : لا لا لا ياباشا هو الواد ميدو اللى كان بينظم الحزب وهو اللى قالنا نعمل انقلاب على قسم نيبتون وهو يا باشا اللى كان بيخلى الاعضاء تقتل فى بعضها وهو اللى كان بيعمل مشاركات مخالفة وهو ...

ميدو : ما ناقص تقوله هو اللى كان بيحمينى وبيحضرلى الرضعة

ميدو : يا باشا الكلام دا كله كدب .. والله ياباشا برئ هو بيشو اللى كان بيعمل دا كله انا والله معرفش حاجة عن الكلام دا ...

بيشو : قالوا للحرامى احلف .. تنكر انك انضميت للحزب ؟ :

ميدو : لأ منكرش بس دا كان بالإكراه

بيشو : هل قمت بأى عمل اجرامى خلال فترة اشتراكك فى الحزب ؟

hermione : ما تيجى تقعد مكانى يا بيشو .. تعاله وامشى انا عادى

بيشو : لا يا باشا ازاى العين متعلاش عن الحاجب

hermione : يبقى تتخرس خالص وانا بس اللى اسأل

الكاتب : ( ارحمنى يا رب :o)

hermione : ميدو .. مين اللى بيمول الحزب بتاعكم ؟

بيشو : احنا ماشيين بالجهود الذاتية

hermione : انا بقول ميدو

بيشو : اضرب يا عسكرى

ميدو : مفيش حد بيمولنا يا باشا احنا بنمول نفسنا بنفسنا

hermione : عملت الحزب دا امتى يا بيشو ؟

بيشو : لما كنت فى اعدادى يا باشا :)

hermione : لا يا راجل.. وكنتوا بتعملوا ايه بقى ؟

بيشو : كنا بنخطف بنات من ثانوى

hermione : بنـــات :eek:.. وكنت بتعملوا معاهم ايه يا بيشو ؟

بيشو : كنا بنرجعهم اعدادى تانى يا باشا :d

hermione : لا دا انت بتهزر بقى

ميدو : والله يا باشا ما انت تاعب العسكرى معانا انا هقوم بالواجب

طاااااااااااااااااااخ

تليفون المكتب بيرن ... ترررررن ترررررن

hermione : الووو

التليفون : ابعتلى العيال اللى واقفة قدامك دلوقتى على المكتب فوراً .... دوول وراهم سر كبير

hermione : تحت امرك يا femtoman باشا ثوانى والعيال هتكون عندك

hermione : اكتب يا ابنى : امرنا نحن السيد مشرف اول hermione رئيس قسم نيبتون بتحويل كل من بيشو و ميدو على مكتب femtoman للإستكمال باقى التحقيق

hermione : يا عسكرى

العسكرى : افندم يا باشا

hermione : خد العيال دى وخد الكاتب معاك وروحوا كملوا المحضر فى مكتب femtoman بيه ... وبقولك ايه لو حد سأل عليا انا فى الاستراحة

العسكرى : تحت امرك يا باشا

hermione : هووووووووف




انتهى المشهد الاول



تابعو المشهد التانى : فى مكتب femtoman

يتبع